Yozyovon ixtisoslashtirilgan maktabi

Tadbir davomida Zahiriddin Muhammad Bobur hayoti va ijodining g‘oyat serqirra jihatlari, uning buyuk orzulari va xalqimizga qoldirgan o‘lmas merosi haqida muhtasham ma’ruzalar tinglandi. Zahiriddin Muhammad Boburning tafakkuri bilan ilhomlangan yoshlar, “Boburnoma” ruhi bilan o‘z dunyoqarashlarini kengaytirishdi.

Tadbirning o‘ziga xos tomoni – sahna ko‘rinishlari orqali Boburning hayotiy hikoyalari jonlantirildi. Zahiriddin Muhammad Boburga xos jasorat va zukkolik yoshlar qalbiga tatbiq etilib, uning “Orzu va harakat – shohning quroli” degan hayot falsafasi namoyon etildi.

Bu tadbir Zahiriddin Muhammad Bobur singari buyuk shaxslar merosini nafaqat yodga olish, balki hayotga tatbiq qilish mumkinligini yana bir bor isbotladi. “Bobur avlodlari bugun ham qudratli!” degan ruh har bir o‘quvchining qalbida uyg‘ondi.

🏛Ixtisoslashtirilgan ta'lim muassasalari agentligi tizimidagi Yozyovon tuman ixtisoslashtirilgan maktabida "Shoh va shoir Zahiriddin Muhammad Bobur tavalludining 542 yilligini munosib nishonlash yuzasidan tuzilgan chora-tadbirlar rejasi injrosini ta'minlash maqsadida maktabining 149 nafar o'qituvchilar va o‘quvchilar jamoasi 2025-yil 8-fevral kuni Marg‘ilon shahar musiqali maqom teatrida namoyish etiladigan "Boburmirzo" spektakli tomoshasiga tashrif buyurdilar.
⚜Shu kuni sahnada 50 dan ziyod aktyorlar ishtirok etgan "Boburmirzo"  spektakli namoyish etildi.
⚜Spektaklda shoh va shoir Zahiriddin Muhammad Boburning murakkab va tahlikali hayot yo‘li, betakror va boy ijodiy merosi haqida jonli va ta'sirli sahnalar tomoshabinlar e'tiboriga havola etildi.
🔰O‘quvchilar madaniy hordiq olish bilan birga, teatr san'ati professional ijrochilari mahoratidan zavq va shavqqa to‘lib qaytdilar.
Bu kabi madaniy tadbirlar davom etadi.