HADISLAR TOPLAMI

Акса уриш одоби хакида🩷

#Хадис_1288📚

💡Анас розияллоҳу анҳудан ривоят қилинади:«Набий соллаллоҳу алайҳи васалламнинг ҳузурларида икки киши акса урди. Бас, у зот улардан бирига тилак билдирдилар ва бошқасига тилак билдирмадилар. Шунда у зот унга тилак билдирмаган киши:«Фалончи акса урганда тилак билдирдингиз, мен акса урганимда тилак билдирмадингиз?» деди.«Бу Аллоҳга ҳамд айтди. Сен Аллоҳга ҳамд айтмадинг», дедилар».
✔️Бешовлари ривоят қилишган.

Шарҳ:😍
Ушбу ривоятда зикри келган икки акса урувчиларнинг бири Омир ибн Туфайл розияллоҳу анҳу бўлиб, иккинчиси унинг жияни экан. Жиян акса ургандан кейин Аллоҳга «Алҳамдулиллаҳи» деб ҳамд айтган. Расулуллоҳ соллаллоҳу алайҳи васаллам унга «Ярҳамукаллоҳу» деб тилак билдирганлар. Омир ибн Туфайл розияллоҳу анҳу акса уриб бўлиб, ҳамд айтмагани сабабли Расулуллоҳ соллаллоҳу алайҳи васаллам у кишига тилак билдирмаганлар. Шунинг учун ҳамд айтмаган акса урувчига тилак билдирилмайди.

Абу Ҳурайра розияллоҳу анҳудан ривоят қилинади:«Набий соллаллоҳу алайҳи васаллам қачон акса урсалар, юзларини қўллари ёки кийимлари ила тўсар ва овозларини пасайтирар эдилар».
✔️Термизий ва Абу Довуд ривоят қилишган.

Шарҳ:😍
Мусулмонча акса уриш маданияти ана шундоқ. Акса ураётган пайтда оғиз-бурундан чиқиши эҳтимоли бор нарсалар тўсилади.
Шу билан бирга, пастроқ овозда акса уришга ҳаракат қилинади.

💡 Абу Айюб розияллоҳу анҳудан ривоят қилинади:«Қачон бирингиз акса урса, «Алҳамдулиллаҳи» десин. Унга тилак билдирувчи «Ярҳамукаллоҳу» десин. У унга «Яҳдийкумуллоҳу ва юслиҳу болакаум» десин», дедилар».
✔️Термизий, Бухорий ва Абу Довуд ривоят қилишган.

Шарҳ:😍
⭐️ Ушбу ҳадиси шарифда акса урганда айтилиши лозим бўлган гаплар тўлиқ келган.
⭐️ Аввало, акса урувчи «Алҳамдулиллаҳи» — «Аллоҳга ҳамд бўлсин» дейди.
⭐️ Уни эшитган одам «Ярҳамукаллоҳу» — «Аллоҳ сенга раҳм қилсин» дейди.
⭐️ Акса урувчи эса, «Яҳдийкумуллоҳу ва юслиҳу болакаум —Аллоҳ сизни ҳидоят қилсин ва ҳолингизни яхшиласин» дейди.

💡Салама ибн ал-Акваъ розияллоҳу анҳудан ривоят қилинади:«Бир киши Набий соллаллоҳу алайҳи васалламнинг ҳузурларида акса урди. Шунда у зот унга:«Ярҳамукаллоҳу», дедилар.У яна бир бор акса урди. Шунда Расулуллоҳ соллаллоҳу алайҳи васаллам:«Киши тумовдир», дедилар».
✔️Бешовларидан фақат Бухорий ривоят қилмаган.

💡 Рифоъа аз-3урақий розияллоҳу анҳудан ривоят қилинади: «Набий соллаллоҳу алайҳи васаллам: «Акса урганга тилак тилаш уч мартадир. Сўнгра хоҳласанг тилак тила, бўлмаса, йўқ», дедилар».
✔️ Абу Довуд ва Термизий ривоят қилишган.

@HADISLAR_TOPLAMIII✔️

Чет тилларини урганиш хакида✔️:

#Хадис_1287💜

Зайд ийн Собит розияллоҳу анҳудан ривоят қилинади: «Расулуллоҳ соллаллоҳу алайҳи васаллам менга яҳудийларнинг ёзувини ўрганишни амр қилдилар ва Аллоҳга қасамки, мен яҳудийларнинг ёзишидан эмин эмасман», дедилар. Ярим ой ўтгандан сўнг мен ўша нарсани у зот учун таълим олдим. Мен ўрганиб бўлганимдан сўнг қачон яҳудийларга мактуб ёзадиган бўлсалар, мен ёзадиган бўлдим. Қачон улар у зотга ёзсалар, мен у зотга уларнинг ёзганини ўқиб берадиган бўлдим»
✔️ Термизий ривоят қилган.

Шарҳ:🥰

✅ Ушбу ҳадиси шариф бошқа халқларнинг тиллари ва ёзувларини ўрганиш лозимлигига катта ва асосли далилдир.
Модомики, бошқа халқлар билан бир оламда яшалар экан, улар билан алоқа қилиш эҳтиёжи бўлади. Бунинг учун эса, уларнинг тилини яхши биладиган одамлар керак бўлади. Агар ҳар бир жамиятнинг бу соҳада ўз одамлари бўлмаса, бошқаларга муҳтож бўлинади. Бошқалар эса бировга мухлис бўлиши қийин. Улар қасддан нотўғри таржималар қилиб, зарар етказиши турган гап. Шунинг учун ҳар бир жамият бу соҳада ўз одамларини тарбиялаб олмоғи лозим.
✅ Расулуллоҳ соллаллоҳу алайҳи васаллам бу нарсага алоҳида эътибор берганлар.

@HADISLAR_TOPLAMIII✅

#Хадис_1286📚

🕯🕯🕯🕯🕯🕯🕯🕯🕯🕯🕯
Анас розияллоҳу анҳудан ривоят қилинади: «Набий соллаллоҳу алайҳи васаллам ажамларга мактуб ёзмоқчи бўлганларида улар хатм - муҳри бор мактубдан бошқани қабул қилмасликлари айтилди. Шунда у зот хотим - узук қилдирдилар. Мен у зотнинг кафтларида унинг оқига назар солиб тургандекман».
🖊Термизий ривоят қилган.

Шарҳ:😍

Ушбу ривоятдан биз узук деб номлаётган нарсанинг ҳақиқати ва ундан кўзланган асосий мақсад англаб олинади. Бунинг учун аввал бир оз луғавий баҳс юритмоғимиз лозим. Биз «узук» деб номлаётган нарса арабчада «хотим» деб аталади. Бу сўзнинг луғавий маъноси хатм қилувчи — муҳр босувчи деганидир. Чунки «хатм» сўзи «муҳр» деганидир. Ҳозир биз ўрганаётган ҳадиси шарифдан кўриниб турибдики, Пайғамбар соллаллоҳу алайҳи васаллам чет эллардаги баъзи давлат бошлиқларига юбормоқчи бўлган мактубларини тасдиқлаш учун муҳр босиш зарурати туғилиб қолганда узук қилдирган эканлар. Шундан кейин у зот ўша узукни тақиб юрганлар ва бирор ҳужжатни муҳрлаш лозим бўлиб қолса, қўлларидан чиқариб туриб, у билан муҳрлаганлар. Эътибор берадиган бўлсак, ушбу ҳадиси шариф Исломнинг халқаро дипломатиясининг биринчи қадамлари қандоқ бўлгани ҳақида ҳикоя қилаётганини кўрамиз.
Ислом давлати қарор топиб, атрофдаги қабилалар Исломга киришни бошлаган даврда Пайғамбар соллаллоҳу алайҳи васаллам ажамларга мактуб юбориб, уларни Исломга чақирмоқчи бўлганлар. Ана ўша ишга қўл урила бошлаганда баъзи хабардор кишилар халқаро алоқалардаги подшоҳларга мактуб юборишда ҳисобга олиниши лозим бўлган қоидаларни эслатдилар. Араблар ўқиш-ёзишдан бехабар, бировга мактуб ёзиш хаёлига ҳам келмаган бир халқ эди. Шунинг учун уларда бу борада бирор тажриба бўлиши ҳам қийин эди. Лекин Расулуллоҳ соллаллоҳу алайҳи васаллам юқорида зикр этилган подшоҳларга элчилар орқали мактуб юборишга қарор қилдилар. У зот уларни ҳам Аллоҳнинг динига чақириш бўйича ўз зиммаларидаги масъулиятни адо этмоқчи эдилар. Ана ўшанда ўзлари муомала қилмоқчи бўлган шахсларга таъкидли бўлиши учун элчиларга қўшиб мактуб ҳам юбормоқчи бўлдилар. Биладиган кишилар муҳрсиз мактубни подшоҳлар қабул қилмасликларини айтиб, бу ишни самарали чиқишига ўз ҳиссаларини қўшмоқчи бўлдилар. Пайғамбар соллаллоҳу алайҳи васаллам уларнинг ўринли ва фойдали маслаҳатларидан тўғри фойдаландилар.

🩷Ушбу ҳадисдан олинадиган фойдалар:
1⏺ Пайғамбар соллаллоҳу алайҳи васалламнинг чет элларга мактуб юборганлари.
2⭕️ Бошқа дин ва давлат вакиллари ила алоқа қилишда уларнинг урф-одатларини эътиборга олиш кераклиги.
3🟠 Мактуб, ёзув воситаси билан ҳам Исломга даъват қилиш зарурлиги.
4🟢Халқаро алоқаларни олиб боришда халқаро қоидаларга амал қилиш жоизлиги.
5⏺Ёзилган ҳужжат муҳр ила тасдиқлаш кераклиги.
6⭕️Пайғамбар соллаллоҳу алайҳи васалламнинг ҳужжатларни тасдиқлаш учун тутган муҳрлари узукда бўлгани.

@HADISLAR_TOPLAMIII✅

#Хадис_1285📚

Имрон ибн Ҳусойн розияллоҳу анҳудан ривоят қилинади:«Бир одам Набий соллаллоҳу алайҳи васалламнинг олдиларига келиб:«Ассалому алайкум», деди.У зот алик олдилар. Ҳалиги одам ўтирди.Сўнгра Расулуллоҳ соллаллоҳу алайҳи васаллам:«Ўнта», дедилар.Кейин бошқа бири келиб:«Ассалому алайкум ва роҳматуллоҳи», деди.У зот алик олдилар. Ҳалиги одам ўтирди.Сўнгра у зот:«Иигирмата», дедилар.Кейин бошқа бири келиб:«Ассалому алайкум ва роҳматуллоҳи ва барокатуҳу», деди.У зот алик олдилар. Ҳалиги одам ўтирди.Сўнгра у зот:«Уттизта», дедилар».

Шарҳ:😍

☑️Бундан саломни тўлиқ айтган ва аликнинг тўлиқ қайтарган кишилар савобни тўлиқ олиши келиб чиқади.
☑️Ким салом беришдан тўлиқ савоб олишни истаса, «Ассалому алайкум ва роҳматуллоҳи ва барокатуҳу» деб тўлиқ салом берсин.

Абу Умома розияллоҳу анҳудан ривоят қилинади:«Набий соллаллоҳу алайҳи васаллам:«Одамларнинг Аллоҳга энг яқини уларга энг аввал салом берганидир», дедилар».
🖋Иккисини Абу Довуд ва Термизий ривоят қилишган.

Шарҳ:😍

☑️Ушбу ҳадиси шарифга амал қилароқ кишиларга аввал салом беришга одатланмоқ лозим.
☑️Пайғамбар соллаллоҳу алайҳи васаллам ҳам ҳаммадан олдин салом берар эдилар. Саҳобаи киромлар пойлаб туриб ҳам у зотдан аввал салом беришга улгурмай қолар эдилар.

@HADISLAR_TOPLAMIII✅

#Хадис_1284📚

Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Жоним қўлида бўлган Зот ила қасамки, мўмин бўлмагунингизча жаннатга кирмассиз. Ўзаро муҳаббат қилмагунингизча мўмин бўлмассиз. Сизни қачон (амал) қилсангиз ўзаро муҳаббат қиладиган бўладиганингиз амалга далолат қилайми? Орангизда саломни кенг таркатинг», дедилар».
🖋Абу Довуд, Термизий ва Муслим ривоят қилишган.

Шарҳ:😍

☑️Бу ҳадиси шарифда «саломлашиш»нинг улкан аҳамияти баён этилмоқда.
☑️ Салом бериш билан бошланадиган хайрли ишнинг охири жаннатга кириш билан ниҳояланиши айтилмоқда.
☑️Ўзаро бир-бирлари билан саломлашиб юрган кишилар бир-бирларига муҳаббат ҳосил қиладилар. Ўзаро саломлашиб, ўзаро муҳаббатда юрган кишилар эса, мўмин бўладилар. Ўзаро саломлашиб, ўзаро муҳаббатда юрган мўминлар эса, жаннатга кирадилар.
☑️ Шунинг ўзидан ҳам саломнинг қанчалар аҳамиятли нарса эканини билиб олса бўлади.

@HADISLAR_TOPLAMIII✅

##Ҳадис_1283📚

Абу Усайд ал-Ансорий розияллоҳу анҳудан ривоят қилинади: «У киши Набий соллаллоҳу алайҳи васалламнинг аёлларга: «Орқага ўтинглар! Йўлнинг ўртасидан юрманглар! Йўлнинг четини лозим тутинглар!» деганларини эшитдим. Бас, аёл киши деворга яқин юрганидан кийими деворга ишқаладиган бўлди».
✍️Абу Довуд ривоят килган.

Шарҳ:😍

☑️ Пайғамбар соллаллоҳу алайҳи васаллам бу ривоятдаги гапларни масжиддан чиққан одамлар аёллар билан кўчада аралашиб кетганларини кўрганларида айтганлар.
☑️Мусулмонлик одоби бўйича эркак ва аёллар аралаш-қуралаш бўлиб кетишлари яхши эмас. Балки ҳар ким ўзини билгани ва ўзига яраша ҳаракат қилгани яхши. Шунинг учун барча оммавий маконларда аёлларга алоҳида жойлар ажратилади.
☑️Муслима аёл кўчада юрганида барчанинг эътиборини тортиб, ўзига қаратадиган бўлмаслиги лозим. Балки камтарлик ила ўзини сақлаб юргани афзал бўлади.
☑️Шунингдек, ушбу таълимотлардан келиб чиқиб, ҳозирги кунларда ҳам муслима аёлларга мусулмон давлатларда алоҳида имтиёзлар яратилган. Мисол учун, навбат кутиш ҳар қанча оғир бўлса ҳам муслима аёлларга навбатдан ташқари хизмат кўрсатилади.
☑️Жамоатчилик нақлиётларидан ҳам аёллар учун алоҳида жойлар ажратилган ва ҳоказо.

@HADISLAR_TOPLAMIII😕

#Ҳадис_1282💡

Жобир розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг ҳузурларига отамнинг қарзи хусусида бориб эшикни тақиллатдим. Бас, у зот: «Бу ким?» дедилар. «Менман!» дедим. У зот норози оҳангда: «Мен, мен...» дедилар».

✍️( Бешовлари ривоят қилишган).

🥰Шарҳ:

✅Мен, дейиш билан иш ойдинлашмайди.
✅ Унинг ўрнига мен фалончиман, деб ўзини аниқ танитиш лозим.
✅Унда ўз исмини, кунясини ёки маълум сифатини айтилса, яхши бўлади.

@HADISLAR_TOPLAMIII📚

#Ҳадис_1281📘

Абу Айюб розияллоҳу анҳудан ривоят қилинади:
«Қачон бирингиз акса урса, «Алҳамдулиллаҳи» десин. Унга тилак билдирувчи «Ярҳамукаллоҳу» десин. У унга «Яҳдийкумуллоҳу ва юслиҳу болакаум» десин», дедилар».

✍(Термизий, Бухорий ва Абу Довуд ривоят қилишган).

Шарҳ

✅Ушбу ҳадиси шарифда акса урганда айтилиши лозим бўлган гаплар тўлиқ келган.

Аввало, акса урувчи «Алҳамдулиллаҳи» — «Аллоҳга ҳамд бўлсин» дейди.

Уни эшитган одам «Ярҳамукаллоҳу» — «Аллоҳ сенга раҳм қилсин» дейди.

Акса урувчи эса, «Яҳдийкумуллоҳу ва юслиҳу болакаум —Аллоҳ сизни ҳидоят қилсин ва ҳолингизни яхшиласин» дейди.

@HADISLAR_TOPLAMIII📚

#Ҳадис_1280📘

Абу Мижлаз розияллоҳу анҳудан ривоят қилинади:
«Бир киши ҳалқанинг ўртасига ўтирди. Шунда Ҳузайфа: «Муҳаммаднинг тилида малъундир ёки Аллоҳ Муҳаммад соллаллоҳу алайҳи васалламнинг тиллари ила ҳалқанинг ўртасига ўтирганни лаънатлади», дедилар».

✍(Термизий ва Абу Довуд ривоят қилишган)

Шарҳ:

✅Чунки ҳалқанинг ўртасига ўтирган одам бу борадаги Расулуллоҳ соллаллоҳу алайҳи васалламнинг кўрсатмаларига хилоф иш қилган ва одамларни бир-бирларидан тўсган бўлади.

@HADISLAR_TOPLAMIII📚

#Ҳадис_1279📘

Ибн Умар розияллоҳу анҳудан ривоят қилинади:
«Набий соллаллоҳу алайҳи васаллам:
«Бир киши бошқа бир кишини мажлисидан турғазиб, сўнг ўзи унинг ўрнига ўтирмайди. Лекин силжинглар ва кенгайтиринглар», дедилар.

✍(Тўртовлари ривоят қилишган).

✍(Муслим ўз ривоятида):
«Ибн Умар биров ўрнидан туриб унга жой бўшатса, ўша ерга ўтирмас эди»ни зиёда қилган.

Шарҳ

🔷Мажлисда ўтирган бир кишини турғазиб ўрнига бошқани ўтқазиш ҳаромдир.
🔶Чунки бу ишда аввал келган кишини беҳурмат қилиш бор. Аммо кенгайиб жой очилса, яхши бўлади.
🔷Ибн Умар розияллоҳу анҳунинг биров ўрнидан туриб, унга жой бўшатса, ўша ерга ўтирмасликлари ўзларининг ўта камтарликларидандир.
✅Аслида, ўтирган одам бир кишини улуғлаб ва ҳурматлаб чин кўнгилдан жой бўшатиб берса, ўтирмоқ жоиз.

@HADISLAR_TOPLAMIII📚

#Ҳадис_1278📘

Абдурроҳман ал-Феҳрий розияллоҳу анҳудан ривоят қилинади:
«Расулуллоҳ соллаллоҳу алайҳи васаллам билан Ҳунайнда ҳозир бўлдим.
Шиддатли иссиқ қиздириб турганда юриб бориб, дарахт соясига тушдик.
Қуёш заволга кетганида жанг анжомларимни кийдим.
Отимга миниб, Расулуллоҳ соллаллоҳу алайҳи васалламнинг ҳузурларига бордим. У зот ўз чодирларида экан. Бас, мен:«Ассалому алайка, эй Аллоҳнинг Расули, ва роҳматуллоҳи ва баракотуҳу. Жўнаш вақти бўлди», дедим.
«Шундоқ! Ҳозир!
Эй Билол! Тур! Эй Билол!» дедилар.У зот соялари худди қуш соясидек бўлиб, тезлаб дарахт остидан сапчиб турдилар.
Бас, у:«Лаббайка ва саъдайка! Ўзим фидойингиз бўлай!» деди.«Менга отни эгарла!» дедилар.У икки тарафи хурмо қовуғидан бўлган эгарни олиб чиқди. Буларда ҳойи ҳавас ҳам, мақтаниш ҳам йўқ эди.
Бас, у зот миндилар. Биз ҳам миндик».

✍(Имом Абу Довуд ривояти)

Шарҳ

Бундан Расулуллоҳ соллаллоҳу алайҳи васалламнинг эгарлари жуда ҳам содда бўлгани аён бўлади.
Ҳазрати Билол розияллоҳу анҳунинг Расулуллоҳ соллаллоҳу алайҳи васалламга «Лаббайка ва саъдайка!» дейишлари эса, бу гапни улуғ кишилар хизматларига доим тайёрлик маъносини билдириш учун ишлатилганини кўрамиз.

@HADISLAR_TOPLAMIII📚

#Ҳадис_1277📚

Абу Умома розияллоҳу анҳудан ривоят қилинади:
«Набий соллаллоҳу алайҳи васаллам: «Қўшиқчи қизларни сотманглар, сотиб олманглар, уларга таълим берманглар, улар ила тижорат қилишда хайр йўқ. Уларнинг баҳоси ҳаромдир. Шунинг мислида «Одамлар орасида илмсиз равишда Аллоҳнинг йўлидан адаштириш учун беҳуда сўзни сотиб оладиган кимсалар ҳам бор» ояти нозил бўлган», дедилар».

✍(Термизий ва Аҳмад ривоят қилишган).

Шарҳ

🟥 Жоҳилият даврида чўри қизларга қўшиқчилик бўйича таълим берилар ва уларни базми жамшидларда, турли йиғинларда қўшиқ айтдириш учун сотилар ҳамда сотиб олинар эди.
🔶Уларнинг қўшиқчилик хизмати фақат фисқи фасод учун бўлар эди.
🔷 Шунинг учун ҳам Пайғамбар соллаллоҳу алайҳи васаллам уларнинг савдоси ва фаолиятига боғлиқ ҳар бир нарсанинг ҳаромлигини эълон қилмоқдалар.

@HADISLAR_TOPLAMIII📚

#Ҳадис_1276📘

Абдуллоҳ ибн Умар розияллоҳу анҳудан ривоят қилинади: «Набий соллаллоҳу алайҳи васаллам:
«Албатта, Аллоҳ одамлардан тилини сигирнинг тилига ўхшаб айлантирган балоғатлисини ёмон кўради», дедилар».

✍(Абу Довуд ва Термизий ривоят қилишган).

Шарҳ:

🔷 Мол кавш қайтарганда тилини икки лунжида айлантирганга ўхшаб ҳуда-беҳудага балоғатга зеб бериб, ўзини кўрсатиш учун балоғатли сўзлашга ҳаракат қилган одамни Аллоҳ таоло хуш кўрмас экан.
✅Бу маънода эҳтиёт бўлмоқ зарур

@HADISLAR_TOPLAMIII📚

#Ҳадис_1275📘

Холид ибн Валид розияллоҳу анҳу Набий соллаллоҳу алайҳи васалламга шикоят қилиб:
«Эй Аллоҳнинг Расули! Уйқум қочиб, кечаси билан ухламай чиқаман», деди.
«Қачон ѐтар жойингдан ўрин олсанг, «Аллоҳумма, Роббас самаватис сабъи ва маа азаллат ва Роббал аразийна ва маа ақаллат, ва роббаш шайятийна ва маа азоллат. Кун лия жоран мин шарри холқика куллиҳими жамийъан ан яфрута алайя аҳадун ав ан ябғия алайя. Азза жорука ва жалла саноука ва лаа илаҳа ғойрука ва лаа илаҳа илла анта», дегин», дедилар».

✍(Имом Термизий ривоят қилган).

Шарҳ:

Ушбу ҳадиси шарифда келган дуонинг таржимаси:
«Аллоҳим! Эй етти осмон ва улар соясидаги
нарсаларнинг ва ерлару улар кўтарган нарсаларнинг ҳамда шайтонлару улар адаштирганларнинг Роббиси! Менга Ўзингнинг барча махлуқотларинг шарридан улардан бирортаси менга ѐмонлик ѐки душманлик қилмаслиги учун ҳимоячи бўл! Сенинг ҳимоянг азиздир ва саноинг улуғдир. Ўзингдан бошқа илоҳ йўқ! Фақат Сенинг Ўзинггина илоҳий маъбудсан».

✅ Уйқусизлик дардига чалинганлар ушбу дуони ѐдлаб олиб, ихлос билан ўқиб ѐтсалар, яхши бўлади.

@HADISLAR_TOPLAMIII📚

#Ҳадис_1274📘

Ибн Умар розияллоҳу анҳудан ривоят қилинади:
«Расулуллоҳ соллаллоҳу алайҳи васаллам қачон чақмоқ ва момақалдироқ овозини эшитсалар: «Аллоҳим! бизни ғазабинг ила ўлдирмагин ва азобинг ила ҳалок қилмагин. Ундан олдин бизга офият бергин», дер эдилар».

✍(Имом Термизий ривоят қилган).

Шарҳ:

✅Ушбу дуоларни ѐд олиб, ўз вақтида ўқиб юрмоқни одат қилиш зарур.

@HADISLAR_TOPLAMIII📚

#Ҳадис_1273📘

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Мўмин бир уядан икки марта чақилмайди», дедилар».

✍(Учовлари ривоят қилишган).

Шарҳ

🔷Бу ҳадиси шарифдаги уядан мурод - илон, чаѐн каби заҳарли нарсаларнинг инидир. 🔶Бундан мўмин киши ўта ҳушѐр инсон бўлиши лозимлиги чиқади.
🔷 Мўмин мусулмон банда бир марта зарар тортган еридан ва ишидан иккинчи марта тортмаслиги керак.

Ушбу ҳадиси шарифнинг Пайғамбар соллаллоҳу алайҳи васаллам томонларидан айтилишига қуйидагилар сабаб бўлган.
Бадр урушида Абу Ғарра номли шоир асирга тушди.
Пайғамбар соллаллоҳу алайҳи васаллам ундан ўзларини ҳажв қилмаслик ва ўзларига қарши одамларни тарғиб қилмаслик ҳақида аҳд олдилар.
У «хўп» деди.
Набий соллаллоҳу алайҳи васаллам уни озод қилиб юбордилар. У ўз қавмига бориб қўшилди. Сўнгра ҳажв қилишда ва қарши тарғиб қилишда давом этди.
Уҳуд уруши бўлганда у яна асирга тушди.
У Пайғамбар соллаллоҳу алайҳи васалламдан ўзини яна қўйиб юборишни сўради.
Шунда Расулуллоҳ соллаллоҳу алайҳи васаллам юқоридаги ҳадиси шарифни айтдилар.

@HADISLAR_TOPLAMIII📚

#Ҳадис_1272📘

Абдуллоҳ ибн Амр розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Қирқта хислат бор, энг олийи эчкини (соғиб ичишга) бериб туриш, қай бир одам ўшалардан бир хислатга савоб умидида ва қилган ваъдасининг тасдиғи учун амал қилса, Аллоҳ, албатта, уни ўша туфайли жаннатга киритур», дедилар».

✍(Абу Довуд ва Бухорий ривоят қилишган).

Шарҳ

🔶Ушбу ҳадисда зикр қилинган қирқта хислатнинг энг олийи бировга эчкини соғиб ичиб туриш учун бериш бўлса, қолганлари ундан кичик ишлар бўлади.
🔷Лекин нима бўлса ҳам, кишиларга фойда келтирадиган иш бўлгани учун Аллоҳнинг наздида улуғ иш ҳисобланади.
🔶Ўз соҳибини жаннатга киришига сабаб бўладиган иш бўлади.
🔷Фақат яхши ният билан, савоб умидида ва Аллоҳ таоло томонидан ўша ишни қилган киши учун бе рилган ваъда ҳақ эканини тасдиқлаган ҳолда амал қилинса, бўлди.
🔶Ҳа, Ислом шундоқ қилиб, жамият аъзолари орасидаги ўзаро ҳамкорликни, арзимаган, деб ҳисобланган ишларни ҳам катта ҳисоблаб, одамларга яхшилик қилишни йўлга қўяди.

@HADISLAR_TOPLAMIII📚

#Ҳадис_1271📘

Оиша розияллоҳу анҳодан «Набий соллаллоҳу алайҳи васаллам ўз аҳлларида нима қилар эдилар?» деб сўралди.
«У зот ўз аҳллари меҳнатида бўлар эдилар. Намоз ҳозир бўлса, намозга турар эдилар», дедилар».

✍(Имом Бухорий ривоят қилган)

Шарҳ

🔷Бу ҳадиси шарифда Пайғамбар соллаллоҳу алайҳи васалламнинг олиймақом ҳусни хулқларидан бир намуна ҳақида сўз кетмоқда.
🔶Кўриниб турибдики, ҳусни хулқ оиладан бошланар экан.
🔷Ҳусни хулкди одам аввало, ўз оиласига ҳусни хулқликнинг гўзал намуналари ила ўрнак бўлар экан.

@HADISLAR_TOPLAMIII📚