Shahobiddinovna | Shaxsiy Blog

'https://t.me/ZabarjadMedia/2391?comment=6582' rel='nofollow'>Yordam qilib kelingizlar.

Hayotingizni kul qilmang!

Nimadir ish boshlashdan avval yaxshilab o'ylab ko'ring: oxirigacha qila olasizmi yoki sabringiz yetmaydimi?

Tarjima uchun biror asarni tanlayman desam doim ustozim "Avval tanlamoqchi bo'lgan asaringizni oxirigacha o'qib chiqing, tarjima qilishga ko'zingiz yetsa, keyingina boshlang, bo'lmasa yarmidan tashlab keta olmaysiz" deganlar. Va doim shunga amal qilaman.

Tarjimon Mirzohid Muzaffar tarjimani aynan o'limga o'xshatgan. "Boshqalar sizni qo'llab-quvvatlashi mumkin, lekin sizning o'rnigingizga o'lib bermaydi."

Umuman, biror ish boshlashda oxirini o'ylash hamma tarafdan foyda beradi. Lekin o'rtada zerikish yoki charchashdan to'xtatish mantiqiy jihatdan ham xato.

Tasavvur qiling: O't o'chiruvchisiz, yong'in chiqdi va uni o'chiryapsiz. Yarmiga kelganida charchab qolganingiz uchun keyinroq qilaman deb tashlab ketmaysiz-ku?!

Hayot ham shunday, yarmidan tashlab ketsangiz qolgan o't butun boshli hayotni kul qiladi.

#shaxsiy_fikr
@Madina_Shahobiddinovna

Boshqalar hech vaqt o'rningizga o'lib bermaydi. Tarjima asli o'limga o'xshaydi.

Boshladingmi bitirishing shart, yo sen uni bitirasan yo u seni.

©sigma_podkast
@Madina_Shahobiddinovna

G'oliblarning hammasi ham kuchli emas.
Kuchlilarning hammasi ham g'olib emas.

Nimadadir g'olib bo'lish hammadan kuchlilikning belgisi emas, intizomli harakatning mukofoti deb bilaman.

"Muhimi ishtirok" jumlasini ko'p eshitganman, to'g'ri, lekin buni ko'pchilik yupanch ma'nosida foydalanadi. Yaqinda katta bir tanlov finalida ishtirok etdim va finalgacha chiqqan insonlarni ko'rdim. Finalda yozilgan maqolalar, erishilgan yutuqlar va chiroyli nutq bilan g'olib bo'lish mumkinligi haqida aytilgan.

G'olib bo'la olmadim, boshida bunga xafa ham bo'ldim. Oradan biroz vaqt o'tib tushundimki, ular orasida aslida yaxshiroq natijalarga chiqqan ekanman.

G'oliblar bilan o'zimni solishtirganimda, faqatgina ular maqolalarga ko'proq vaqt ajratganligi bilan yutib ketishgan. Aynan shu finalchilarga o'zimni solishtirganimda, ulardan yutuqlarim ko'pligi va chiroyli nutqim borligi bilan ancha ustunroq ekanman. Faqatgina maqolalar bilan kamroq ishlaganligim tufayli yuta olmaganman.

Nimadadir g'olib bo'la olmasangiz, bu sizning kuchsiz yoki boshqalardan bilimsiz ekaningizdan emas, shunchaki qaysidir jihatdan ulardan kam shug'ullanganingizda.
Aslida esa boshqa qaysidir jihatdan ulardan yaxshiroqsiz.

#shaxsiy_fikr
@Madina_Shahobiddinovna

Qiyinlik = o'sish

Ko'pchilik osoniga talpinadi. Ko'pchilik bajaryaptimi, demak siz ulardan murakkabrog'ini bajaring, shunda yuqori natijaga chiqasiz.

Aziz Rahimov aytganiday:
- boshqalar qisqa video ko'ryaptimi, siz katta videolar ko'ring;
- ko'pchilik uzun video ko'rishni boshlasa, siz kitob o'qing...

Muvaffaqiyatsiz insonga ham, omadli insonga ham bir xil vaqt berilgan. Undan qanday qilib foydalanib qolishimiz o'z qo'limizda. Ya'ni qalam egasi qo'lidagi qalamni qanday tebratsa, qalam ham shunday tebranadi (kimning jumlasi ekanini eslolmadim).

Shunday ekan, biz hamma bajarayotgan oson ishlarni qilib hamma kabi emas, ularnikidan qiyin bo'lgan ishlarni qilib, tajribali va ajralib turuvchi bo'lishimiz kerak.

Ustozimning bir misoli esimdan chiqmaydi: toshbaqa qachon o'zini xavf ostiga qo'yib kosasidan chiqsa, keyingina yura oladi.

#shaxsiy_fikr #podcast_f
@Madina_Shahobiddinovna

Hamma gap birlikda.

Shunday ishlar bo'ladiki, ko'pchilik bilan fayzli bo'ladi. Doim sherik yoki qandaydir jamoa bilan bajarish to'g'riroq. Ko'pchilik bor joyda sifat va tezlik bo'ladi.

To'y uchun mo'ljallangan 4 qop guruchni tozalashga buyurishdi. 8-10 ta opa-kelinoyilarim bilan birgalikda ishga kirishdik. Yarim soatga bormay hammasi tozalandi.

Zakovatda qizlar jamoamiz bilan to'liq o'ynagan paytlarimizda ijobiy natija va katta quvonchga ega bo'lamiz. Birorta jamoadoshimiz kelmasa, u holatga deyarli qoniqmaymiz.

O'tgan yili bir darsda guruh to'liq holda yaxshigina kattalikdagi bir asarni bor-yo'g'i 60 daqiqaga bormay tugatganmiz (Ustozning qo'llagan metodning va guruhning to'liqligi bilan albatta).

Nimadir boshlamoqchi bo'lsangiz, hech bo'lmaganda yoningizda bitta bo'lsa ham kimdir bo'lsin. Ko'pchilik bilan bajarilganida esa ham tez ham ko'ngilxushlik bilan natijaga erishiladi.

#shaxsiy_fikr #fikrlash
@Madina_Shahobiddinovna

Oltin o'likni tiriltirib bera olmaydi.

Kirka | Madlen Miller

@Madina_Shahobiddinovna

Natijaga asoslangan ta'lim!

Sizni Turk tili o'rganishga taklif etamiz! 🇹🇷🇹🇷🇺🇿🇺🇿
Bizning kursimiz sizga offline va online darslar orqali sifatli ta'lim va yuqori natija bera oladi.

Ushbu kursning imkoniyatlari:
🔹 Xalqaro C1 (Og'zaki 24ball 25dan) darajadagi ustoz
🔹 Online yoki offline darslar
🔹 Xalqaro Yunus Emre instituti tomonidan tavsiya qilingan kitoblar va qo'llanmalar
🔹 Yangi do'stlar bilan tanishish va ajoyib muhit
🔹 Xalqaro va milliy sertifikat imtixonlaridan ijobiy va yuqori natija kafolati

Kurs narxlari 150 000 so'm.🤩🤩 Oy so'nggiga qadar hech narsa o'rganolmasangiz, to'lovingiz qaytariladi. Online darslar zoom va telegram guruh orqali shakllantiriladi va dars vaqtlari o'rganuvchilar bilan kelishiladi.

Yaqinlaringizga ulashishni unutmang!

Guruhga qo'shilmoqchi bo'lganlar uchun: https://docs.google.com/forms/d/e/1FAIpQLScNmmjz_HUX4AVmLJeauvsSaZM-JEq7jrdHyfwH7DLjz4JIlA/viewform?usp=pp_url

Bog'lanish uchun: @Shahobiddinovna_05

Xato qiling

Insonning qilgan har bir ishi ham to'g'ri bo'lavermaydi. Qayerdadir xato bo'ladi, qayerdadir noto'g'ri qaror qabul qilinadi. Lekin ba'zan shunday noto'g'ri qarorlar biz uchun imkoniyat bo'lishi mumkin.*

Kulol har doim bir xil ko'za yasashi mumkin. Lekin biror joyida qo'l harakatini o'zgartirsa, boshqacha shakl hosil bo'ladi va u avvalgisidan qimmatroq qiymatga ega bo'ladi.

Taksist yo'lni bilmay bir marta adashishi mumkin. Lekin shu adashish ortidan begona bo'lgan yo'lni o'rganib oladi.

Oshpaz ovqat tayyorlashda bir masalliq o'rniga boshqasini adashib solishi mumkin. Lekin shu orqali yangicha, avvalgidan yaxshiroq taom tayyor bo'lishi mumkin.

Har doim to'g'ri qilish kerak degan bosim insonda qo'rquvni shakllantirib qo'yadi. Va inson bora-bora xato qilishdan qo'rqib, umuman harakat qilolmaydigan holatga tushib qoladi.

Noto'g'ri qilishdan qo'rqmang. O'zingizga yangi imkoniyatlar, yangiliklar yarating.

*©Osmondagi bolalar 25

#shaxsiy_fikr #fikrlash
@Madina_Shahobiddinovna

Insonning salohiyatli bo'lishi o'qish va yozishni bilishiga bog'liq emas.

Ulamolar nazdida muvaffaqiyat sabablari | Abul Fattoh Abu G'udda

#filtr
@Madina_Shahobiddinovna

Istak - harakat - natija!

Doim o'zim uchun bir gapni qaytaraman. Istak, harakat va natija. Ya'ni barchasi chin dildan xohlashdan boshlanib, harakat bilan natijaga erishiladi.

Menda tarjimon bo'lish, ya'ni asar tarjima qilish uchun kuchli xohish paydo bo'ldi. O'zim qidirdim, izlandim, eng yaxshi tarjimon bilan bog'lanib, yordam oldim. Hozirda o'rganish jarayonida bir nechta hikoyalar tarjima qildim. Ustozim deb bilgan insonim ko'rib tekshirib berdilar va bugunga kelib ijobiy baholadilar.

Boshlashimdan avval hech kim menga ishonch bildirmadi. Hatto qo'limdan kelmasligini ko'p bor ta'kidlashdi, lekin o'zimga ishonchim, ichimdagi xohishim harakat qilishga undadi.

Bepul xususiy maktab ochishni kichik yoshimdan xohlab kelaman, eng katta maqsadimga aylangan. Menga ishonch bildirishsa-bildirishmasa, harakatimdan to'xtaganim yo'q. Hozirdan deyarli barcha rejalari tayyor. Nasib bo'lsa, yaqin kelajakda yangi maktab ochiladi..

Ko'pchilikda xohishi bo'la turib, boshlay olmaslik odati bor. Rumiy aytgan: "Dunyodagi har ish uchun inson yuragida ishtiyoq, havas va dard bo'lishi lozim"...

"Xoh bugun, xoh ertaga bo'lsin ketajak bosh baribir ketadi"(Ichindagi ichindadir, Rumiy). Shunday ekan, umrimizni istaganlarimizga erishishga harakat bilan, yoki faqatgina yengil xohishlarni xayol qilib o'tkazishimiz mumkin. Qaysi birini tanlash o'z qolimizda. Holbuki, bu hayot biz uchun berilgan bir sovg'a.

#shaxsiy_fikr #filtr #hayot
@Madina_Shahobiddinovna

Yo'lovchi va vosita

Bir video ko'rib qoldim. Unda aytilganki, ustozlar hech narsani o'rgatmaydi, ular shunchaki yo'naltiradi. Ular aytganlariga amal qilib, harakat va izlanish qilgan talabagina yuqori natijaga erisha oladi.

Ko'chada yo'lovchi va mashinalar bor. Mashinalar qimmat, odamlarni bir nechtasini jamlay oladi. Lekin ular vosita, yo'lovchini manziliga yetkazishga vositalik qiladi xolos. Yo'lovchi o'z bekati uchun tayyorlanib, bekatda tushishini aytmasa, hech qaysi vosita uni tushirib qo'ymaydi.

Yuqorida aytilgan ustozlar vositalardir. Yo'lovchi esa biz. O'rganishga harakat qilsak, manzilimizni aniq bilsak, ustozlarimiz ya'ni vositalar bizni shu manzilimizga omon yetib olishimizga yordam beradi.

#fikrlash #shaxsiy_fikr
@Madina_Shahobiddinovna

1 ko'za suv bilan qanoatlanmang.

Rumiy aytgan: "Dengizga borib faqatgina bir ko'za suv olmoq bilan qanoatlanish - achinarli".

Bir ustozim bo'lar edi, aytar ediki: "mendan faqatgina nazariy ilm olmang, mendan foydalaning, hech bo'lmaganda, bir marta tushuntirganimda tushunsangiz ham qaytadan tushuntirishimni so'rang, bir kuni siz ham ustoz bo'lsangiz, o'quvchiga tushuntirishning turli yo'llarini o'rganasiz", - der edilar.

Rumiyning jumlalarini hayot bilan bog'lagan holda tushundim. Haqiqatdan ham, butun boshli dengizda turib, bor-yo'g'i 1 ko'za suv bilan qanoatlanish yaxshi emas.

Ya'ni, darsda ustozdan faqat bitta fan doirasida emas, umumiy narsalarni ham o'rganish mumkin.

Kitob o'qib, faqatgina nazariy bilim emas, boshqa narsada ham foydalanish mumkin (Tez o'qishni o'rganish, imlo, orfografiya va shu kabilar).

Shunday ekan, dengiz oldida turib butun dengizdan har turli holda foydalana oling.

#fikrlash #shaxsiy_fikr
@Madina_Shahobiddinovna