Oltin qoidalar. Bularga amal qilish hammani qo'lidan keladi. Hammani qo'lidan keladigan ishni qilishni o'zi qoidalarni biri.
1. Faqat oson ishlarni qiling.
Hozirda qilishingiz mumkin bo'lgan hamma narsadan eng osonini tanlang, qiyinlarini keyinga qoldiring.
2. Boshqalar qilgan narsani qiling.
Hamma yurib bo'lgan yo'ldan yuring. Yangi, notanish yo'ldan yurib o'zingizni qiynamang. Notanish yo'lda nima bo'lishini bilmaysiz, qaysi burchakda kulfat yashirinib o'tirganiniham. Notanish yo'l qo'rqinchli.
3. Hamma aynan sizni kuzatadi.
Odamlar o'z hayoti, muammolari va tashvishlari haqida hayotida siz paydo bo'lishingiz bilan unutadi. Butun e'tiborini sizga qaratib, noto'g'ri qadam qo'yishingizni kutib yashaydi.
4. Hammani esida qolasiz.
E'tibor sizdaligidan tashqari, har bir qadamingizni eslab yashashadi ham. Xatoingiz, noto'g'ri gapirganiz, uyalib qolgan xolatlaringiz — har doim hammani esida turadi va istalgan payt sizgaham eslatib qolishlari mumkin.
5. Havotirlaning. Ko'p havotirlaning.
Doim nima bo'lishi haqida o'ylab yuring. Nazoratingizda bo'lmagan narsalarni boshqarolmasligingizni o'ylab yashang. Nazoratingizdagilari uchun esa... hech narsa qilmang. Havotir olgan narsangizni oldini olish mehnat talab qiladi. Mehnat esa qiyin.
6. Risk qilmang.
Hech narsa qilmaslik siz havotir olgan narsaga doim yechim bo'la oladi. Yangi narsa o'rganmang, yangi odam bilan gaplashmang, umuman hech narsani o'zgartirmang. Nima kulfat kelishini bilmaysiz ahir.
7. Doim shikoyat qiling.
1dan 6gacha bo'lgan qoidalar ish bermasa — ish bermaaniga shikoyat qiling. Siz shunchaki qurbon emassiz, siz alohida turdagi qurbonsiz. Hech kim sizni holatingizda bo'lmagan, boshqalarni muammosi sizniki oldida hech narsa emas. Bu haqida ham shikoyat qiling.
8. Doim faqat yaxshi tarafingizni ko'ring.
Yaxshi odamsiz. Zo'r odamsiz. Hech qachon noto'g'ri yoki yomon ish qilmaysiz. Qilgan bo'lsangiz ham faqat yaxshi tarafini ko'ring — ahir yomon odam emassiz.
9. Boshqalar haqida faqat yomon firkda bo'ling.
Sizni adashib turtib yuborgan odam buni qasddan qilganini biling. Aynan yurgan joydan, sizni turtib yuborish maqsadida yurganini biling. Ularni hayotida shu ishini oqlashi mumkin bo'lgan hech narsa mavjud emas. 3-qoidani eslang — hammani e'tiboridasiz.
10. Muammolardan qoching.
Kimdur sizga yoqmaydigan ish qilsa hech qachon sababini bilishga harakat qilmang. Siz yaxshi odamsiz, yaxshi bo'lingda ularni yomon deb o'ylab, yashashda davom eting.
11. Yordam izlamang.
Yakka qoling. Sizni muammolaringizni hech kim tushunmaydi, qanchalik qiynalib turganingizni hech kim bilmaydi. Buni siz bilasiz holos, hech kim yordam beroladigan darajada, sizchalik aqlli va kuchli emas.
12. Vaqtni qadrlamang.
Nafaqat o'zingizni, balkim boshqalarni vaqtiniham. Erta ishga borishga, uchrashuvga vaqtida chiqishga shoshilmang. Vaqt sizniki, u bilan xohlagan narsangizni qiling.
13. O'lim haqida o'ylamang.
To'g'ri, qachondur o'lim sizniham olib ketadi, lekin bu haqida o'ylamagan osonroq. Yaqin insonlaringiz sizga qadrli ekanligini, ishlaringiz muhimligini, yelkangizda mas'uliyat borligini o'ylamang. Hali vaqtingiz ko'p. Hali vaqtingiz bo'ladi.
14. Yangilik qilmang.
1dan 13gacha bo'lgan qoidalar ish bermasa, boshqasini sinashga harakat qilmang. Boshqa yo'lda o'ylamang. Hech narsani so'roqqa tutmasdan, jarayonga ishonib, davom etavering.
15. Afsuslaning.
Xa, yaxshi odamsiz. Xa, hech qachon xato qilmaysiz. Lekin yaxshiroq qilishingiz mumkin bo'lgani haqida o'ylab yashang. Usha suhbatda aytishingiz mumkin bo'lgan gap, qilishingiz mumkin bo'lgan ish haqida o'ylab, afsuslaning.
Agarda ushbu 15 qoidaga amal qilib yashasangiz, tabriklayman, hayotingizni usha joyga tiqib yuborgansiz.
Have a good one, gaplashamiz :)
@Michael_Blo
