Jismoniy madaniyat fakulteti talabalari jahon standartlari va yangicha mexanizm asosida o‘qitiladi

Bugun Navoiy davlat universiteti rektori, professor Muxiddin Kalonov Jismoniy madaniyat fakulteti professor-oʻqituvchilari bilan uchrashdi.

Uchrashuvda fakultetni yanada rivojlantirish, ilmiy salohiyatini oshirish, hamkorlik aloqalarini kengaytirish, sportchi-talabalarga keng imkoniyatlar yaratish, yoshlar bilan ishlashda yangicha yondashuv asosida faoliyat olib borish kabi muhim masalalar muhokama qilindi. Bu boʻyicha fakultet masʼullarining takliflari tinglandi.

Shundan so‘ng uchrashuvda tashkiliy masala ko‘rildi. Shu vaqtga qadar Jismoniy madaniyat fakulteti dekani boʻlib ishlagan Nurullayev Abdixoliq Qaxxorovichni boshqa vazifaga oʻtishi munosabati bilan kuzatuv marosimi boʻlib oʻtdi. U kishining olib borgan samarali mehnat faoliyati, fakultet erishgan natijalari eʼtirof etildi hamda universitet rektori tomonidan to‘n – chopon taqdim qilindi.

Shu bilan birga, dekan lavozimiga yangi tayinlangan Umidjon Turdiyevga yuksak ishonch, fakultetni yuksaltirishda muvaffaqiyat bildirildi.

Bizni kuzating

🚀Telegram |📷Instagram |🔵Facebook |🌐 Web-sayt