HARBIY SEVGIM / YURAKDAN CHIQQAN SOʻZLAR

Muhimi sovgʻa yoki tabrikda emas, muhimi eʼtiborda. Bayram yilda bir keladi. Bir ogʻiz (hozir ogʻiz ham kerakmas yozsa yo tayyor video yoki sheʼr va tabriklar bor) tabriklayman deb qoʻysangiz ham yaqiningizni bahri dilini ochadi. Oʻzi yilda eslaysizmi yoʻqmi eh. Eslaysiz ishingiz tushsa boʻlmasa yoʻq. Bayram bahona diydor gʻanimat. Yaqinlaringizga eʼtiborli boʻling. Yoʻqsa ularni yoʻqotasiz...

#bayramdan #esdalik #realhayot

Vatan himoyachilari kuniga hech boʻlmasa tabrik kutgan insonlaringizdan tabrik olmasangiz ham alam qilarkan...😅😢

Nega aynan 14-yanvar Vatan himoyachilari kuni sifatida nishonlashini bilarmidingiz?

14-yanvar Oʻzbekiston Respublikasining suvereniteti, hududiy yaxlitligi, aholining tinch hayoti va xavfsizligini himoya qiladigan kasb egalari – Vatan himoyachilari kuni va Oʻzbekiston Respublikasi qurolli Kuchlari tashkil topgan kun sifatida nishonlanadi. Bayram sanasi Oʻzbekiston Respublikasi qurolli Kuchlari tarixidagi quyidagi eng muhim voqealar bilan bogʻliqdir: 1991-yilning 31 avgust kuni «Oʻzbekiston Respublikasi davlat mustaqilligining asoslari toʻgʻrisida»gi Oʻzbekiston Respublikasining qonuni qabul qilindi. Ushbu muhim hujjat yosh respublikamizga oʻzining harbiy siyosatini yuritish huquqini berdi. Shu kuni e’lon qilingan «Oʻzbekiston Respublikasining davlat mustaqilligi toʻgʻrisida»gi bayonot esa milliy qurolli kuchlarimizni tashkil etish uchun huquqiy asos boʻlib xizmat qildi. 1991-yil 6-sentabrdagi «Mudofaa ishlari vazirligini tashkil etish toʻgʻrisida»gi Oʻzbekiston Respublikasi Prezidentining Farmoni sohaning ilk poydevori sanaladi. 1992-yil 3-iyul kuni Oʻzbekiston Respublikasi Prezidentining Farmoniga muvofiq Oʻzbekiston Respublikasi Mudofaa ishlari vazirligi Oʻzbekiston Respublikasi Mudofaa vazirligiga aylantirildi. 1992-yilning 14-yanvar kuni Oʻzbekiston Respublikasi Oliy Kengashining «Oʻzbekiston Respublikasi hududida joylashgan harbiy qismlar va harbiy oʻquv muassasalari toʻgʻrisida»gi qarori juda muhim tarixiy ahamiyatga egadir. Mazkur qarorga koʻra davlatimiz hududidagi harbiy tuzilmalar respublika tasarrufiga olindi. 1993-yil 29-dekabr kuni Oʻzbekiston Respublikasi Oliy Kengashining qarori bilan «14-yanvar – Vatan himoyachilari kuni» deb belgilandi. Vatan himoyachilari kunini nafaqat harbiy xizmatchilar, balki ayni vaqtda armiya saflarida oʻz burchini oʻtab qaytgan vatandoshlarimiz va ertaga xizmatga boradigan ming-minglab navqiron yigitlarning bayrami, deb qabul qilingan. Ushbu bayram munosabati bilan har yili tantanali tadbirlar oʻtkaziladi, Oʻzbekiston Respublikasi Prezidenti, qurolli Kuchlar Oliy Bosh qo’mondonining Vatan himoyachilariga yoʻllagan tabrigi chop etilib, unda qurolli kuchlar oldida turgan eng dolzarb vazifalar belgilab beriladi. Ona yurtimiz har doim oʻzining mard, jasur yigitlari bilan faxrlanib kelgan. Yigitlarimiz ota-ona va oilasini, oʻzi yashayotgan yurt tuprogʻini muqaddas bilib, vatan himoyasi uchun doimo shay turishni burch deb hisoblagan. Ushbu bayramning nishonlanishi xalqimizning oʻz milliy armiyasiga nisbatan cheksiz hurmatini, alp yigitlariga nisbatan iftixorini bildiradi.

14-yanvar ,,Vatan himoyachilari kuni“

#33yillik #kun #tarixi