Prezidentimiz doim ta’limni muhimligini ta’kidlaydilar, yoshlarda ta’limga harakat ham boshlandi, lekin eng qiyin masala nimani o‘qitish va kim o‘qitishi, ayniqsa uzoq hududlarda.

Shuning uchun ham Coursera bilan yo‘lga qo‘yilgan hamkorlik juda muhim, uning natijasida dunyodagi eng talab yuqori bo’lgan va sifatli darslarda bemalol bizni uzoq qishloqlardagi yoshlarimiz ham online o‘qishlari mumkin.

Bugungi Forumda Coursera vakilining taqdimotidagi ba’zi slaydlarga e’tibor qaratish muhim.

1) Dunyoda masofaviy ishlashga talab oshayotgan kasblar ro‘yxatini tahlil qilib yoshlarimiz aynan shu yo‘nalishlarda o‘qib, sertifikatga ega bo’lishsa ertaga yuqori daromadli masofaviy ishga ega bo‘lish imkoniyatlari kengayadi.

2) Oxirgi yillarda Courserada o‘qiyotgan O‘zbekistonliklar soni keskin oshgan va ularni mehnat yoshidagi aholidagi ulushi bo‘yicha biz dunyoda 1-o‘ringa chiqdik.

Faqat yoshlarimizga qunt yetishmayapti ba’zan. Yaxshi niyatda o‘qishni boshlab, oxirigacha harakat qilib borib, Xalqaro sertifikat imtihonidan o‘tishgacha erishish kerak! Xalqaro sertifikat olish va o’qish xarajatlarini davlat qoplab beradi.

Marhamat, bugundan Courserada o‘qishni boshlang: www.uzbekcoders.uz

https://it-istedod.uz saytida Xalqaro sertifikatlar ro‘yxati va qanday qoplanishi haqida to‘liq ma’lumot bor.