#Tafakkur
BUZGʻUNCHILARDAN BO‘LMANG!
Ikki yigit suhbatlashdi.
- Qayerda ishlaysan?
- Falon joyda.
- Oyliging qancha?
- 300 ming.
- Atigi 300 mingmi? Oz-ku? Shunchani qanday yetkazasan? Bu gapni eshitib ishini yomon ko‘rdi. Maoshini ko‘tarishlarini talab qildi. Boshlig‘i bosh tortdi. Ishdan bo‘shatdi. Ishi, oz bo‘lsa ham puli bor edi. Endi tamoman ishsiz qoldi!
Bir ayol boshqasidan so‘radi.
- Yaqinda farzandli bo‘ldingiz. Tuqqaningizda eringiz nima sovg‘a qildi?
- Hech nima.
- Shu to‘g‘rimi? Yo‘q, o‘zingiz ayting? Siz ne azoblar bilan unga farzand tug‘ib bersangiz-u, u arzimagan bo‘lsa ham sovg‘a bermasa? Nima, sizni qadringiz yo‘qmi? Bu gaplar uni yuragini qizdirdi. Eri ishdan qaytganida g‘azab bilan kutib oldi. Urishishdi. Janjallashishdi. Oxiri sovg‘a o‘rniga taloqqa erishdi.
Bu muammo qayerdan paydo bo‘ldi o‘zi? Tanimagan, bilmagan bir ayolning og‘zini bir chetidan oson chiqqan gaplaridan. U shunchaki aytdi-ketdi.
Ota xotirjam yashardi.
Undan so‘rashdi:
- Nimaga o‘g‘lingiz sizni ko‘rishga tez-tez kelib turmaydi?
-Ishi qiyin. Bo‘sh vaqti kam.
-Siz uchun ham vaqti yo‘qligiga ishonasizmi?
Ota farzandidan oldin rozi edi. Endi undan gina qilishni boshladi. Qalbidagi musaffolik ketdi. Loyqalandi.
IBRATBunaqa savollar hammamizga beriladi. Har kuni. Har doim. «Nimaga buni sotib olmaysan?». «Nimaga buning yo‘q?». «Qanday qilib eringga chidaysan?». «Haydavor uni, xotin bo‘lmaydi, u». «Qanday qilib shunga yo‘l qo‘yding?»... Ham eshitamiz, ham aytamiz. Biz uni eshitayotgan odamga qanday ta’sir qilishi xayolimizga ham kelmaydi. Oddiy so‘z bilan bir insonning hayotini ag‘daramiz. Nabaviy axloq qoidalardan biri: «
Buzg‘unchilardan bo‘lmang»ga amal qiling.
¤kitob_nuri
@InfoAKT
