Uktamdjanov

❗️🇮🇷🇺🇸Homanaiy: Eron AQSH bilan muzokaralar olib bormaydi

"Ba’zi insofsiz hukumatlar muammolarni hal qilish uchun emas, balki o‘z hukmlarini oʻtkazish uchun muzokaralar olib bormoqda," - dedi Islom respublikasining oliy rahbari oyatulloh Ali Homanaiy.

Rahbar Eron rasmiylari bilan uchrashuvda AQSH prezidenti Donald Trampning Tehron yadroviy dasturi bo‘yicha muzokaralar o‘tkazish taklifi bilan yo‘llagan maktubiga javoban ushbu fikrlarni qoʻshib oʻtdi: "Eron Islom Respublikasi, shubhasiz, ularning umidlarini oqlamaydi va ular bilan muzokaralarga kirishmaydi".

Homanaiyning so‘zlariga ko‘ra, G‘arbning ikki tomonlama standartlardan foydalanishi "sivilizatsiya uchun sharmandalik"dan boshqa narsa emas.

Uning qo‘shimcha qilishicha, Ikkinchi jahon urushi davrida fashistlar Germaniyasining jinoyatlarini oqlab boʻlmaganidek, hozirda isroilliklarning G‘azo sektoridagi jinoyatlarini ham inkor etib, oqlab boʻlmaydi.

https://t.me/Political_Insight

Tramp nega bunday ahmoqona qarorlar qabul qilyapti, nega kutilmagan yurishlar qilyapti deb rosa oʻylanib, oxiri tushunib yetdimki, Tramp bularning barchasini doimo hammaning ogʻzida boʻlish uchun qilyapti. Chunki, uning kasbi shu, yaʼni shoumen, teleyulduz, reytingchi. Eng qizigʻi, u maqsadiga yetyapti ham – har kuni, kerak boʻlsa har soat u haqida qandaydir yangiliklar chiqadi va tabiiyki, u yana muhokamalar markazida.

Xususan, Tramp olib borayotgan savdo urushi haqida ham shunday deyish mumkin. Bir qarasa, boj kiritadi, bir qarasa bojlarni olib tashlaydi, bir qarasa bosim qiladi, bir qarasa maqtab qoʻyadi. Xullas, bir martalik, oʻzgaruvchan va uzviy boʻlmagan siyosat olib boryapti.

Shuning uchun, Tramp qilayotgan ishlardan mantiq izlash kerak emas, chunki mantiqning oʻzi yoʻq.

https://t.me/Political_Insight

Let me be VERY clear — under NO circumstances will Iran be allowed to have nuclear weapons. If you even THINK about moving forward, there will be consequences like you've never seen before. The U.S. military is the strongest in the world, and we WILL act if necessary. Your economy is already in shambles because of our sanctions — keep pushing, and it will only get worse. But, if you want to do the right thing for your people, come to the table, and we’ll talk about a REAL deal — one that actually works. Your choice. Don’t make the wrong one!"

*Taxminan mana shunday xabar yoʻllagan boʻlsa kerak, yaʼni oʻz uslubida 😁

https://t.me/Political_Insight

🇺🇸🇮🇷Tramp Eron oliy rahbari Ali Homanaiyga maktub yo‘llaganini ma’lum qilibdi

Uning so‘zlariga ko‘ra, AQSH Eron bilan uning yadroviy dasturi bo‘yicha kelishuv tuzishni afzal ko‘radi.

Hozircha kelishuv qanday tuziladi va shartlari qanday boʻlishi nomaʼlum.

https://t.me/Political_Insight

🇺🇸🇵🇸Netanyahu hukumati AQSH HAMAS bilan tarixda birinchi marta to‘g‘ridan-to‘g‘ri muzokaralarga (amerikalik asirlarni ozod qilish boʻyicha) kirishganidan juda g‘azablangan ko‘rinadi. Manbalarga ko‘ra, Isroil hukumati muzokaralar haqida oldindan xabardor ham qilinmagan.

Ehtimol, Amerika-HAMAS muzokaralari haqidagi ma’lumotlarning sizib chiqishi ushbu muzokaralar jarayonini to‘xtatib qo‘yishdan manfaatdor bo‘lgan Isroilning sa’y-harakatlari natijasi. Eng qizigʻi, maʼlumotlar sizib chiqishidan so‘ng, HAMAS bilan AQSHning konsultatsiyalari, tushunarli sabablarga ko‘ra, to‘xtab qolgan.

Trampning tashabbuskorligi har doim ham uning Yaqin Sharqdagi asosiy ittifoqchisi manfaatlariga mos kelavermaydi.

Fikrimcha, hali toʻliq HAMASning ishonchini yoʻqotmagan Tramp oʻzi yeng shimarib ishga kirishgan. Chunki oraga Netanyahu tiqilsa, asirlarni qutqarish choʻzilib ketadi, ehtimol amalga oshmaydigan ham.

https://t.me/Political_Insight

🧠 “Brain rot”, yaʼni “miya chirishi” degan gapni eshitganmisiz?

Uni keltirib chiqaradigan sabablar esa, betayin, bachkana va ahloqsiz videolar, qisqa rilslar hamda arzon dofamin beradigan boshqa narsalar boʻlarkan. Bunday kontentlar xotira pasayishi, depressiya, apatiya, hayotga qiziqishning yoʻqolishi, diqqatni jamlay olmaslik, muhim hamda strategik qarorlar qabul qilish va inson uchun muhim boʻlgan boshqa qobiliyatlarning susayishiga, pirovardida esa umuman yoʻqolib ketishiga olib kelarkan.

Agar ruhan va jismonan sogʻlom boʻlay desangiz, bunday narsalarni umuman koʻrmang.

https://t.me/Political_Insight

Trampning qilayotgan ishlarini koʻrib, uning Rossiya tomonidan yollangan josusligi toʻgʻrimikan deb oʻylab qoladi odam.

Tramp AQSHning obroʻsini shu darajada tushiryaptiki, “Make America Great Again” iborasini xato tanlagan koʻrinadi. Aslida bu shiorni endi keyingi saylovlarda demokratlar bemalol qoʻllasa boʻlarkan. Chunki rostdan ham Trampdan keyin Amerikani yana “buyuk” qilish kerak boʻladi.

Bu odam, ehtimol yaxshi biznesmen boʻlishi mumkin, lekin yomon siyosatchi ekanligi aniq.

Uning ahmoqona iqtisodiy qarorlari ham aks taʼsir berishni boshladi.

https://t.me/Political_Insight

Zelenskiyni qahramon qilgan doʻstlarimas, dushmanlari boʻldi va boʻlyapti

Bir qator jinnicha gaplar ortidan kuchli koʻrinib qolyapti bu odam. Boshida Ukrainadan qochdi degan ruslar edi. Zelenskiy qochmadi va Kiyevda turib video eʼlon qildi, hamma vau devordi. Yaqinda taslim boʻladi deb gap tarqatishgandi, men qurol olaman deb javob qaytardi va yana obroʻsi oshdi. Front chegarasiga bordi, obroʻsi oshdi. Ungacha oʻris bu qamalib oʻtiripti, u hech qayoqqa chiqmayapti degandi, u esa front chizigʻigacha bordi. Vaholanki, bu paytda va hozir ham Kremlda oʻtirgan qariya front yoniga umuman yaqinlashmadi. Bundan tashqari, Zelenskiyni narkoman deyishgandi, narkomancha harakat qilmadi va buning isboti topilmadi.

Tagi yoʻq, boʻlar boʻlmas gaplarni gapirishib, oxirida oʻzlariga yer chizib, bitta odamni katta qahramonga aylantirishdi qoʻyishdi. Kechagi Tramp bilan boʻlgan dahanaki jangda ham Zelenskiy kuchli koʻrinib qoldi, chunki Tramp bilan Vens gʻirt telba odamlar ekan. Ulardan diplomatiyani hidi umuman kelmadi. Telba(lar)ni oldida esa hamma donishmand koʻrinsa kerak.

https://t.me/Political_Insight

⚡️Arab tilini oʻrganmoqchi boʻlganlar uchun bepul darslar

Barcha darslar arab tilini oʻqitish boʻyicha 4 yillik tajribaga ega va C1 darajadagi ustoz tomonidan oʻtiladi. Mashgʻulotlar kuni kecha harflardan, yaʼni noldan boshlanibdi. Bemalol kirib qatnashishingiz mumkin. Ushbu tilga qiziquvchi tanishlaringizga ham yuborib qoʻying.

Ustozni shaxsan taniyman, oliygohda bitta yoʻnalish boʻyicha tahsil olganmiz, eʼtiqodli va isteʼdodli inson. Xullas, holis va samimiy tavsiya, albatta foydalaning.

Link: https://t.me/AshrafAliy

🇺🇿Kirib kelgan ulugʻ Ramazon oyi barchangizga muborak boʻlsin qadrdonlar. Bu oyda qilinadigan barcha xayrli amallaringizni Alloh qabul qilsin va cheksiz savoblar bilan siylasin.

Bayram muborak!

https://t.me/Political_Insight

🇹🇷🇮🇱🇨🇾 Isroil Bosh vaziri Suriyadagi yangi maqsadlarni eʼlon qilganidan ikki kun oʻtib, yahudiy tashqi ishlar vaziri Gideon Saar Yevropa Ittifoqidagi hamkasblari oldida chiqish qildi va "faqat federal Suriya barqaror Suriya boʻlishi mumkinligini" taʼkidlabdi.

Bu shuni anglatadiki, Isroilning Suriya teatridagi harbiy kampaniyasi juda aniq siyosiy loyiha uchun yana oʻsha lobbichilik bilan chambarchas bogʻliq boʻladi: federallashtirish loyihasi.

Suriyaga nisbatan sanksiyalarni bekor qilish bo‘yicha bo‘lmasa, hech bo‘lmaganda o‘tish davri ma’muriyati maqomini tan olish zarurligi to‘g‘risida konsensus paydo bo‘layotganini hisobga olsak, xalqaro hamjamiyat Isroilning bunday g‘oyalarini qanchalik qabul qiladi, degan savol tug‘iladi.

Saar Isroilning yevropalik hamkorlari bilan suhbatlashgan va bu doirada u ilgari surayotgan narrativlarga qoʻshiladigan asosiy davlatlar - hech qanday neo-usmonli replikani qabul qilmaydigan Gretsiya va Kipr boʻladi.

Aytgancha, shu oylarda Damashqdan sanksiyalarni olib tashlashga aynan Gretsiya va Kipr to‘sqinlik qilgan. Ular "suriyalik nasroniylar himoyaga ega bo‘lishi va Erdo‘g‘on suriyaliklarga Turkiya shartlari asosida dengiz chegaralarini belgilash bo‘yicha kelishuvni qabul qildirmasligiga aniq kafolatlar" berishni talab qilishgan.

Agar Gretsiya va Kiprning Isroil bilan kuchli sherikligi hisobga olinsa, juda aniq anti-turk klubi paydo boʻladi, bu esa nisbatan zaif jamoalarni himoya qilish bahonasini yangi Suriya muammosini hal qiluvchi yondashuvlardan biriga aylantiradi. Yaʼni, shu orqali Suriyadagi vaziyatni chayqash richagi uchun harakat boshlanadi.

https://t.me/Political_Insight

Misr o‘ziga boʻladigan risklarga qaramay, G‘azo boʻyicha rejasini ilgari surmoqda

Qohira iloji boricha ko‘proq arab davlatlari rahbarlarini kelgusi haftada bo‘lib o‘tadigan Arab Davlatlari Ligasi tashkilotining favqulodda sammitida ishtirok etishga ishontirish uchun kuluar diplomatiya yordamida faol ishlamoqda, deyiladi manbalarda. Tashkilotning 22 a’zosining qo‘llab-quvvatlovi AQSH prezidenti Donald Trampning G‘azo bo‘yicha rejasiga qarshi turishga yordam beradi.

Misr anklavga milliy xavfsizlikning bir qismi sifatida qaraydi va Iordaniya bilan birgalikda 2,3 million aholining hududdan ko‘chirilishiga qat’iyan qarshi.

Biroq, Trampning rejalariga qarshi chiqqan Misr o‘z tashqi siyosatining markaziy masalalarida Vashingtonning qo‘llab-quvvatlashini yo‘qotish xavfi ostida. Qohira Efiopiya bilan Nil suvini ekspluatatsiya qilish bo‘yicha uzoq vaqtdan beri ziddiyatda, shuningdek, Sudandagi fuqarolar urushi va Liviyadagi tartibsizliklar tufayli ham xavf ostida qolyapti.

https://t.me/Political_Insight

Pol Pot: Osiyo Gitleri yohud Kambodjani boshini yegan qonxoʻr diktator

Pol Pot (asl ismi Salot Sar) 1925-yilda Kambodjada buddist rohiblar xonadonida tug‘ilgan. U yoshligida Fransiyaga tahsil olish uchun ketgan, lekin oʻqishdan haydalgan. Shundan soʻng, u yerdagi kommunistik mafkuradan ta’sirlangan va kommunizm “otalari” asarlaridan qattiq ruhlangan. 1950-yillarda Kambodjaga qaytib kelib, radikal soʻl harakatlarga qo‘shiladi va asta-sekin hokimiyat sari ildamlaydi.

Qizil Kxmerlar va hokimiyatga kelishi

1975-yilda Pol Pot yetakchiligidagi Qizil Kxmerlar Kambodja poytaxti Pnompenni egalladi va mamlakatda mutlaq nazoratni qo‘lga kiritdi. Ungacha esa mamlakatda amerikaparast hukumat qaror topgan va fuqarolik urushlari xalqni jonidan oʻtib ketgan edi. U Kambodjani agrar kommunistik jamiyatga aylantirishni maqsad qildi. Barcha shaharliklarni qishloqlarga haydab yubordi, ta’lim, tibbiyot va diniy faoliyatni taqiqladi, pulni bekor qildi. Uning siyosati butun mamlakatni yoppasiga lagerga aylantirdi va hamma qishloqda guruch yetishtirishga majbur qilindi. Aytish mumkinki, kambodjaliklar “yomgʻirdan qochib doʻlga tutilishgandi”.

Genotsid va dahshatli siyosati

Pol Potning rejimi 1975-1979 yillarda Demyon Kampucheya nomi bilan tanilgan va ushbu davrda Kambodja aholisi misli ko‘rilmagan qirg‘inga uchradi. Uning diktaturasida:

Sobiq hukumat vakillari, ziyolilar, shifokorlar, o‘qituvchilar va hatto oddiy ko‘zoynak taqqan odamlar dushman sifatida qatl etildi.

Millionlab odamlar qishloq xo‘jalik kollektivlashtirish dasturida ocharchilikdan halok bo‘ldi.

Toul Sleng kabi qamoqxonalarda odamlar shafqatsiz qiynoqlarga solindi va oʻldirib yubordi.


Bu yillar ichida 1,5 milliondan 2 milliongacha kambodjalik qatl qilindi yoki ochlik va kasalliklardan qirilib ketdi. Bu – Kambodja aholisining deyarli chorak qismi degani.

Hokimiyatdan ag‘darilishi va qochishi

1979-yilda Pol Pot Vyetnamga bostirib kirishga qaror qiladi, lekin Xo Shin Min boshchiligidagi Vyetnam qarshi hujumga oʻtishga muvaffaq boʻladi va uning rejimi qulaydi. Pol Pot va uning tarafdorlari Tailand chegarasiga qochib ketdi va partizan urushini davom ettirishga harakat qildi. U 1997-yilda o‘z odamlarining xiyonatiga uchrab, hibsga olindi va 1998-yilda noma’lum sharoitda vafot etdi.

Merosi va tarixiy baho

Pol Pot va Qizil Kxmerlar rejimi nafaqat Kambodja, balki insoniyat tarixidagi eng dahshatli davrlardan biri hisoblanadi. Ular mamlakatni butunlay qashshoqlikka, vayronagarchilik va genotsidga olib keldi. Bugungi Kambodja hali ham ushbu fojeaning izlarini o‘zida his qilmoqda.

Pol Potning siyosati totalitar boshqaruvning eng yomon namunalaridan biri sifatida tarixda qolgan. Uning qilmishlari insoniyatga qarshi jinoyat deb baholangan bo‘lsa-da, u xalqaro tribunal oldida javob bermagan.

https://t.me/Political_Insight

Bugun 3 kunda hal qilamiz deb boshlangan urushga 3 yil boʻldi.

24.02.2022.

https://t.me/Political_Insight

Isroilning Suriyaning janubiy hududlarida Damashqdagi o‘tish davri hukumati kuchlaridan holi bo‘lgan, yaʼni ular boʻlmagan hududni shakllantirish bilan ochiq tahdidi - bu stavkalarning jiddiy ko‘tarilishidir. Asad rejimi qulaganidan beri Isroil Suriya janubidagi ayrim hududlarda harbiy ishtirokini kuchaytirdi, ammo endi yuzsizlarcha u yerda qolish sabablarini aytishga qaror qildi.

Asosiy talablar - Suriya janubini demilitarizatsiya qilish va mahalliy druzlar jamoasiga xavfsizlik kafolatlarini taqdim etish emish. Shu bilan birga, Netanyahu maksimalistlarcha yangi Suriya armiyasining Damashq janubida mustahkamlanishiga yo‘l qo‘yilmasligini aytmoqda.

Umuman olganda, bu so‘nggi paytlarda Isroil tashqi ishlar vaziri Gideon Saar omma oldida e’lon qilgan yo‘nalishning amaliy ifodasidir. Uning ta’kidlashicha, Yaqin Sharqdagi "mazlum etnik va diniy ozchiliklar" Isroilning "tabiiy ittifoqchilari" bo‘lib, Isroil tomoni ularning huquqlari uchun kurashishi kerak.

Janubliklarning o‘zlari bunday “g‘amxo‘rlikka” qanchalik tayyor ekanliklarini baholash qiyin. Jamoa yetakchilari bugun Suriyaning Deraa, Suvayda va Kuneytra viloyatlarida norozilik namoyishlari boshlanganini e’lon qildi. Bu esa sionistlar hech kimni, xususan, endi oyoqqa turayotgan Suriyani ham tinch qoʻymasligini bildiradi.

Ps: Oʻlaksaxoʻr hech qachon oʻzi ov qilmaydi, aksincha majruhlangan yoki quvvatsiz boʻlgan yemishga tashna boʻladi. Hozir, Suriya majruhlangan holda va rivojlanish sari sekin asta qadam qoʻymoqda, oʻlaksaxoʻr Isroil esa oʻz rolida.

https://t.me/Political_Insight

Trampning bosimi, yordamlarning qisqarishi, yer osti va usti boyliklari borasidagi potensial kelishuvlar va nihoyat bugungi Ukraina Tashqi ishlar vazirining “Prezident urushni shu yil toʻxtatish vazifasini qoʻydi” degan bayotiga koʻra, urush yaqin 2 yoki 3 oyda, ehtimol yaqin kunlarda tugaydi deb oʻylayman.

“Event tahlil” shunga qarab ketyapti.

https://t.me/Political_Insight

Donald Trampning Ukrainani tanqid qilishi va Rossiyaga nisbatan yumshoqroq pozitsiyada turishi bir necha sabablar bilan bog‘liq:

1. Geosiyosiy manfaatlar – Tramp avvaldan AQShning Ukrainaga ko‘p miqdorda moliyaviy va harbiy yordam berishiga qarshi chiqib kelgan. U, asosan, bu mablag‘larni AQSh ichkarisida ishlatish lozimligini ta’kidlaydi.


2. Rossiya bilan yaqin munosabatlar – Birinchi Prezidentlik davrida ham Tramp Rossiya bilan yaxshi munosabatlar o‘rnatishga harakat qilgan. Ammo, uning Putinga nisbatan iliqroq munosabatda bo‘lishi AQSh siyosiy doiralarida tanqidlarga sabab bo‘lgan. Bu safar esa vaziyat boshqacha, chunki vakillar palatasi ham kongress ham respublikachilar qoʻlida.


3. Ukraina bilan bo‘lgan kelishmovchiliklar – Tramp 2019-yilda Ukraina prezidenti Vladimir Zelenskiy bilan bo‘lgan mashhur telefon suhbati sabab impichment jarayoniga duch kelgan edi. Shundan beri u Ukrainani tanqid qilishga moyil bo‘lib kelmoqda. Ehtimol, aynan shu uning Ukrainaga nafrati sababi boʻlsa kerak.


4. Saylov strategiyasi – Tramp 2024-yilgi prezidentlik saylovlariga qattiq tayyorlandi va Rossiyaga nisbatan yumshoqroq yondashishi konservativ saylovchilar uchun maʼqul keldi. U, ayniqsa, Ukrainaga yordam berishga qarshi bo‘lgan amerikalik saylovchilarning ovozini olishga erishdi. Tramp biznes odam va geosiyosiy savdoni ham oʻzining prizmasidan koʻradi. Yaʼni, maksimal bosim – maksimal foyda olishga intiladi.


5. NATO va xalqaro majburiyatlarga shubha – Tramp NATOga va AQShning xalqaro majburiyatlariga tanqidiy qaraydi. U Ukrainani NATO uchun ortiqcha yuk deb hisoblaydi va Yevropaning o‘z xavfsizligini mustaqil ta’minlashini istaydi.


Shu sababli, Tramp Rossiyaning Ukrainaga bostirib kirishi bilan bog‘liq masalada AQShning an’anaviy pozitsiyasidan farqli yondashuvni qo‘llab-quvvatlaydi. Bu uning shaxsiy manfaatlari, saylov strategiyasi va global siyosatga bo‘lgan qarashlari bilan bog‘liq.

https://t.me/Political_Insight