SECRET

Hayotdan xulosalar

1) Odamlar seni sen o'ylaganingdan ko'ra kamroq bilishadi

2) Qilgan ishing qanchalik katta bo'lmasin butun koinot oldida zarrachalik ahamiyatga ega

3) Insonlarga haqligingni isbotlashga harakat qilma, bu dunyoda hammaning o'z haqiqati bor garchi bu haqiqat aslida yolg'on bo'lsada

4) Hech qachon birovni fikriga asoslanib kimdir haqida xulosa chiqarma

5) Aqlli inson bo'lish uchun bilimli bo'lishni o'zi yetarli emas

6) Inson degan mavjudod olamda naqadar kichik zarracha ekanligini tushinganda kibr hissi pasayishi mumkindir balki

7) Qimmatli vaqtingni arziydigan insonlargagina sarfla

8) Boshqaruvchi emas lider bo'l, chunki insonlar boshqarilishdan ko'ra ergashishni yoqtirishadi

9) Xato bo'ladimi to'g'rimi fikrlar qarama-qarshiligi doim rivojlanishga sabab bo'ladi, aytilgan fikrga qarsak chalish fikrni aytgan odam uchun ham qarsak chalgan odam uchun ham faqatgina zararga ishlashi mumkin

10) Olingan bilimni tahlil qila olish qobilyati insonni bilish darajasidan ko'ra muhumroq

11) Hamma xato qiladi va xato qilishga haqli lekin hamma ham xatodan xulosa qilmaydi

12) Lotareyada yutib olgan miyyang bilan buncha kibrlanmasang

13) Senga qarata aytilgan salbiy fikrga nisbatan ham neytral qaray olganingda milliardlab insonlardan farq qila boshlaganingni anglab yetasan

Fikri ojizim bo'yicha xato yozilgan fikrlar uchun uzr, yuqoridagi xulosalarim kimlar uchundir foydali bo'lsa xursandman!
Hurmat bilan Husan Ilxomovich

@DJSEKRET

PUL BAXT OLIB KELADIMI?

Ushbu savolga javob berish uchun baxt haqida qisqacha fikr yuritamiz. Baxt tushinchasini hamma har xil tariflaydi va aniq bir tarifi mavjud emas. Tasavvur qilaylik "baxt bu insonning o'z istak va ehtiyojlarini qondirishi uchun kerak bo'lgan narsalarga ega bo'lishi" va bunday ehtiyojlar har bir odamda turli xil bo'lishi mumkin.

Juda ko'pchilik insonlar baxt nima deb so'ralgan savolga "ota-onamning yonimda ekanligi" deb javob qaytarishadi, demak bundan insonlarda ota va ona mehriga ehtiyoj yuqori degan xulosa kelib chiqadi. Misol uchun bir insonda pulga ehtiyoj yuqori deylik, katta ehtimol bilan ko'proq pul topish u inson uchun baxt olib kelishi mumkin yoki boshqa bir insonda pul juda ham ko'p bo'lmasada o'zini baxtli his qila olishi uchun unga tinchlik yoki halovatning o'zi yetarli bo'lishi mumkin.

Pul baxt olib keladimi?
Juda ko'p beriladigan va baxs munozaralarga sabab bo'ladigan savol. Umuman olganda har qanday narsa baxt olib kelishi mumkin, masalan Afrikaning chekka hududlarida yashovchi bolakaylarga toza suv ichish yoki to'yib ovqatlanish bir baxt,kasbini sevgan fotograf uchun eng oxirgi modeldagi foto apparatga ega bo'lish baxt, mashina jinnilari uchun Lamborgini, BMW yoki Mercedes Benz kabi mashinalarga ega bo'lish baxt, qo'shnimiz G'aybulla aka uchun uyining tomi Abdulla akanikidan baland bo'lishini o'zi ham bir baxt) Insonning aksariyat ehtiyojlarini(hammasi ham emas) pul bilan qondirib bo'lganligi uchun pul baxt olib kelishi mumkin degan g'oya nisbatan haqiqatga yaqin.

To'g'ri ayrim ehtiyojlarni pulga ham qondirib bo'lmaydi lekin ular soni qondirib bo'ladigan narsalarga nisbatan kamroq. Ammo shuni takidlash kerakki pulga qondirib bo'lmaydigan ehtiyojlarning qadri anchagina baland bo'lishi mumkin (masalan chin do'stlik, sevgi, sadoqat kabi boshqalar tomonidan beriladigan tuyg'ularga bo'lgan ehtiyojlar va xarakter, iymon-etiqod kabi inson hislatlariga oid ehtiyojlar)

Pul muammolarni doim ham hal qilolmasada juda ko'p hollarda hal qiluvchi ahamiyatga ega bo'lib qoladi. Masalan o'lim bilan kurashayotgan onasini davolatish uchun pul topolmay yurgan farzand uchun yoki uyida ochlikdan yig'layotgan farzandlarini ko'rgan ota uchun pul albatta baxt olib kelishi tabiiy hol.

Ammo shundaylar borki pulga ko'milgan holda ham o'zlarini baxtsiz his qilishlari mumkin. Ko'pincha bunday insonlar baxtni nimadan topish kerakligini bilmay qiynalishadi, chunki ularning moddiy ehtiyojlarida muammo bo'lmaydi, pul hal qilmaydigan ehtiyojlar soni esa anchagina kam)

Xulosa qiladigan bo'lsam pul insonlarga baxt olib kelish yoki kelmasligi inson ehtiyojlaridan kelib chiqib har xil bo'lishi mumkin. Shukronalik esa har qanday vaziyatda inson o'ziga tuhfa qila oladigan baxtning yagona manbai deb hisoblayman!


Fikri ojizim bo'yicha xato yozilgan fikrlar uchun uzr!
@DJSEKRET

Shaxsiy rivojlanish

Nimani bilishini yaxshi bilgan odamdan ko'ra nimani bilmasligini yaxshi bilgan odamning rivojlanish ehtimoli yuqori

Kerakli javobni beroladigan odamdan ko'ra kerakli savolni beroladigan odamning rivojlanish ehtimoli yuqori

Ma'lumotga oson ishonuvchan odamdan ko'ra doimo shubxa bilan qaraydigan odamnining rivojlanish ehtimoli yuqori

Ko'p narsani bilaman deb o'ylaydigan odamdan ko'ra hech narsani bilmayman deb o'ylaydigan odamning rivojlanish ehtimoli yuqori

Xato qilishdan qo'rqadigan odamdan ko'ra ko'p xato qilib undan xulosa chiqaradigan odamning rivojlanish ehtimoli yuqori

Qanday tezlikda harakatlanishidan qat'iy nazar harakatdan to'xtamaydigan odamning rivojlanish ehtimoli yuqori

Fikri ojizim bo'yicha xato yozilgan fikrlar uchun uzr!
@DJSEKRET

Sevishni xohlayman ibosi uchun
Hayodan yaralgan libosi uchun
Dunyolar go'zali bo'lmasin mayli
Go'zallardan go'zal dunyosi uchun

Sevishni xohlayman o'sha rostgo'yni
Vafodan bo'y cho'zgan tikqomat "bo'yni"
Aqlli bo'lmasin mayli, betakror
Fikrimga mubosib "fikrni", "o'yni"

Xohlayman sevishni sokin, xushfe'lni
Sochlari uzun, ingichka belni
O'sha nafis ayol tabiatidan
Noziklik iforin taratgan "yelni"
@DJSEKRET (30.01.2023)

"Yatrogen Gipotireoz"

#Muallif:РСНПМЦЭ ordinatori Nasimov Xusan Ilxomovich

Bemor:
Doktor tinglang dardimni
Aytay sizga arzimni
Qiynalib ketdim juda
Ichgan dorim behuda!

Doktor:
Keling o'tiring bemor
Qanday shikoyatlar bor?

Bemor:
Nafasim qisar goh-goh
Yurak xapqirar nogoh
Ichim kelmay bir hafta
Rosa qiynaldim,voh-voh

Qo'llar qaltirar tinmay
Oyoqlar doim muzday
Hafaman, jizzakiman
Hazon bo'lyapman kuzday :(

Doktor:
Opa siqilmang bekor
Dard bergan, davosi bor
So'ylayvering arzingiz
Olloh o'zi madadkor!

Bemor:
Terim quruq, qarovsiz
Soch to'kilar to'xtovsiz
Qo'rqqanimdan kechqurun
Chiqolmayman birovsiz :)

Uyquga to'ymay sira
Ongim ham bo'ldi xira
Vitamin yemayman-da
O'shandan bo'lgandira?

Xotiram juda yomon
Nutqim ham emas ravon
Qancha dieta qilmayin
Ozishim bo'ldi gumon

Semirdim o'n kiloga
Sig'may qoldim dunyoga
Erim ham qaramaydi
Ilakishgaan birovga

Oyligim oyda emas
Farzanddan xabar kelmas
Qo'shnilar g'iybatlashar:
"Kelyapti anov tug'mas"

Doktor:
Tushindim sizni apa
Ichgan doriz qanaqa?

Bemor:
QVP dan yozgandi
Qoldirmasdan olgandim
Shuncha pullarim uvol
Dori nomi tirozol

Doktor:
Oh my God yasha Shovvoz
AIT, xashitoksikoz!


Gipotireozga sabab bo'ladigan kasalliklar ichida eng keng tarqalganlaridan biri bu Autoimmun tireoidit hisoblanadi, AITning dastlabki bosqichlarida tireotsitlar autoimmun destruksiyasi natijasida tireotoksikozga xos belgilar(xashitoksikoz deb ham ataladi) rivojlanib malum muddatdan keyin sekin asta gipotireozga almashinadi, ushbu davrda tireostatiklar (tirozol,tiamazol-merkazolil) qo'llash qat'iyan man qilinadi! Bu kasallikda rivojlangan tireotoksikozni boshqa tireotoksikoz sindromlaridan farqlab olish uchun to'liq anamnez va tekshiruvlardan(asosiy marker At-TPO) o'tkazib anq diagnoz qo'yilgandan keyin tireostatiklar qo'lash maqsadga muvofiqdir.

19.10.2022 Link: Хусан Илхомович

Shukronalik- Har qanday vaziyatda inson o'ziga tuhfa qila oladigan baxtning yagona manbai
©️Дж Секрет

Bilim olish bilmaslikni tan olishdan boshlanadi!

Знание начинается с признания незнания!

Knowledge begins with admitting ignorance!

©DJSEKRET.

Hayot muammolar bilan shirin degan gap manosiga endi ozmoz tushingandekman, masalan abiturentlik paytimni sog'inaman va o'sha damlarda o'zimni o'qishga kirgan paytimga qaraganda  baxtliroq bo'lganimni his etaman, chunki abiturentlik bu muammo, yani oldimda o'qishga kirish muammosi bor edi va uni yechish yo'lida tinmay harakat qilganman, malum rivojlanishlarga erishganman (bu davrda har qanday muvofaqiyat tasirida miyada baxt gormoni dofamin ko'proq ajralgan) va nihoyat maqsadimga yetganimda go'yoki baxtning eng cho'qqisida edim, studentlikning ilk davrlaridagi depressiyaga sabab ham aynan shunda, o'qishga kirish muammosi hal etilgach anq maqsadni yo'qotganligim tufayli dofamin sekretsiyasi oldingiga qaraganda keskin kamayib o'zimni baxtsiz his qila boshlaganman, shunday ekan inson doimo oldiga maqsad qo'yib bu maqsad yo'lidagi muammolarni yechib borar ekan o'zini baxtli his qila oladi,muammoga baxtga qaragandek qaralsa hayot yanada go'zal va shirin ko'rina boshlaydi))

Balki nb olishni juda yoqtirishim sababi ham asli shundadir....
@DJSEKRET

Maktab davrimni judayam sog'indim! Tuni bilan maktabdagi barcha xotiralarni eslab chiqdim. Hamma sinfdoshlarimni ismi, familiyasi, xatto qaysi qator, qaysi partada o'tirganigacha birma bir esladim, hammasi juda ajoyib! Maktabdagi hid haligacha dimog'imda turgandek, har bir o'tgan daqiqa o'ziga xos xotira, o'ziga xos lazzat bagishladi. Ayniqsa 9-sinf oxirlarida yoqtirgan qizim "Husan yaxshi ko'rganing bormi? Kel kimni yoqtirishimizni qog'ozchaga yozib bir birimizga beramiz " deya aytgan gaplari va uning qog'ozida mening ismim yozilgani, u bilan otgan 2 oy hayotimdagi eng yoqimli davrdek tuyiladi))
Inson nimaga lahzadagi hayotdan emas o'tmishni eslab koproq baxtni sezadi? Balki qachonlardir hozirgi paytni eslab ham exx shu damlar juda baxtli edim deb eslarmiz) Hozirgi paydagi baxtni hozir his qilishimiz uchun esa shunchaki shukr qilishimiz va bizda bor insonlarni qadrlashimiz, lahzadan lazzat olishni va his qilishni o'rganishimiz kerakligini tushinib yetdim!
@DJSEKRET

Ona mehringgizga to'ymadim sira
Ota sizdek do'stni ko'rmadim sira
Shirin so'zinggizni qumsadim juda
Otajonim,onajonginam

Siz meni suyanchim,ishongan tog'im
Siz meni jannatdan yaralgan bog'im
Mehr nurin taratgan, so'nmas chirog'im
Otajonim,onajonginam

Hayotim manosi o'zingiz ona
So'zlarning a'losi so'zingiz ona
Yuragim davosi-qalbda yagona
Otajonim,onajonginam

Sizlar bor-men ham bor...
Yashayapman xursand, baxtiyor
Sizlardan boshqasi o'tkinchi, bekor
Otajonim,onajonginam
muallif: @DJSEKRET(2020)