Jamol Nosirov

Марҳабо моҳи шарифи Рамазон

Бугун Бухоро вилояти Экология бошқармаси бошлиғи Қоракўл туманида “Яшил макон” умуммиллий лойиҳаси доирасида амалга оширилган ва режалаштирилаётган ишлар ҳолатини ўрганди.

У Янги Ўзбекистон массивида бўлиб, у ерда яқинда қурилган чиқинди йиғиш шохобчаси фаолияти билан танишди. Шунингдек, ушбу ҳудудда “Менинг боғим” лойиҳаси асосида барпо этилган боғни кўздан кечирди.

Шундан сўнг, Жамол Носиров ҳамда тегишли масъуллар Қоракўл тумани Дўрмон маҳалласида жойлашган давлат ўрмон хўжалигида бўлдилар. У ерда вилоят иқлим шароитига мос бўлган чидамли ўсимлик турларини танлаб кўпайтириш бўйича таклифлар муҳокама қилинди.

Иқтидорли, ёш журналист Алишер Рўзиохуновнинг вафоти мени чуқур қайғуга солди. У билан “Камолот” ЁИҲ да биргаликда фаолият олиб борганмиз.

Олий Мажлис Қонунчилик палатаси депутати бўлган давримда қўшни бўлганмиз. У жуда билимли, камтар, босиқ ва самимий йигит эди.

Журналистика соҳасидаги фаолиятини ҳам кузатиб борардим. Kun.uz нашрида самарали ижод қилган эди.

Афсус, у энди орамизда йўқ. Алишернинг оила-аъзоларига, яқинларига сабр тилайман. Охирати обод бўлсин!

Инна лиллаҳи ва инна илайҳи рожиъун.

Бухоро вилоятида "Яшил Макон" умуммиллий лойиҳаси доирасида баҳор мавсуми учун 1,3 миллиондан зиёд дарахт ва бута кўчатлари етиштирилмоқда!

Бугунги ўрганишлар Ғиждувон ва Вобкент туманларидаги давлат ўрмон хўжаликларида бўлиб ўтди.

Жамол Носиров ҳамда Жамшид Аҳмедов бошчилигида тегишли масъуллар томонидан дарахт кўчатларини етиштиришда вилоят иқлим шароитига мос бўлган чидамли ўсимлик турларини танлаб кўпайтириш бўйича таклифлар муҳокама қилинди.

@Jamol_Nosirov

Вилоят Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров, вилоят прокурорининг ўринбосари Жамшид Аҳмедов ҳамда тегишли масъуллар ҳудудларда "Яшил макон" лойиҳаси доирасидаги ишларни ўрганмоқда.

Бугунги манзил - Ромитан тумани, А-380 йўли.
Йўл бўйлаб экилган тут ва қайрағоч дарахтлари қандай ўсмоқда? Суғориш тизими қанчалик яхши ишлаяпти? Келгусида яна қанча дарахт кўчатлари ўтқазилади? Шу масалалар муҳокама этилди.

Яна бир ташриф манзили тумандаги 11-сонли ихтисослаштирилган мактаб-интернати бўлди.
Бу ерда нафақат мактабнинг умумий ҳолати ўрганилди, балки раҳбарлар экологияга бағишланган ижодий тадбирда ҳам иштирок этди.

Мактаб ҳудудидаги кўкаламзорлаштириш ишлари баҳоланди. Экология йўналишида ташкил этилган мактаб кутубхонасини янги китоблар билан бойитиш таклифи берилди.

@Jamol_Nosirov

Қоровулбозорда экологик ҳолат ўрганилди

Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров ва Бухоро вилояти прокурорининг ўринбосари Жамшид Аҳмедов Қоровулбозор туманида "Яшил макон" умуммиллий лойиҳаси доирасидаги ишлар ҳолатини ўрганди.

Ташриф давомида раҳбарлар Ихтисослаштирилган Жайрон питомнигида бўлиб, мутахассисларнинг таклиф ва муаммоларини тинглади. Масъулларга мавжуд камчиликларни бартараф этиш бўйича тегишли кўрсатмалар берилди.

Ўрганишлар жараёнида туманда амалга оширилаётган экологик лойиҳалар, кўкаламзорлаштириш ишлари ва яшил майдонларни кенгайтириш масалалари муҳокама қилинди.

@Jamol_Nosirov