🌹Бисмиллаҳ
♡НАМОЗ♡
Кўпчилигимиз намозни комил адо этишда эринамиз. Хўш, нима қилсак бу эринишлардан воз кеча оламиз?
Масалан:
🕌 Ўзимиз севган рангли жойнамоз сотиб олайлик.
🕌 Ўзимизга ёққан ширин ҳидли мушки амбар сотиб олиб, намоздан аввал суртиб қўяйлик.Токи ҳар сафар мушки таралиб турганида бизга намозни эслатиб турсин.
🕌 Намоз ўқилгандагина кийиладиган либос сотиб олайлик.
🕌 Ота-онамиздан ёки бизга қадрли бўлган инсондан ҳадя деб тасбеҳларини олайлик. Ҳар намозда тасбеҳларидан фойдалансак уларга ҳам савоби бориб туради ин шаа Аллоҳ. Шунингдек, ўзимиз ўрганган Қуръони Каримни ҳар намоз сўнгида оз бўлсада тиловат этиб туриш учун олдимизга қўйиб қўяйлик.
🕌 Азон овозини тинглашимиз биланоқ қаршимизда Росулуллоҳ соллаллоҳу ъалайҳи васаллам ўтирганларини тасаввур этайлик. Ва улар билан бирга азонни қайтариб бўлгач, таҳорат олишга ва намозга шошилайлик.
🕌 Таҳорат олиб бўлгач дуосини ўқийлик, зора жаннатнинг 8 эшиги бизлар учун ҳам очилиб турса.
"Ашҳаду аллаа илаҳа иллаллоҳу ваҳдаҳу лаа шарийка лаҳу ва ашҳаду анна Муҳаммадан ъабдуҳу ва росулуҳу. Аллоҳумма ижъални минаттаввабийн важъални минал мутатоҳҳарийн важъални мин ъибадикас солиҳийн".
🕌 Намозга деб ошиқайлик, тоза либосимизни кийиб мушки амбардан суртиб ибодат қилайлик. Намозимиз сўнгида Қуръондан оз эмас кўп эмас бор йўғи биргина саҳифасини ўқиб қўяйлик.
🕌 Намозни бошлашимиздан аввал Росулуллоҳ имомлик қилаяптилар деб тасаввур қилайлик. Намозни дам олиш учун эмас балким ундан ором олишимиз учун хушуъ билан ўқийлик.
Унинг фарз бўлгани учун эмас балким Аллоҳни севганимиздан адо этайлик. Қаршимизда подшоҳларнинг Подшоҳи шивирлаб ўқиганларимизни тинглаб турибди. Шундай экан намозда шошмайлик, қалбимиз ундан ором олсин.
🕌 Намознинг ҳар бир рукнини комил адо этиб, унга етарлича вақт ажратайлик. Шошилмасдан саждада Аллоҳ билан сўзлашайлик. Ахир У шивирлаб ўқиганларимизни ҳам тинглагувчи Зотдур.
🕌САЖДА!
У ҳақда кўп сўзлашга хожат йўқ. Ахир у пайтда биз Роббимизга аршининг остида энг яқин турганлардан бири бўламиз. Сажда қилган захотимиз гуноҳларимиз ерга селдек тўкилгай. Саждамизни бир оз узайтирсак нима бўлибди?! Сериалимиз ўтса ўтар. Саждада топган савоб-у ҳасанотларни биз ҳеч қачон сериалдан топа олмаймиз. Кимни Роббисидан йироқ бўлгиси келгай?! Сажда қилар эканмиз Роббимиз билан суҳбат қурайлик. Унга дилимиздагини йиғлаб очиб сочайлик. Ҳаттоки узугимиз йўқолса ҳамки Унинг Ўзига айтиб арз қилайлик. Хотиржам бўлайлик, чунки Роббимиз бизни тинглагувчи Улуғ Зотдир.
🕌 Ташаҳҳуддан сўнг ва саломдан аввал кўп кўп дуо қилайлик, чунки улар мустажобдир.
🕌 Салом бериб бўлгач истиғфоримизни зиёда этайлик, чунки фаришталар ортимизда бизга қўшилиб "амийн" деб ўлтиришгай.
🕌 Роббимиз Ўзининг ризоси ва муҳаббати ила бизни ризқлантиришини, бизни намозга собит этишини сўраб дуо қилайлик.
🕌 Домлаларнинг маърузаларидан оз бўлса ҳам тинглаб турайлик.
🕌 Ҳаёл бизни ўз домига чорламаслиги учун Фотиҳа, Ихлос ва Фалақ сураларидан бошқа янги сураларни ҳам ёд олишга интилайлик.
Шуни унутмайлик, хайрли ишнинг далили унинг фаолиятидадир.
#Оят
Жаннат аҳли дўзаҳ аҳлидан:
- «Сизларни дўзаҳга нима киритди?» деб сўрарлар.
Улар:
- «Намоз ўқийдиганлардан бўлмаган эдик»,
деб жавоб берадилар.
(ал-муддассир 42-43 оят)
Намознинг шаъни нақадар улуғ эканини билайлик азизлар!
Manba:
https://t.me/joinchat/AAAAAEIy-_ZdyAvDfgJnJw