"
Achchiq haqiqat"
Yuragimni ezib yuborgan holatlarni o‘ylab, yana bir narsani tushundim: bugungi kunda biz hayotning eng nozik va shaxsiy tomonlarini ham sotuvga qo‘yib yubordik. Erkaklar, bizni oramizdagi baʼzilar shunchalik maʼnaviy nochor bo‘lib qolgan ekanki, xotinini butun dunyoga ko‘rsatib, faxrlanishni odatiy holga aylantiribdi. O‘zingizdan so‘rang, bu bilan kimga nimani isbotlamoqchisiz? Bu o‘zingizga hurmatni oshiradimi yoki aksincha, sizni dunyo oldida nochor va dayus qilib ko‘rsatadimi?
Bugungi kunda ko‘plab oilalarning shaxsiy hayoti ijtimoiy tarmoqlar uchun shou maydonchasiga aylanib qoldi. Ayniqsa, erkaklarning xotinlarini ko‘rsatib, “Mana, mening xotinim qanday go‘zal, qanday homilador,” deb maqtanayotganlarini ko‘rib, insonni hayrat bosadi. Ey banda, oilangni shunday ko‘z-ko‘z qilish bilan nimaga erishasan? Xotiningni shaʼni va or-nomusini himoya qilish sening asosiy vazifang, bu erlik burching, shunchaki maqtanchoqlik emas.
Ey do‘stim, Evropaga havas qilib, ularning ochiq-sochiq hayotini taqlid qilma. Ha, ular o‘z uslubida yashashadi, lekin bu uslub bizning millatimizga ham, dinimizga ham mos emas. Bizning madaniyatimizda oilaning, xotin-qizlarning sha'ni va hurmati muqaddas sanaladi. Xotiningni butun dunyoga namoyish qilish seni kuchli yoki zamonaviy qilib ko‘rsatmaydi. Aksincha, bu sening ichki zaifligingni va o‘z qadr-qimmatingni unutib qo‘yganingni bildiradi.
O‘ylab ko‘r, do‘stim, xotiningning yuzini hech bo‘lmasa oddiy stiker bilan yopib qo‘yish seni kamsitmaydi. Bu nafaqat uni, balki o‘zingni ham hurmat qilayotganingni ko‘rsatadi. Har bir musulmon uchun uning oilasi, ayoli – eng muqaddas xazina. Uni shunday asra, uni hech qachon hamma ko‘z oldida oddiy narsa qilib qo‘ymagin.Mayli, bu ularning hayoti, deymiz, lekin bir musulmon sifatida shunday savol tugʻiladi: "Nima uchun oila aʼzolarimizni, ayniqsa, xotinimizni butun dunyoga ko'rsatishimiz kerak?" Allohning amriga koʻra, ayol kishining goʻzalligi uning oilasi va eriga atalgan. Bu sirni hammaga ko'z-ko'z qilish musulmonchilikka mos kelmaydi.
Kuni kecha Instagramda bir yigitni koʻrib qoldim. Yoshi 26 dan oshgan, yangi kelin-kuyov. Xotinining videosini qoʻyibdi. Xotini homilador ekan, o'zi esa xotini qorniga bosh qo‘yib, kulib, tirjayib turibdi. Ey banda, shunday narsalar bilan faxrlanib, mana, mana mening xotinim, deb dunyoga jar solishdan nima foyda? Bu hayotingni maqtanchoqlik va izzatsizlikka almashtiryapsan. Yuzini hech boʻlmaganda oddiy stiker bilan yopib qoʻy, ayolingni hurmat qil. Axir u ham seni nomingni or-nomusi, u ham oila sha'ning.
Hammamiz bilamizki, hayot o‘tkinchi. Kimlardir bugungi ishni ertaga qoldiryapti, kimlardir esa hayotning mazmunini unutib, bo‘sh vaqtini mayda-chuyda narsalarga sarflayapti. Lekin shuni unutmang, bu dunyo nafaqat yashash, balki maqsadlarimiz va qadriyatlarimizni himoya qilish uchun berilgan. Oila – bu eng katta boylik. Ularni hurmat qiling, shaʼnini saqlang va o‘zingizni ham nomingizni hamma oldida obro‘li qiling.
Ey do‘stim, o‘zingga bir savol ber: men kimman va bu dunyoga nima uchun keldim? Oilamni va o‘z or-nomusimni himoya qilish uchunmi yoki ular orqali maqtanish uchunmi? Javob o‘zingizga ayon. Bu dunyoda hamma narsa o‘tkinchi, lekin insonning qadr-qimmati va oilasining shaʼni hech qachon unut bo‘lmas boylikdir. Shu boylikni saqlang va barchamizga o‘rnak bo‘ling.
P.s. Bu matn tayyorlash uchun ketgan, vaqtimga achinmayman. Chunki bu matn, hammaga oʻrnak boʻladi.
Man bu yerda kimgadir aql oʻrgatish uchun yozmadim . Aksincha oʻrnak boʻlsin deb yozdim . Agar notoʻgʻri yozgan boʻlsam, fikrlaringiz qoldirishingiz mumkin.
Jahongir Murodov (Altair)
2025.25.01 10:30
Reaksiya bosib keting !
@MyLife_Events
