Bugun davlat xizmatlaridan biriga ishim tushgandi, 1 soat navbatda kutgandan keyin galim kelib ichkariga kirsam, "mana bu hujjatni olib kelmabsiz" deb qaytarib yuborishdi. "Mazza" qildim. Menga qolsa hamma davlat xizmatlari onlayn, masofadan turib ishlagani ma'qul. Qog'ozbozlik, yugur-yugur, uzundan uzoq navbatlar... Yoki bularning hammasi xalqimizni sabrli bo'lishga o'rgatish chorasimikan?

Avvalgi gal aynan shu yerga tashrif buyurganimda dasturchi ekanligimni bilib sistemalaridagi bug'ni tuzatib berishimni so'rashgandi. Kompyuterni ochib ne ko'z bilan qarasam Windows 7, ustiga ustak crack app'laga to'lib yotibdi kompyuter. Kiber hujumlar uyushtirilsa, davlat xizmatlari dosh berolmasligi tayin. Menimcha 95% xodimlar kompyuterdan foydalanish "gigiyenasini" ham bilmaydi. Ommaviy, butun xalqqa, kamida davlat xodimlariga ana shu "gigiyenalarni" o'rgatish kerak.