Jomboy.uz || Rasmiy kanal

📌 Sarqipchoqliklar hasharga chiqdi

Dam olish kuni bo‘lishiga qaramay Sarqipchoqda ish qizg‘in. E’tiborlisi, qishloq ahli ham jarayonlarda faol ishtirok etib, erta tongdan hashar uyushtirdi. Xonadonlar tartibga keltirilib, bog‘ va ariq-zovurlar chiqindilardan tozalandi. 

Ulaning va ulashing:
Veb-sayt | Facebook | Telegram | Instagram

📌 Sarqipchoqda elektr energiyasi bo‘yicha muammo qolmaydi

Sarqipchoq mahallasida “Obod xonadon-obod ko‘cha-obod mahalla” tamoyili asosida boshlangan ishlar jadallik bilan davom etmoqda.

Qayd etish joizki, jarayonda hudud aholisiga elektr energiyasi yetkazib berish sifati ham keskin yaxshilanadi. Bunda 2 ta transformatorni mukammal ta’mirlash, 1 kilometrdan ortiq yuqori kuchlanishli tarmoqni rekonstruksiya-modernizatsiya qilish, 20 ta temir-beton ustunlar o‘rnatish kabi vazifalar belgilangan.

Ayni paytda qishloqqa beton ustunlar yetkazib berildi va o‘rnatish ishlari boshlandi.

Ulaning va ulashing:
Veb-sayt | Facebook | Telegram | Instagram

📌 Sessiyada yoshlar masalasi muhokama etiladi

Xalq deputatlari tuman kengashining navbatdagi 7-chaqiriq, 7-sessiyasi 31-yanvar kuni o‘tkaziladi.

Kun tartibiga 2024-yil davomida jinoyatchilikning barvaqt oldini olish va huquqbuzarlikka qarshi kurashish borasida amalga oshirilgan ishlar muhokamasi kiritildi.

Shuningdek, tadbirda eksport va investitsiyalarni jalb etish bo‘yicha amalga oshiriladigan ishlar, “Yoshlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi hukumat qarori ijrosi tahlil qilinadi.

Davlat sanitariya va epidemologiya-osoyishtalik markazi tuman bo‘limining 2024-yil davomida amalga oshirgan ishlari hamda suv resurslari va yer qa’ridan foydalanganlik uchun soliq stavkalariga qo‘llaniladigan kamaytiruvchi va oshiruvchi koeffitsientlarni tatbiq etish to‘g‘risidagi masalalar kun tartibiga kiritilgan.

Ulaning va ulashing:
Veb-sayt | Facebook | Telegram | Instagram

📌 Yoshlik faslini havoga sovurmaylik

Yoshlik inson umrining juda muhim, kelajak uchun katta ta’sir ko‘rsatadigan fasli. Bu davrda nafaqat bilim olish va hunar egallash, balki orzular uchun poydevor yaratish, mustaqil hayot uchun tayyorlanish, yaxshi do‘stlar orttirish, tartib-intizomga, ezgu ishlarga odatlanish zarur. Bunda maktab hayoti va muhiti asqotadi.

O‘quvchilar maktabda dars o‘rganadilar, turli tanlovlar, badiiy kechalar, musobaqalarda o‘z iste’dodlarini namoyon etib, kelgusi hayotga tayyorlanib borishadi. Shu ma’noda, maktab oila kabi jamiyatning kichik hujayrasidir. Afsuski, keyingi vaqtlarda ijtimoiy tarmoqlar orqali ayrim maktablar ichki muhitining nosog‘lom ekani, o‘quvchilar tarbiyasizligi haqida lavhalarga duch kelyapmiz. Bu juda achinarli, zero maktab muqaddas dargoh.

Fikrimizcha, o‘quvchilar tarbiyasiga birinchi navbatda telefon ishlatish salbiy ta’sir ko‘rsatadi. Maktabda telefon ishlatishning ichki tartibi mavjud. Ammo ayrimlar bunga amal qilmaydi. Achinarlisi, ba’zi ota-onalar farzandi to‘siqsiz telefon ishlatishiga sharoit ham yaratib bermoqda.

Tushunishimiz kerak, darsda telefon ishlatish avvalo, bola diqqatini chalg‘itadi, atrofdagilar bilan munosabatda ruhiy muammolar, ziddiyatlar keltirib chiqaradi. Shuni unutmaylik.

Zulfizar ERKINOVA.

Ulaning va ulashing:
Veb-sayt | Facebook | Telegram | Instagram

📌 Texnik ko‘rikdan o‘tish endi qulay manzilda

Hurmatli jomboyliklar! Shaxsiy avtotransport vositalaringizni texnik ko‘rikdan o‘tkazish uchun Bulung‘ur tumani, Mingchinor ko‘chasida joylashgan “Bulung‘ur avto gaz” mas’uliyati cheklangan jamiyatiga qarashli maskanga murojaat qilishingiz mumkin.

Mo‘ljal: Bulung‘ur tuman yo‘l harakati xavfsizligi bo‘linmasining yangi binosi yonida.

Telefon: +998904777711; +998901905606

Lokatsiya: https://maps.app.goo.gl/rLJfF3zNR3aJXCjU7

Ulaning va ulashing:
Veb-sayt | Facebook | Telegram | Instagram

📌 Navbatdagi muvaffaqiyat

Milliy sertifikat sohibi bo‘lgan o‘quvchi pedagoglar soni oshib boryapti.

Qayd etilishicha, 20-umumta’lim maktabining 4 nafar o‘qituvchi va 6 nafar o‘quvchilari o‘z yo‘nalishida milliy sertifikat imyihonlarini muvaffaqiyatli topshirgan.

Shuningdek, 34-umumta’lim maktabining 1 nafar o‘quvchi va 1 nafar o‘qituvchisi, 39-umumta’lim maktabining 1 nafar va 42-umumta’lim maktabi 2 nafar o‘quvchisi sertifikat sohibi bo‘ldi.

Ulaning va ulashing:
Veb-sayt | Facebook | Telegram | Instagram