Nigina | Blog

Olimpiadada oʻrin olganimda shaxsan menga ayttirvorishibdi shunga oʻxshash gapni. Eshitdim. Negadir boʻgʻilmadim. Shunchaki, “haa” deb qoʻydim, xolos.

Xulosa:
Igʻvo tarqatish - Blunder
Tarqatilgan igʻvoni nazarga olish va u odam bilan tortishish - Mistake
Tarqatilgan igʻvoni nazarga olish, lekin oʻz ichiga koʻmib qoʻyish - Best
Tarqatilgan igʻvoni nazarga olmaslik va oʻsha odam bilan ishi boʻlmaslik - Brilliant.

Atrofda shunaqangi gaplar yuradi-da, buni tarqatyotgan insonlar yo hasadgoʻy, yoki yetarli darajada ma’lumotga ega emas. Bir-ikkitasini misol qilib keltiraman. Ixtisoslashgan maktabda katta pul toʻlab oʻqiladi, ixtisoslashgan maktab olimpiadada oʻrinlarni sotib oladi. Milliy sertifikat imtihoniga yaqin yangisi chiqibdi. Ixtisoslashgan maktab milliy sertifikatni ham sotib olishadi, shunchun koʻpchilik boʻlib topshirishdi ular, degan. Eng achinarlisi, ayrim gaplar maktabimizning ba’zi “insofsiz” oʻquvchilari tomonidan ham gapiriladi. Bu gaplar bilan nima demoqchiman: agar siz hayotingizda oʻzingizdan boshqa hammani ayblayverar ekansiz, bir joydan ikkinchi joyga koʻtarila olmaysiz. Aslida, inson o‘z hayotida nimagadir erishmoqchi bo‘lsa, boshqalarning muvaffaqiyatini shunchaki tan olish va o‘ziga dars chiqarish kerak. Ayblash, bahona izlash odamni hech qachon oldinga olib chiqmaydi. O‘z ustida ishlash va halollikni yo‘qotmaslik eng muhim narsa.

Shu sababli, bunday gaplarga e’tibor bermaslik, o‘z yo‘lingni tanlab, isbotlash eng yaxshi javob bo‘ladi. Oxir-oqibat, haqiqat baribir o‘zini ko‘rsatadi.

Ogʻriq oʻsishning ajralmas qismi hisoblanadi. Axir yiqilib tajriba olamiz.

® Den Braun "Farishtalar va iblislar"

Kimligingni yashirishga harakat qilgan kuning - oʻlgan kuning.

® Den Braun "Farishtalar va iblislar"

Kitobni oʻqib tugatib, javonga qaytarish — bir olam xotiralarni joyiga qoʻyishdek. Javonga tikilib, yangi kitob tanlash esa — yana bir yangi sarguzasht boshlashdek.

"Farishtalar va iblislar"ni 16 kun oʻqibman. Shu 16 kun davomida qahramonlar bilan birga yashadim. Va endi bu olamdan chiqish qiyin...

@NiginaKomiljonova

"Farishtalar va iblislar" asari haqida

Den Braunning “Farishtalar va iblislar” romani Robert Lengdon turkumining birinchi kitobi bo‘lib, ilm-fan, din va qadimiy sirlar o‘rtasidagi keskin kurashni o‘z ichiga oladi. Asar sirli qotillik, tarixiy jumboqlar va zamonaviy texnologiyalar mujassam bo‘lgan sarguzasht triller janrida yozilgan. Professor Robert Lengdon "CERN" laboratoriyasida qilingan vahshiy qotillik va Illuminati deb nomlangan sirli tashkilot izi bilan Vatikan shahriga boradi. Chunki ushbu tashkilot Rim Papasi vafotidan keyin butun dunyoni larzaga soluvchi katta fitna tayyorlayotgani ma’lum bo‘ladi. Lengdon vaqtga qarshi kurashib, qadimiy belgilarni tahlil qilish orqali fitnaning oldini olishga harakat qiladi.

Den Braunning bundan tashqari 2 ta kitobini oʻqiganman va ularda umumiylik bordek. Farishtalar va iblislar romanida ham, Raqamli qal’a  asarida ham "Faqat haqiqat seni ozod qiladi" degan jumla uchraydi. Bu ibora lotincha "Veritas vos liberabit" shaklida ifodalanadi. Den Braun bu iborani o‘z romanlarida turli kontekstlarda ishlatgan: "Farishtalar va iblislar" asarida bu jumla Illuminati va Vatikandagi fitnalar bilan bog‘liq tarzda keladi. Raqamli qal’a romanida esa u kriptografik kodlar va axborot erkinligi mavzusiga ulanadi. Braun ko‘p asarlarida haqiqatni ochish va sirlarni fosh qilish markaziy mavzu sifatida tasvirlanadi. Den Braunning "Farishtalar va iblislar" va "Ibtido" romanlarida ham bir olim kashfiyotini yoki sirini noto‘g‘ri odamga aytadi va natijada o‘ldiriladi. Toʻgʻri, "Ibtido" asarida olim oʻzi yaratgan sunʼiy intellekt tomonidan oʻldirilgan, lekin asarning oxiriga borguncha oʻquvchi uni qaysidir dushmani tomonidan oʻldirilgan degan xulosaga boradi. "Farishtalar va iblislar"da Leonardo Vetra antimateriya sirini ochadi va buning uchun o‘ldiriladi. "Ibtido"da Edmond Kirsh olam va hayotning kelib chiqishi haqidagi shov-shuvli kashfiyotini oshkor qilish arafasida bo‘ladi va natijada nishonga olinadi.
Bu hikoyalardan sir saqlash muhimligi haqida saboq chiqarsa bo‘ladi. Har qanday ilmiy yoki shaxsiy sir noto‘g‘ri odam qo‘liga tushsa, katta xavf tug‘dirishi mumkin. Shu bilan birga, haqiqatni oshkor qilish ham ba’zan zarur bo‘lishi mumkin, faqat uni kimga va qanday ochish masalasi muhim.

@NiginaKomiljonova

Iloj, - dedi yana oʻziga oʻzi. - Har doim iloj bor. Atrofingga qayta nazar tashla.

® Den Braun "Farishtalar va iblislar"

Qiziq... Nodirbek Abdusattorov va Sindarovning soyasini beryapti rasm. Agar Sindarov oʻynasagina koʻraman oʻyinlarni. Keyin yana boshlanadi-da, oʻyinlarga shoʻngʻib ketish 😂 (Bu safar uxlab qolmay har birini koʻraman deb turibman-u oʻzimcha) Agar boshqasi oʻynasa, natijalarni bilish bilan kifoyalanaman.

#sarhisob Fevral

1. Abdurazzoq Gurna "Jannat"