AGMK - OKMK | Расмий канал

OKMK yana bir muhim sertifikatga ega bo‘ldi

“Olmaliq KMK” AJ ISO 50001:2018 xalqaro standarti bo‘yicha sertifikatlash auditidan muvaffaqiyatli o‘tgan holda energiya resurslarini samarali boshqarishga o‘zining sobitqadamligini amalda namoyon qildi.

@Okmkhayoti

“Milliy qadriyatlarimiz bebaho boyligimiz"

🇺🇿Xalqimizning betakror an'analari va milliy qadriyatlarimizni qo'llab-quvvatlash maqsadida Texnik xavfsizlik tizimlari xizmati mehnat jamoasida milliy liboslar kuni o'kazildi.

Mehnat jamoasi kun davomida ish jarayonida milliy liboslarda ish faoliyatini olib borishdi.

G.Yuldasheva,
TXTX Xotin-qizlar va gender tenglik maslahat kengashi raisi

@Okmkhayoti

🌐2025-yil 19-fevral kuni bo‘yicha jahon bozoridagi rangli metallar savdosiga oid statistik ma'lumotlar bilan tanishing.

📊Ma'lumotlar London metall birjasi (LME) ko‘rsatkichlariga asosan tayyorlandi:

➖Mis — 9 433,00💰tonna/$ (⬆️ +1,48%)
➖Rux — 2 851,00💰tonna/$ (⬆️+0,53%)
➖Oltin — 2 944,400💰unsiya/$ (⬆️+1,22%)
➖Kumush — 32,910💰unsiya/$ (⬆️ +1,32%)

@Okmkhayoti

Shveysariya elchisi OKMKda bo‘ldi

Joriy yilning 19-fevral kuni Shveysariyaning O‘zbekistondagi Favqulodda va Muxtor elchisi Konstantin Obolenskiy Olmaliq kon-metallurgiya kombinatiga tashrif buyurdi.

@Okmkhayoti

#Zakovat

❇️Joriy yilning 19-fevral kuni 3-Mis boyitish fabrikasi ishchi va muhandis-texnik xodimlari oʻrtasida Oʻzbek mumtoz adabiyotining yirik vakili, tarixchi, geograf, davlat arbobi, tarjimon, iste’dodli sarkarda va boburiylar sulolasi asoschisi shoh va shoir Zahiriddin Muhammad Bobur tavalludining 542 yilligiga bag’ishlangan “Zakovat” inellektual oʻyini boʻlib oʻtdi.

📚“Zakovat” intellektual oʻyini, yoshlarda ajdodlar xotirasini yod etish va ularga ehtirom koʻrsatish, ishchi-xodimlar oʻrtasida adabiyot va tarixga oid bilimlarni yanada mustahkamlash, bu bilan ona Vatanimiz va tinchligimiz yoʻlida buyuk siymolarimiz chekkan zahmatlarini yana bir bor e’tirof etish maqsadida oʻtkazildi.

✅Qizg’in bahs va munozaralarga boy bo’lgan “Zakovat” intellektual oʻyini natijalariga koʻra,
🥇- oʻrinni “Chiqitlarni toʻplash sexi” jamoasi egallab gʻolib boʻldi.
🥈- oʻrinni “Maydalash sexi” jamoasi egalladi.
🥉- oʻringa esa “Xoʻjalik boʻlinmasi” jamoasi loyiq topildi.

🎁G’olib jamoalar OKMK xodimlari kasaba uyushmasi Kengashining esdalik sovg’alari va diplomlari bilan rag’batlantirildi.

3-MBF ma’muriyati va kasaba uyushmasi qoʻmitasi

@Okmkhayoti

МАЪНАВИЯТ – ДАВЛАТНИНГ, ЖАМИЯТНИНГ КУЧ-ҚУДРАТИ

Ўзбекистон касаба уюшмаларининг 120 йиллиги ва сўз мулкининг султони, мутафаккир Мир Алишер Навоий ҳамда Шоҳ ва шоир Заҳириддин Муҳаммад Бобурнинг таваллуд куни муносабати билан Рух заводида маънавий-маърифий тадбир ўтказилди.

Завод касаба уюшмаси қўмитаси,Ёшлар иттифоқи ҳамкорлигида ташкил этилган тадбирда “Металлург” МС бадиий кутубхона ходимлари ҳамда ОКМК ходимлари касаба уюшма Кенгаши маъданий-маърифий комиссияси аъзолари иштирок этишди.

Тадбир меҳмонлари касаба уюшмаларининг жамиятда тутган ўрни, ишчи-ходимларнинг манфаати йўлида амалга оширилаётган ишлар, имтиёзлар, меҳнат қонунчилиги бўйича зарур маълумотларни беришди.

Шунингдек, кутубхона ходимлари буюк боболаримизнинг бой маънавий мероси ҳақида қизиқарли маълумотларни ишчи-ходимлар эътиборига ҳавола этишди.

Тадбирда фаол иштирок этган ишчи-ходимлар эсдалик совғалари билан тақдирланди.

Саҳобиддин Юнусалиев,
Рух заводи касаба уюшмаси қўмитаси раиси

@Okmkhayoti

#Profilaktika

Sanoat suv ta'minoti boshqarmasining bo'linmalarida muntazam ravishda profilaktik tadbirlar o'tkazilib kelinmoqda.

Kuni kecha o'tkazilgan navbatdagi tadbirda korxona boshlig'ining xafvsizlik va tovar moddiy boyliklarini saqlash bo'yicha o'rinbosari D.Xamzayev so'zga chiqib, korxona mulkini asrab-avaylash har bir ishchi va muhandisning burchi ekanligini hamda barcha korxonada ichki tartib qoidalarga rioya qilish lozimligini ta'kidladi.

Shuningdek, mas'ullar korrupsiyaga qarshi kurashish bo'yicha oz-fikr mulohazalarini bildirishdi. Ayniqsa, hozirgi kunda dunyoda ro'y berayotgan holatlar tog'risida to'xtalib, diniy ekstremizm, radikalizm va yot g'oyalarga berilib ketmaslik, aldamchi yolg'on va'dalarga ishonib tasdiqlanmagan saytlardan ma'lumotlar olmaslik zarurligini uqtirishdi.

Kimga qanday bilim kerak bo'lsa shu ilmning ustasidan o'rganish eng to‘g‘ri yol ekanligi, bu bo'yicha yetarli bilimga ega mutaxassislar mavjudligi aytib o'tildi.

U. Almatov,
SSTB muhandisi

@Okmkhayoti

«Olmaliq KMK» AJga ESG reytingi berildi

Sustainable Fitch reyting agentligi «Olmaliq KMK» AJga ESG Entity Rating «3» darajali reytingini va 56 ballni belgiladi. Bu kombinatning barqaror rivojlanish strategiyasini, shuningdek, ijobiy boshqaruv va ekologik profilini, tog‘-kon va metallurgiya sanoatiga xos ekologik muammolarni hisobga olgan holda muvozanatlashtirilganligini aks ettiradi.

Bu Respublika kon-metallurgiya sanoati sohalari ichida eng yuqori koʼrsatkich hisoblanadi.

Baholash kompaniyaning talablarga muvofiqligi, tasnif(taksonomiya)larga rioya qilishi, BMTning Barqaror rivojlanish maqsadlariga qo‘shgan hissasi va ESG mezonlarini biznes, strategiya va boshqaruvga integratsiya qilishini qamrab oladi.

OKMK Axborot xizmati

@Okmkhayoti