Оҳангарон туманидаги ҳамкасбимиз сайлов ҳақида яхши мақола ёзибди, сизга ҳам илиндик.
МЕН СИЗГА ОВОЗ БЕРГАНМАН, ЎРТОҚ ДЕПУТАТ...
Бугун бир эски танишим билан учрашиб қолиб, анча суҳбатлашдим. Сиёсий жараёнларга бефарқ бўлмаган суҳбатдошим, негадир, бу сафар сайлов ҳақида мен кутмаган гапларни гапирди: Э, бу депутатлар нима ҳам қилиб берарди. Ҳаммаси сайловгача қоп-қоп ваъдаларни беришади-да, кейин умуман қорасини кўрсатмайди. Сайловларда иштирок этишга иштиёқим ҳам қолмади...
Эй, тўхта, дўстим. Сен айтган даврлар ўтиб кетди. Ҳозир замон ўзгарди, инсонга бўлган муносабат ўзгарди. Биргина фуқаронинг ҳам мурожаати жавобсиз қолмаяпти. Раҳбар ходимлар аввалгидек кабинетда ўтиргани йўқ, шахсан ўзим ҳар куни уларни қандайдир ташвишлар билан юрганини, кимнингдир мурожаатини ўрганаётганини кўраман. Тўғри, улар ҳамма муаммоларни бир пасда ҳал қилиб беролмайди. Уларга боғлиқ бўлмаган ишлар кўп. Ўзинг ўйла, мурожаатчилар мутасадди эшигини тинмай қоқавериши раҳбарларга ёқади, деб ўйлайсанми? Қани муаммоларнинг барчасини ҳал қилиш биргина унинг қўлида бўлса, жон деб ҳал қилади. Бу унинг ўзи учун керак, биринчи ўринда.
Депутатликка номзодларга келсак, бу йил уларнинг шашти анча баланд. Улар ич-ичидан сезиб, билиб турибди, халқ олдингидай уларнинг ваъдаларини эшитиб, қарсак чалиб кетавермайди. Ҳозирда аҳоли депутатлар олдига аниқ саволлар ташламоқда, муаммоларни кўрсатмоқда. Кейин уларнинг ечими бўйича ҳисобот сўрамоқда. Олдингидай, мен депутат бўламан, дейдиганлар кўп эмас ҳозир. Шундай экан, аҳоли ҳам жамиятимиз ривожида ўз улуши борлигини ҳис қилиб яшайдиган давр ҳозир. Сен бормасанг сайловга, мен бормасам, яна бошқа биров бормаса, ўз қўлимиз билан ҳуқуқимизни бошқаларга бериб қўйган бўлмаймизми? Кейин бирон гап бўлса, депутатларимиз ёмон, деймиз. Тўхта, сен сайловда овоз бермаган эдинг-ку, депутат энди эсингга келдими? Эртага бирон нарсани сўраб, мурожаат этишга ҳақли бўлиш учун ҳам сайловда иштирок этишимиз керак, дўстим, шундаймасми? Ишонч билан айта оламан, ҳозирда депутатлар бирон-бир иш қилмайди, деётганларнинг аксарияти сайловларда иштирок этмаган бўлиб чиқади. Бир томондан уларни ҳам қоралаб бўлмайди. Бу уларнинг ҳуқуқи – сайловда иштирок этиш, этмаслик. Лекин депутатнинг мажбуриятини талаб қилаётган одам ўзининг ҳам ҳуқуқ ва мажбуриятларини билиши керак-да, шундаймасми?
Шу гаплардан кейин, суҳбатдошим бошини бироз эгиб: – Қани кўрайликчи, сайловлар ўтсин, ҳаммасини вақт кўрсатади. Лекин шу гапларингдан кейин, албатта, сайловда иштирок этаман, – деди. Ҳа, ўлмааанг...
Ҳурматли тумандошлар! Олдимизда муҳим сиёсий жараён – сайловлар турибди. “Менинг овозим ҳеч нимани ҳал қилмайди”, деб ўйламанг асло. Сиз – барчамиз яшаб турган жамиятнинг ажралмас бир бўлагисиз. Сизнинг фикрингиз ўзингизнинг, яқинларингизнинг, умуман, жамиятнинг эртанги кунини белгилаб беради. Эртага депутатга қараб, “Мен сизга овоз берганман”, дея олшингиз учун ҳам, бирон-бир муаммо юзасидан қаерга бош уришни билмай турган вақтингизда депутатга мурожаат қилишга маънавий ҳақингиз бўлиши учун ҳам, муҳим сиёсий қарорлар қабул қилиниши чоғида “Мен ўзимнинг вакилимни сайлаб қўйганман, у менинг манфаатларимни ҳимоя қилади”, деган ўй билан ўз уйингизда хотиржам ухлашингиз учун ҳам сайловларда иштирок этмоғингиз лозим. Бу билан сиз жамият равнақига, мамлакат ривожига ўзингизнинг катта ҳиссангизни қўшган бўласиз.
Шундай экан, келинглар, юрт тақдирига бефарқ бўлмайлик! Сайловларда фаол иштирок этайлик! Келишдикми? Ундай бўлса, 22 декабрда кўришамиз...
Элёр ЎТБОСОВ.
@OlmaliqNews
Каналимизга уланиш👇
https://t.me/joinchat/AAAAAEgyTVsOtFqSmHE72Q
МЕН СИЗГА ОВОЗ БЕРГАНМАН, ЎРТОҚ ДЕПУТАТ...
Бугун бир эски танишим билан учрашиб қолиб, анча суҳбатлашдим. Сиёсий жараёнларга бефарқ бўлмаган суҳбатдошим, негадир, бу сафар сайлов ҳақида мен кутмаган гапларни гапирди: Э, бу депутатлар нима ҳам қилиб берарди. Ҳаммаси сайловгача қоп-қоп ваъдаларни беришади-да, кейин умуман қорасини кўрсатмайди. Сайловларда иштирок этишга иштиёқим ҳам қолмади...
Эй, тўхта, дўстим. Сен айтган даврлар ўтиб кетди. Ҳозир замон ўзгарди, инсонга бўлган муносабат ўзгарди. Биргина фуқаронинг ҳам мурожаати жавобсиз қолмаяпти. Раҳбар ходимлар аввалгидек кабинетда ўтиргани йўқ, шахсан ўзим ҳар куни уларни қандайдир ташвишлар билан юрганини, кимнингдир мурожаатини ўрганаётганини кўраман. Тўғри, улар ҳамма муаммоларни бир пасда ҳал қилиб беролмайди. Уларга боғлиқ бўлмаган ишлар кўп. Ўзинг ўйла, мурожаатчилар мутасадди эшигини тинмай қоқавериши раҳбарларга ёқади, деб ўйлайсанми? Қани муаммоларнинг барчасини ҳал қилиш биргина унинг қўлида бўлса, жон деб ҳал қилади. Бу унинг ўзи учун керак, биринчи ўринда.
Депутатликка номзодларга келсак, бу йил уларнинг шашти анча баланд. Улар ич-ичидан сезиб, билиб турибди, халқ олдингидай уларнинг ваъдаларини эшитиб, қарсак чалиб кетавермайди. Ҳозирда аҳоли депутатлар олдига аниқ саволлар ташламоқда, муаммоларни кўрсатмоқда. Кейин уларнинг ечими бўйича ҳисобот сўрамоқда. Олдингидай, мен депутат бўламан, дейдиганлар кўп эмас ҳозир. Шундай экан, аҳоли ҳам жамиятимиз ривожида ўз улуши борлигини ҳис қилиб яшайдиган давр ҳозир. Сен бормасанг сайловга, мен бормасам, яна бошқа биров бормаса, ўз қўлимиз билан ҳуқуқимизни бошқаларга бериб қўйган бўлмаймизми? Кейин бирон гап бўлса, депутатларимиз ёмон, деймиз. Тўхта, сен сайловда овоз бермаган эдинг-ку, депутат энди эсингга келдими? Эртага бирон нарсани сўраб, мурожаат этишга ҳақли бўлиш учун ҳам сайловда иштирок этишимиз керак, дўстим, шундаймасми? Ишонч билан айта оламан, ҳозирда депутатлар бирон-бир иш қилмайди, деётганларнинг аксарияти сайловларда иштирок этмаган бўлиб чиқади. Бир томондан уларни ҳам қоралаб бўлмайди. Бу уларнинг ҳуқуқи – сайловда иштирок этиш, этмаслик. Лекин депутатнинг мажбуриятини талаб қилаётган одам ўзининг ҳам ҳуқуқ ва мажбуриятларини билиши керак-да, шундаймасми?
Шу гаплардан кейин, суҳбатдошим бошини бироз эгиб: – Қани кўрайликчи, сайловлар ўтсин, ҳаммасини вақт кўрсатади. Лекин шу гапларингдан кейин, албатта, сайловда иштирок этаман, – деди. Ҳа, ўлмааанг...
Ҳурматли тумандошлар! Олдимизда муҳим сиёсий жараён – сайловлар турибди. “Менинг овозим ҳеч нимани ҳал қилмайди”, деб ўйламанг асло. Сиз – барчамиз яшаб турган жамиятнинг ажралмас бир бўлагисиз. Сизнинг фикрингиз ўзингизнинг, яқинларингизнинг, умуман, жамиятнинг эртанги кунини белгилаб беради. Эртага депутатга қараб, “Мен сизга овоз берганман”, дея олшингиз учун ҳам, бирон-бир муаммо юзасидан қаерга бош уришни билмай турган вақтингизда депутатга мурожаат қилишга маънавий ҳақингиз бўлиши учун ҳам, муҳим сиёсий қарорлар қабул қилиниши чоғида “Мен ўзимнинг вакилимни сайлаб қўйганман, у менинг манфаатларимни ҳимоя қилади”, деган ўй билан ўз уйингизда хотиржам ухлашингиз учун ҳам сайловларда иштирок этмоғингиз лозим. Бу билан сиз жамият равнақига, мамлакат ривожига ўзингизнинг катта ҳиссангизни қўшган бўласиз.
Шундай экан, келинглар, юрт тақдирига бефарқ бўлмайлик! Сайловларда фаол иштирок этайлик! Келишдикми? Ундай бўлса, 22 декабрда кўришамиз...
Элёр ЎТБОСОВ.
@OlmaliqNews
Каналимизга уланиш👇
https://t.me/joinchat/AAAAAEgyTVsOtFqSmHE72Q