HUQUQ INNOVATSION | Javohir Quramboyev

🫥 Ehtiyot chorasi qo‘llanilishi mumkin bo‘lgan shaxslar.

Qamoqqa olish yoki uy qamog‘i tarzidagi ehtiyot chorasi:

1⃣ O‘zbekiston Respublikasi Oliy Majlisining Qonunchilik palatasi deputati va Senati a’zosiga nisbatan — O‘zbekiston Respublikasi Oliy Majlisining tegishli palatasi yoki uning Kengashi roziligi bilan;

2⃣ O‘zbekiston Respublikasi Oliy Majlisining Inson huquqlari bo‘yicha vakiliga (ombudsmanga) nisbatan — O‘zbekiston Respublikasi Oliy Majlisi palatalarining roziligi bilan;

3⃣ O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakilga nisbatan — O‘zbekiston Respublikasi Prezidentining roziligi bilan;

4⃣ Qoraqalpog‘iston Respublikasi Jo‘qorg‘i Kengesi deputatiga, xalq deputatlari viloyat, Toshkent shahar, tuman va shahar Kengashining deputatiga nisbatan — Qoraqalpog‘iston Respublikasi Jo‘qorg‘i Kengesi, tegishli xalq deputatlari Kengashi roziligi bilan;

5⃣ O‘zbekiston Respublikasi Konstitutsiyaviy sudining sudyalariga nisbatan — O‘zbekiston Respublikasi Konstitutsiyaviy sudining roziligi bilan, O‘zbekiston Respublikasi Oliy sudi, Qoraqalpog‘iston Respublikasi sudining, viloyatlar va Toshkent shahar sudlarining, Qoraqalpog‘iston Respublikasi, viloyatlar va Toshkent shahar ma’muriy sudlarining, fuqarolik ishlari bo‘yicha tumanlararo, tuman, shahar sudlarining, jinoyat ishlari bo‘yicha tuman, shahar sudlarining, tumanlararo, tuman, shahar iqtisodiy sudlarining, tumanlararo ma’muriysudlarining va O‘zbekiston Respublikasi harbiy sudlarining sudyalariga nisbatan — O‘zbekiston Respublikasi Sudyalar oliy kengashining xulosasi mavjud bo‘lganda O‘zbekiston Respublikasi Oliy sudi Plenumining roziligi bilan;

6⃣ O‘zbekiston Respublikasi Sudyalar oliy kengashining a’zosiga nisbatan — O‘zbekiston Respublikasi Sudyalar oliy kengashining roziligi bilan;

7⃣ prokuror va prokuratura tergovchisiga nisbatan — O‘zbekiston Respublikasi Bosh prokurorining roziligi bilan qo‘llanilishi mumkin.

Tayyorladi Izzatulla_Abdullayevich

✈️ @HUQUQ_INNOVATSION

Qonunchilik hujjati.

➡️ Vijdon erkinligini ta’minlashning asosiy ustuvorliklari quyidagilardan iborat:

1) fuqarolarning dinga munosabatidan qat’i nazar, diniy qarashlarni majburan singdirishga yo‘l qo‘ymagan holda, ularning vijdon erkinligiga bo‘lgan o‘z huquqlarini amalga oshirishi uchun teng shart-sharoitlar yaratish;

2) konfessiyalar o‘rtasidagi tinchlik va totuvlikni mustahkamlash, jamiyatda diniy bag‘rikenglikni ta’minlash;

3) vijdon erkinligini ta’minlashda dunyoviy davlat qurilishini saqlab qolish;

4) vijdon erkinligi va diniy tashkilotlar to‘g‘risidagi qonunchilikka fuqarolar hamda diniy tashkilotlar tomonidan rioya etilishini ta’minlash;

5) jamoat tartibiga, O‘zbekiston Respublikasi fuqarolarining sog‘lig‘i va axloqiga, huquq va erkinliklariga tahdid soluvchi diniy g‘oyalar hamda qarashlarning singdirilishi va tarqatilishiga qarshi kurashish.

Tayyorladi: Javohir Quramboyev

✈️ @HUQUQ_INNOVATSION

Qonunchilik hujjati.

➡️ Xalq deputatlari Kengashi raisini muddatidan ilgari lavozimidan ozod qilish

🔝 Xalq deputatlari Kengashi raisi ovoz berish orqali Kengash deputatlari umumiy sonining uchdan ikki qismidan ko‘prog‘ining ovozi bilan qabul qilingan Kengash qaroriga binoan muddatidan ilgari lavozimidan ozod qilinishi mumkin.

🔝 Xalq deputatlari Kengashi raisini muddatidan ilgari lavozimidan ozod qilish to‘g‘risidagi masala Kengash deputatlari umumiy sonining kamida uchdan bir qismidan iborat deputatlar guruhining taklifiga binoan Kengash tomonidan ko‘rib chiqiladi.

🔝 Xalq deputatlari Kengashi raisini muddatidan ilgari lavozimidan ozod qilish to‘g‘risidagi masala ko‘rib chiqilayotganda sessiyada Kengashning doimiy komissiyalari raislaridan biri raislik qiladi.

🔝 Xalq deputatlari Kengashi raisini muddatidan ilgari lavozimidan ozod qilish to‘g‘risida qaror qabul qilinadi, qaror sessiyada raislik qiluvchi tomonidan imzolanadi

Tayyorladi: Javohir Quramboyev

✈️ @HUQUQ_INNOVATSION

Qonunchilik hujjati.

➡️ Xalq deputatlari Kengashi raisini saylash

🔝 Xalq deputatlari Kengashining birinchi sessiyasi xalq deputatlari Kengashi raisini saylashdan boshlanadi.

🔝 Xalq deputatlari Kengashi raisini saylash uchun deputatlar orasidan xalq deputatlari Kengashiga saylovda ishtirok etgan har bir siyosiy partiya deputatlaridan iborat siyosiy partiyalar vakillari guruhi tashkil etiladi. Siyosiy
partiyalar vakillari guruhining tarkibi to‘g‘risidagi qaror deputatlar umumiy sonining ko‘pchilik ovozi bilan qabul qilinadi.

🔝 Xalq deputatlari Kengashi raisi lavozimiga nomzodlar siyosiy partiyalar vakillari guruhining tavsiyasi asosida deputatlar orasidan shakllantiriladi.

🔝 Ayni bir shaxs bir vaqtning o‘zida boshqa viloyat, tuman, shahar xalq deputatlari Kengashining raisi etib saylanishi mumkin emas.

🔝 Xalq deputatlari Kengashi raisi lavozimiga nomzod, agar u ovoz berish natijasida Kengash deputatlari umumiy sonining ko‘pchilik ovozini olgan bo‘lsa, saylangan deb hisoblanadi.

🔝 Xalq deputatlari Kengashi raisi saylanganligi to‘g‘risida qaror qabul qilinadi, uni xalq deputatlari Kengashi sessiyasida raislik qiluvchi imzolaydi.

Tayyorladi: Javohir Quramboyev

✈️ @HUQUQ_INNOVATSION

💬 11-sinf 16-bet

☑️ Ma'muriy javobgarlik to'g'risidagi kodeks. 47(3)-modda.

Nikoh yoshi to‘g‘risidagi qonunchilikni yoki nikoh tuzish tartibini buzish.

🔘Nikoh yoshiga yetmagan shaxs bilan haqiqatda nikoh munosabatlariga kirishish, — BHMning 5 baravaridan 10 baravarigacha miqdorda jarima solishga sabab bo‘ladi.

🔘Ota-ona yoki ularning o‘rnini bosuvchi shaxslar tomonidan nikoh yoshiga yetmagan shaxsni erga berish yoxud uylantirish, — BHMning 7 baravaridan 15 baravarigacha miqdorda jarima solishga sabab bo‘ladi.

🔘Nikohi qonunda belgilangan tartibda qayd etilmagan shaxslar o‘rtasida, shu jumladan nikoh yoshiga yetmagan shaxs bilan nikoh tuzishga doir diniy marosimni amalga oshirish, — BHMning 15 baravaridan 30 baravarigacha miqdorda jarima solishga sabab bo‘ladi.

😄 Yuqoridagi ma'lumotlar kitobda to'liq berilmagan. Lekin o'quv dasturiga binoan hamma ma'lumotlarni yod olish talab etiladi.

✈️  Manzil: Huquq Innovatsion

G‘oliblik azaldan taqdirning ishi,
Gohi zo‘rlarning ham o‘tmaydi tishi.
Biz g‘alab qildik va eng qizig'i
O‘n bir kishi edingiz biz to'qqiz kishi.

©Xayrulla Hamidov

@HUQUQ_INNOVATSION

Qonunchilik palatasining Kengashi va Devoni.

35 ta Qonun hujjatlarini oʻqir ekansiz, juda koʻplab qonunlarda Qonunchilik platasining Kengashi va Devoniga koʻzingiz tushadi.

Bular aslida koʻringanidek murakkab tuzilmalar emas. Ammo muhimligi aniq. Shu sababli bilib qoʻyish zarar qilmaydi. Hozir bularni oddiy va qisqa tushuntiraman.

1️⃣ Qonunchilik palatasi Kengashi.

Bu Oliy Majlis Qonunchilik palatasining ichki faoliyatini muvofiqlashtiruvchi organ bo‘lib, uning tarkibiga spiker (rais), o‘rinbosarlar, qo‘mitalar raislari va fraksiya rahbarlari kiradi xolos. Qonunchilik palatasidagi «rahbarlarning guruhi» desak ham boʻladi.

Kengashning asosiy vazifalari:

Palataning ish rejasini belgilash.

Qonun loyihalarini muhokama qilish va kun tartibini shakllantirish.

Parlament faoliyatining tashkil etilishi bo‘yicha muhim qarorlar qabul qilish.

Deputatlarning faoliyatini muvofiqlashtirish.

Hukumat va boshqa organlar bilan hamkorlikni yo‘lga qo‘yish.


Kengash, asosan, Qonunchilik palatasining spikeri rahbarligida faoliyat yuritadi.

2️⃣ Qonunchilik palatasi Devoni

Bu palataning ish yuritish, hujjatlar bilan ishlash va tashkiliy-texnik qo‘llab-quvvatlash bilan shug‘ullanuvchi ijro etuvchi organidir. Xullas asosan tashkiliy ishlar bilan shugʻullanadi.

Devonning asosiy vazifalari:

Qonunchilik palatasi yig‘ilishlarini tashkillashtirish.

Hujjatlar tayyorlash va yuritish.

Deputatlarni ma’muriy va texnik jihatdan qo‘llab-quvvatlash.

Axborot va matbuot xizmati faoliyatini olib borish.

Xalqaro aloqalar va tashriflarni tashkil qilish.

Oddiy qilib aytganda:

Kengash – rahbarlardan tashkil topgan va muhim qarorlar qabul qiluvchi organ.

Devon – tashkiliy va ish yuritish bilan shug‘ullanuvchi ijro organi.

© Bekzod Chorshanbiyev

@HUQUQ_INNOVATSION

Har doim o'z bilimingizga, o'z kuchingizga ishoning shunda siz erishgan muvaffaqiyat haqiqiy baxt keltiradi.

2017-yildan oldingi yillarda X variant rosa avjiga chiqqan davrlar edi. Puli bor insonlar katta mablag'lar evaziga imtihonda tushishi mumkin bo'lgan savollarni sotib olib, yod olishar edi. Keyingi yillarda ta'lim tizimida katta o'zgarishlar amalga oshirilib, shaffoklik bir muncha ta'minlangan edi. Lekin bugungi bo'lib o'tgan bir voqeadan keyin ta'lim tizimida hali ham ko'plab muammolar mavjud ekanligini tushunib yetdim.

Xorazmlik bitta ona tilichi repetitor milliy sertifikat imtihoniga bir soat qolganida o'zining ko'plab obunachilar bor kanaliga aniq tushadigan esse mavzusini post shaklida yozib tashladi va ,albatta, imtihonda u aytgan mavzu bo'yicha esse yozish so'ralgan edi. Demak, hozir ham ayrim shaxslarning noinsofligi deb "ichkaridagi" savollar "tashqariga" sizdirilyabdi. Bu hech qanday tasodif emas. Chunki u aytgan mavzu bo'yicha so'zma so'z imtihonda tushushi mumkin emas. Shu vaqtgacha u haqida ko'plab "mish-mishlar" eshitgan edim lekin bugungi bo'lib o'tgan voqeadan keyin uning naqadar pastkash ekanligiga guvohi bo'ldim.

Halollik har doim har narsadan ustun turishi kerak aslida.

🔝 11-sinf 16-mavzu

🔝 257-modda. Mehnatni muhofaza qilish qoidalarini buzish.
Texnika xavfsizligi, sanoat sanitariyasi yoki mehnatni muhofaza qilishning boshqa qoidalarini shu qoidalarga rioya etilishi uchun mas’ul bo‘lgan shaxs tomonidan buzilishi
o'rtacha og‘ir yoki og‘ir tan jarohati yetkazilishiga sabab bo‘lsa, —
1) BHMning 25 baravaridan 50 baravarigacha miqdorda jarima
2) 5 yilgacha muayyan huquqdan mahrum qilish
3) 3 yilgacha ATI
4) 1 yildan 3 yilgacha ozodlikni cheklash
5) 3 yilgacha ozodlikdan mahrum qilish bilan jazolanadi.

O‘sha qilmish:
a) odam o‘lishiga;
b) boshqa og‘ir oqibatlar kelib chiqishiga sabab bo‘lsa, —
1) muayyan huquqdan mahrum qilib, 2 yildan 5 yilgacha ozodlikni cheklash
2) 5 yilgacha ozodlikdan mahrum qilish bilan jazolanadi.

✈️ @HUQUQ_INNOVATSION