Positive insight 🇵🇸

Xiyobonlar, bog‘lar va ko‘plab daraxt hamda o‘simliklar o‘sadigan hududlarni buzishni ta'qiqlash jamiyat va atrof-muhit manfaatlarini himoya qilish uchun juda muhim. Bunday joylar aholining dam olishi, toza havo olish va hordiq chiqarishi uchun zarur. Yashil hududlar shaharlarda ekologik muvozanatni saqlab, havoni tozalaydi va iqlimni tartibga soladi. Agar ular xususiy mulkka aylansa, qurilish va tijorat faoliyatlari natijasida tabiatga jiddiy zarar yetishi mumkin.

Agar fuqarolar faollik ko‘rsatmaganida, Anhor bog‘i ham allaqachon vayron bo‘lgan bo‘lar edi. Shuningdek, 2023 yil kuz oylarida, 1950 yilda tashkil etilgan Botanika bog‘ining Fanlar akademiyasi tasarrufidan poytaxt hokimligi tasarrufiga o‘tishiga oz qolgandi. Bu borada ko‘plab faollar norozilik bildirgan. Agar bog‘ hokimiyatga o‘tganida, u olimlar nazoratidagi tabiat hududidan biznes ob’ektiga aylangan, daraxtzor esa allaqachon qurilish maydoniga aylangan bo‘lar edi.

Shu sababli, bunday yashil hududlarni asrab-avaylash va ularni saqlab qolish jamiyatning ekologik farovonligi uchun muhim vazifa hisoblanadi. Fuqarolik pozitsiyasi esa aynan mana shunday kuchga ega – u tabiatni himoya qilish, jamoat manfaatlarini ilgari surish va kelajak avlodlarga yashil muhitni saqlab qolish yo‘lida hal qiluvchi rol o‘ynaydi.

“Anhor” bog‘ining o‘rnida turar joy majmualari qurilish ishlari boshlanishiga qarshi bo‘lganlar 17-fevraldan boshlab bir hafta davomida, har kuni soat 10:00 dan 20:00 gacha, Anhor bog‘idagi “Karting” markazining birinchi qavatida petitsiya imzolashlari mumkin.

Fuqarolik pozitsiyangizni namoyish eting, befarq bo'lmang!

Batafsil

Bir yil oldin O‘rikguli tashabbuslari bilan Ohangaron tumanida 1000 ta daraxt ekkan edik. Bugun orqaga nazar tashlasak, bu harakat faqatgina daraxt ekish emas, balki tabiatga mehr, yashil muhitni yaratish va kelajak avlodga toza havo taqdim etish ekanini yana bir bor anglaymiz.

Barchamiz tabiatga mehr bilan yondashsak, atrof-muhitimiz yanada go‘zal bo‘ladi! 🌍💚

Fast Fashion: Moda orqasidagi haqiqat

Fast fashion – bu kiyim-kechak sanoatining ommabop trendlarga asoslanib, tez va arzon ishlab chiqarilishiga asoslangan model. Brendlar yangi kolleksiyalarni qisqa vaqt ichida ishlab chiqib, bozorga chiqaradi.

Fast Fashion’ning xususiyatlari:

🔹 Tez ishlab chiqarish – Yangi kiyimlar atigi 2-4 hafta ichida do‘konlarga chiqadi.
🔹 Arzon narx – Ishlab chiqarishda arzon material va ishchi kuchidan foydalaniladi.
🔹 Trendga moslashish – Mavsumiy va ijtimoiy tarmoqlardagi trendlar asosida tezkor dizaynlar yaratiladi.
⚠️ Past sifat – Ko‘p hollarda kiyimlar tez yaroqsiz holga keladi.
⚠️ Ekologiyaga zarar – Ishlab chiqarish jarayonida ko‘p chiqindi va mikroplastik hosil bo‘ladi.

Fast Fashion’ning salbiy ta’siri:

❗ Tabiiy resurslarning isrof bo‘lishi – Kiyim ishlab chiqarishda katta miqdorda suv va energiya sarflanadi.
❗ Atrof-muhit ifloslanishi – Sintetik matolar mikroplastik chiqindilarni keltirib chiqaradi.
❗ Ishchilar huquqlarining buzilishi – Ishlab chiqarish arzon ishchi kuchiga asoslangan davlatlarda olib boriladi va mehnat sharoitlari ko‘pincha yomon bo‘ladi.

Mashhur fast fashion brendlari:

🛍 Zara, H&M, Shein, Forever 21, Primark

Fast Fashion’ga Alternativalar:

🌱 Slow fashion – Sifatli va uzoq muddat kiyiladigan kiyimlarni tanlash.
♻️ Second-hand va vintage kiyimlar – Qayta ishlangan yoki ishlatilgan kiyimlardan foydalanish.
✨ Mahalliy va ekologik toza brendlar – Mahalliy ishlab chiqaruvchilarni qo‘llab-quvvatlash alternativ bo'la oladi.

Siz fast fashion kiyimlarini tanlaysizmi yoki barqaror modani qo‘llab-quvvatlaysizmi?

Havo ifloslanishi inson salomatligiga turli yo‘llar bilan zarar yetkazishi mumkin. Asosiy ta’sirlari quyidagilar:

🔸 Bosh og‘rig‘i va bosh aylanishi;
🔸 Nafas olishda qiyinchilik;
🔸 Immunitetning pasayishi;
🔸 Charchoq va uyqu buzilishi.

Nima qilish mumkin?

✅ Niqob taqish;
✅ Vitamin va antioksidantlarga boy ovqat iste’mol qilish;
✅ Ochiq va toza havo bo'lgan joylarda sayr qilish;
✅ Havo namlagich va havo tozalagichlardan uyda foydalanish.

Aktivist juda to'g'ri fikr bildirdi.

https://www.instagram.com/reel/DFlgcTZN-5g/?igsh=aGM1YWdvOXo3MGU=