NamMQI_Rasmiy | YANGILIKLAR

Muhandislik kommunikatsiyalari fakultetida “Milliy liboslar – millat koʻrki” shiori ostida aksiya oʻtkazildi

Aksiya milliy liboslarimiz va milliy qadriyatlarimizning yoshlar orasidagi qadrini yanada oshirish maqsadida hamda talabalarning boʻsh vaqtini mazmunli oʻtkazish maqsadida tashkil etildi.

Tadbirda fakultet dekani Nozimjon Ortiqov, bir guruh professor-oʻqituvlar, tyutorlar, institut Axborot resurs markazi xodimlari va fakultet talabalari ishtirok etdi.

Fakultet dekanining oʻrinbosari Anvarjon Dehqonov aksiya uchun tanlangan shior mazmuni hamda milliy qadriyatlarning inson va millat hayotidagi ahamiyati haqida fikrlarini bildirdi.

Aksiya davomida talabalar va professor-oʻqituvchilar ishtirokida milliy oʻyinlarimizdan “oq terakmi-koʻk terak” oʻyini, milliy laparlar, kuy-qoʻshiqlar va raqslar ijro etildi.

Tadbir yakunida fakultet dekani Nozimjon Ortiqov ishtirokchilarga oʻz minnatdorchiligini bildirdi.

NamMQI media markazi

Institutda "Qishki mavsum" 9-tur "Zakovat" intellektual oʻyini oʻtkazildi

Namangan muhandislik-qurilish instituti Yoshlar ittifoqi Boshlangʻich tashkiloti koordinatorlari tomonidan "Zakovat" intellektual oʻyini oʻtkazildi.

Axborot-resurs markazida bahs va munozaralarga boy tarzda boʻlib oʻtgan intellektual musobaqaning 9-turida jamoalar ajoyib atmosferani yuzaga keltirdi. Mavsum yakunlashiga 1 tur qoldi.

NamMQI media markazi

Institutda “Tadbirkorlik asoslari” mavzusida oʻquv seminari tashkil etildi

“Yoshlar-kelajagimiz” jamgʻarmasi viloyat filiali tomonidan “Elektron-onlayn auksionlarni tashkil etish” AJ viloyat boʻlimi hamkorligida Namangan muhandislik-qurilish instituti talabalari uchun “Tadbirkorlik asoslari” mavzusida oʻquv seminari tashkil etildi.

Ishtirokchi yoshlarga tadbirkorlik asoslari, biznesni rejalashtirish va biznes reja tuzish tartiblari, e-kasb.uz platformasi va undan foydalanish tartiblari, yoshlarga berilgan imkoniyatlar va imtiyozlar, shuningdek onlayn savdolarda ishtirok etish tartibi va qulayliklari boʻyicha tushunchalar berib oʻtildi.

Shuningdek, ishtirokchi yoshlar oʻzlarini qiziqtirgan savollarga javoblar oldi.

NamMQI media markazi