UMR_YO'LLARIDA...

Robbini keng dunyosining kichik nuqtasida yashaydigan ulkan orzulari bor bandasiman!

Baʼzi orzularim to'g'nog'ichning uchidek keladi. Ammo oʻsha kichik orzularim ham menga zavq bera oladi...

Oʻzimga: "Sen bu hayotga shunchaki kelmagansan...!
Bunga loyiq boʻla olishing kerak!!
Uddalay olishing kerak!!!
Men senga ishonaman!!!!"

@Dildaborimsiz

Har qanday vaziyatda inson uchun eng muhimi va keraklisi bu - eʼtibor!

@Dildaborimsiz

Kechagi voqea haliyam hayolimdan ketmayapdi. Odam pul uchun koʻzga qarab turib bunchalar yolgʻon gapirishi, umuman tushunmagan narsalarini tushuntirishi bu juda yomon holat. Men oʻzimdan achinayotganim yoʻq, bunaqalar tibbiy savodxonligi umuman yoʻq xalqni aldab pulini olishlari alamimni keltiryapdi.

Kostyum shim kiyib galstuk taqib bitta moshina olib qoʻygan boʻlsa bu odam halol va aqlli degani emas. Kecha rosa tortishdim, ilmiy isbotlab bera olasizmi? Isbotingiz bormi? Men umuman qarshiman fikrlaringizga deb ochiqcha aytdim. Psixologiyamga kirmoqchi boʻladi yana yuzimga kulib qarab. Tilyog'lamachilik qilishiniku aytmasa ham boʻladi. Xudodan qoʻrqmay bechora xalqni cho'ntagini qoʻritib ketadi.

Ilm bizni qutqaradi, millatni qutqaradi. Qiynalib ertalabdan kechgacha ishlab topayotgan pulini yigʻib yig'ib bunaqalarga berib yubormaslik uchun ilm kerak, aynan medik boʻlish shart emas. Insonni yuziga qarab u qanday manfaat ko'zlayotganini anglay olish uchun ilm kerak.

Mana shunday vaqtlarda ilmim menga chiroq boʻla olgani uchun shuncha vaqtdan beri hech kimga bildirmasamda qanchalik qiyin boʻlsa-da harakat qilayotganim, bilim olishga intilayotganim, kitobga mehr qoʻyganim uchun oʻzimdan faxrlanib ketaman. Bir kun kelib hech boʻlmaganda men oʻzimni va yaqinlarimni qutqara olaman.

Hozir boshimdan kechirayotgan qiyinchiliklarim esa bunga arziydi!

@Dildaborimsiz

Bugun bir voqea boʻldi. Oʻzi bunaqa tarmoqli marketinglardan uzoq yurardim, qoʻymasdan chaqirishgani uchun bordim. Uch kishi bitta oʻzimni oʻrtaga olib rosa gipnos qilishga harakat qilishdi.

Beverlee degan tashkilot ekan. Bir kurslik lechinasi 360$ ekan. 100% tabiiy mahsulot emish, samolyot ham oʻchib oʻtolmaydigan joydan olinarmish, Yaponiyani dengizlaridan olib qayta ishlanar emish. Xullas shunaqa oldi qochdi gaplar bilan rom qilishga harakat qilishdi. Hamma dardga davo ekan. Oralarida hech qaysi medik emas menga meditsinadan dars oʻtishdi. Shu kompaniyada ishlasam 1,5 yilda mashina uyga ega boʻlarmishman. Qiladigan ishim odamlarni aldab bir tinga qimmat mahsulotlarini sotish va riyokorlik bilan pul topish.

Bunaqa piramidalarga ishonmang. Odamlarimiz juda sodda bu tizim qanday ishlashini tushunishmaydi. Umuman foydasi yoʻq BAD mahsulotlarini katta katta pulga sotib olishadi, shuni ichib tuzalib ketasan desa. Oʻsha meni chaqirgan tanishim shunaqa mahsulotdan 4 ta sotib olgan. Essiz shuncha pulni birovni qoʻliga tutqazib yubordi. Uni gipnoz qilib boʻlishibdi.

Faqir odam tez boyib ketish yoʻllarini qidiryapdimi u notoʻgʻri yoʻlga kirib qolish ehtimoli baland. Bemor odam bir kundayoq sogʻayib qolish ilinjidami umidini yoʻqotib qoʻyish ehtimoli bor. Bunaqa tez natijalarga ishonmang. Hamma narsa sabr orqali boʻladi...

@Dildaborimsiz

Hozir bir taksiga chiqdim. Taksichi xotini bilan gaplashib kelyapdi.
Xotinining ota-onasi qizini koʻrishga kelibdi. Kelganini yomon koʻrib yigit to'ng'illab kelyapdi. Hali yosh oila.

Taksichi bola xotiniga ota-onasini haqoratlab shunaqa yomon gaplar aytyapdi, ota-onasi haqida eng yaqin deb hisoblaydigan insoni turmush oʻrtogʻining ogʻzidan bunaqa haqoratli gaplarni eshitayotgan qizda qanday bu insonga nisbatan hurmat qolsin?
Bunaqa xaqoratlarni gʻirt begona odamga ham aytishga botinolmaysiz.

Oʻzi aslida yaxshi koʻrgan insonining yaqinlarini ham hurmat izzat qilishi kerak emasmi? Bunaqa gaplarni aytib qanday yana erkakman, eringman deb xotinini koʻziga qaray oladi. Juda yomon gaplar tasavvur qilish qiyin.

Erkakman deb yurganlardan biri shunaqa odamlar. Tupizmni oxirgi darajasidagi odamlar shunaqa odamlar. Na farosat na insoniylik tuygʻusi boʻladi bunaqa odamlarda. Essiz. Nafratim oshib ketadi shunaqalarni koʻrsam...!

Bu bitta qilgani, endi boshqa qiliqlarini tasavvur qilavering. Bunaqa odamlar xotinidan xiyonat, toshmehrlik, beparvolik, eʼtiborsizlik va yana shu kabilarni kutsin.
Mehr-muhabbat, hurmatdan umidini uzaversin!

Butun umr birga yashaydigan insonini oriyatini yer bilan bitta qilish bu shunchaki unutilib ketadigan narsa emas. Hech narsa demagani bilan koʻnglida chandig'i qoladi, nafrati oshib boraveradi!

Baxtli boʻlishni orzu ham qilishmasin bunaqalar! Baxt bitta ruhiyatni ikkita tanada yashashidir! Oʻzining koʻnglini qanchalik asrasa juftining ham koʻnglini shunday asrashi kerak. Uning oʻzini va yaqinlarini qadrlamog'i kerak. Mehr va ishonch shunday qozoniladi. Ularni soʻkib emas...

Izoh: rosti bu holatdan taʼsirlandim!

@Dildaborimsiz

Istoriyasini yoki kanalini toʻldirib yegan ovqatlarini, yegan shirinliklarini qoʻyadiganlarga tushunmayman. Nima yeyishi kimgadir qiziq deb oʻylaydimi?!
Yoki maqtanishmi? Yoki faqat bitta menga qiziqmasmi?
Xullas tushunmayman...
(Odatda boshqalarni istoriyasini umuman koʻrmayman, balki shuning uchun ham instagram qiziqmasdir!)

@Dildaborimsiz

Ancha vaqtdan beri Psixosomatikamda qandaydir oʻzgarish sezyapman. Juda gʻalati vaziyatdaman. Endilar bu taʼsir yanayam bilinyapdi. Kuchimni va shijoatimni nimadir soʻrib olyotganga oʻxshaydi. Uxlab turib ham oʻzimda qandaydir gʻalati hislarni his qilaman. Qoʻrqinchli va algʻov dalgʻov tushlarni koʻp koʻryapman. Dam olish oʻrniga charchab uygʻonaman. Ijtimoiy aloqalarda ham qiynalyapman. Qayerda boʻlsam ham oʻsha joyga sigʻmay ketyapman. Sogʻlik tarafdan hammasi joyida, ruhiyatimdagi bu muommoga tezroq yechim topmasam stress kuchayib boryapdi...
Ammo nima qilishni ham bilmayman!
Bunaqa vaziyatga birinchi tushishim.

13.01.2025

@Dildaborimsiz

Boylik hirsi koʻzni koʻr qilib qoʻyishiga bugun yana bir bora amin boʻldim.

Xalovatni, aqlni oʻg'irlab inson hamma narsani pulga chaqadigan boʻlib qolar ekan...

Boylik boʻlsa oddiylik va samimiylik yoʻqolib, shayton quloqqa shivirlab kibrni alangalatgani alangalatgan boʻlar ekan...
Nafs bilan kurashish mushkullashib qoladi!

@Dildaborimsiz

#asardan

Hayot kasalliklar va ogʻriqlar maydoni. Shuning uchun ham Alloh oʻzini Shofiy deb atadi. Toki ammallaringiz uning rahmati mehrobida tiz choʻksin va ogʻriqlaringiz uning qudrati ostonasida bosh egsin.

Kasallik kibrli insonlar sinaladigan ogʻir sinovdir. Insonning gullab-yashnashini ketkazib qoʻyadigan kutilmagan so'lishdir. U sabrsiz, baxil inson hayotining qulashidir. Bu tana oʻzining zayif ekaniga va zarracha quvvati yoʻq ekaniga ishonch hosil qilish uchun Alloh Taolo biroz muddat uning yarqirashini pasaytirdi. Alloh Taolo insonga kasallikni yubordi. Toki u mana shu kasallikka juda oʻxshash boʻlgan narsa oʻlimni eslasin.
Ey inson sening haqiqating o'limdir!

P.s: qayta qayta eshitdim shu joyini. Ich-ichimga yetib bordi. Mana haqiqat qayerda...
Aslida kasallik ham bir sinov!

📚 "Chunki sen Allohsan..."
✍️ Аli Jobir Fiyfiy

@Dildaborimsiz

#kinodan

Hijoblanishga bajburmisiz?

- Har kimni oʻz qiyofasi bor, paletsiyani, askarni. Nega bor?

Nima degani nega? Farqlash uchun

- Ishda ayol ayoldir erkak erkak.

Axmoqgarchilik, hijobsiz ayollar shunda erkak hisoblanadimi?

- Qara, ayol goʻzaldir, judayam. Lekin hijoblanish nima degani: berkitmoq, sir saqlamoq deganidir. Dengizni yuzasida axlatlar yotadi, chuqurida esa marvarid boʻladi, olmos, oltin boʻladi.
Ayol goʻzaldir, ayolni goʻzalligini shunday berkitish kerak. Chunki u qimmatbahodir!

@Dildaborimsiz

Siz ko‘ngil qo‘ygan ayol dono yo befahm, sohibjamol yo xunuk, badavlat yo kambag‘al bo‘lsa ham, uning sizga baxsh eta oladigan yoki bundan sizni mahrum qila oladigan bitta narsasi bor: bu uning yuragi.

U sizga o‘zining butun xusnini, butun kamolotini sotishi mumkin, biroq uning muhabbati bir xazinadirki, uni pulga sotib olib bo‘lmaydi. U bebaho.

– Buning evaziga ayol sizdan ozgina narsa so'raydi, - sizning boqishlaringizda sadoqat barq ursa, unga gapirganda ovozingiz muloyim chiqsa bo‘lgani, garchi u fikrlaringizni va shuhratparastlarcha intilishlaringizni tezda idrok etolmagan taqdirda ham, yuragingizga nafrat-u nopisandlik o‘rnashishiga yo‘l qo‘ymasangiz bas.

– Muhabbat - ayol sizga arg‘umon eta oladigan yagona narsadir, o‘sha yagona narsa hatto o‘limni ham tan olmaydi, shuni unutmang!.

@Dildaborimsiz