HAYOTIMSAN

ТЎШАКДАН КАТТАРОҚДИР!

   Муҳаббат тўшакда бошланмайди, балки у тўшакда тугайди. Йўлда муҳаббатни экмаганлар унинг мевасидан ҳеч қачон тотиб кўрмайдилар, тўймайдилар!
   Бомдодга бориб сўнгра уни жойнамоз устида топиш, унинг қўйнига бош қўйиш, сизнинг сочингизни ўйнаб туриб тасбиҳ айтганида унинг овозини эшитиш учун тез қайтишни тажриба қилиб кўрганмисиз?!
   Намозда унга имом ўтишни, намоздан сўнгра қиблага орқа қилиб ўтириб унинг қўлидан тутиб тасбиҳларни унинг бармоқ бўғимлари билан санашни тажриба қилиб кўрганмисиз?!
   Рамазонда рўза тутганингизда битта хурмони иккига бўлиб ярмини оғзингизга солиб, қолган ярмини унинг оғзига солиб, унинг оғзидаги бўлакни сизникидан ширинроқ эканлигини ҳис қилишни ҳеч синаб кўрганмисиз?!
   Унинг ғазабини чиқариб, сўнгра уни хурсанд қилиш учун: “Мен учун сендан бошқа борадиган жой йўқ!”, дейишни ҳеч синаб тажриба қилиб кўрганмисиз?!
  Сизнинг ғазабингизни чиқарганида сизга овқат тайёрлаб: “Токи сиз емагунингизча мен ҳам емайман!”, деган ҳолатни ҳеч синаб кўрганмисиз?!
   У билан телефонларни ўчириб қўйиб, дунёни ортингизга улоқтириб, кечаси бедор бўлиб Аллоҳга ибодат қилишни, у билан болалар каби ўйнашни, унинг оғзига луқма солишни, унинг қўлидан овқат ейишни, нархларни кўтарилишидан тортиб Американинг ёнишига бўлган воқеалар ҳақида суҳбатлашишни тажриба қилиб кўрганмисиз?!
   Машинингизни ҳайдаб кетаётиб унинг қўлидан тутганмисиз, унга кўчадан гул сотиб олиб совға қилганмисиз?!
   Куйлагингиз тугмасини қадаётганида унинг кўзларига яқиндан қараганмисиз?!
   Кўчага чиқаётганингизда онангиз каби “қалинроқ кийиниб чиқинг, шамоллаб қолманг тағин”, дея сизга ғамхўрлик қилишини ҳеч тажрибангизда кўрганмисиз?!
  У билан бирга овқат қилишни, кийим ювишни ҳеч синаб кўрганмимиз?!
   Синаб кўрганмисиз…..?!
  Буларни синаб кўринг. Сўнгра натижасини кўрасиз. Тўғри, эр ва хотин етиб борадиган охирги манзил тўшак, аммо турмуш қуриш тўшакдан каттароқдир!!!

БИЗГА ҚЎШИЛИНГ

✍🏼 @HAYOTIMSAN 👈🏼

Орифларнинг улуғларини Роббилари таолога бўлган қаттиқ ишончлари

1. Нуҳ алайҳиссалом: “Албатта, Роббим ўта мағфиратлидир, ўта раҳмлидир”, Ҳуд сураси, 41-оят.

2. Ҳуд алайҳиссалом: “Албатта, Роббим ҳар бир нарсани муҳофза қилувчидир”, Ҳуд сураси, 57-оят.

3. Солиҳ алайҳиссалом: “Албатта, Роббим ўта яқиндир, ўта ижобат қилувчидир”, Ҳуд сураси, 61-оят.

4. Иброҳим алайҳиссалом: “Албатта, Роббим дуони ўта эшитувчидир”, Иброҳим сураси, 39-оят.

5. Шуайб алайҳиссалом: “Албатта, Роббим ўта раҳмлидир, яхшиликни раво кўрувчидир”, Ҳуд сураси, 90-оят.

6. Юсуф алайҳиссалом: “Албатта, Роббим хоҳлаган нарсасига латифдир”, Юсуф сураси, 100-оят.

7. Мусо алайҳиссалом: “...“Йўқ! Албатта, Роббим мен билан, У Зот менга тўғри йўлни кўрсатур”, Шуаро сураси, 62-оят.

8. Сулаймон алайҳиссалом: “...бас, Роббим ўта беҳожатдир, ўта карамлидир”, Намл сураси, 40-оят.

БИЗГА ҚЎШИЛИНГ

✍🏼 @HAYOTIMSAN 👈🏼

Тарозидан урадиганларнинг ҳоли не кечаркин!

Бир солиҳ одам ўлим тўшагида ётиб қолган биродарини зиёрат қилиш учун кириб, унга «Лаа илааҳа иллаллоҳ» калимасини эслатди. Биродари: «Буни айтолмаяпман! Чунки тилимни тарозининг тоши босиб турибди», деди. Шунда солиҳ одам: «Тарозидан урармидингиз?!» деб сўрган эди, «Йўқ, Аллоҳга қасам, ҳеч қачон тарозидан урмаганман, лекин тарозимни текширтириб турмасдим», деб жавоб берди.
Тарозиси тўғри тортяптими, йўқми – шуни текширтириб турмаган инсоннинг аҳволи шу бўлса, тарозидан бемалол уриб қоладиганларнинг ҳоли не кечаркин?

БИЗГА ҚЎШИЛИНГ

✍🏼 @HAYOTINSAN 👈🏼

​​​​АЁЛЛАРНИНГ ЯХШИСИ

Аъробийдан аёлларни яхшиси қандай экани сўралди. У деди: “Аёлларнинг яхшиси:
Гапирсанг тасдиқлайдиган, ғазаблансанг мулойимлик кўрсатадиган, кулганингда табассум қиладиган, бирон ишни бажарса, чиройли қиладиган, уйини лозим тутадиган, эрига итоатсизлик қилмайдиган, қавми ичида ҳурмат кўрсатадиган, ўзини ҳокисор тутадиган, ёқимли, кўп фарзанд кўрадиган ва барча ишлари мақтовга лойиқ бўлганидир”. 

Расулуллоҳ соллаллоҳу алайҳи васаллам дедилар: “Аёлларингиз ичида аҳли жаннатлари ким, айтиб берайми? Истараси иссиқ ёқимли, бола туғадиган, азият кўрса ёки азият бериб қўйса, эрининг қўлини ушлаб, “Аллоҳга қасамки, токи мендан рози бўлиб, кечирмасангиз бирон таъмни тотмайман” дейдиганларидир. У аёл жаннатдадир, у аёл  жаннатдадир, у аёл жаннатдадир”.  Имом Насоий ривояти.

БИЗГА ҚЎШИЛИНГ

✍🏼 @HAYOTIMSAN 👈🏼

​​Ота-онанинг ҳузурида ёнбошламай, оёқ узатмай, кўп гапириб ақллилик қилмай, одоб билан ўтириб, сўзларини тинглаш учун кўп илм шартмас, озгина илм, фаросат бўлса етади.

Аёлининг бирор камчилигини ислоҳ қилишда урмай, сўкмай, юмшоқлик билан тушунтириш учун катта аллома бўлиш шартмас, озгина билим, меҳр бўлса етади.

Фарзандларининг қўлидан телефонни олиб, ўрнига китоб бериш учун уларни уриш, дўппослаш, бақириш шартмас, бироз илм, ширин сўз ва шахсий намуна бўлса етади.

Қўлидаги баклашкани истаган жойга улоқтирмай, ахлат қутига солиш учун ободонлаштириш бошқармаси ходими бўлиш шартмас, покликни севиш ва фаросат бўлса етади.

Тармоқда фаҳш нарса чиқиб қолса, уни кўрмай, блоклаш ёки ўтказиб юбориш учун бадназарлик борасида илм, қалбда қўрқув, ҳаё, иффат бўлиши керак.

Бировни ёмонлаб, чайнамаслик, ғийбат қилмаслик учун қалбда қўрқув, ўша одамнинг ўлгандан сўнг гўштини еб ўтирганини тасаввур қилиш керак.

БИЗГА ҚЎШИЛИНГ

✍🏼 @HAYOTIMSAN 👈🏼