Надо было вчера

Про PR и креатив с неожиданных ракурсов и с юмором

Львица-Царица

Муж сказал: наберешь 200 подписчиков, пойдёшь работать

Продам канал | Wildberries

197 000 пдп, доход 43 900 в месяц, цены 68 000 рублей

Статистика Избранное

Najmiddin Ermatov

@Najmiddin_Ermatov

Гео и язык канала: Узбекистан, Узбекский

Категория: не указана

Dilda darding bo‘lmasa,
Dardisarimni kovlama.

Mashrab

Связанные каналы | Похожие каналы

Гео и язык канала

Узбекистан, Узбекский

Категория

не указана

Статистика

Избранное

Фильтр публикаций

Скрывать удаленные

Скрывать репосты

Najmiddin Ermatov

26 Nov, 22:15

Репост из: Santuagara (20+)

02:38

Видео недоступно для предпросмотра

Смотреть в Telegram

#nazm

Ko‘k bo‘ri kezgan sarhad itlarga talosh endi,
Ko‘tarilgan bosh emas, birgina quyosh endi,
Uchqun sochgan ko‘zlarning topingani yosh endi,
Turkiy elning shiddati so‘nganga o‘xshayotir.

Sarbadorlar qonini sellar yuvib ketganday,
Millat uchun jon berar alpni devlar yutganday,
Ultontozlar kun sanab, e voh, shuni kutganday,
Elning kuni nomardga qolganga o‘xshayotir.

Yuz ellik yil otangni otganni og‘a sanab,
Dili buzuq kelganning qadamiga gul qadab,
Yo, HAQ, deya yonganning mozoriga tosh qalab,
Saroyingga qarg‘alar qo‘nganga o‘xshayotir.

Eldan chiqib elidan irganganlar ko‘ringay,
O‘z tarixin o‘zgadan o‘rganganlar ko‘ringay,
G‘ujuri-yu zaboni o‘zgarganlar ko‘ringay,
O‘z farzanding o‘zingni sotganga o‘xshayotir.

Kechang zavolga do‘ndi, haykalday qotib bo‘ldi,
Sening bor nasibangni beklaring totib bo‘ldi,
Bugundan-ku ayrilding, ertangni sotib bo‘ldi,
Yo‘l ko‘rsatar mayog‘ing o‘chganga o‘xshayotir.

Burgut uchgan zovlarda quzg‘un bazm etmoqda,
Ildizingni kavshabon to‘ng‘iz hazm etmoqda,
Ertangni belgilashga yotlar jazm etmoqda,
Qoshiq butun, qiliching singanga o‘xshayotir.

Kechagi yovqir nigoh bugun yerga qadalgan,
Vatan kutgan jasorat non topishga atalgan,
Bo‘yin egik, qo‘l qadoq, tizzalaring qavargan,
Umid ko‘zyosh sho‘ridan so‘lganga o‘xshayotir.

Uyg‘otay deb kelgan ul bahorlar bekor ketar,
Har tongda quyosh turtib, har shomda bezor ketar,
Bo‘g‘zin yirtib shoirlar ming hayqirib, xor ketar,
Alloh, bu xalq shu holga ko‘nganga o‘xshayotir.
Turkiy elning shiddati so‘nganga o‘xshayotir.

©Najmiddin Ermatov

P.s: uxlolmay chiqardim videoni qilmaganimda)

275 0 20 48

Najmiddin Ermatov

26 Nov, 22:15

Репост из: Santuagara (20+)

#review #izlam

🐺"Turon sog‘inchi"
🤨Najmiddin Ermatov

Shayton.
Taqiq.
Va o‘sha meva -
Afsus bor quvg‘indi odam naslida.
Negadir ularga aloqam yo‘qdek,
Yomg‘ir bo‘lsan kerak aslida.

Najmiddin Ermatovni ko‘pchilik singari "Ko‘k bo‘ri..." she'ri orqali taniganman. O‘shanda dolzarb bo‘lgan muammolardan birini qadim she'rga sola olgani uchun shoirdan sevingan edim. Bu she'r hali ham o‘zining ahamiyatini yo‘qotmadi va aynan ana shu she'r, men uchun shoir ijodining kulminatsiyasi emas, debochasidir.

Kitob uch qurdan tashkil topgan. Jon. Qon. Shon. Har bir qurda nomlarga mos mavzular, muhabbat, sadoqat, adolat mavzulariga oid she'rlar saralangan. Muqovadagi uch surat ham shundan darak beradi. Aytish joizki Najmiddin Ermatovning she'riy kitobi Izlamdagi eng yaxshi tartiblangan she'riy kitobdir.

Bundan tashqari shoirning ovozi menga tanish bo‘lganligi uchun har bir satrga ko‘zim tushganda, muhtaram muallifning o‘z ovozlari orqali she'rlarni jonli tarzda o‘qiy oldim. Bu hol mendek she'rlarni ovoz chiqarmay o‘qiydigan kitobxonlar uchun ayni muddao. Avval Tillaniso va Jontemir she'rlarini o‘qiganimda shunday hisni tuygandim.

Shoirning yana bir yutug‘i boshqa shoirlar singari tilimizga "begona" bo‘lgan arab-fors-yunon so‘zlarini bo‘lar-bo‘lmasga ishlatmasdan, qadim turkiy tildagi, xalq og‘zaki ijodimizda ishlatilgan so‘zlarni she'rlarida keng qo‘llaganligidir. Men Najmiddin Ermatov she'riyatida "yovqirlik"ni sezganman doim. Bu yovqirlik asnosida shoir yangi davr uchun qadim doston bitmog‘i ham mumkin.

Najmiddin Ermatov she'riyat dashtliklaridan uzoqlashmagan holda, Turon sog‘inchi quvonchimizga aylanishini istab, barchaga yoqimli mutolaa tilagan holda, hurmat va ehtirom ila S.N.K

P.s: 2024-yil o‘qilgan 46-kitob

263 0 2 8

Najmiddin Ermatov

20 Nov, 21:30

00:47

Видео недоступно для предпросмотра

Смотреть в Telegram

* * *
Аслан ёмғир эдим.
Йўлин синдириб,
нурни ташна этдим ёмғир бўлмоққа.
Сандулоч кўзидан висол ўмариб,
ёғмоққа шай бўлдик, фақат ёғмоққа.

Зарафшон жисмимиз каҳкашон ичра,
сочилган сомондан бир ошён ясар,
ёғармиз,
Исрофил суридан кейин,
ёғмоққа арзирли дунё топилса.

https://t.me/Najmiddin_Ermatov

2.3k 1 14 68

Najmiddin Ermatov

20 Nov, 18:49

Репост из: Jadid.uz

❗️
“IZLAM” DAVRASIDA

“Akademnashr” nashriyoti tomonidan chop etilgan “Izlam” turkumi doirasidagi kitoblar keyingi paytlarda ko‘p bor tilga olindi, o‘quvchilarda ushbu mualliflarning ijodiga nisbatan qiziqish bir qadar ortdi. Biz ushbu turkumning bu yilgi mualliflari ijodidan namunalarni bir havolada jamladik.

✍️ Mansur Jumayev
✍️ Najmiddin Ermatov
✍️ Suhrob Ziyo
✍️ Shahriyor Shavkat
✍️ Nozima Habibullayeva
✍️ Jaloliddin Sayyid
✍️ Rahmat Bobojon
✍️ Gulhayo Anorova
✍️ Furqat Alimardon
✍️ Jumanazar Yoʻldosh
✍️ Bayram Ali
✍️ Mohira Eshpo’latova
✍️ Sevara Alijonova
✍️ Muhammadxon Yusupov
✍️ Gulrang Ubayeva

📱 Batafsil: jadid.uz/izlam-davrasida

✅Jadid.uz’ga obuna bo‘ling

1.7k 0 4 32

Najmiddin Ermatov

19 Nov, 07:06

Сенинг бор насибангни бекларинг тотиб бўлди,
Бугунданку айрилдинг, эртангни сотиб бўлди...

https://t.me/Najmiddin_Ermatov

6.3k 7 93 179

Najmiddin Ermatov

13 Nov, 08:05

Тақво йўлларинда мажнунтол эгик,
Тераклар кеккайган азалий кофир.
Аслан қўноқлиги яширин дунда
Ёмғирлар муҳожир, мен-да муҳожир.

Токларнинг шохида тўнглаган ёши,
Беҳиштда данагин қолдирган анжир.
Бизни тарошлаган норасо дунё,
Ёмғирлар хабарчи, мен-да хабарчи.

Оҳулар кўзидан андуҳий бода
Ҳўплаган шамоллар эсида жудо.
Эс бу қолганларга ўхшамак бўлса,
Ёмғирлар девона, мен-да девона.

Қўрғошин тусдаги ёшни симирган,
Туманлар заминнинг чўнтакрўмоли.
Унинг бир камига даво қидирган,
Ёмғирлар сазойи, мен-да сазойи.

Ҳаққуш уясига тухумин қўйиб,
Каккулар минг йилки жўжа очирган.
Бул мудҳиш сирларнинг гувоҳи бўлиб,
Ёмғирлар осилган, мен-да осилган.

Кун-бакун тусланиб бораётган бул—
Замон оловбардор, замин ўтхона.
Кимки ёндош бўлса, эта бошлар кул,
Ёмғирлар бегона, мен-да бегона...

https://t.me/Najmiddin_Ermatov

4.5k 1 40 102

Najmiddin Ermatov

10 Nov, 12:34

ДОНОЛАРДАН ТЎРТ ҲИКМАТ

«Қайси мамлакат одамлари илмдан, ахлоқдан, адабиётдан, фалсафадан кўра кўпроқ сиёсат ҳақида гапирсалар, билингки, у мамлакатда ҳеч бир соҳа тартибга солинмагандир».

Фридрих ШИЛЛЕР,
немис шоири ва драматурги

«Уйқудаги одамни уйғотиш мумкин. Аммо ўзини ухлаётганга солиб ётган одамни уйғотиб бўлмайди».

Махатма ГАНДИ,
ҳинд мутафаккири

«Ҳақсизликка индамай бўйин эгадиганлар – ҳақсизлик қилганлар билан тенгма-тенг айбдордирлар. Чунки, ҳақсизликнинг ёйилишига ва куч олишига унга бўйин эгадиганлар сабабчи бўладилар».

Рабиндранат ТҲАКУР,
ҳинд ёзувчиси, шоир ва жамоат арбоби

«Халқнинг оғзидаги нонини тортиб оладиганлар оммага қаноатдан ваъз айтадилар...
Бўккунича овқат ейдиганлар очларга келажакдаги гўзал кунларни ваъда этадилар...»

Бертольд БРЕХТ,
немис драматурги

https://t.me/Najmiddin_Ermatov

Najmiddin Ermatov

Dilda darding bo‘lmasa, Dardisarimni kovlama. Mashrab

12.5k 3 120 106

Najmiddin Ermatov

9 Nov, 18:52

Репост из: Kitob Javoni

A𝘡𝘐𝘡 𝘒𝘐𝘛𝘖𝘉𝘚𝘌𝘝𝘈𝘙𝘓𝘈𝘙, 𝘛𝘌𝘗𝘗𝘈-𝘛𝘌𝘒𝘐𝘕 𝘒𝘐𝘛𝘖𝘉
𝘖𝘓𝘐𝘚𝘏𝘕𝘐 𝘟𝘖𝘏𝘓𝘈𝘠𝘚𝘐𝘡𝘔𝘐 ?

UNDA "Izlam" 𝘛𝘈𝘕𝘓𝘖𝘝𝘐𝘔𝘐𝘡𝘋𝘈 𝘍𝘈𝘖𝘓 𝘉𝘖'𝘓𝘐𝘕𝘎 !!!

“Аkademnashr” nashriyoti tomonidan chop etilgan “Izlam” turkumidagi
kitoblarning birinchi sohiblaridan biriga aylaning.

✅ 1 o’rin “Izlam” turkumida chop etilgan istagan besh kitobi;
(Imkon qadar kitob muallifining g’olib ismiga yozilgan tilaklari va dastxati bilan)

✅ 2 o'rin “Izlam” turkumida chop etilgan uch kitob;

✅ 3 o'rin “Izlam” turkumida chop etilgan ikki kitob;

Eng faol o’n ishtirokchi “Izlam” turkumida chop etilgan bir dona kitob bilan taqdirlanadi.

Tanlov sharti juda oddiy bot va homiy kanalga a'zo bo'ling hamda sizga taqdim etiladigan linkni kitobxon do'stlaringizga ulashing. Eng ko'p do'stlarini safimizga chorlaganlar g'olib bo'ladi.

ɢ‘ᴏʟɪʙʟᴀʀ ᴛᴀʟᴀʙᴀʟᴀʀ ᴋᴜɴɪ ᴛᴜɴɢɪ 11:00 ᴅᴀ ᴇ'ʟᴏɴ ǫɪʟɪɴᴀᴅɪ.

👇👇👇👇👇👇👇👇👇👇

@KJtanlov_bot

2.8k 0 4 31

Najmiddin Ermatov

7 Nov, 22:16

* * *

Uning qaytar vaqti boʻldi, yoronlar.
E.SHUKUR

Namxush noyabrning nihoyasida
Koʻlmaklar izingni sanashga tushdi.
Motamda sochini yulgan kampirday
Majnuntol boshidan roʻmoli uchdi.
Qaytar vaqting boʻldi, yorijon.

Hilolning yuzini toʻsdi bulutlar,
Mayogʻin yoʻqotgan xayolim daydir
Kimsasiz bogʻlarning qoʻynida shamol
Izgʻiydi qadimiy bir sirni aytib.
Qaytar vaqting boʻldi, yorijon.

Tun yarmi, bemahal qichqirdi xoʻroz,
Xudoyim, chirogʻim qolmasin oʻchib
Ming yillik musallas topgan mayxoʻrday
Darchadan tamshanib boqmoqda kecha.
Qaytar vaqting boʻldi, yorijon.

Gʻamboda tunlarda seni kutyapman,
Ey gʻamnok vatanning gʻamguzor qizi.
Qoʻrqib moʻralayman, tuman tushibdi,
Topa olarmisan qaytishga izni?..
Qaytar vaqting boʻldi, yorijon.

Sen ketgandan beri shundaydir hayot,
Sen yoʻq kunlarimda shunga qasd qildim.
Ne boʻlsa boʻlar deb, chiroq oʻchirib,
Qancha kechalarni ming bor mast qildim.
Qaytar vaqting boʻldi, yorijon.

Namxush noyabrday tugab boryapman,
Qahraton kelsa gar, nihoya tayin.
Sening ketganingni koʻrganman, yetar,
Sening kelmasliging koʻrib qolmayin.
Qaytar vaqting boʻldi, yorijon.

📘 Najmiddin Ermatov, “Turon sog'inchi”

@akademnashr

“Аkademnashr” nashriyoti

#yangi_nashr 📘 Najmiddin Ermatov, “Turon sog'inchi” she’rlar 📖 Fragment va mundarija Muqova: yumshoq Hajmi: 144 bet Narxi: 31 000 so‘m Xarid: t.me/akademsavdo #IZLAM to‘plamini chegirmali narxda xarid qiling. 📚 @akademnashr Youtube | Instagram | Facebook | Twitter

3.3k 2 22 50

Najmiddin Ermatov

7 Nov, 12:56

Репост из: “Аkademnashr” nashriyoti

#IZLAM

1. Shahriyor Shavkat “Ham” — 31 000 so‘m

2. Nozima Habibullayeva “Nafas” — 27 000 so‘m

3. Mansur Jumayev “Biz kutgan fasl” — 27 000 so‘m

4. Najmiddin Ermatov “Turon sog'inchi” — 31 000 so‘m

5. Furqat Alimardon “Qorakuya” — 27 000 so‘m

6. Suhrob Ziyo “Daryo” — 31 000 so‘m

7. Muhammadxon Yusupov “Deraza ortida” — 31 000 so‘m

8. Bayram Ali “Bosiriq” — 35 000 so‘m

9. MohiRa “Qirq birinchi kun” — 35 000 so‘m

10. Gulrang “Gulqaychi” — 27 000 so‘m

11. Jaloliddin Sayyid “Huqqaboz” — 31 000 so‘m

12. Jumanazar Yo'ldosh “Sir” — 31 000 so‘m

13. Rahmat Bobojon “Ro‘baro‘” — 35 000 so‘m

14. Gulhayo Anorova “Avron” — 27 000 so‘m

15. Sevara Alijonova “Mahkum sayohati” — 31 000 so‘m

Umumiy narx: 457 000 so‘m
Chegirmali narx: 370 000 so'm

Chegirma butun to‘plamni sotib olganlar uchun amal qiladi.

Xarid: t.me/akademsavdo

📚 @akademnashr

Youtube | Instagram | Facebook | Twitter

2.7k 0 15 35

Najmiddin Ermatov

6 Nov, 20:24

Репост из: КЕЧИККАН ЙЎЛОВЧИ

МАНЗИЛ

Мансур Жумаевга

Йўқ, бу – дунё эмас, бу асли рўё,
Заррача дардингдан қилмайди халос.
Карвонлар адашган, йўллар зим-зиё
Кўнгилда ўлимтик илинж бор, холос.

Йўқ, бу – қуёш эмас, бу ўтли кўзёш,
Бир томчи нур тилаб энтикади жон.
Адолат сўрайсан – эримайди тош,
Томирингда қайнаб қотиб қолган қон.

Йўқ, бу – ёмғир эмас, бу аччиқ тақдир,
Бир ожиз кўнгилни ўртаган алам.
Очилмоқдан қўрқиб ўлаётган сир,
Бир томчи кўз ёшга кўмилган олам.

Йўқ, бу – севги эмас, шунчаки сезги,
Мудом тортаверар бир ёввойи ҳирс.
Юрагингда бўшлиқ, юзингда кулги,
Руҳсиз вужудингни тарк этар бир ҳис.

Йўқ, бу – ўлим эмас, бу менинг йўлим,
Сочиб юборилган минг битта имкон.
Биргина манзилга етмаган умрим,
Томоғимда титраб сўнаётган жон...

©️Дадахон

@dadaxonmuhammadiy

3k 0 22 104

Najmiddin Ermatov

5 Nov, 23:52

Marsiya

Mansur Jumayevga

Toshkentdan Qarshi qadar yomg‘ir yog‘ib borodur,
O‘n bir dilpora do‘sting esdan og‘ib borodur,
Kuygan ko‘kay kuydirgi ko‘zni sog‘ib borodur,
Yo‘l ham bizga qo‘shilib, zorlanib borar, do‘stim.

Qatordan kamni sanab, kuzak hayron boqodur,
Yulduzini uchirgan osmon vayron boqodur,
Sen kutgan fasl* kelib, vale giryon boqodur,
Qilmishidan qismating orlanib borar, do‘stim.

Oldinda bir ulov bor, ichida ikki murg‘ak,
So‘lg‘in bitta gul bordir - sen sevgan o‘shal yurak,
Kim bosh bo‘lar ularga, kim bo‘lar endi tirgak?..
Orzular xazon yanglig‘ xorlanib borar, do‘stim.

Buncha uzun bu yo‘llar, buncha bag‘ri yag‘irdir,
O‘n bir yo‘ldosh boradur, bari yag‘ir bag‘irdir,
She'rlar qoldi shoirsiz, nahot she'r ham sag‘irdir?..
Lek shoiri Tangriga yorlanib borar, do‘stim.

Derazadan termulsam, otilib chiqib oting,
Xayolimda siniqqan surating turar qotib,
Tark etdi deb ingrasam, battar o‘rtabon yoding
Borgan sari dunyoda borlanib borar, do‘stim.

*''Biz kutgan fasl'' kitobi

18.2k 17 155 272

Najmiddin Ermatov

5 Nov, 16:03

Репост из: XURSHID DAVRON KUTUBXONASI

Bugun o‘zbek she’riyati og‘ir judolikka uchradi. Iste’dodli va taniqli shoir Mansur Jumayev olamdan o‘tdi. Bu haqda uning yaqinlari facebook sahifasida ma’lum qildi.

Mansur Jumayev 1991-yili Qashqadaryo viloyati, Mirishkor tumanida tug‘ilgan. O‘zbekiston davlat jahon tillari universitetining Xalqaro jurnalistika fakultetini tamomlagan. O‘zbekiston Yozuvchilar uyushmasi a’zosi. Shoirning “Oq orzularim”, “Hayrat qo‘shiqlari”, “Hazrati ishq” nomli she’riy to‘plamlari nashr etilgan. Yaqinda chop etilgan “Izlam” turkumida “Biz kutgan fasl” nomli she’riy to‘plami chiqqan. Bu shoirning oxirgi kitobi bo‘lib qoldi.

Мансур Жумаев. Шеърлар. Шоирнинг ўзи ўқиган. / Mansur Jumayev. She’rlar. Shoirning o‘zi o‘qigan. https://www.youtube.com/watch?v=aGhQ3WGuKRs

Mansur Jumayev She rlar Shoirning o zi o qigan mpeg4 mpeg4

Bugun o‘zbek she’riyati og‘ir judolikka uchradi. Iste’dodli va taniqli shoir Mansur Jumayev olamdan o‘tdi. Bu haqda uning yaqinlari facebook sahifasida ma’lum qildi. Мансур Жумаев. Шеърлар. Шоирнинг ўзи ўқиган. / Mansur Jumayev. She’rlar. Shoirning o‘zi o‘qigan. Mansur Jumayev 1991-yili Qashqadar...

3.2k 0 21 81

Najmiddin Ermatov

5 Nov, 09:48

Бугун яқин дўстимиз, катта шоир, тенгқурларимиз орасида энг закийси Мансур Жумаев чин дунёга сафар қилди.

Ундан икки фарзанд ҳамда бир дунё ёзилган ва ҳали ёзилмаган шеърлар қолди(((

* * *
Олдинда бир йўл бор кўп йироқ,
тарҳини, топмадим ким бичган:
қиличим дамидан ўткирроқ,
сочларинг торидан ингичка.

Олдинда кўприк бор — ости жар,
билмадим ўзим не бўламан,
азизим, сен ўтгил бехатар,
азизим, сен фақат қулама!

Олдинда чаман бор,
сафо бор,
хотиржам-хотиржам ҳаво бор...
азизим,
унгача озгина
ситам бор,
зулм бор,
жафо бор...

Ишқ дедим кезиб тўрт ёғингда,
ишқ дедим,
чорладим билмайин;
азизим, сен борар боғингда
мен кутиб оларман жилмайиб!

Унгача йўл бордир кўп йироқ,
тарҳини, топмадим, ким бичган:
қиличим дамидан ўткирроқ,
сочларинг торидан ингичка.

© Мансур ЖУМАЕВ

5.7k 4 63 217

Najmiddin Ermatov

3 Nov, 06:27

Репост из: Iqtisod4i

«Излам»

Яқинда «Излам» тўпламининг иккинчи мавсуми нашрдан чиққани ҳақида билдим. Биринчи тўпламдан мен Хуршид Абдурашиднинг «Фақат у қолди» китобини олиб ўқиган эдим. Хуршид аканинг «Ўша мен эдим» шеъри айниқса жуда ёқади (бу ерда муаллифнинг ўзи ўқигани видеоси).

Иккинчи тўпламдан эса Нажмиддин Эрматовнинг «Турон соғинчи» китобини олиб ўқидим. Нажмиддин Эрматовни кўпчилик «Кўк бўри кезган сарҳад итларга талош энди» деб бошланувчи шеъри орқали танийди. Меҳриноз Аббосова мана бу ерда шоир билан яхши суҳбат қилган, вақт ажратиб кўришга арзийди.

Мен шоирнинг бир шеърини қуйида улашаман ва нафақат бу, балки «Излам»нинг бошқа китобларини ҳам олиб ўқишни тавсия қиламан.

Тил бу танглайингдан чиққан ортиғинг,
Тумшуғинг тилингни тийиш-чун бешак.
Юрагинг қўрқувни ҳис этмоқ учун,
Қанотинг шунчаки ҳуснингга безак.

Сайрамоқ? Нима у? Телбалар йўли,
Англамоқ — ахлоққа тескари ғоят.
Осмон бу қонунга зид бўлган маскан,
Учишга уриниш оғир жиноят.

Тухумдан чиққандан шундай дедилар:
Қафасдан ташқари — жиноят буткул.
Фақат ичкарини ҳақ йўл деб билди,
Энди ҳеч жиноят қилмайди булбул.

©️ Нажмиддин Эрматов

Аъзамхўжаев

Ëш шоирларнинг "Излам" тўплами иккинчи мавсуми нашрдан чиқибди. Муаллифлар орасида курсдошимиз Севара Алижонова ҳам бор экан. Манба.

3.7k 0 18 54

Najmiddin Ermatov

1 Nov, 19:04

Репост из: ANVAR ESHNAZAR

#Izlam

Avvallari turklik sharaf edi. Hozir esa jasorat. Turkiy elning ellik asrlik orzu-armonlarini tarannum etish kishidan dovyuraklik talab qiladi. Shoirlarning barchasida ham bunga jur'at topilavermaydi. Najmiddin Ermatov shoirlarning botiri, botirlarning shoiri. Uning "Turon sog‘inchi" deya nomlangan to‘plami turkiy elning so‘nayotgan shiddatini qaytaruvchi ruh bilan yozilgan.

Ushbu kitobning o‘zi mo‘jaz bo‘lsa-da, mag‘zi zalvorli. Unda Amir Temur, Alp Er To‘nga kabi qahramonlar asos solgan Turon saltanatining sog‘inchi aks etgan. Yagona millat, yagona ruhiyat qo‘shig‘i bu kitob. Ta'bir joiz bo‘lsa, uni Turknoma deb atagan bo‘lardim. Turkistonning birinchi Najmiddini Yurt bayrog‘ini shahid bo‘lsa ham changalidan bo‘shatmagandi. Ikkinchi Najmiddini esa bu bayroqni qayta ko‘tardi. Barchamizga ushbu to‘plam qutlug‘ bo‘lsin!

https: rel='nofollow'>//t.me/AnvarEshnazarov

3.4k 0 10 93

Najmiddin Ermatov

1 Nov, 11:00

Бу кунлар ёмғирнинг жилваси,
Соғинчнинг аксидир, ўйласам.
Бу кунлар—эртанинг эркаси,
Юпатар ўзгадир йиғласа...

Бу кунлар баҳорнинг ёдини
Боғлардан ўмарган қароқчи.
Бу кунлар кўп кўрган тотиниб,
Жонимни қайтадан олмоқчи.

Бу кунлар кун эмас,
Кунсулув
мен ила қолдирган хотири.
Бу кунлар тутса ҳам ўзни ёв,
Отса ҳам чиқарман отилиб.

Кунсулув пеш қилиб кадарни,
Умрини эртага атади.
Тўхтатдим мен бунай сафарни,
Бу кунлар қиёмат қадардир...

Октябр, 2024

https://t.me/Najmiddin_Ermatov

3.8k 1 20 56

Najmiddin Ermatov

1 Nov, 10:20

Репост из: Jumanazar YO'LDOSH

#Izlam

"Turkiy elning shiddati so'ngganga o'xshayotir..."

Bu satr o'zini, aslini, o'zligini - Turkiy millatini unutmagan, uning birligini, buyukligini qaytishini qumsagan shoirning satridir. Najmiddin Ermatov ijodi deyilganda xayolimda shu satrlar aylanaveradi. Qarangki, yangi kitobi ham "Turon sog'inchi" deb nomlanibdi. Rauf Parfi, Shavkat Rahmonlarda bo'y ko'rsatgan bu ulug' g'oya Shoirda davom etayotir.
Najmiddinga Turkiynafas shoirlarning ruhi madadkor bo'lsin, yangi kitob muborak bo'lsin!

Xarid: http://t.me/akademsavdo

@Jumanazar_Yuldash

2.9k 0 8 71

Najmiddin Ermatov

1 Nov, 10:20

Репост из: Nozima HABIBULLAYEVA

Men ochgan uzun yo‘lakning oxiridagi eshik meniki emas edi,- deydi Kafka bir asarida.
Bir paytlar yarim jahonni qanoti ostida tutgan buyuk Turon sarhadlari hozir qalbimizday pora-pora, sochilib yotibdi.

Mundooq xaritaga qarab, oyoq-qo‘li chopilgan, boshi tepaga bog‘liq, faqat yuragi qolgan Vatanga joni achimagan, vujudida "Turon sog‘inchi" o‘rmalamagan qaysi shoirni tirik deya ataysiz?
Nainki shoir, butun millat farzandlarining og‘rig‘i bu.

Najmiddin Ermatovning buyuk dardga ana shunday katta da'vosi bor. G‘ururimizga dastak, yaralarga malham "Turon sog‘inchi" barchaga muborak bo‘lsin!

@Nozima_Habibullayeva

2.7k 0 4 45

Najmiddin Ermatov

31 Oct, 18:31

Репост из: Rahmat BOBOJON

Дилда “Турон соғинчи”, қўлларда “Гулқайчи”...

Орадан юз йил ўтганда адабиёт тарихини ўрганувчилар бу авлодни таҳминан шундай эсласа не ажаб: “2020 йиллар авлоди адабиётимизга дилда “Турон соғинчи”, қўлларда “Гулқайчи” билан кириб келишган...”

Тўғри маънода ҳам, рамзий маънода ҳам ҳақ ўхшатиш.

Ҳа, Нажмиддин Эрматов улкан соғинч билан яшамоқда ва уни ҳақли равишда шеърларга солган. Яқинда у ўз ёзувларидан биттасида ушбу янги китоби худди учинчи ўғлидай эканини эътироф этди. Хўш, энди ҳис қилдингизми ушбу соғинч кўламини?

Биласиз, биз мансуб авлод олдинги авлодлардан олғирлиги, аммо ушбу авлодни чин маънода тушуниб “савалайдиган” одам етишмаётгани, устига-устак мунаққид уларнинг орасидан чиқиши кераклиги таъкидланади.

Гулранг бугун катта вазифани елкасига олиб кириб келмоқда даврага. Йўли ойдин бўлсин.

Ушбу икки китоб сизга мунтазир, марҳамат!

#Излам | @Rahmat_Bobojon

3.1k 0 7 54

Показано 20 последних публикаций.

4 360

подписчиков

Статистика канала

Популярное в канале

Marsiya Mansur Jumayevga Toshkentdan Qarshi qadar yomg‘ir yog‘ib borodur, O‘n bir dilpora do‘s...

ДОНОЛАРДАН ТЎРТ ҲИКМАТ «Қайси мамлакат одамлари илмдан, ахлоқдан, адабиётдан, фалсафадан кўра кў...

Сенинг бор насибангни бекларинг тотиб бўлди, Бугунданку айрилдинг, эртангни сотиб бўлди... ht...

Бугун яқин дўстимиз, катта шоир, тенгқурларимиз орасида энг закийси Мансур Жумаев чин дунёга са...

Тақво йўлларинда мажнунтол эгик, Тераклар кеккайган азалий кофир. Аслан қўноқлиги яширин дунда ...