Kashkadarya Football Association

📋 OAV vakillari diqqatiga! Bugun yoshlar terma jamoamiz ishtirokida matbuot anjumani boʻlib oʻtadi

🏆 Joriy yilning fevral oyida Xitoy yashil maydonlarida 20 yoshgacha futbolchilar oʻrtasidagi Osiyo kubogi musobaqasi boʻlib oʻtadi. Ushbu qit’a birinchiligi Chilida oʻtadigan Jahon chempionati yoʻllanmasini ham taqdim etishi bilan ahamiyatli.

Bugun musobaqa oldidan yoshlar terma jamoamiz bosh murabbiyi Farhod Nishonov va futbolchilar ishtirokida matbuot anjumani oʻtkaziladi.

Anjumanda barcha turdagi OAV vakillari ishtirok etishi mumkin.

🗓 27-yanvar soat 11:00
📍 OʻFA anjumanlar zali

1️⃣ t.me/FAUzbekistan

📋 OʻFA birinchi vitse-prezidenti Ravshan Irmatov hamda Oʻzbekiston milliy terma jamoasi bosh murabbiyi Timur Kapadze Dohaga yetib kelib, jamoa bilan uchrashdi.

O‘FA rahbariyati avvalo Srechko Katanesga salomatlik tilab, Milliy jamoa uchun qilgan mehnatlarini e’tirof etdi. Kuni kecha sloveniyalik mutaxassis sog‘lig‘i yomonlashgani sababli terma jamoadagi faoliyatini davom ettira olmasligi haqida assotsiatsiyaga xat yo‘lladi. Jamoamizni oldinda mas’uliyatli oʻyinlar kutib turgan muhim pallada yangi bosh murabbiy atrofida birlashib, azaliy orzumiz boʻlgan Jahon chempionati yoʻllanmasini qoʻlga kiritish uchun qattiq mehnat qilib, to‘liq tayyorgarlik ko‘rish kerakligi ta’kidlandi.

Ushbu muhim vazifa aynan bir necha yillar terma jamoa sharafini himoya qilgan, murabbiylik tajribasini olgan, yoshlar bilan muvaffaqiyatli ishlab, Olimpiada yoʻllanmasini qoʻlga kiritgan mutaxassis — Timur Kapadzega ishonib topshirilgani aytildi.

Oʻz oʻrnida Timur Kapadze jamoa va murabbiylar shtabi bilan iliq suhbatlashib, oldimizga qoʻyilgan aniq maqsad yoʻlida bir oila boʻlib, birgalikda harakat qilish kerakligini aytdi.

Oʻzbekiston milliy terma jamoasi Timur Kapadze qoʻl ostida dastlabki mashgʻulotlarini boshladi.

⚡️ t.me/FAUzbekistan