Zafar Khashimov

Президент билан учрашувга тайёргарлик онлари.

Ойна

Тошойна олдидан ўтар эканман,
Менга бир ёш бола термилди ундан.
Бу нима кўргилик, бу қандай хазил,
Ўгрилиб қарадим, турар беназир.

Ғамгин назар солдим- кўзларида ғам,
Қўлимни кўтардим- кўтарди у ҳам,
Наҳотки шу менинг аксим бўлса, воҳ
Йиллар қаридан келган акс- арвоҳ.

-Cен кимсан, болакай? -Кимсиз, амаки?
Ойнадаги менинг ҳақ аксим қани?
Иккимиз турардик, карахтликда гунг,
Қанийди, у билан қураолсак гурунг.

Кўзлари беғубор, юзлари силлиқ,
Ичимни тўлдирди чуқур соғиндиқ.
Наҳотки, шу ўзим, болалик чоғим?!
Унга бир талпиндим ёзиб қучоғим.

У менга талпинди, бехос ва қўрқиб,
Иккимиз тўхтадик тошга урилиб,
Кўзига тикилдим, ҳа, менинг кўзим,
Шубҳам ҳеч қолмади, бу аксда ўзим.

Лек, бола тушунмай қўрқиб турарди,
Икки юрагимиз уйғун урарди.
-Мен сенман, болакай, ярим аср сўнг.
Билмайман, шу онда тушми бу, ё ўнг.

Ишонмай, у бола силкитарди бош,
Бошим ҳам силкинди, эргашиб ювош.
Ичимни тўлдирди чексиз бир армон:
“Қанча орзуларинг айладим вайрон”.

Қария тасвирин кўрган болажон,
Қўрқиб узоқлашди ойнадан бежо,
Елиб югурди она қўйнига,
-Ким сени қўрқитди, титрайсан нега?.

-Катта тош ойнамиз ичида бир чол,
мен сенман, деб мени қўрқитди қўпол.
-Оббо фантазёрим, эртакчи болам,
“Ҳеч ким ишонмаса, қиларкан алам”.

Бола қочиб кетиб, қолгандим холис,
Болалик кунимни эслаб қилдим хис,
Ёш онам оҳанги тиниқ жаранглар,
Барчаси ҳақиқий: таъм, товуш, ранглар…

Эсладим шу онда болалик чоғим,
Ойнага урилгандим очиб қучоғим…

1/12/2024

Зафар Шоший

Ассалому алейкум!
Кеча раҳматли Камола Маҳмудовани хотирлаб, Лондонда оиласи ва дўстлари томонидан ёзилган эҳсон дастурхони атрофида шу ерда яшаб, ўқиб, ишлаб келаётган юздан ортиқ Камоланинг яқинлари ва дўстлари қаторида шу ерда ўқиётган фарзандларим билан қатнашишга муяссар бўлдим.
Анчадан бери кўришмаган қадрдонларимизни кўрдим, Камолани эслашдик. Тадбирда қандайдир эзгулик, енгиллик, ёруғлик шукуҳи ҳукм сурарди. Хатто эрталабдан ёмғир томчилаб турган бўлса, шу тадбирга Манчестердан атайлаб келган имом биродаримиз амру маъруф маърузаларини бошлаганларида бирдан, булутлар тарқаб, кун очилиб кетди.

Ушбу тадбирнинг яна бир аҳамиятли жиҳати шундан иборат бўлдики, унда Камола ҳаётлиги пайтида фаол қўллаб қувватлаб келган Эзгу Амал жамоатчилик ҳайрия фондига болалар онколгиясига қарши кураш, саратон дардига чалинган болажонларга ёрдам кўрсатиш бўйича янги фандрайзинг (маблағ йиғиш) Камола номли янги Фондга асос солингани эълон қилинди.
Унинг доирасида Камола фондига 10 апрел 2025 йилгача йўлланган барча маблағлар Камола ишлаб келган Европа Тараққиёт ва Тикланиш Банки (ЕТТБ) томонидан йиғилган суммага тенг баробарида пул қўшилиб, Эзгу Амал Фондига юборилади.
Мен барча саховатпешво дўстларим, мухлису- кузатувчиларимни ушбу савобли амалда қатнашишга чорлайман.

Хайрия қилиш учун хавола бўйича ўтинг https://www.gofundme.com/f/community-initiative-for-ezgu-amal-kamola-fund?modal=share&source=fundraiser+sidebar

Инсон ўз кучи, ғояси, илми ва махоратига ишониб, вақти, қуввати ва маблағларини аямай, таҳдид ва тахликаларга тўла мустақил тадбиркорлик йўлида қўядиган қадамлари - бу, албатта, жасоратдир.
Тадбиркор сифатида аниқ айтишим мумкин, бу аслида жуда машаққатли йўл. Уни уддалашга дарҳақиқат матонатли инсонлар қодир бўлишади. Хайриятким, ҳозирда тадбиркорликнинг мушкулиятлари, ҳамда тадбиркорлар мамлакатимиз ва жамиятимиз ривожланишидаги муҳим ролини нафақат иқтисодчилар, балки кенг омма, ва энг муҳими давлат арбобоари ва ташкилотлари яхши тушунишаяпти, бу долзарб соҳада мустақил ишга қадам қўяётган ватандошларимизга яқиндан ёрдам беришаяпти. Жумладан, Адлия Вазирлиги ташаббуси билан яратилган “Имкон” ижтимоий лойиҳаси кўпгина довюрак ва матонатли инсонларга тадбиркорлик фаолиятларини йўлга қўйишда яқиндан кўмак бераяпти.
Шундай кейслардан бири ҳақида “Матонат” деб номланган ушбу фильм премьерасига мени таклиф этишибди. Мен бундан жуда мамнун ва миннатдорман. Афсус, ўзим ҳизмат сафарида эдим, лекин узоқдан туриб бўлсада, ушбу хайрли ишга қўл урган Адлия вазирлиги раҳбарияти ва ҳодимларига катта миннатдорчилик ва энг эзгу тилакларимни йўлламоқчиман. Мусофирнинг дуоси мустажоб бўлади, дейишади: Аллоҳ эзгу ишларингизда Ўзи мададкор бўлсин!

Ассалому алейкум

Кеча 2014 йилда Иқтисод соҳасида Нобел мукофоти олган яна бир олим профессор Жан Тирольнинг “Умумий манфаат” (Common Good) мавзусида бўлиб ўтган очиқ лекциясини тингладим.

Авваламбор, мени бир оз ажаблантириб, ачинтирган жойи, залда чамаси 20-25% атрофида ўринлар бўш қолди. Лекцияга ўзим шошиб келаётганимда ўринлар тўлиб, тингловчиларнинг яна кўпчилиги жой бўлмаганидан йўлакларда тик туриб эшитишади, деган фаразда эдим. Ўзим бироз кеч қолдим ва мен ҳам энди туриб қолсам керак, деб ўйлаган эдим.
Сабаби, айни шу олимнинг Ўзбекистонга келиб, маъруза қилиши ва уни тинглашнинг ўзи барчамиз учун жуда нодир имконият эди. Томоша-ю концерт бўлмаса-да, илм илинжида бўлган ҳар қандай инсон учун бу лекция фикрлаш борасида жозибали ва мафтункор тантана бўлди.

Жан Тироль ўз лекциясида иқтисоднинг қуруқ илмий, ҳисоб китоб, математика, график ва жадвалларга қурилган материал билан эмас, балки бу фаннинг маънавий, ижтимоий ва фалсафий соҳалари ҳақида фикрлар билан ҳикоя юритди.

Фикр юритиш ҳақида гап кетар экан, бир мулохазаси мени чуқур ўйлашга мажбур этди.

“Бу, албатта, осон иш эмас, - деди профессор Тироль,- лекин ўзингиз учун, бир ҳаракат қилиб, тасаввур қилиб кўрингчи, агар, айтайлик, шу онда хали туғилмаган бўлсангиз да, лекин шу туғилиш арафасида турибсиз. На ўзингизнинг ирқингиз, на миллатингиз, на жинсингиз, на келиб чиқишинги-у, аждодларингизнинг жамиятдаги мавқеи-ю, мол дунёси қандай бўлишини асло билмайсиз. Шу билан бирга, ўзингизга энди бир савол бериб кўринг, сиз шунда, ким бўлиб туғилишингиз билмай туриб, қандай жамиятда туғилишни истаган бўлар эдингиз, деган йўналишда ўйлаб кўрсангиз. Сиз ўша жамиятда қандай қонунлар, қандай урф одатлар, қандай принциплар, қандай муносабатлар ҳукм суришини хохлаган бўлар эдингиз?”

Мени шу савол кечадан бери роса ўйлантирди ва мен ўшандай жамият ҳақида ўйлаган сарим, ўзим ўша фикримдаги ҳамма учун тенг имконият ва шароит яратадиган идеал жамият аъзосига муносиб йўл тутаяпманми, деган савол ҳаи унданда долзарб бўлиб олдимда қад кўтараяпти.

Биламан, бу осон савол эмас, лекин, азиз муҳлисларим, келинглар, сизлар ҳам бир уриниб, шу каби саволларни ўзимизга кўпроқ бериб турайлик.

Иқтисодчи Джеймс Робинсон бу йилги Нобел мукофотига сазовор бўлди.

Алвидо, Камола. Алвидо, азиз дўстим. Жойларингиз жаннат боғларидан бўлсин!
Инна лиллаҳи ва инна илайҳи рожиун.