103_Press_Official

AZIZ YURTDOSHLAR!

Barcha yurtimiz musulmonlarini, butun xalqimizni ulugʻ ayyom muborak Qurbon hayiti bilan chin qalbimdan samimiy tabriklayman.

Bu muqaddas bayram mohiyatida mujassam boʻlgan tinchlik, doʻstlik va hamkorlik, insonparvarlik gʻoyalari bugungi kunda Yangi Oʻzbekistonda amalga oshirayotgan islohotlarimiz, ulkan maqsad va vazifalarimizga uygʻun va hamohang ekanini his etib, koʻngillarimiz yanada shukuhga toʻlmoqda.

Ushbu muborak ayyomda davlatimiz rahnamoligida yurtimiz ravnaqi, diyorimizning osoyishtaligi, xalq farovonligi yoʻlida olib borilayotgan barcha xayrli ishlarda Yaratganning oʻzi madadkor boʻlishini soʻrab qolamiz.

Qurbon hayiti bilan yana bir bor muborakbod etib, bayramni oila, doʻstlar va yaqinlar bilan birga fayzli va mazmunli oʻtkazishingizni tilayman.

Hurmat bilan,
Abduvoitjon Xuseynovich Gafurov
Respublika tez tibbiy yordam markazi direktori

#Qurbon_hayiti #tabrik #tez_tibbiy_yordam

✅ Telegram💬 Facebook 📹 Youtube 🌐Instagram

Respublika tez tibbiy yordam markazi Surxondaryo viloyati filiali Muzrabot tuman TTYo stansiyasi xodimlariga aholiga tez tibbiy yordam koʻrsatish sifati va samaradorligini oshirish maqsadida Tayancha-harakatlanish sistemasi jarohatlarida birinchi tibbiy yordam koʻrsatish mavzusida ochiq dars mashgʻulotlari boʻlib oʻtdi.

Mashgʻulotda amaliy koʻnikmalarga oʻrgatish jarayoni batafsil rejalashtirilgan. Mashgʻulotning maqsadi va vazifalaridan kelib chiqqan holda oʻrganilayotgan amaliy koʻnikmani oʻrganish motivatsion asosi aniqlanib, uning nazariy jihatlari muhokama qilindi.

Amaliy koʻnikmalarni amalga oshirish uchun kerakli asbob anjomlar, reaktivlar, kimyoviy moddalar, ularni ishlatish qoidalari bilan tanishtirilib, barcha asbob-anjomlar mavjud va ishchi holatda oʻtkazildi.

#Surxondaryo #tez_tibbiy_yordam

✅ Telegram💬 Facebook 📹 Youtube 🌐Instagram

Samarqandda jizzaxlik xodimlari uchun oʻquv seminar tashkil etildi

Respublika tez tibbiy yordam markazining Jizzax va Samarqand viloyati filiallari oʻrtasida fikr almashildi.

Respublika tez tibbiy yordam markazi Jizzax viloyati filialidan bir guruh xodimlari Samarqand viloyatiga tashrif buyurishdi.

Tashrif davomida Oʻzbekiston Respublikasi Prezidentining 2022-yil 16-iyundagi “Aholiga tez tibbiy yordam koʻrsatish tizimini takomillashtirish toʻgʻrisida” PQ-283-son qarorining ijrosi boʻyicha Samarqand viloyatidagi olib borilayotgan ishlari bilan tanishtirildi.

Shuningdek, Samarqand viloyati filialida Respublika tez tibbiy yordam markazi Koreya Respublikasining sogʻliqni saqlash va aholini ijtimoiy muhofaza qilish vazirligi huzuridagi jamgʻarmasi (KOFIH) bilan “Shifoxonagacha shoshilinch tibbiy yordam xizmati salohiyatini oshirish” loyihasi doirasida tashkil etilgan simulyatsiya markazida yaratilgan shart-sharoitlar bilan yaqindan tanishishdi.

#tashrif #Samarqand #Jizzax #tez_tibbiy_yordam

✅ Telegram💬 Facebook 📹 Youtube 🌐Instagram

❗️Ijtimoiy tarmoqlarda e'lon qilingan “Amaldorlarning vijdonini rentgen qilish vaqti keldi” nomli maqolaga rasmiy munosabat

Ma'lumki, joriy yil aprel oyidan boshlab mamlakatimizning barcha byudjet tashkilotlarida buxgalteriya hisobini yuritish boʻyicha UzASBO-2 axborot tizimiga oʻtildi. Mazkur dastur yangi bo‘lganligi va unga baʼzi qoʻshimcha toʻlovlar kiritilmagani sababli tizim faoliyatida ayrim kamchiliklar kuzatildi.

Shuningdek, ayni paytda viloyat tez tibbiy yordam xizmatida shtat normativga koʻra, hisobchi mutaxassislar yetishmayotganligi sababli tizimda faoliyat yuritayotgan hisobchilarning ish yuklamasi nisbatan ortgan. Natijada xodimlarning oylik maoshlarini hisoblashda ba'zi muammolar kelib chiqqan.

Hozirda mazkur kamchiliklarni to‘liq bartaraf etish choralari koʻrilmoqda.

Respublika tez tibbiy yordam markazi Fargʻona filialining 2023-yil 5-sentabrdagi 64-son buyrugʻiga koʻra, Ragʻbatlantirish komissiyasi tomonidan xodimlarning faoliyat natijalari koʻrib chiqilib, baholab boriladi. Ragʻbatlantirish fondida ortiqcha mablagʻ boʻlganda tizimdagi barcha xodimlarga bir xil miqdorda mukofot pullari to‘lab berilyapti.

Bundan tashqari, Respublika tez tibbiy yordam markazi Fargʻona filiali 2024-yil mart oyidan boshlab, amaldagi Mehnat kodeksi hamda filialning Jamoa shartnomasi tegishli bandlari talablariga asosan 12 soatlik ish rejimi asosida faoliyat yuritmoqda.

Shu bois 24 soatlik ish rejimida ishlayotgan barcha xodimlar 12 soatlik ish tartibiga oʻtishdan 2 oy avval bu haqida ogohlantirilgan hamda viloyat Kasaba uyushmasi va Bandlik boshqarmasi vakillari ishtirokida shahar hamda tuman tez tibbiy yordam stansiyalari xodimlari o‘rtasida tushuntirish ishlari oʻtkazilgan.

Respublika tez tibbiy yordam markazi Matbuot xizmati

#rasmiy_munosabat #tez_tibbiy_yordam

✅ Telegram💬 Facebook 📹 Youtube 🌐Instagram

‼️Respublika tez tibbiy yordam markazi Andijon viloyati filiali ishchi-xodimlariga korruptsiyani oldini olish, korruptsiyaga qarshi kurashish boʻyicha tushuntirish ishlari olib borilmoqda

👉 Batafsil

#aksilkorruptsiya #seminar #tez_tibbiy_yordam #Andijon

✅ Telegram💬 Facebook 📹 Youtube 🌐Instagram

Ijtimoiy tarmoqlarda Toshkent shahar tez tibbiy yordam haydovchilarining ish haqi kam toʻlanganligi toʻgʻrisida xabarlar tarqaldi.

Respublika tez tibbiy yordam markazi mazkur holat yuzasidan oʻrganish ishlar olib borilayotganligini maʼlum qiladi.

Oʻrganish natijalari haqida keyinroq batafsil maʼlumot beriladi.

#rasmiy_munosabat #tez_tibbiy_yordam

✅ Telegram💬 Facebook 📹 Youtube 🌐Instagram