#gʻazal_tahlil
«Kecha kelgumdur», - debon ul sarvi gulro' kelmadi, Ko'zlarimga kecha tong otquncha uyqu kelmadi.
Lahza-lahza chiqdim-u, chektim yo'lida intizor,
Keldi jon og'zimg'a-vu, ul sho'xi badxo' kelmadi.
Orazidek oydin erkanda gar etti ehtiyot,
Ro'zgorimdek ham o'lg'anda qorong'u kelmadi.
Ul parivash hajridinkim, yig'ladim devonavor,
Kimsa bormukim, anga ko'rganda kulgu kelmadi.
«Ko'zlaringdin necha su(v) kelgay?!» - deb o'lturmang meni, Kim boh qon erdi kelgan, bu kecha su(v) kelmadi.
Tolibi sodiq topilmas, yo'qsa kirn qo'ydi qadam
Yo'lg'akim, avvalqadam ma'shuqe o'tru kelmadi.
Ey Navoiy, boda birla xurram et ko'nglung uyin,
Ne uchunkim, boda kelgan uyga qayg'u kelmadi.
#Lug'at
1.Debon - deb.
2.Sarvi gulro' - gulyuzli sarv, ya'ni go'zal yor.
3.Badxo' - badqiliq, yomon odatli, erka.
4.Oraz - yuz, jamol, chehra.
5.Parivash - pariga o'xshash, go'zal.
6.Devonavor - devonadek, devona kabi.
7.Tolib - talab qiluvchi, talabgor; oshiq.
8.Ma'shuqe - ma'shuqa, yor, sevgili.
9.O'tru - qarshi, ro'para.
10.Boda - may, sharob.
11.Xurram et-shod, xursand; gullagan, yashnagan.
12.Ne uchun - nega, nimaga.
#Nasriy_bayon
U gulyuzli sarv (ya'ni xushqomat yor) kecha (yoki kechasi) kelaman deb kelmadi, (shu bois) tong otguncha ko'zlarimga uyqu kelmadi.
Dam-badam yo'liga chiqib intizor bo'ldim, jon og'zimga keldi, lekin u sho'x, yomon fe'lli kelmadi.
Agar har taraf yuzidek yorug' bo'lganda (o'zgalar ko'rib
qolmasligi uchun) ehtiyot bo'lgan bo'lsa, kun ro'zg'orimdek qorong'u (zimiston) bo'lganda ham kelmadi.
Ul paridek go'zalning hajri tufayli devonadek yig'ladim, meni ko'rganda kulgisi kelmagan biror kishi bormikan?!
"Ko'zlaringdan qachongacha suv oqadi?!" - deb maiomat qilmang meni, chunki ko'zimdan oqqanlarning bari qon edi, bu kecha suv kelmadi.
Sadoqatii talabgor topilmaydi, yo'qsa, kirn yolga qadam qo'ygan bo'lsa, bir ma'shuqaga duch kelmaydimi?!
Ey Navoiy, may bilan (yoki ilohiy bilimlar ya'ni ma'rifat bilan) ko'ngling uyini shod etgin, negaki, boda (ma'rifat) kelgan uyga qayg'u kelmaydi.
❗️Kanal linkisiz koʻchirilmasin
📈Biz bilan birga yanada rivojlaning
@milliy_sertifikatga_tayyorlov⚡️ - TG kanallari orasida oʻzining hurmat eʼtibori va saviyali auditoriyasiga ega kanal