DINAMO PFC | Расмий канал

📊 Суперлига 7-тур натижалари, анонси ва турнир жадвалидаги вазият:

👉 @FCDinamo1960

⛳️ Улуғбек Абдуллаев Суперлига тур рамзий жамоасидан ўрин олди

«Динамо» жамоаси ҳимоячиси Улуғбек Абдуллаев Андижондаги учрашувда гол уриб, жамоамизнинг энг фаол ўйинчиларидан бўлди. Championat.asia сайти 6-тур якунларига кўра, Абдуллаевни тур рамзий жамоасига киритди.

👉 @FCDinamo1960

📸 Машғулотдан кейин ҳам футбол 😅

«Динамо» жамоаси кеча якшанба куни тонгда Андижондан қайтгач, бугун 22 апрелдан Самарқандда навбатдаги ўйин учун машғулотларга киришди. Футбол билан яшайдиган жамоамиз аъзолари бугунги машғулотлардан кейин клуб қароргоҳидаги кичик майдонда ҳам қош қорайгунча маза қилиб футбол ўйнашди.

👉 «Динамо» ПФК матбуот хизмати

📸 «Динамо» жамоаси машғулотларга киришди

«Динамо» жамоаси кеча якшанба куни тонгда Андижондан қайтгач, бугун 22 апрелдан Самарқандда навбатдаги ўйин учун машғулотларга киришди. Жамоамиз бугун «Динамо» стадионида асосан тикланиш машқларини бажарди.

👉 «Динамо» ПФК матбуот хизмати

🏆 Ўзбекистон кубоги. «Динамо» футзал жамоаси ғалабага эришиб, аламли тарзда гуруҳдан чиқа олмади

Шубҳасиз, мамлакат кубоги баҳсларининг энг муросасиз гуруҳи ҳозирча айнан «D» гуруҳи бўлиб турибди.

Бир йўла 3 та жамоа 12 тадан очко жамғарди. Фақатгина «Насаф» жамоаси бирорта ҳам очко жамғара олмади.

Натижада, фақатгина қўшимча кўрсаткичлар эвазигагина плей-офф босқичига йўл олган икки жамоа номи маълум бўлди. Ўйин охирида ўтказиб юборилган биттагина тўп «Динамо»ни кейинги босқич йўлланмасидан маҳрум этди. Агарда «Динамо» 3:1 ҳисобини сақлаб қола олганида ҳам, плей-оффга «Локомотив» эмас, Самарқанд жамоаси чиқарди.

Ўзбекистон футзал федерацияси

Расман: Самарқанддаги тадбирлар сабаб «Динамо» — «Нефтчи» учрашуви қолдирилди. Ўйин июл ойида ўтказилади - ПФЛ

Шу йилнинг 23 апрель санасидан май ойининг биринчи ўн кунлигига қадар Самарқанд шаҳрига олий мартабали меҳмонлар ташриф буюриши кўзда тутилган, деб маълум қилди Самарқанд вилояти ҳокимлиги Лигага йўллаган мактубида.

Хатда Суперлига 7-туридан ўрин олган «Динамо» — «Нефтчи» учрашуви санасини ўзгартириш сўралган. 

Мазкур беллашув 25 апрелда бўлиб ўтиши лозим эди. Эндиликда Самарқандда бу учрашувни ўтказиш имконияти камроқ эканлигидан келиб чиқиб, у Лига тақвим режасидан захира куни сифатида ўрин олган июль ойининг дастлабки кунларидан бирида ўтказилади. Беллашувнинг аниқ санаси Ўзбекистон кубоги мусобақасининг 1/8 финал босқичига қуръа ташланганидан сўнг эълон қилинади. 

Маълумот учун, Ўзбекистон кубоги гуруҳ босқичининг сўнгги ўйинлари 21 май куни ўтказилади. Суперлиганинг 13-15 тур учрашувлари саналари қуръа натижасидан келиб чиққан ҳолда эълон қилинади.

ПФЛ