Ўзбекистон Республикаси Бош вазирининг Тадбиркорлар мурожаатларини кўриб чиқиш бўйича Тошкент тумани қабулхонаси

“Ўзстандарт” агентлиги Сизлардан сифатсиз ҳамда саломатлигингиз учун хавфли бўлган товарларни сотиб олишда эхтиёт бўлишингизни сўрайди. Ушбу http://control.standart.uz/ ҳаволаси орқали хавфли бўлган товарлар рўйхати билан тўлиқ ва батафсил танишиб боришингиз мумкин.

Aholi va yoshlarni bandligini ta'minlash, ularni ishga joylashtirishda qulaylik yaratish va bo‘sh ish o‘rinlarini ularning e'tiboriga yetkazish maqsadida, Toshkent tumani bandlikka ko‘maklashish markazi joriy yilning 11-Fevral kuni bo‘sh ish o‘rinlari yarmarkasiga taklif etadi.

Manzil: Markaziy madaniyat binosi.

Тадбиркорларга чарм-пойабзал ва мўйначилик соҳаларида кредитлар ажратилади

“Чарм-пойабзал ва мўйначилик соҳаларини янада ривожлантиришга доир қўшимча чора-тадбирлар тўғрисида”ги Президент қарори (ПҚ–4982-сон, 08.02.2021 й.) қабул қилинди.

📝 Қарорга кўра, Тикланиш ва тараққиёт жамғармаси томонидан 2021-2022 йилларда чармдан тайёр маҳсулотлар, чарм-атторлик, шунингдек, мўйна ва жундан юқори қўшилган қийматли маҳсулотлар ишлаб чиқариш лойиҳаларини амалга ошириш учун умумий қиймати 50 миллион АҚШ доллари миқдоридаги кредит линиялари устав фондида (капиталида) давлат улуши 50 фоиз ва ундан ортиқ бўлган тижорат банкларида очилади.

🏦 Кредит линиялари тегишли тижорат банкларига 3 йиллик имтиёзли даврни ўз ичига олган ҳолда 7 йил муддатгача, йиллик 4 фоиз ставкаси шартларида очилади.

☑️ Кредитлар тадбиркорларга замонавий янги ускуна ва технологияларни харид қилиш учун 2 йиллик имтиёзли даврни ўз ичига олган ҳолда 7 йил муддатгача, йиллик 6 фоиз ставкасида ажратилади.

🗓 Қарор билан 2023 йил 1 январгача Ўзбекистонга олиб киришда божхона божининг ноль ставкаси қўлланиладиган хомашё, материаллар ва фурнитуралар рўйхати (71 та) тасдиқланди.

🛒 Шунингдек, “Ойбек-автойўл” (Тошкент вилояти) ва “Сариосиё-автойўл” (Сурхондарё вилояти) чегара ўтказиш пунктларидан қўшни давлат чегарасигача бўлган жойларда эксперимент тариқасида маҳаллий тайёр маҳсулотлар савдосига ихтисослаштирилган савдо нуқталари ташкил этилади.

🖥 Бундан ташқари, республика ҳудудларида ва хорижда чарм маҳсулотлари савдосига ихтисослаштирилган “Multibrand” дўконлари ташкил этилиб, унинг электрон савдо платформаси яратилади.

Хушхабар! Тадбиркорлик субъектларига берилган бир қатор имтиёзлар муддати узайтирилди

❗️Ўзбекистон Республикаси Президентининг фармони билан давлат дастури тасдиқланди.

Хусусан:
👉 Коронавирус пандемияси шароитида тадбиркорлик субъектларини қўллаб-қувватлаш чораларини давом эттириш мақсадида қуйидагиларнинг амал қилиш муддати 2021 йил 31 декабрга қадар узайтирилсин:

👉 туризм, транспорт ва умумий овқатланиш соҳаларида фаолият юритаётган субъектларнинг ер ва мол-мулк солиғи бўйича 2021 йил 1 январь ҳолатига қарздорлиги тўланиши;

👉 Ўзбекистон Республикаси Президентининг 2020 йил 19 мартдаги ПФ–5969 сон Фармонида назарда тутилган вақтинча қийинчиликларни бошдан кечираётган хўжалик юритувчи субъектларнинг мол-мулк солиғи ва ер солиғи бўйича 2020 йил 31 декабрь ҳолатига кўра,мавжуд қарзига пеня ҳисобланишини тўхтатиш ва солиқ қарзини мажбурий ундиришга қаратиш чораларини кўрмаслик талаби;

👉 коронавирус пандемияси даврида Ўзбекистон Республикаси Президенти томонидан тадбиркорлик субъектларига 2020 йил 31 декабрь ҳолатига қолдиқда турган мол-мулк солиғи ва ер солиғи бўйича берилган фоизсиз кечиктириш (бўлиб-бўлиб тўлаш) суммаси;

👉 “хуфиёна иқтисодиёт” улушини қисқартириш учун солиқ аудити ўтказишда “таҳлика-таҳлил” тизими босқичма-босқич жорий этилган ҳолда солиқларни ва бошқа мажбурий тўловларни ўз вақтида тўлаб келаётган кичик тадбиркорлик субъектларида солиқ аудити ўтказилишига мораторий белгиланди.

Шуниндек 2021 йил давлат дастурига кўра илғор хорижий тажриба ва кенг жамоатчилик таклифлари инобатга олинган ҳолда,2021 йил 1 июнга қадар ногиронлиги бўлган шахсларни қўллаб-қувватлашга қаратилган ногиронлик белгилари аниқ кўриниб турган, анатомик нуқсонлари бўлган шахсларни клиник-функционал маълумотларни олишга доир қўшимча текширувдан ўтказмасдан туриб, улар ногиронлиги бўлган шахс деб топилганда ногиронликни муддатсиз даврга белгилаш амалиёт жорий этилиши белгиланди.

❗️Пенсия ва нафақаларни тайинлашда фуқаролар учун янада қулай шароитлар яратиш мақсадида қуйидаги тартиб ўрнатилсинки,унга мувофиқ 2021 йил 1 июндан бошлаб:

👉 пенсияларни тайинлашда шахснинг иш ҳақи ва меҳнат стажи тўғрисидаги маълумотларнинг электрон базаси юритилмаган давр – 2005 йилдан аввалги йиллар учун иш стажи шахснинг меҳнат дафтарчасидаги мавжуд ёзувлар асосида тасдиқловчи ҳужжатлар талаб этилмасдан ҳисобланади;

👉 уч йил ва ундан аввал тайинланган, қайта ҳисобланган пенсия ва нафақаларни текшириш ҳамда улар бўйича аниқланган ортиқча тўловни ундириш бекор қилинади;

👉 ишловчи фуқаролар томонидан ишламайдиган турмуш ўртоқлари келгусида пенсия таъминотига эга бўлишлари учун ўз даромадларидан ихтиёрий равишда ҳар ойда ижтимоий солиқ тўлаш ҳуқуқи берилади;

👉 пенсия ва нафақалар фуқаронинг хоҳишига кўра рўйхатга олинган доимий яшаш ёки вақтинча турган жойи бўйича тайинланади ва тўланади.

👉 Пенсия ва нафақалар тўғри тайинланиши ҳамда тўланиши бўйича текширишлар натижасида аниқланган ортиқча тўлов суммасининг 2021 йил 1 февраль ҳолатига бўлган қарздорлиги ҳисобдан чиқарилади.

💁‍♂️ Шуниндек, дастурда Молия вазирлиги 2021 йил 1 майдан бошлаб қуйидагиларга оид молиявий маълумотларни оммавий ахборот воситалари ва Интернет жаҳон ахборот тармоғида эълон қилиш амалиётини жорий этилиши белгиланди.

#Қонунчиликдаги_янгиликлар

Маҳаллий қишлоқ хўжалиги техникасини ишлаб чиқарувчиларга имтиёзлар берилади

“Қишлоқ хўжалиги машинасозлиги тармоғида соғлом рақобат муҳитини яратишга доир қўшимча чора-тадбирлар тўғрисида”ги Президент қарори (ПҚ–4969-сон, 01.02.2021 й.) қабул қилинди.

🔰 Қарорга кўра, қишлоқ хўжалиги машинасозлиги тармоғида фаолият юритувчи маҳаллий қишлоқ хўжалиги техникасини ишлаб чиқарувчилар:

➖ Ўзбекистонда ишлаб чиқарилмайдиган эҳтиёт қисмлари ва бутловчи буюмларни импорт қилишда белгиланган тартибда шакллантириладиган рўйхатлар бўйича 2022 йил 1 январгача божхона тўловларидан (ҚҚС ва божхона йиғимидан ташқари) озод қилинади;

➖ қишлоқ хўжалиги техникасини ишлаб чиқариш ва унга сервис хизматини кўрсатиш учун бутловчи буюмлар, хомашё ва материалларни импорт қилишда товарлар эркин муомалага (импортга) чиқаришнинг божхона режимига жойлаштирилган санадан бошлаб ҚҚСни 270 кун кечиктириб тўлаши мумкин.

✅ Шунингдек, қарорга кўра импорт қилинадиган эҳтиёт қисмлари ва бутловчи буюмлар рўйхатлари ва уларга тузатишлар имтиёз берилган ташкилот томонидан шакллантирилади ҳамда улар юзасидан “Лойиҳалар ва импорт контрактларини комплекс экспертиза қилиш маркази” ДУКнинг ижобий хулосаси олинган тақдирда, импорт қилувчи ҳар қандай ташкилотлар рўйхатда кўрсатилган товарларни белгиланган тартибда импорт қилиш ҳуқуқига эга бўлади.

Ер участкаларига бўлган ҳуқуқларни давлат рўйхатидан ўтказиш хусусиятлари
(Ўзбекистон Республикаси Вазирлар Маҳкамасининг 2018 йил 29 декабрдаги 1060- сон қарори)

Ер участкаларига бўлган қуйидаги ҳуқуқларнинг вужудга келиши, бошқа шахсларга ўтиши ва бекор бўлиши давлат рўйхатидан ўтказилиши лозим:

🔷 Ўзбекистон Республикаси фуқаросига якка тартибда уй-жой қуриш ва уй-жойни ободонлаштириш, деҳқон хўжалиги, жамоа боғдорчилиги ва узумчилик хўжалигини юритиш учун, шунингдек, қонун ҳужжатларида назарда тутилган бошқа ҳолларда берилган ер участкасига мерос қилиб қолдириладиган умрбод эгалик қилиш ҳуқуқи;

🔷 юридик ва жисмоний шахсга қишлоқ ва ўрмон хўжалигини (қишлоқ хўжалиги кооперативлари (ширкатлари) ва фермер хўжаликлари бундан мустасно) юритиш ва қонун ҳужжатларида назарда тутилган бошқа мақсадлар учун берилган ер участкаларига доимий эгалик қилиш ҳуқуқи;

🔷 юридик ва жисмоний шахсга қишлоқ хўжалиги билан боғлиқ бўлмаган эҳтиёжлар учун фойдаланиш муддатлари кўрсатилмай берилган ер участкасидан доимий фойдаланиш ҳуқуқи;

🔷 юридик ва жисмоний шахсларга қишлоқ хўжалиги билан боғлиқ бўлмаган эҳтиёжлар учун фойдаланишнинг муайян муддати белгилаб берилган ер участкаларидан муддатли (вақтинча) фойдаланиш ҳуқуқи;

🔷 юридик ва жисмоний шахс, шу жумладан хорижий юридик ва жисмоний шахс томонидан қонун ҳужжатларида белгиланган тартибда хусусийлаштирилган ёки сотиб олинган ер участкаларига бўлган мулк ҳуқуқи;

🔷 юридик ва жисмоний шахсга ижарага берилган ер участкаларини ижарага олиш ҳуқуқи.

2020 йил якунлари (2021 йил 1 январь ҳолатига) асосий иқтисодий кўрсаткичлар:

◦ Аҳоли сони – 34 млн 558,9 минг киши (йил бошидан 653,7 минг кишига ёки 1,9%га кўпайган);
◦ Ялпи ички маҳсулот – 580 трлн 203,2 млрд.сўм, ўртача алмашув курси бўйича 57 млрд 698,5 млн АҚШ доллари (ўтган йилнинг мос даврига нисбатан ўсиш 1,6%),
шундан, аҳоли жон бошига – 16 млн 949,1 минг сўм ёки 1685 АҚШ доллари (ўтган йилга нисбатан камайиш – 0,3%);
◦ ЯИМ дефлятори – 111,9 фоиз;
◦ Истеъмол нархлари индекси – 11,1 фоиз (ўтган йили – 15,2% бўлган);
◦ Қайта молиялаш ставкаси – 14 фоиз;
◦ Аҳоли даромадлари – 405,1 трлн.сўм (реал ўсиш – 2,6%);
◦ Аҳоли жон бошига даромадлари – 11,7 млн.сўм (реал ўсиш – 0,7%);
◦ Муомаладаги пул массаси (М 2) – 107 трлн 604 млрд.сўм (йил бошига 16,3 трлн.сўмга ошган);
шундан, муомаладаги нақд пуллар (М 0) – 24 трлн 920 млрд.сўм (йил бошига 674 млрд.сўмга кўпайган);
◦ Соф олтин-валюта заҳиралари – 33 млрд 851,3 млн АҚШ доллари;
◦ Тижорат банклари сони – 32 та, шундан 13 та банкда давлат улуши мавжуд;
◦ филиаллар сони – 828 та;
◦ Ўрнатилган тўлов терминаллар сони – 438 минг 410 та;
◦ Муомаладаги банк пластик карталари сони – 25 млн 775,6 минг та;
◦ Ўрнатилган банкомат ва инфокиосклар сони – 11 800 та;
◦ Тўлов терминаллари орқали тушган тушумлар – 81 трлн .сўм;
◦ Банк кассаларига тушган нақд пуллар – 179,9 трлн.сўм;
◦ Банклардан нақд пулдаги чиқимлар ҳажми – 180,2 трлн.сўм;
◦ Банк карталаридан ечилган нақд пуллар ҳажми – 62,2 трлн.сўм;
шундан, банкоматлар орқали ечилган нақд пуллар ҳажми – 48,9 трлн.сўм;
◦ Жами ажратилган кредит қолдиғи – 270,2 трлн.сўм;
◦ тижорат банкларининг жами активлари – 366,1 трлн.сўм;
◦ тижорат банкларининг жами капитали – 58,4 трлн.сўм;
◦ тижорат банкларининг жами депозитлари – 114,7 трлн.сўм.

Давлат Статистика қўмитаси ва Марказий банк сайтларидан ҳамда банклардан олинган маълумотлар асосида тайёрланди!

❗️Тошкент вилояти ҳокими ишдан олинди

Президентнинг 30 январдаги фармони билан Тошкент вилояти ҳокими Рустам Холматов лавозимидан озод этилди. 

Унинг ўрнига шу вақтга қадар Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида фаолият юритган Даврон Ҳидоятоввилоят ҳокими вазифасини бажарувчи этиб тайинланди.

#Расмий

Нурафшон шаҳрида Халқ депутатлари вилоят кенгашининг навбатдан ташқари сессияси бўлиб ўтмоқда

Сессия ишида Ўзбекистон Республикаси Бош вазири А. Арипов, Президент Админстрацияси раҳбари З. Низомидинов иштирок этмоқда.