#буюклар_бисотидан
Абу Робийъ ал Аърож роҳимаҳуллоҳ Довуд ат Тоий роҳимаҳуллоҳнинг ҳузурига зиёрат қилиш мақсадида келади. Довуд ат Тоий роҳимаҳуллоҳ Абу Ҳанифа розияллоҳу анҳунинг шогирдларидан ҳисобланади.
Абу Робийъ роҳимаҳуллоҳ воқеани қуйидагича
ҳикоя қилади:"Уч кун Довуд ат Тоийнинг эшиги олдида кутдим. Намозга қомат айтилганда тезда уйдан чиқар, намозни ўқиб бўлиши билан тезда уйига шошиб кириб кетарди. Айнан ўша вақт мен ҳам масжидга чиққаним учун у кишини кўришга улгуролмай қолардим. Шу тарзда уч кун ўтгач, бошқа чора топишга ҳаракат қилдим. Бир кун намозни эртароқ ўқийдиган масжидда тезда ўқидиму уйининг эшиги олдига келиб у кишини кутдим. Намоздан чиқиб уйига келганда салом бериб меҳмонлигимни, Восит шаҳридан келганимни айтдим. У киши: "
Агар меҳмон бўлсанг уйга кир" деди. Уйига кирдим. Еб-ичишга шароитни тайёрлаб яна ўз иши, ибодати билан машғул бўлди.
Шу тарзда, у киши билан гаплашолмай яна уч кун ўтди. Намозларга чиқиб келардим, уйида ётиб турардим, аммо, мулоқот қилолмасдим. Чунки у киши дунё ва ундаги нарсалардан юз ўгирган, ўз иши билан банд эди. Тўртинчи куни ўзимда жасорат топиб у кишига: "Аллоҳ сизга марҳамат кўрсатсин! Мен Восит шаҳридан сизнинг ҳузурингизга руҳий озуқа олиш учун келдим" дедим.
Шунда у зот: "
Дунёдан рўза тут ва ўлим билан ифтор қил" деди. "Яна насиҳат қилинг" дедим. У зот: "
Одамларни айбламасдан, жамоатни тарк қилмасдан туриб улардан худди арслондан қочгандай қоч" деди. "Яна зиёда қилинг" деганимда, ўрнидан туриб қиблага юзландида "
Аллоҳу акбар" деб намозини бошлаворди..."
Насиҳатнинг кучлилигини қаранг азизлар!
Дарҳақиқат, дунё бизнинг вақтинча, қисқа муддатда қоладиган уйимиз. Буни яхши биламиз. Бу дунёда охиратимиз, абадий ҳаётимиз учун захира йиғишимиз керак. Бошқа барча ишларимиз зараримизга ҳужжат бўлади. Эҳтиёт бўлайлик!
📝 Муаллиф: Устоз Улуғбек Бухорий◽️ Дўстларингизга ҳам улашинг!!!
🚀
https://t.me/Mirarabuz👨💻 Бизни ижтимоий тармоқларда кузатинг
🚀
telegram |🔵
facebook |🎬
youtube 💬
mirarab.uz |📷
instagram
