НАФАҚАМНИ ТАҚСИМЛАДИМ.
Пенсияга кетяпман, олдим нақ ўнта "заказ".
Баъзилари илтимос, баъзилари "приказ".
" Буви, менга шоколад ва муз қаймоқ!- бири дер.
"Менга сақич, ширинлик ва битта дона "Киндер".
"Вой, эсимда қолмайди"- десам қилиб бахона.
"Рўйхат тузиб олинг!"- дер, қурмагур маҳмадона.
"Дўконга кирганизда қўлизда турсин рўйхат.
Адаштирмай, чалғимай олинг навбатма- навбат!"
Рўйхатсиз ҳам уйга йўл дўкон орқали ўтар.
Музқаймоқ, "бир нарсалар" невараларим кутар.
Ўзимда ҳам бор эди рўйхатим- ярим варақ.
Елпиғич, қўлга крем ва битта ёғоч тароқ.
Атторда ишим кўпдир, ўсмалик қалам олай.
Тўғноғич, ип, резинка заҳиралар қиволай.
Битта шиппак уйчига, бошимга битта рўмол.
Чол, ўғил, неварага бир пакетда дастрўмол.
Штапел кўйлагимнинг охори тўкилибди
Келинимнинг кўйлаги чокидан сўкилибди.
Ваъда қилганман унга- "Пенсия келса, оламиз!"
Она- бола бир хилда кўйлак олиб киямиз.
Бу ойда иккита "юриш" : никоҳ тўй ва қовурдоқ.
Тоғарага, "усти"га пул ажратаман озроқ.
Кардиомагнил, Раунатин, Цитромон олиш керак.
Карвалол, Цинепар ҳам рўйхатда бўлиши керак.
Яна ўлимликка ҳам уч- тўрт сўм ажратаман.
Нархлар ошиб кетяпти, йиғганим етмас дейман.
Ҳар гал пенсия олганда ўлимликни кўраман.
Кам- кўсти йўқмикан, деб битта қараб қўяман.
Олиб қўйган кафанлик сал сарғайиб қолибди.
Атир совун ифори озгина йўқолибди.
Янгилаб қўйсам шуни қолган нарсаларим тахт.
Ахир сарпо- суруғим туриши керакда нақд.
Меҳнати ҳалолимдан Умрага пул қўяман.
Ақиқамга атайман, битта қўчқор сўяман.
Бизлар туғилган вақтда ақиқалар эди йўқ.
Шуни ҳам қилиб қўйсам кўнглим бўлар эди тўқ.
Опаларимни йиғиб таклиф қилай бир жойга.
Ширин дийдор қиламиз бир марта уч- тўрт ойда.
Невара қизлар учун бир нарсалар оламан.
Сочиқ, пайпоқлар олиб тез сандиққа соламан.
Ҳамма невараларим ёд олганида Қуръон.
Ҳар битта сура учун олишади армуғон.
Бунинг учун китобми, рўмол олиб қўяман.
"Ҳофизи Қуръонларим"- деб уларни суяман.
Баъзида бир нарсалар тусайди кўнгил қургур.
Икки юз минг ажратай, олиб тураман ул- бул.
Шундай қилиб бир кунда тақсимланар нафақа.
Пул кетса кетар майли, ҳаммаси яхшиликка.
Саранжомлаб пулимни, муздеккина бўламан.
Келаси пенсиямга янги рўйхат қиламан.
Пулим ишлатиб бўлиб додага тушар ишим.
Уларники- барака! Меники- кўнгил хуши!
Шукр, ўғлим берар пул имкониятига қараб.
Ниначи минг ургани темирчига битта зарб.
Яхшиям ёшлигимда ишлаб қўйган эканман.
Кун айланиб, ой ўтиб пенсиямни кутаман.
Кетдим пенсия олшига, қўлимда катта рўйхат.
Бир соат навбат кутсам, ҳамёнда пул бўлар нақд.
Пул бу- қўлнинг киридир, келадию кетади.
Кимга нима оберай? Ҳаммангизга етади!
Эгачи, рўйхатимиз ўхшарканми, кўрайлик?
Кўп ой, кўп йиллар яшаб, пенсия олиб юрайлик.
Пенсияга кетяпман, олдим нақ ўнта "заказ".
Баъзилари илтимос, баъзилари "приказ".
" Буви, менга шоколад ва муз қаймоқ!- бири дер.
"Менга сақич, ширинлик ва битта дона "Киндер".
"Вой, эсимда қолмайди"- десам қилиб бахона.
"Рўйхат тузиб олинг!"- дер, қурмагур маҳмадона.
"Дўконга кирганизда қўлизда турсин рўйхат.
Адаштирмай, чалғимай олинг навбатма- навбат!"
Рўйхатсиз ҳам уйга йўл дўкон орқали ўтар.
Музқаймоқ, "бир нарсалар" невараларим кутар.
Ўзимда ҳам бор эди рўйхатим- ярим варақ.
Елпиғич, қўлга крем ва битта ёғоч тароқ.
Атторда ишим кўпдир, ўсмалик қалам олай.
Тўғноғич, ип, резинка заҳиралар қиволай.
Битта шиппак уйчига, бошимга битта рўмол.
Чол, ўғил, неварага бир пакетда дастрўмол.
Штапел кўйлагимнинг охори тўкилибди
Келинимнинг кўйлаги чокидан сўкилибди.
Ваъда қилганман унга- "Пенсия келса, оламиз!"
Она- бола бир хилда кўйлак олиб киямиз.
Бу ойда иккита "юриш" : никоҳ тўй ва қовурдоқ.
Тоғарага, "усти"га пул ажратаман озроқ.
Кардиомагнил, Раунатин, Цитромон олиш керак.
Карвалол, Цинепар ҳам рўйхатда бўлиши керак.
Яна ўлимликка ҳам уч- тўрт сўм ажратаман.
Нархлар ошиб кетяпти, йиғганим етмас дейман.
Ҳар гал пенсия олганда ўлимликни кўраман.
Кам- кўсти йўқмикан, деб битта қараб қўяман.
Олиб қўйган кафанлик сал сарғайиб қолибди.
Атир совун ифори озгина йўқолибди.
Янгилаб қўйсам шуни қолган нарсаларим тахт.
Ахир сарпо- суруғим туриши керакда нақд.
Меҳнати ҳалолимдан Умрага пул қўяман.
Ақиқамга атайман, битта қўчқор сўяман.
Бизлар туғилган вақтда ақиқалар эди йўқ.
Шуни ҳам қилиб қўйсам кўнглим бўлар эди тўқ.
Опаларимни йиғиб таклиф қилай бир жойга.
Ширин дийдор қиламиз бир марта уч- тўрт ойда.
Невара қизлар учун бир нарсалар оламан.
Сочиқ, пайпоқлар олиб тез сандиққа соламан.
Ҳамма невараларим ёд олганида Қуръон.
Ҳар битта сура учун олишади армуғон.
Бунинг учун китобми, рўмол олиб қўяман.
"Ҳофизи Қуръонларим"- деб уларни суяман.
Баъзида бир нарсалар тусайди кўнгил қургур.
Икки юз минг ажратай, олиб тураман ул- бул.
Шундай қилиб бир кунда тақсимланар нафақа.
Пул кетса кетар майли, ҳаммаси яхшиликка.
Саранжомлаб пулимни, муздеккина бўламан.
Келаси пенсиямга янги рўйхат қиламан.
Пулим ишлатиб бўлиб додага тушар ишим.
Уларники- барака! Меники- кўнгил хуши!
Шукр, ўғлим берар пул имкониятига қараб.
Ниначи минг ургани темирчига битта зарб.
Яхшиям ёшлигимда ишлаб қўйган эканман.
Кун айланиб, ой ўтиб пенсиямни кутаман.
Кетдим пенсия олшига, қўлимда катта рўйхат.
Бир соат навбат кутсам, ҳамёнда пул бўлар нақд.
Пул бу- қўлнинг киридир, келадию кетади.
Кимга нима оберай? Ҳаммангизга етади!
Эгачи, рўйхатимиз ўхшарканми, кўрайлик?
Кўп ой, кўп йиллар яшаб, пенсия олиб юрайлик.