LIVERPUL ❤️ | Rasmiy kanal

#preview

"Liverpul" – "Tottenhem". Prevyu

Jamoalarga oid yangiliklar

* "Liverpul"ga mazkur o'yinda Trent Aleksandr-Arnold yordam berolmaydi.

* "Tottenhem"da Gilyermo Vikario, Radu Dragusin, Destini Udogie, Mikki van de Ben, Kristian Romero, Jeyms Meddison, Brennan Jonson, Dominik Solanke va Timo Verner maydonga tushmaydi.

O'yinga oid fakt va statistikalar

* Jamoalar bugunga qadar Angliya Liga Kubogi doirasida 9 bor to'qnash kelishgan. 2 o'yinda "Liverpul", 5 o'yinda "Tottenhem" zafar quchgan. To'plar nisbati: 11-16, "Tottenhem" foydasiga.

* "Qizillar" "Tottenhem"ga qarshi so'nggi marta o'z maydonida 2011-yilning 15-may sanasida 0:2 hisobida mag'lub bo'lishgan. Uy o'yinlaridagi mag'lubiyatsiz seriya 14 o'yin (10 g'alaba, 4 durang) ga yetgan.

* "Tottenhem" 2011-yilning 18-sentyabridan buyon ilk marta "Liverpul"ni ketma-ket 2 o'yinda mag'lub etishi mumkin.

* Muhammad Salah "shporlar"ga qarshi barcha musobaqalar doirasidagi 17 o'yinda o'z hisobiga 12 gol va 4 assistni yozdirib qo'ygan. U eng ko'p "Vest Hem" (13 gol) va "Manchester Yunayted" (16 gol) jamoalari darvozasini ishg'ol etgan.

"Liverpul"

* O'tgan mavsum mazkur musobaqaning g'olibiga aylangan "qizillar", 15-marta finalga chiqishga urinib ko'radilar.

* "Liverpul" Angliya Liga Kubogining 1/2 finalining birinchi o'yinida yutqazishi bundan oldin 3 marta sodir bo'lgan. Ilk o'yindan so'ng ustunlik raqiblar tomonida bo'lganida javob o'yinida "qizillar" 2 marta finalga chiqishning uddasidan chiqishgan. Bu 2000/2001 ("Kristal Pelas") va 2002/2003 ("Sheffild Yunayted") yilgi mavsumlarga to'g'ri keladi.

* "Qizillar" o'z tarixlarida 20-bor mazkur musobaqaning 1/2 finalida ishtirok etishmoqda va faqatgina 2016/2017-yilgi mavsumda mazkur bosqichning har ikkala o'yinida "Sautgempton"ga mag'lub bo'lishgan.

* O'sha mag'lubiyatdan so'ng, "Liverpul" kubok musobaqalarining barcha 1/2 finallaridan keyin finallarga yo'llanmalarni qo'lga kiritishgan (6 marta).

* "Liverpul" Angliya Liga Kubogida 9 uy uchrashuvi (4 g'alaba, 5 durang) dan beri yutqazmayapti.

* "Qizillar" 2024-yilning 14-sentyabr sanasida "Nottingem Forest"ga mag'lub bo'lishganidan beri barcha musobaqalar doirasida "Enfild"da 15 o'yin o'tkazishdi va biror marta mag'lub bo'lishmadi (13 g'alaba, 2 durang). Jamoa mazkur o'yinlarning barchasida 2+ gol kiritishdi. Bu borada eng so'nggi eng yaxshi seriya 2019-yilning fevral-noyabr oylarida qayd etilgan va u 17 o'yindan iborat.

* Muhammad Salah joriy mavsum "Enfild"dagi 19 o'yinda o'z hisobiga 11 gol va 8 assistni yozdirib qo'ydi. U mazkur o'yinlarning faqat ikkitasidagina maydonni samarali harakatsiz tark etdi.

* Diogu Jota mazkur musobaqaning so'nggi 5 o'yinida o'z hisobiga 5 gol yozdirib qo'ygan.

* Kodi Gakpo ushbu mavsum Angliya Liga Kubogida o'z hisobiga 4 gol yozdirib qo'ydi. "Qizillar"ning ushbu musobaqa doirasida bir mavsum uchun eng ko'p gol kiritgan futbolchisi Robbi Fauler hisoblanadi (2000/2001-yilgi mavsum, 6 gol).

* Shuningdek, Gakpo "Enfild"dagi so'nggi 6 o'yinning barchasida maydonni golsiz tark etmadi. Ayni tarkibdagi futbolchilar orasida faqatgina Muhammad Salah "Enfild"dagi o'yinlarda eng uzun golli seriyani qayd etgan (2023-yil, ketma-ket 9 o'yin).

"Tottenhem"

* "Tottenhem" 2021-yildan buyon ilk marta, o'z tarixida esa 10-marta Angliya Liga Kubogining finaliga yo'llanmani qo'lga kiritishi mumkin.

* Birinchi o'yinda g'alaba golini kiritgan Lukas Bergvall Roman Pavlyuchenko (2008/2009) dan keyin Angliya Liga Kubogining 1/2 finali har ikkala o'yinida gol kiritgan "Tottenhem"ning ilk futbolchisiga aylanishi mumkin.

❤️ @LiverpulMediaUZ ✅