🙏 IBODAT 🙏

Ибодат Худо билан дардлашувдир

Ассалому алайкум азиз радио тингловчилар. Ибодатга бағишланган дастурга хуш келибсиз. Азизлар, дастуримни бошлашдан аввал, сиз мухтарамга бир савоб бериш истагидаман. Шуни айтингчи, ибодат хаётингизда қандай ўринни эгаллайди? Сиз тез тез ибодат қилиб турасизми? Ёки сиз учун бошқа савол актуаллроқ бўлиши мумкин? Яъни, ибодатнинг ўзи нима, деган савол. Шаҳсан мен ҳам, илгари худди шу саволни ўзимга берган эдим. Шунда мен бу саволимга жавоб топишни излаш мақсадида Худонинг Каломини ўрганишни бошладим. Каломни ўрганар эканман, у ерда шуни билдимки, ибодат, бу худди дадам билан биргаликда қандайдир муаммо устида гаплашишимиз, дардлашимиз ва бир биримизга хурсандчилигимизни билдиришга жуда ўхшаш жараён эканини тушуниб олдим.

Лекин ибодат айнан осмондаги Отажонимиз, яъни Яратувчимиз билан бўладиган дардлашиш ва хурсандчиликларим билан бирга бўлиши эканига амин бўлдим. Ха азиз дўстим, бу худди шундай. Агар Худо билан муносабатингиз яхши бўлса, У билан худди ердаги мехрибон отангиз билан гаплашгандек бўласиз.

У сизга қўлидан келганича ёрдам беради, сизни диққатлик билан тинглайди, хуллас сизни Ўз фарзандидек яқин кўради. Ибодат нима эканини билиб олган бўлсак кейинги саволни туғилиши аниқ. У ҳам бўлса ибодатни қандай қилган яхши, деган савол. Ибодатни ҳар ким ҳар хил амалга оширади. Лекин аниқ ва тўғри жавоб топиш учун Худонинг ўзидан, яъни Унинг Муқаддас Каломидан ўрганиб олишимиз мумкин. Агар Луқо хушхабаридаги ўн биринчи бобни ўқисангиз, қуйидаги оятларга кўзингиз тушади. Исо бир жойда ибодат қилар эди. Ибодатни тамом қилгач, шогирдларидан бири Унга: – Раббий! Яҳё ўз шогирдларини ўргатганидек, бизни ҳам ибодат қилишга ўргат, – деди. Исо уларга деди: – Ибодат қилаётганингизда шундай деб айтинглар: Эй, Отамиз! Сенинг муқаддас исминг улуғлансин. Сенинг Шоҳлигинг келсин. Кундалик ризқимизни бериб тургин.

Гуноҳларимизни кечиргин, чунки биз ҳам ўзимизга қарздор бўлган ҳар бир кишини кечирамиз. Бизни васвасага дучор қилмагин. Шундай қилиб, Мен сизга айтаман: сўраб туринглар, сизга берилади. Излаб туринглар, топасизлар. Тақиллатиб туринглар, эшик очилади. Чунки ҳар бир сўраган олар, излаган топар, тақиллатганга эшик очилар. Орангиздаги қайси бир ота, ўғли ундан нон сўраса, унга тош беради? Ёки балиқ сўраса, унга балиқ ўрнига илон беради? Ёки тухум сўраса, унга чаён беради? Шундай қилиб, сизлар ёвуз бўла туриб болаларингизга яхши ҳадялар бера билар экансиз, самодаги Ота эса Ундан сўраганларга Муқаддас Руҳни бериши янада шубҳасиздир». Азизлар, қандай муаммога дуч келманг, қандай хурсандчиликка тўлманг, эсингизда бўлсин, Осмондаги Отажонимиз сизни тинглашга доим тайёрдир.

Азизлар бордию сизда ҳам ибодат эҳтиёжи бўлса, бизга бу ҳақда dilkash@najot.com электрон манзилига ҳабар йўлланг, ёки бўлмаса www.najot.com сайтининг ибодат эҳтиёжлари бўлимига ташриф буюриб ҳабар қолдиринг. Биз сиз учун биргаликда ибодат қиламиз. Исмларингиз эфирга узатилмайди. Раббимиз инояти барчангизга ёр бўлсин азизлар. Ҳайир, омон бўлинг.

📲 Android
📲 IPhone

Telegram | Najot | Radio

⏺❤️❤️❤️❤️❤️

❤️❤️❤️❤️

🥰❤️❤️❤️❤️🥰❤️❤️❤️

⬇️⬇️⬇️⬇️⬇️⬇️⬇️
https://t.me/umid_tv_uz

Ички гўзалликка эътибор қаратинг

1 Бутрус 3:3
"Сизнинг жозибангиз ўрилган сочлар,​ олтин тақинчоқлар,​ чиройли кийимлар каби ташқи зеб–зийнатдан​ иборат бўлмасин..."

Бугунги кунда одамлар кўпинча ташқи кўринишга катта аҳамият беришади. Реклама, ижтимоий тармоқлар ва оммавий ахборот воситалари ташқи гўзалликни олға сурувчи муҳит яратишади. Лекин 1 Бутрус 3:3 ояти бизни эслатиб қўяди: инсоннинг ҳақиқий гўзаллиги ташқи эмас, балки ички дунёсида яширинган.

Бу оят орқали Бутрус аёлларга мурожаат қилади, аммо у ҳар биримизга тегишли умумий маънога эга. Худо бизни ташқи кўринишимиз билан эмас, балки қалбимиздаги поклик, самимият ва муҳаббат билан баҳолайди. Шунинг учун, вақтимизни ташқи қиёфамизни безашга эмас, балки руҳий етуклигимизни оширишга сарфлашимиз лозим.

Ички гўзалликни қандай ривожлантириш мумкин?
•Сўз орқали озиқланинг:
Муқаддас Китобни ўқиш ва ибодат орқали руҳий куч ва ором олинг.
•Яхшилик қилинг:
Атрофингиздаги инсонларга ёрдам бериш, ўзгаларни қувонтириш қалбингизни тозалайди.
• Сабр ва камтарлик билан яшанг: Камтар инсонлар Худонинг марҳаматини чуқурроқ ҳис қиладилар.

Ташқи гўзаллик вақт ўтиши билан ўзгариши мумкин, лекин ички гўзаллик абадийдир. Шунинг учун, ҳар куни ўзимизнинг қалбимиз ва руҳимиздаги зийнатга эътибор қаратайлик.

Хулоса: Худо биздан қалб поклиги ва самимият кутади. Ташқи безаклар вақтинчаликдир, аммо қалбдаги муҳаббат, садоқат ва имон абадийдир. Шунинг учун, ҳаётингизда ички гўзалликни биринчи ўринга қўйинг.

Телеграм || Инстаграм || TikTok

Ибодат – масиҳий ҳаётининг нафаси

Салоникаликларга 5:17
"Тинмай ибодат қилинг."

Ибодат – бу фақат Худо олдидаги расмий амал эмас, балки етук масиҳийнинг ҳаётидаги энг муҳим руҳий асосдир. У Худо билан боғланиш воситаси, қалбни тозаловчи ва руҳни мустаҳкамловчи манба ҳисобланади.

Ибодат нима учун муҳим?
Худо билан муносабатни мустаҳкамлайди:
Ибодат орқали Худо билан мунтазам мулоқот қилиш – унинг иродасини тушуниш ва ҳаётимизни унга мувофиқ яшаш имконини беради. Ибодат бизнинг қалбимиз эшигини очиб, Худога яқинлаштиради.

Руҳий куч беради:
Қийинчиликлар, синовлар ва васвасаларга дуч келганда, ибодат руҳий барқарорлик беради. Худодан куч сўраш – ҳар қандай синовларни енгиб ўтишда ёрдам беради.

Шукроналик ва тавба воситаси: Ибодат – шукроналик билдириш, хатоларимиз учун кечирим сўраш ва келажакдаги бошқарув учун илтимос қилишнинг энг яхши йўлидир.

Етук масиҳийлар қандай ибодат қилишади?
Тинимсиз ибодат:
Кундалик ҳаётда ҳар бир ишни ибодатга айлантириш мумкин. Бу, ҳатто оддий ишларда ҳам Худога боғланишни англатади.

Шахсий ибодат вақти:
Етук масиҳийлар ҳар куни Худо билан шахсий вақт ўтказадилар. Бу руҳий озуқа олиш ва Унинг каломини англаш учун жуда муҳимдир.

Жамоат ибодати:
Жамоат билан биргаликда ибодат қилиш Худога бўлган ишончни мустаҳкамлайди ва бирдамликни оширади.

Хулоса:
Ибодат – бу етук масиҳийнинг ҳаётида нафас кабидир. У орқали биз руҳий қувват оламиз, Худонинг иродасини тушунамиз ва унга яқинлашамиз. Шундай экан, ҳар куни тинимсиз ибодат қилиб, Худонинг иродасига мувофиқ яшайлик.

Телеграм || Инстаграм || TikTok

#илтимос
#ибодат_қилайлик

Asalomu alekum brodarlar. Bir iltimosim bor sizlardan qizim toshkentda detski gematalogiyada yotipti.1 guruh qon zaruz bulip qolyapti agar iloji busa  mana wu nomerga tel qilinglar 934715778 🙏

⏺Исо Масиҳ Ким эканлиги ҳақида сўраган,
⏺Инжил ўзгартирилган деяётган,
⏺Ибодатга муҳтож бўлган,
⏺Имон борасида саволлари бор бўлганлар билан

Шу манбани бўлишинг:
⬇️⬇️⬇️⬇️⬇️⬇️⬇️⬇️
https://s.mtrbio.com/umid-uz

Берувчи ва марҳаматловчи бўлинг

Фақат ўзингизнинг эмас, балки бошқаларнинг ҳам манфаатини кўзланг (Филиппиликлар 2:4).

Худонинг фарзанди сифатида, одамларни эслайдиган, уларга ғамхўрлик қиладиган ва чин дилдан севадиган одам сифатида танилган бўлинг. Худо учун бу муҳим. Берувчи ва баракаловчи  бўлинг. Муқаддас Китобда шундай дейилади: "Мен сизларга бу борада намуна бўлиб, заифларни қандай қўллаб–қувватлашимиз кераклигини кўрсатдим. Раббимиз Исо айтган шу сўзларни эслайлик: «Олмоқдан кўра, бермоқ кўпроқ марҳамат келтиради.»” (Ҳаворийлар 20:35).

Сизни эслаган одамнинг марҳамати, бошқаларга берганингиз билан солиштирганда кичикдир. Бошқалардан олганингизда, сиз фақат олган нарсангизга эга бўласиз. Худонинг  ваъдаси берувчи учундир, олувчи учун эмас; шунинг учун эътиборни излашдан кўра яхшиси, уни беринг. Севги изламанг; севги беринг. Ҳаммага, жумладан, сизга зулм қилганларга ҳам, умидсиз ёвузларга ҳам севги кўрсатинг. Худо шундай яшашингизни хоҳлайди.

У Луқо 6:27-31 да шундай деди: "Эй Мени тинглаётганлар, сизларга айтяпман: душманларингизни яхши кўринглар, сиздан нафратланганларга яхшилик қилинглар. Сизларга лаънат айтганларни дуо қилинглар. Сизга озор берганлар учун ибодат қилинглар. Бир чаккангизга урсалар, иккинчисини ҳам тутинг. Агар кимдир тўнингизни тортиб олса, кўйлагингизни ҳам ечиб беринг. Сиздан сўраганларнинг ҳаммасига беринг. Агар кимдир нарсангизни тортиб олса, «Қайтариб бер», деб талаб қилманг. Одамлар сизларга нима қилишларини истасангиз, сизлар ҳам уларга ўшани қилинглар".

Фақат бошқалардан олишни ва бошқаларнинг эътиборидан завқ олишни хоҳлайдиган одамлар бор; улар фақат бошқаларнинг севишини талаб қилади. Аммо Раббийнинг сўзларини ўқинг: "Одамлар сизга қандай муносабатда бўлишини хоҳласангиз, сиз ҳам уларга шундай қилинг." Сиз Иброҳимнинг наслисиз, Иброҳимнинг авлоди эса ҳар доим севги кўрсатади; у муҳтожларнинг фарёдини эшитади ва жавоб беради. Худо Иброҳим ва унинг авлоди ҳақида шундай деган эмасми? У шундай деб айтди: "Сенда ер юзидаги барча халқлар барака топади". Сиз жавобсиз; сиз ечимсиз. Даъватингизни барака ва берувчи сифатида бажаринг; бу ҳаётнинг энг юқори йўлидир! Эгамизга ҳамду санолар бўлсин!

ИБОДАТ
Азиз Ота, бошқаларга ёрдам бериш учун ҳаётимдаги иноятинг учун Сенга раҳмат айтаман; юрагимга тўкилган ва мен ўз дунёимдаги ҳаммага кўп тарқатган севгинг учун раҳмат. Мен миллионлаб одамларнинг фарёдига жавоб сифатида туғилганман ва мен орқали Сенинг марҳаматинг бугун Исо Масиҳ Номидан бошқаларга оқади. Омин.

Телеграм || Инстаграм || TikTok

Сиз ўз авлодингиз учун Унинг гувоҳисиз

"Эй Тимўтий, сенга ишониб топширилган Хушхабарни асрагин. Худодан узоқлаштирадиган қуруқ гаплару ҳақиқатга зид бўлган таълимотлардан қочгин. Баъзи одамлар адашиб, буларни “билим”, деб атайдилар" (1 Тимўтий 6:20).

Сиз ўз авлодингиз учун гувоҳ эканлигингизни англаяпсизми? Раббимиз Исо Ҳаворийлар 1:8 да шундай деган: "Аммо Муқаддас Руҳ сизларни қамраб олганда, куч–қудратга тўласизлар. Қуддусда, Яҳудия ва Самарияда, ер юзининг ҳамма бурчакларида сизлар Менинг шоҳидларим бўласизлар". Сиз Унинг гувоҳисиз ва атрофингиздаги барча одамлар учун масъулсиз: ҳамкасбларингиз, оила аъзоларингиз, қўшниларингиз ва яшаётган жойингиздаги кишилар учун. Хушхабар сизга уларнинг нажот топиши учун ишониб топширилган.

Муқаддас Китоб 1 Тимўтийга 1:11 да шундай дейди: "Муборак Худонинг улуғворлиги Хушхабарда аён этилган". Павлус хушхабар унга топширилганини айтган. Худди шу нарса сизга ҳам тааллуқли. Сизга хушхабар топширилган. Сизнинг ҳаётингизни нажотга етказган Худонинг хушхабари энди бошқаларни нажотга етказишингиз учун сизга берилган. Бу ҳақиқий муваффақият. Сиз ҳосил келтирувчи шох бўласиз. Исо шундай деган: "Мен — ток, сизлар — новдасизлар. Агар Менда бўлсангизлар ва Мен сизларда бўлсам, кўп ҳосил берасизлар. Менсиз ҳеч нарса қилолмайсизлар" (Юҳанно 15:5).

Павлус Тимўтийга шундай деган: "сенга ишониб топширилган Хушхабарни сақла". "Топширилган" сўзи юнон тилидаги қизиқарли "паратеке" сўзидан келиб чиққан бўлиб, "омонат" деган маънони англатади. Сизга омонат берилган, сизга бир нарса ишониб топширилган. Энди сиз бу сармояни ишга солишингиз керак.

Сиз энди уруғлар билан тўлдирилган пакетга ўхшайсиз. Сиздаги омонатлар Худо Шоҳлиги уруғларидир ва сиз уларни бошқа одамларга экканингизда, натижалар кўринади. Бу сизнинг биринчи даражадаги вазифангиз. Агар шу ишга эътибор қаратсангиз, бошқа ҳамма нарса ўз ўрнига тушади. Исонинг сўзларини эслайлик: "Сизлар аввало Худонинг Шоҳлиги ва Унинг иродаси пайида бўлинглар, шунда буларнинг ҳаммаси сизга берилади" (Матто 6:33).

Ўзгалар қидираётган нарсалар сизга Худо Шоҳлиги кенгайганида автоматик тарзда берилади. Сиз энди Шоҳликнинг вакилисиз ва энди Шоҳлик сизни қўллаб-қувватлайди. Шунинг учун бугун кимгадир Исо Масиҳ ҳақида гувоҳлик қилинг. Сиз мулоқотдаги бўлганлардан бирор бир кишига "Ҳақиқатлар Достони"нинг бир нусхасини беринг, ва сиз орқали Худо Шоҳлигининг кенгайишини кўрасиз.

Ибодат
Азиз Ота, Раббимиз Исо Масиҳнинг қимматли Хушхабарини менга ишониб топширганинг учун Сенга миннатдорман. Мен ўз авлодим учун гувоҳ бўлиш масъулияти ва шарафини англайман. Ҳаётим Сенинг муҳаббатинг ва марҳаматингнинг гувоҳидир, ва мен Сенинг Шоҳлигинг учун абадий мева келтирувчи инсонман. Бу шарафга лойиқ бўлиш ва шу шонли Шоҳликни намоён қилишимга имкон берганинг учун Сенга миннатдорман, Исонинг номи билан. Омин.

Телеграм || Инстаграм || TikTok