Doctor's life (Dalir Jahongirovich)

XXI asr - Texnologiyalar asri. Hech bir xonadon yoʻq-ki texnologiyalar kirib bormagan. Gapni bejizga texnologiyalarga bogʻlab boshlamadim.

Kecha darsda oʻtirar ekanman bir ustozimizning quyidagi gapi meni eʼtiborimni tortdi:
"Oʻqimaydigan bolaga akademik kelib dars oʻtsayam foydasi yoʻq, oʻqiydigan bolaga esa oʻqituvchining keragi yoʻq!"

Ushbu jumlalarni eshitganimdan beri haligacha shu gap tagidagi tub maʼnoni anglashga harakat qilyapman.

Rostdan ham ushbu jumlalar zamirida juda katta maʼno yashirin. Biz oʻzimiz, oʻzimizni kelajagimiz uchun qaygʻurishni boshlamas ekanmiz, ota-onamiz  yoki qadrdonlarimiz tomonidan bizni kelajagimiz uchun boʻlgan qaygʻurishlarni anglamaymiz. Qachonki boshimizga oʻsha qiyinchiliklar tushadi, shundagina ota-onamiz toʻgʻri fikr bildirganini xis qilamiz. Oʻz ustimizda mustaqil shugʻullanmas ekanmiz, biz oʻzimiz orzu qilgan inson boʻla olmaymiz. Oʻz ustimizda shugʻullanishimizga kim qarshi? Nafsimizmi?
Nafsimiz ustidan oʻz hukmronligimizni oʻtkaza olsak edi......

Ustozim aytgan fikrlar - hayot tajribasi. Darslarga shunchaki kunlik ehtiyojlar uchun borib kelsak, hali biz oʻzimizni anglay olmabmiz. Texnologiyalar rivojlangan. Qayerga qaramaylik oʻqish uchun sharoitlar juda koʻp. Masalan, oʼzim oʻqiydigan Institutimda ARM (Axborot Resurslari Markazi) zali biz talabalar uchun doim ochiq. U yerda nimalar bor: eng zamonaviy kompyuterlar, bepul WiFi, hohlagan turdagi kitoblar. Yana nima kerak? Nima yetmayapti oʻz ustimizda ishlashimizga?
Vaqtmi? Qoʻysangizchi ........

Kelinglar, hamma narsadan unumli foydalanib, mustaqil izlanaylik va oʻz maqsadimizga erishaylik.

(Bu albatta kaminaning shaxsiy fikri)

@Blog_Jahongirovich

Asabbuzarlik yoxud Kibr

Bilasiz, institutimizda sessiyalar haftaligi boʻlib oʻtmoqda. Meni imtihon oʻtkazilish tartibi yoki nazorat ishlariga eʼtirozim yoʻq. Meni eʼtirozim bazi bir talabalarga.

Savollar kamida 1 hafta oldin sizga taqdim etiladi. Kamida javoblari bilan birga. Sizni qiladigan ishingiz koʻr koʻrona yodlash. Bu ishni menimcha koʻchadan oʻqish savodxonligi bor biror kishini olib kelishsa ham eplay olishsa kerak. Shunday ekan nega siz "100 ball oldim 95 ball oldim " deb maqtanishdan u yogʻiga oʻtmaysiz. Bugun imtihonga kirsangiz, chiqqaningizga hali hech qancha vaqt boʻlmasdan ijtimoiy tarmoqlarda olgan bahoyingizni maqtanish bilan ovorasiz. Huddiki bu sizga obru olib keladi. Endi oʻylab koʻring, sizning institutda oʻqimaydigan 11-sinf  oʻquvchisi bilan nima farqingiz bor. Men aytaman - farq 1 ta, bu ham boʻlsa siz shunchaki test yodlagansiz, tamom.

Bu bilan hamma ham faqat test yodlaydi, amaliy fanlarda kunlik oʻqishlarini oʻqimaydi demoqchimasman. Demoqchimanki hammani qoʻlidan keladigan ish bilan maqtanmang. Bu ishni hamma eploladi. Siz shunday bir ish qilingki, u ishni hech kim takrorlay olmasin. Ana shunda ham birovlar sizni maqtasin , siz oʻzingizni emas. Maqtanish bu kibrdan dalolat. Qalbida zarracha kibri bor inson esa jannatga kira olmaydi. Xulosa oʻzingizdan.

Gapim oʻz egalarini topib borib, xulosa qilishlariga umid qilaman.

Shunda ham imtihondan yiqiladiganlar - ularni nima deb atashni bilmadim :(

Imtihon oʻtkazilish tartibi haqida esa gapirmoqchi emasman.

@Blog_Jahongirovich