МАЪРУФА СОЛИЕВА | Норасмий|

“АҚЛГА ЗИД УМИД”
Одамлар, бир адолатсизликни бошқа бир адолатсизлик билан алмаштирар эканлар, худди шу ўзгариш бизни қутқариб қолиши мумкин, деб ўйлашади.




Константин Гамсахурдия (1891—1975), грузин ёзувчиси.


Жалолиддин Сафоев таржимаси

Истеъфога чиққан ўқитувчининг ўрнига бошқа бошқа муаллима синфга кирди. Дарсни тушунтиришни бошлади. Талабaларнинг биридан савол сўраганди, бошқа барча талабалар кулиб юборди. Ўқитувчи ҳайрон бўлди.

Талабаларга қараб ўринсиз кулгунинг сирига етди. Сабаб: синфда ҳамма аҳмоқ, ақлан ноқис ҳисоблайдиган талабага савол бергани экан. Дарс тугаб талабалар синфни тарк этадиган маҳал, муаллима ўша талабани чақирди. У билан холи қолиб, қоғозчага ёзилган икки қатор байтни берди ва:
- Буни исмингни ёдлагандек ёдлаб кел, ҳеч кимга айтма, - деди.
Кейинги дарсда муаллима ўша икки қатор шеърни доскага ёзди. Уни маъносини, фасоҳатини тушунтирди. Сўнг уни ўчириб:
- Ким ҳозирги шеърни ёдлаб қололди, - деб сўради. Ҳеч ким чурқ этмади.
Фақат ўша «иккичи» минг ҳаяжон, ийманиш билан қўл кўтарди. Ўқитувчи:
- Қани, жавоб бер, - деди. У шеърни ёдлаб берди. Устоз уни кўп мақтади, бошқалар ўрнак олишини айтди.

Талабалар бу ҳолатда ҳайратга тушар, кимдур кеча кулгани учун хижолат бўлар, кимдур ҳайрат билан қарар эди. Бу ҳол ҳафта давомида давом этди. Ўқитувчи у талабани мақтарди. Натижада ўқувчиларнинг у ҳақидаги тушунчалари ўзгара бошлади. У боланинг ҳам руҳий ҳолати ижобий томонга бурилиш ясади. Ўзига бўлган ишонч уйғонди. Олдинги ўқитувчи ҳисоблагандек ахмоқ эмаслигини англади.

У ўқитувчиси ҳақида ёзаркан: "Инсонлар икки тоифадирлар: Бирлари сизни шижоатлантириб, қўлингиздан тутиб, умид бағишлайди. Бошқалари эса, сиздаги иқтидорни беркитиб, ёмонликларни очади."




Интернетдан олинди






https://t.me/Marufa_Soliyeva

Бундан икки уч йил олдин Қува туманида "Чилгиз ота" қабристони рўпарасига ҳам Газ қуйиш шохобчаси қурилди.
Икки ёнида аҳоли истиқомат қилади.

Мурожаат қилиб чиққан ёш болали жувоннинг оҳини ҳеч ким эшитмади.

Ҳужжатларини ўрганай деб мутасаддилар билан боғлансам улар Қарорни менга беришмади.

Ўшанда бу ердаги Ал Азиз фирмасига тегишли бино Қўқонлик тадбиркорга сотилганини ва ўша Қўқонлик тадбиркор АЁҚШ қураётганини, тадбиркорлик фаолиятига ҳокимлик ҳам аралаша олмаслигини айтишган эди.

Кечаги даҳшатни кўриб беихтиёр кўз олдимга
Ўшанда қўлида муштдек гўдагини кўтариб, мени уйига таклиф қилган Наргизахон "Опа бу ердан чиқаётган заҳарга болаларим касал бўлиб қолади деб қўрқаман. Шовқин дастидан ухлаб бўлмайди"- дея йиғлаганлари кўз олдимга келди.

Ўша АЁҚШ бугун фаолиятда. Айнан ўша АЁҚШдан Қўшкечик МФЙ да боғча ва текстиль фабрикаси ёнига яна битта қурилган.

Ҳеч ким ҳеч нарса демайди.

Биз яъни оддий халқ" Газ йўқ газ йўқ"- дея нолиймиз. Аҳоли таппи ёқиб кун кўради.
Лекин ҳар қадамда АЁҚШ лар қуриляпти.
Ер ажратиб бериш тўхтатилгандан кейин Шоввозлар йўлини топди.
Энди анчадан бери фойдаланилмаётган биноларга ҳужум бошланди.
Энди ўша бино эгасини рози қилиб, сотиб олиш ва ўрнига АЁҚШ қуриш ишлари авж олди.

Буни ҳамма кўриб билиб турибди.
Лекин жим, томошабин.

Адашмасам, Ўзбекистон Республикаси Президенти Админстрацияси вакиллари, ишчи гуруҳи қарийб бир йилдан бери Фарғонада ўрганиш ишларини олиб бораяпти.

Уларнинг ўрганиши натижасида шаҳар туманларда бир қанча
Уйлар, тадбиркорларнинг Аукционда ютиб олиб қурилиш қилган жойлари ҳам ноқонуний қурилиш деб топилиб дарҳол буздирилди.

Аммо негадир аҳоли яшаш пункти, мактаб ва боғчалар, кафелар ёнига қурилган Аҳолига газ ёки бензин қуйиш шохобчалари Ноқонуний қурилган деб топилмади ва бирортаси буздирилмади?!

Ёки тармоққа ноқонуний уланган деб Далолатнома қилинмади?!

Нега Очилиш маросими дея Лента кесганлар Жавобгарликка тортилмайди?!


НЕГА???






https://t.me/Marufa_Soliyeva

Шу кунларда Бухорода бозор ёнди.
Ундан аввал Қува, Қўқон фалон фистон жойларда ёнғин ҳақида ўқидик.
Тошкентда ҳам Божхона омбори портлади.
Бугун Фарғонада Заправка ёнди.

Баъзи бир Биров ҳаққини еяётган, тарозидан уриб қолиб, оила боқаётган, молини алдаб сотиб виждонсизлик қилаётганлар, заправка датчигини ўзига созлаб олиб, литрдан уриб қўяётганлар, балки энди Оллоҳдан қўрқарсиза?!

Ахир Оллоҳдан беамр битта тикан кирмайди.
Сиз тўғри бўлсангиз балки бу Сизга Синовдир
Балки Ўғри бўлсангиз бу ОГОҲЛАНТИРИШдир?!






https://t.me/Marufa_Soliyeva

Паркентда оч қолган Учта арслон қоровулга ҳужум қилибди..
Арслонни емишини еб кетганлар хулоса қилдимикин?!

Қайси қишлоқ дейсизми?

Бу янги қурилган "Экоқишлоқ".

Нега қишлоқ деяпсиз деб ўйлаётган бўлсангиз керак.
Айни кунларда бу ерни қишлоқдан фарқи қолмади.

Тўполон билан энди чироқни созлатсак, иссиқлик бўлмайди.
Иссиқлик бўлмагани етмагандек, тез тез сувсиз қоламиз.

Чироқсиз, иссиқликсиз чидаганимиз билан сувсизликка чидаб бўлмайди.

Мен бир ҳафтача уйда бўлмадим. Лекин уйдаги ҳамма муаммодан хабардор турдим.

Уч тўрт кундан бери фуқаролар сувсизликдан қийналяпти.

Ҳа деганда труба ёрилди.

Баъзи масъулларнинг айтишича, Экоқишлоқнинг ҳамма аҳолисига мўлжаллаб юқоридан сув очилган.

Энди ҳамма кўчиб бормагани учун сув катта босимда келиб, трубани ёриб юбораётган эмиш.

Қизиқ а?!

Хўп шундай экан
Нега сувга лойиқ труба қўймадинг ёки трубага лойиқ сув очмадинг?!

Эшитишимча, бу лойиҳа билан тендерга кирган ва ғолиб бўлган, кейин мана шу ҳудудга ичимлик суви тармоғи тортган фирма раҳбари Абдужаббор деган шахс ишни чала ташлаб ҳозирда йўқолиб қолибди?!

Менимча, шартномада кўрсатилган трубалар ўрнига бошқа трубани ўрнатиб ишни Президент келишига яқин шошма шошарлик билан олиб борган. Натижада, бугун қишнинг совуқ кунларида кети очилиб қолган?!

Уч тўрт кундан бери "Фарғона сувтаъминот" МЧЖ ходимлари аҳолини цестнерда сув билан таъминлаб, трубаларни таъмирлаш билан овора.
Кимнидир йиртиғига ямоқ бўлиб, унинг шалтоғини артиб, халққа беминнат ёрдам кўрсатаётган ходимлардан Оллоҳ рози бўлсин.

Ҳа, айтганча, ажратилган маблағни арра қилиб, халқумини тўлдирганларни эса жиғилдони ёрилиб кетсин.


Мана шу ишлар мутасаддиларга сабоқ бўлиб, кейинги гал тендерларда эътиборлироқ бўлишар?!


Ахрор Утанбоев ходимларингга мени номимдан раҳмат айтиб қўй.





https://t.me/Marufa_Soliyeva

Бўлган воқеа

Бир неча йиллар олдин
Газ танқис бўлиб қопти.
"Кўпга келган тўй"-дея
Халқ ҳам кўникиб қопти.

Лекин бир Маддоҳ чолнинг
Нафрати ошиб тошиб
Ажойиб бир ғояга
Калласи ишлаб қопти.

Кечқурун шарт чиқибди
Маҳаллани бошига
Газ ўтган ер остини
Опти кўзин остига

Айнан ўша тешикдан
Газ ўтиб икки томон
Бири уни уйию
Бири бошқа бир томон.

Маддоҳ чол эртасига
Битта одам топибди
Ўша ерни кавлатиб
Ерни қаттиқ чопибди.

Аста очилиб труба
Тешиклари чиқибди.
Ўша тешикка Маддоҳ
Кетмон сопни тиқибди.

Сўнг нариги маҳаллани
Газлари ўчиб қопти
Маддоҳ чолни кўзлари
Қувончдан порлаб қопти.

Орадан бироз вақт ўтиб
Ер кавлаган сваршик
Ичиб олиб кўчада
Сир сотибди" Тваршик".

Маҳаллада дув дув гап:
-"Фалончи ифлос чиқди.
Уялмай безбетларча
Трубага соп тиқди".

Деди шунда одамлар:
-"Йўқолсин маҳалладан
Кетсин дарҳол даф бўлсин
Мана шу он палладан".
.

Маҳалла аҳли бирдам
Бўлиб Чолни қувлабди
Нафратланган одамлар
Бетигача туфлабди.

Ўғлин уйига кўчиб
Шундан кейин Шўртумшуқ
Яшар эмиш ҳозирча
Деёолмасмиш ҳатто миқ.

Хуллас, шунақа воқеа
Бўлган яқин ўтмишда
Буларни бари бор гап
Деманг яна миш мишда

Қилавермай давлатга
Газ йўқ дея эътироз
Кузатингчи атрофни
Эътибор билан бироз.

Бордир ён верингизда
Балки,, шунақа қўшни
Бунақа ишлар учун
Ёриб юргандир пихни

Газ пастлаб кетган бўлса
Қараб қўйинг шу бир тоб
Балки бирор трубага
Тиқилгандир "КЕТМОНСОП".

😂😂😂😂😂😂😄😂😄😂😄😂😄😂😄😂😄

Маъруфа СОЛИЕВА

14.12 2024 йил.







https://t.me/Marufa_Soliyeva