"TIQXMMI" MTU Buxoro tabiiy resurslarni boshqarish instituti

30-yanvar kuni Ijtimoiy-gumanitar fanlar, tillar va jismoniy madaniyat kafedrasi professor-o'qituvchilari tomonidan kafedrada hamda 1-sonli TTJda O'zbekiston Respublikasining Birinchi Prezidenti Islom Abdug'aniyevich Karimov tavalludining 87 yilligi munosabati bilan Xotira tadbiri tashkil etildi. Tadbir davomida Mustaqillik asoschisining hayot yo'li, rahbarlik faoliyati va ilmiy asarlari yuzasidan suhbat olib borildi. Jarayon davomida talaba-qizlar tomonidan ham ko'pgina ma'lumotlar aytildi. Tinglovchilarning bergan savollariga soha mutaxassislari tomonidan yetarlicha javob berildi. O'ylaymizki, buyuk ajdodlarimizni yod etish, ularning yurt ozodligi yo'lidagi ezgu ishlarini xotirlash yoshlarimizni ona Vatanga bo'lgan cheksiz muhabbatini yanada oshirib, ularni kelajakka bo'lgan mas'uliyatni his qilgan holda ajdodlarga munosib avlod bo'lib yetishishlariga da'vat etadi.

@BuxTRBI

Axborot xabari

Buxoro Tabiiy Resurslarni Boshqarish Institutining Ekologiya ta’lim yo‘nalishi talabalari dual ta’lim tizimi doirasida **AO “Uzmetkombinat”**da amaliyotchi sifatida ish faoliyatini olib bormoqda.

Mazkur amaliyot jarayonida talabalar atrof-muhitni muhofaza qilish, sanoat chiqindilarini qayta ishlash, ekologik monitoring va barqaror rivojlanish tamoyillarini o‘rganish imkoniyatiga ega bo‘lishmoqda. Shuningdek, ular real ishlab chiqarish sharoitida ekologik muammolarni hal etish bo‘yicha tajriba orttirib, o‘z kasbiy ko‘nikmalarini mustahkamlashmoqda.

Dual ta’lim dasturi talabalarni nazariy bilim bilan bir qatorda amaliy tajribaga ega bo‘lishlarini ta’minlaydi hamda ularning kelajakdagi ishga joylashish imkoniyatlarini oshiradi.

@BuxTRBI

Bugun institutning Meliorativ gidrogeologiya guruhi talabalari Geologiya, gidrogeologiya va injenerlik geologiyasi fanidan “Sug‘oriladigan yerlarning suv-tuz balansini laboratoriya sharoitida tahlil qilish” mavzusida laboratoriya ishini bajardilar.

Tadqiqot davomida sug‘oriladigan yerlarning suv-tuz balansini baholash usullari o‘rganildi. Talabalar tuproq namunalari bilan tajribalar olib bordilar, ularning namlik darajasi va tuz tarkibini aniqlash bo‘yicha laboratoriya tahlillarini o‘tkazdilar.

Olingan natijalar asosida sug‘oriladigan yerlardagi suv-tuz balansining holati tahlil qilindi hamda tuproq sho‘rlanishining oldini olish bo‘yicha tavsiyalar ishlab chiqildi. Ushbu laboratoriya ishi meliorativ tadbirlarni rejalashtirish va gidrogeologik jarayonlarni tushunishda muhim amaliy ahamiyatga ega bo‘ldi.

@BuxTRBI