🤔🤔🤔DAVLAT Mukofotlari qanday taqiladi?
👆 Davlat mukofotlarini taqishning ham o‘z qoidalari bor.
✅Mukofotlar umummilliy bayramlar va tantanali tadbirlar vaqtida va boshqa holatlarda taqiladi.
📌 Oliy mukofot “Oltin Yulduz” medali, faxriy unvonlariga doir ko‘krak nishonlari, ordenlari va medallari ko‘krakning chap tomoniga taqilishi lozim.
🔖Agar sizda bir necha mukofot bo‘lsa, ularning joylashish tartibi ham qonun xujjatlarida keltirilgan. Quyida ular bilan tanishamiz.
▶️ Eng oliy mukofot – “Oltin Yulduz” medali eng yuqoriga taqiladi;
▶️ Faxriy unvonlar orden va medallardan oldin taqiladi;
▶️Ordenlar medallardan oldin taqiladi. Ularning tartibi yuqoridagi ko‘rinishda bo‘ladi. Faqat istisno sifatida, “Mustaqillik”, “Amir Temur”, “Jaloliddin Manguberdi”, “Buyuk xizmatlari uchun” ordenlari o‘ng tomonga taqiladi.
🔴Agar sizda chet davlatning mukofoti mavjud bo‘lsa, siz O‘zbekiston Respublikasi davlat mukofotini oldin taqishingiz lozim.
🔴Kundalik hayotda orden va medallar o‘rniga lentalar taqiladi. Lentalar uchun plankalar bo‘rtib chiqqan va bo‘yi 12 mm, eni 24 mm bo‘lishi lozim.
❗️❗️❗️Ushbu plankalar bo‘yicha istisno mavjud. Ularga oid qoidalar “Oltin Yulduz” medali, “Mustaqillik”, “Amir Temur”, “Jaloliddin Manguberdi” ordenlariga va faxriy unvonlarga nisbatan tadbiq etilmaydi.
✅ Davlat mukofotini olgan shaxslar ularni but saqlashlari lozim. Agar harbiy vaziyatda, tabiiy ofatda va oldini olib bo‘lmas holatda yo‘qotilsa, dublikati beriladi.
Lekin unda ham qimmatbaho bo‘lgan mukofotlardan tashqari. Bunday turdagisining dublikati berilmaydi. Ya’ni, sizda qimmatbaho metalldan qilingan mukofot bo‘lsa, uni ehtiyot qiling. Har qanday vaziyatda ham uning dublikatini olishning iloji yo‘q.
❗️Agar mamlakat hududidan olib chiqishni ixtiyor qilgan bo‘lsangiz, unda sizda tegishli mukofotni tasdiqlovchi hujjat (guvohnoma) bo‘lishi lozim.
❌Bunday hujjat yo‘qmi, demak siz uni olib o‘tolmaysiz.
❇️ Davlat mukofotlari faqatgina ma’naviy emas, moddiy jihatidan ham foydalidir. Vazirlar Mahkamasining 2008 yil 3 yanvardagi 2-son qaroriga muvofiq, “Faxriy unvonlar egalariga to‘lovlarni tayinlash va amalga oshirish tartibi to‘g‘risida”gi Nizom tasdiqlangan.
✅Nizomga ko‘ra, “Xalq” va “Xizmat ko‘rsatgan arbob” faxriy unvonlariga eng kam oylik ish haqining 3 baravari, “Xizmat ko‘rsatgan artist” uchun 1,8 baravari, “Xizmat ko‘rsatgan” unvoni bilan boshqa kasbdagilarga 1,6 baravar miqdorida to‘lovlar beriladi.
Shuningdek, “O‘zbekiston Qahramoni” unvoni har oylik maoshi yoki ish haqi miqdorida berib boriladi.
🔷 “Mustaqillik” ordeni – eng kam ish haqining 75 baravari miqdorida;
🔶 “Amir Temur” ordeni – eng kam ish haqining 70 baravari miqdorida;
🔷 “Jaloliddin Manguberdi” ordeni – eng kam ish haqining 60 baravari;
🔶 “Buyuk xizmatlari uchun” ordeni – eng kam ish haqining 60 baravari;
🔷 “El-yurt hurmati” ordeni – eng kam ish haqining 50 baravari;
🔶 “Fidokorona xizmatlari” ordeni – eng kam ish haqining 45 baravari;
🔷 “Mehnat Shuhrati” ordeni – eng kam ish haqining 40 baravari;
🔶 1-darajali “Sog‘lom avlod uchun” ordeni – eng kam ish haqining 40 baravari;
🔷 2-darajali “Sog‘lom avlod uchun” ordeni – eng kam ish haqining 25 baravari miqdorida;
🔶 1-darajali “Shon-sharaf” ordeni – eng kam ish haqining 40 baravari;
🔷 2-darajali “Shon-sharaf” ordeni – eng kam ish haqining 20 baravari;
🔶 “Do‘stlik” ordeni – eng kam ish haqining 30 baravari;
🔷 “Mardlik” ordeni – eng kam ish haqining 15 baravari;
🔶 “Sodiq xizmatlari uchun” medali – eng kam ish haqining 10 baravari miqdorida;
🔷 “Kelajak bunyodkori” medali – eng kam ish haqining 10 baravari miqdorida;
🔶 “Jasorat” medali – eng kam ish haqining 10 baravari miqdorida;
🔷 “Shuhrat” medali – eng kam ish haqining 5 baravari miqdorida bir martalik mablag‘ to‘lanadi.
BIZNING MANZILIMIZ
@XURSHID_BLOG
