МИБ ташкил топганига 7 йил тўлди
Бюро фаолиятига назар !Жамиятимиздаги суд-ҳуқуқ ислоҳотларининг ягона мақсади ҳам қонун устуворлигини таъминлаб, халқимизнинг ҳуқуқларини ҳимоялашдир.
Мажбурий ижро бюроси органлари суд ҳамда бошқа орган қарорларини ижро этади ва бу эса, одил судловни таъминлашга хизмат қилади.
Агар ёдингизда бўлса, бундан қарийб 7 йил муқаддам Давлатимиз раҳбарининг 2017 йил 29 майдаги Фармонига мувофиқ, Бош прокуратура ҳузурида Мажбурий ижро бюроси ташкил этилди.
Мажбурий ижро бюроси ташкил этилган дастлабки вақтда жамоатчилик эътиборида бўлди, кўплаб саволлар, кўплаб фикрлар ва мулоҳазалар, айнан янги идорага қаратилган эди.
Дастлаб, коммунал соҳадаги муаммоларга ечим топиб, асосан қарздорликларни ундириш билан шуғулланиб келган бу идора, ҳозирда суд ва бошқа органлар ҳужжатларини қатъий ва самарали бажариб келмоқда.
Фаолиятга татбиқ этилаётган янгиликлар ва аҳоли учун яратилаётган қулайликлар, аввало иш самарадорлигини ошириш, қарорлар ижросини сўзсиз бажаришга замин яратмоқда.
Ҳозирда, Бюро фаолиятига IT технологиялари имкониятлари кенг тарзда татбиқ этилиши натижасида, ижро иши жараёнини “онлайн” режимда кузатиш, ҳужжатлар алмашиш, мурожаатларни қабул қилиш ҳамда ходимлар ишининг шаффофлиги ва самарадорлигини ошириш имконини берувчи “MIB.Portal”, “Ақлли ёрдамчи”, “
MIB.UZ” мобил иловаси каби бир қатор дастурий электрон тизимлар татбиқ этилди.
Бугунги кунда, Ягона электрон ҳамкорлик тизими орқали 40 га яқин идора ва ташкилотлар билан ахборот интеграция қилинди, Бюронинг расмий
www.mib.uz расмий сайти ҳамда мобил иловасида бир қатор интерактив хизматлар йўлга қўйилди.
Кўрилган муҳим чоралар ва тизимли ишлар натижасида, Бюро органлари ташкил топганидан буён тарихан кўп бўлмаган вақт ичида 170,6 трлн сўмдан ортиқ ундирувлар амалга оширилди.
Шундан, давлат фойдасига 70,1 трлн. сўмга яқин маблағлар ундирилди. Тадбиркорлик субъектлари фойдасига 48,5 трлн. сўм, банклар учун 34,7 трлн сўм ва фуқароларимиз манфаатларига 8,9 трлн. сўм ундирилди.
Бюрода, ижтимоий аҳамиятга эга бўлган ижро ҳужжатларининг ижросини таъминлаш ҳар доимгидек муҳим масалалардан бири ҳисобланади.
Масалан, Президентимизнинг тегишли Фармони билан жорий этилган “Темир дафтар”, “Аёллар дафтари” ва “Ёшлар дафтари”га киритилган эҳтиёжманд бўлган фуқароларимизга 2,4 трлн. сўм маблағлар ўтказиб берилди.
Шунингдек, моддий ёрдамга муҳтож фарзандлар фойдасига 4,1 трлн. сўмлик алимент пуллари ундирилди, 23 млрд. млн. сўмлик 166 та уй-жой ва 3,7 млрд. сўмлик 43 та транспорт воситалари алимент учун олдиндан тўлов сифатида берилиши таъминланди.
Оиланинг жамиятдаги ўрни ва унинг муқаддаслиги масаласида олиб борилган профилактика ва тушунтириш ишлари натижасида 176 мингдан ортиқ оилалар яраштирилди.
Қонунга хилоф равишда ишдан бўшатилган 4.902 нафар фуқаролар ишга тикланди ва уларга тўланмай қолган 290,7 млрд сўмлик иш ҳақлари ундириб берилди.
Кейинги йилларда, Мажбурий ижро бюроси органлари аҳолига янада яқинлашмоқда, бу тизим чин маънода халқчил ва одил судловни таъминлашга хизмат қилувчи тузилмага айланмоқда
.Бюро ходимлари масъулиятли фаолиятини давом эттиришмоқда, уларга куч-ғайрат ва ва муваффақиятлар тилаб қоламиз !
➡️ Яқинларингизга юбориб ҳабардор қилиб қўйинг 👉 @Musayev_s_s