....... ҲАЗРАТ НАВОИЙ ......

Неча замон ошса ҳамки, ўлмагай ҳазрат Навоий.
Назм боғин яшнатиб ул сўлмагай ҳазрат Навоий.

Андалиблар куйлагайлар, бул чаманда турфа хилким,
Гул чаманзор  хуш навосиз бўлмагай, ҳазрат Навоий.

Қанча ёнсин, қанча куйсин, кўйида жон девонавор,
Кўнгли зор ишқ бодасига тўлмагай ҳазрат Навоий.

Не қалам аҳли ичинда порлагай юлдуз мисоли,
Шеърият самосида ҳеч сўнмагай ҳазрат Навоий.

Доимо жонин фидойи айлади халқи учун, лек
Тожу тахт, арконила чин кулмагай ҳазрат Навоий.

Зуҳрахон, сен ҳам анингдек байт битолсанг зора бир бор,
Неча замон ошса ҳамки, ўлмагай ҳазрат Навоий.

ЗУҲРАХОН АБДУЛҲАКИМХОН қизи

@HASANvaZUHRA