Тинглаш санъати гапириш санъати
билан деярли теппа-тенгдир.
П.Буаст.
«Сиз тинглашни биласизми?» тести.
Машҳур америкалик психолог Дейл Карнеги «Яхши суҳбатдош -
яхши гапиришни биладиган эмас, балки яхши тинглашни биладиган
суҳбатдошдир» деганда оилавий муносабатларда бошқаларни
тинглай олиш малакаси ривожланган бўлишини назарда тутган эди.
Сиз ўзингиздаги мазкур қобилиятни аниқламоқчи бўлсангиз, ушбу
тестни келтирамиз. Бунда берилган саволларга: “ҳар доим”- 2 балл,
“кўпинча”- 4 балл, “гоҳида”- 6 балл, “ҳеч қачон”- 8 балл, “камдан-
кам”- 10 балл кўринишида жавоб намуналаридан танлаб кўрсатинг.
1. Оилада, ишда, ўзаро муносабатларда суҳбатдошингиз ёки
суҳбат мазмуни сизни қониқтирмаган пайтларда, суҳбатни тезроқ
якунлашга ҳаракат қиласизми?
2. Суҳбатда бошқаларнинг хулқ-атвори сизни асабийлаштирган
ҳолатлар бўладими?
3. Суҳбатда атрофингиздагилар фикрлари билан келишмаган
пайтларда қўпол ва кескин жавоб қайтара оласизми?
4. Сизга тўй, кеча, оилавий байрамларда унча таниш бўлмаган
кишилар билан суҳбатлашиш учун ran топа олиш хосми?
5. Суҳбат давомида ўзгалар фикрини бўладиган одатингиз
борми?
6. Гўё диққат билан тинглаётган бўласиз-у, аммо ҳаёлингиз
бошқа фикрлар билан банд бўлган ҳолатлар бўладими?
7. Оилада ва даврада суҳбатдошингиз кимлигини ҳисобга олган
ҳолда, охангингиз, нутқ тезлигингизда, ташқи қиёфангизда
ўзгаришлар бўладими?
8. Агар ўзаро муносабатларда Сизнинг қалбингиздаги нозик ҳис-
туйғуларингизга таъсир қилишга кимдир интилса, суҳбат мазмунини ўзгартиришга ҳаракат қиласизми?
9. Суҳбат давомида гаплашаётган кишингиз, сўзлар, терминлар,
номлар талаффузда ҳатоларга йўл қўйса, дарҳол тузатасизми?
10. Муомалага киришишда суҳбатдошингиз қадр-қимматини жойига қўймасликка, кеккайишга, такаббурликка йўл қўясизми?
Тест натижалари тахдили:
55 баллгача: Сизнинг тинглай олиш қобилиятингиз ўргача,
одамларнинг оилада ва жамиятдаги турган ўрни, мансабига бефарқ
эмассиз. Бу эса сизнинг эътиборли эканлигингизни билдиради.
62 баллгача: Сиз суҳбатдошингиз ким бўлишидан қатъий назар у
киши шахсини ҳурмат қилган ҳолда сабр-тоқат билан тинглайсиз.
Сиз оилада синчков, аҳамиятли, эътиборли бўлишингиз мумкин.
Умуман жами балларингиз сони қанчалик катта бўлса, сизда тинглаш қобилияти шунчалик ривожланган бўлади.
@pozitivpsixolog