Telegram-канал "Bekobod tuman Yuridik xizmat ko'rsatish markazi" — @Bekobod_tuman_YXKM

Bekobod tuman Yuridik xizmat ko'rsatish markazi

13 Feb, 10:46

Barcha ish beruvchilar diqqatiga!

Viloyat Davlat mehnat inspeksiyasi ogohlikka chaqirmoqda

O‘zbekiston Respublikasi “Aholi Bandligi to‘g‘risida”gi qonunining 13-moddasiga asosan, ish beruvchilar aholi bandligi sohasidagi davlat siyosatini amalga oshirishda quyidagilarga amal qilishingiz lozim:

▶️Ish o‘rinlarini zaxiraga qo‘yish va unga aholining ijtimoiy ehtiyojmand toifalarini joylashtirish;

▶️Bo‘sh (vakant) ish o‘rinlari mavjudligi to‘g‘risidagi ma’lumotlarni mahalliy mehnat organiga har oy «Yagona milliy mehnat tizimi» idoralararo dasturiy-apparat kompleksi orqali elektron tarzda taqdim etib borish;

▶️Bo‘sh (vakant) ish o‘rinlari mavjudligi to‘g‘risidagi ma’lumotlarni milliy bazaga kiritib borish so‘raladi.

Aks holda, yuqoridagi qonun talablarini bajarmaslik O‘zbekiston Respublikasi Ma’muriy javobgarlik to‘g‘risidagi kodeksining 229-moddasiga ko‘ra, ma’muriy jarima solinishiga sabab bo‘ladi.

Aholi bandligi sohasidagi davlat siyosatini amalga oshirishda faol bo‘lishingiz so‘raladi.

Toshkent viloyati Kambag‘allikni qisqartirish va bandlik bosh boshqarmasi

Каналга уланиш👇👇👇
https://t.me/Bekobod_tuman_YXKM

112 0 1

Bekobod tuman Yuridik xizmat ko'rsatish markazi

13 Feb, 10:33

04:24

Видео недоступно для предпросмотра

Смотреть в Telegram

▶️ Пенсионерларни ишдан бўшатишнинг қонуний йўллари борми?

Бу ҳақда меҳнат ҳуқуқи бўйича эксперт Муҳаммадамин КАРИМЖОНОВ тушунча берди.

Каналга уланиш👇👇👇
https://t.me/Bekobod_tuman_YXKM

86 0 1

Bekobod tuman Yuridik xizmat ko'rsatish markazi

13 Feb, 10:26

Assalomu alaykum, xodimni vaqtincha mehnatga layoqatsizlik davri uni yillik mehnat ta'til muddatini hisoblashda hisobga olinadimi?

Javob:

✅Ha, vaqtincha mehnatga qobiliyatsizlik davri har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish stajiga kiradi. Bunda vaqtincha mehnatga qobiliyatsizlik davrining muddatini ahamiyati yo'q.

❗️Masalan, "Mehnatga layoqatsizlik varaqalarini berish tartibi to‘g‘risida"gi Yo'riqnomaning (ro‘yxat raqami 2667 ) 22-bandiga ko'ra, sil kasalligi birinchi marta aniqlanganda xodim 10 oygacha "bolnichniy"da yurishi mumkin https://lex.uz/docs/-2625878. Ana shu 10 oy to'liq har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish stajiga kiradi.

Chunki, vaqtincha mehnatga qobiliyatsizlik davrida xodim haqiqatda ishlamagan bo’lsada, uning ish o‘rni (lavozimi) saqlanadi.

MK 226-moddasiga ko’ra, har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish staji jumlasiga quyidagilar kiradi:

… xodim haqiqatda ishlamagan, lekin mehnat to‘g‘risidagi qonunchilikka va mehnat haqidagi boshqa huquqiy hujjatlarga, mehnat shartnomasiga muvofiq uning ish o‘rni (lavozimi) saqlangan vaqt, shu jumladan har yilgi mehnat ta’tili vaqti, dam olish kunlari, ishlanmaydigan bayram kunlari hamda qonunchilikda belgilangan boshqa davrlari...

Homiladorlik va tug‘ish ta’tili davri ham har yilgi asosiy mehnat ta’tilini va bitta tashkilotda yoki tarmoqda ko‘p yillik ish staji uchun qo‘shimcha ta’til olish huquqini beruvchi ish stajiga kiradi.

❌ Diqqat! Har yilgi asosiy mehnat ta’tilini olish huquqini beradigan ish staji jumlasiga quyidagilar kiritilmaydi:

xodim uzrli sabablarsiz ishda bo‘lmagan vaqt;

xodim ishdan chetlashtirilgan davrlar, bundan 226-modda birinchi qismining to‘rtinchi, beshinchi va oltinchi xatboshilarida nazarda tutilgan hollar mustasno;

agar jamoa shartnomasida, shuningdek tashkilotning ichki hujjatida yoxud mehnat shartnomasida boshqacha tartib nazarda tutilmagan bo‘lsa ushbu Kodeks 405-moddasining birinchi va ikkinchi qismlarida nazarda tutilgan bolani parvarishlash uchun beriladigan ta’tillar vaqti;

ish yili davomida ikki haftadan oshadigan ish haqi saqlanmaydigan ta’tillar vaqti.

Каналга уланиш👇👇👇
https://t.me/Bekobod_tuman_YXKM

77 0 0 1

Bekobod tuman Yuridik xizmat ko'rsatish markazi

12 Feb, 21:57

#Қонунчиликдаги_янгиликлар

❗️Фуқаролар йиғини раисларининг ваколат муддати 5 йилга узайтирилди

Қонун (ЎРҚ-1027-сон, 11.02.2025 й.) билан айрим қонун ҳужжатларига ўзгартириш ва қўшимчалар киритилди.

🔰Қонунга кўра “Фуқароларнинг ўзини ўзи бошқариш органлари тўғрисида”ги ва “Фуқаролар йиғини раиси сайлови тўғрисида”ги қонунларига фуқаролар йиғини раиси ваколатлари муддати 3 йилдан 5 йилга узайтирилишини, бўшаб қолган ўринларга фуқаролар йиғинлари раисларининг 5 йил муддатга сайланишини назарда тутувчи ўзгартириш ва қўшимчалар киритилмоқда.

🔍 Шунингдек, фуқаролар йиғинлари раислари сайловини ташкил этиш ва ўтказишга кўмаклашувчи Қорақалпоғистон Республикаси, вилоятлар ва Тошкент шаҳар комиссияларининг ваколатлари аниқлаштирилди.

📌Қонун расмий эълон қилинган кундан эътиборан кучга киради.

⚠️ Қонун амалга киритилгунига қадар сайланган фуқаролар йиғинлари раислари ўз ваколатларини улар сайланган 3 йиллик муддат тугагунига қадар амалга оширади.

Каналга уланиш👇👇👇
https://t.me/Bekobod_tuman_YXKM

78 0 0

Bekobod tuman Yuridik xizmat ko'rsatish markazi

12 Feb, 21:32

#Қонунчиликдаги_янгиликлар

❗️Инвестиция лойиҳаларини амалга ошириш механизмлари такомиллаштирилади

“Халқаро молия институтлари ва хорижий ҳукумат молия ташкилотлари иштирокидаги лойиҳаларни тайёрлаш ва амалга ошириш механизмларини такомиллаштиришга доир қўшимча чора-тадбирлар тўғрисида”ги Президент қарори (ПҚ-51-сон, 11.02.2025 й.) қабул қилинди.

⚡️ Қарорга кўра, 2025 йилда халқаро молия институтлари ва хорижий ҳукумат молия ташкилотлари (ХМИ/ХҲМТ) иштирокидаги лойиҳаларни амалга ошириш бўйича қуйидаги мақсадли кўрсаткичлар белгиланди:

🔹давлат кафолати остида жалб қилинадиган кредитлар ҳисобидан белгиланган миқдоридаги маблағларни ўзлаштириш;

🔹кафолатланмаган кредитлар ҳисобидан белгиланган миқдоридаги маблағларни ўзлаштириш;

🔹белгиланган миқдоридаги истиқболли инвестиция лойиҳаларини амалга ошириш имкониятларини ўрганиш.

🏢 Мазкур мақсадли кўрсаткичларга эришишни таъминлаш учун ХМИ/ХҲМТ иштирокидаги инвестиция лойиҳалари билан ишлаш бўйича Фавқулодда штаб ва унинг ҳудудий штаблари ташкил этилади.

📕 ХМИ/ХҲМТ иштирокидаги лойиҳаларни амалга ошириш гуруҳларини тузиш амалиёти 2025 йил 1 мартдан босқичма-босқич тугатилади ва барча функциялари Лойиҳани ижро этувчи агентликларнинг тегишли бўлинмаларига юклатилади.

🗓 2025 йил 1 июнгача “Инвестиция лойиҳаларини амалга оширишни назорат ва мониторинг қилиш” автоматлаштирилган ахборот тизими экспертизадан ўтказилиб, ХМИ/ХҲМТ томонидан молиялаштириладиган лойиҳалар доирасида электрон харидларни амалга ошириш бўйича махсус ахборот портали ишга туширилади ҳамда рақамли харид тартиб-қоидаларига ўтилади.

Каналга уланиш👇👇👇
https://t.me/Bekobod_tuman_YXKM

66 0 0

Bekobod tuman Yuridik xizmat ko'rsatish markazi

12 Feb, 20:33

#Қонунчиликдаги_янгиликлар

❗️Тадқиқотларни қўллаб-қувватлаш жамғармаси ташкил этилади

“Таҳлилий ва тадқиқотчилик фаолиятини ташкил қилиш бўйича қўшимча чора-тадбирлар тўғрисида”ги Президент қарори (ПҚ-48-сон, 10.02.2025 й.) қабул қилинди.

🔰Қарорга кўра, Таҳлилий ва тадқиқот тузилмалари фаолиятини ташкил қилиш бўйича мувофиқлаштирувчи кенгаш ҳузурида Тадқиқотларни қўллаб-қувватлаш жамғармаси ташкил этилади.

✔️ Жамғарма маблағлари Тикланиш ва тараққиёт жамғармасида алоҳида очилган ҳисобрақамларда жамланади ва Мувофиқлаштирувчи кенгаш томонидан белгиланган тартибда сарфланади.

🔍 Жамғарма маблағлари қуйидагиларга йўналтирилади, жумладан:

🔹мувофиқлаштирувчи кенгашнинг фаолият йўналишлари бўйича тадқиқотларни амалга ошириш;
🔹таҳлилий материалларни тайёрлаш ва тадқиқотларни ўтказиш учун грантлар ажратиш;
🔹ижтимоий сўровлар ва жамоатчилик фикрини ўрганиш бўйича тадқиқотларни амалга ошириш.

📢 Жамғарма маблағлари мақсадли ва самарали сарфланиши устидан назорат Мувофиқлаштирувчи кенгаш томонидан амалга оширилади.

▶️ Мувофиқлаштирувчи кенгашга қуйидагиларга рухсат берилади:

➖Жамғарма маблағларини миллий ва хорижий валюталарда банк депозитларига жойлаштириш;
➖грантлар ва беғараз техник кўмак воситаларини жалб қилиш;
➖жисмоний ва юридик шахсларга тўлов асосида тадқиқотлар натижалари ва маълумотлар базаларидан фойдаланиш ҳамда тадбирларда иштирок этиш имкониятларини бериш.

Каналга уланиш👇👇👇
https://t.me/Bekobod_tuman_YXKM

56 0 0

Bekobod tuman Yuridik xizmat ko'rsatish markazi

12 Feb, 19:34

#Қонунчиликдаги_янгиликлар

❗️Мактаб ўқувчиларини касб-ҳунарга ўқитишда тадбиркорларни жалб этиш тартиби белгиланди

Ҳукумат қарори (78-сон, 11.02.2025 й.) билан “Ўқувчиларни касб-ҳунарга ўқитишда умумий ўрта таълим муассасалари ва тадбиркорлик субъектларининг ўзаро ҳамкорлик қилиш тартиби тўғрисида”ги низом тасдиқланди.

✅ Низом ўқувчиларни касб-ҳунарга ўқитишда умумий ўрта таълим муассасалари билан тадбиркорлар ва ҳунармандларнинг ўзаро ҳамкорлик қилиш тартибини белгилайди.

📜 Низом қуйидагиларни назарда тутади:

▪️умумий ўрта таълим муассасалари ва тадбиркорлар ўртасидаги ҳамкорлик йўналишлари;

▪️умумий ўрта таълим муассасалари ўқувчиларни касб-ҳунарга ўқитишни ташкил этиш тартиби;

▪️тадбиркорлар томонидан мактабларда касб-ҳунар тўгаракларини ташкил этиш асослари;

▪️умумий ўрта таълим муассасаларининг бўш турган биноларини тадбиркорларга ижарага беришда умумий ўрта таълим муассасаси ва тадбиркорларнинг мажбуриятлари.

📚 Касб тўгаракларига касбга қизиқиши бўлган 7–11-синф ўқувчилари жалб этилади.

▶️ 2025 йилдан 8-синф ўқувчилари учун саноат, ишлаб чиқариш, хизмат кўрсатиш, агротехнология соҳаларидаги корхона ва ташкилотларга экскурсиялар ташкил этилади.

🎓 2024/2025 ўқув йили якунигача мактаблар битирувчиларини эгаллайдиган касб-ҳунари бўйича амалий имтиҳондан ўтказиш ва уларга электрон сертификат бериш тартиби жорий этилади.

Каналга уланиш👇👇👇
https://t.me/Bekobod_tuman_YXKM

59 0 0

Bekobod tuman Yuridik xizmat ko'rsatish markazi

12 Feb, 18:49

Savol: Assalomu aleykum men men 30 yildan buyon mehnat ta'tiliga chiqmasdan ishlab kelmoqdaman men hozir mehnat shartnomamni bekor qilsam menga 30 yillik mehnat ta'tili Puli beriladimi yoʻq.

Javob
O‘ttiz yil davomida biror marta ham yillik mehnat ta’tiliga chiqmasdan ishlash juda noodatiy va hayratlanarli holatdir.

Mehnat kodeksining 172-moddasiga asosan, mehnat shartnomasi bekor qilinganda xodim bilan hisob-kitob qilinishi kerak. Hisob-kitob xodimga xodim tomonidan foydalanilmagan barcha asosiy va qo‘shimcha ta’tillar uchun kompensatsiyalarini to‘lashni ham o‘z ichiga oladi. Kodeksning 234-moddasiga asosan, mehnat shartnomasi bekor qilinganda xodimga barcha foydalanilmagan har yilgi asosiy va qo‘shimcha mehnat ta’tillari uchun pulli kompensatsiya to‘lanadi.

Demak agar siz hozir mehnat shartnomangizni bekor qilsangiz foydalanilmagan barcha asosiy va qo‘shimcha ta’tillar uchun kompensatsiyalari to‘lab beriladi.

Каналга уланиш👇👇👇
https://t.me/Bekobod_tuman_YXKM

Bekobod tuman Yuridik xizmat ko'rsatish markazi

Yuridik xizmat ko'rsatish markaz

57 0 0

Bekobod tuman Yuridik xizmat ko'rsatish markazi

12 Feb, 18:30

Savol:Xodim asosiy ish joyida 0.5 stavka ishlaydi. O’rindoshlik joyida ham 0.5 stavka ishlashi mumkinmi? Chunki bizni tekshirgan vakolatli organ bu holatda o’rindosh bo’lib 0.5 emas 0.25 stavka ishlashi kerak deyapti. Chunki O‘rindoshlik asosida ishlashda o‘rindoshlik asosida ishlashning davomiyligi xodimlarning ushbu toifasi uchun belgilangan ish vaqti normasining yarmidan ortiq bo‘lishi mumkin emas ekan. Shu to’g’rimi?

Javob: Bu holatda vakolatli organning harakatlari noto’g’ri.

❗️MK 437-moddasi hamda Vazirlar Mahkamasining 2012-yil 18-oktabrdagi 297-son qaroriga ilova “O‘rindoshlik asosida hamda bir necha kasbda va lavozimda ishlash tartibi to‘g‘risida”gi Nizomning 7-bandiga ko’ra, o‘rindoshlik asosida ishlashda o‘rindoshlik asosida ishlashning davomiyligi xodimlarning ushbu toifasi uchun belgilangan ish vaqti normasining yarmidan ortiq bo‘lishi mumkin emas (sog‘liqni saqlash tizimi vrach xodimlari bundan mustasno). Xodim asosiy ish joyidagi mehnat majburiyatlarini bajarishdan ozod bo‘lgan kunlarda u o‘rindoshlik asosida to‘liq ish kunida ishlashi mumkin.

⚠️ E’tibor bering bu yerda “xodimlarning ushbu toifasi uchun belgilangan ish vaqti normasining yarmidan ortiq bo‘lishi mumkin emas” deyilmoqda. Ya’ni xodim asosiy ish joyida 0.25 yoki 0.5 stavka ishlashidan qat’i nazar xodimlarning ushbu toifasi uchun belgilangan ish vaqti normasining yarmi miqdorida o'rindoshlik asosida ishlashi mumkin. Masalan, ish vaqti haftalik 40 soat bo’lsa 20 soat, 36 soat bo’lsa 18 soat o’rindoshlik asosida ishlashi mumkin.

Demak, asosiy ish joyi bo’yicha 0.5 yoki 0.25 stavka ishlayotgan xodim 0.5 stavka o’rindoshlik asosida ishlashi mumkin (sog‘liqni saqlash tizimi vrach xodimlari bundan mustasno).

Каналга уланиш👇👇👇
https://t.me/Bekobod_tuman_YXKM

63 0 1

Bekobod tuman Yuridik xizmat ko'rsatish markazi

12 Feb, 18:24

#Қонунчиликдаги_янгиликлар

❗️Болаларни мактабгача таълим билан қамраб олиш даражаси оширилади

“2025-2026 йилларда болаларни мактабгача таълим билан қамраб олиш даражасини ошириш бўйича қўшимча чора-тадбирлар тўғрисида”ги Ҳукумат қарори (83-сон, 12.02.2025 й.) қабул қилинди

⚡️ Қарорга кўра, 2025-2026 йилларда болаларни мактабгача таълим билан қамраб олиш даражасини ошириш бўйича чора-тадбирлар дастури ҳамда 3-7 ёшли болаларни мактабгача таълим билан қамраб олишнинг мақсадли кўрсаткичлари тасдиқланди.

✅ Шунингдек, қуйидагилар ташкил этилади:

▪️аҳолининг яшаш даражаси ва тўлов қобилияти юқори бўлган (камбағал оилалар кам бўлган) маҳаллаларда давлат-хусусий шериклик асосида нодавлат боғчалар;

▪️олис ва чекка (туман ва шаҳарлар марказида жойлашмаган) маҳаллаларда оилавий нодавлат боғчалар;

▪️аҳолининг тўлов қобилияти паст (камбағал оилалар нисбатан кўп бўлган) ҳамда демографик ўсиш даражаси юқори бўлган маҳаллаларда давлат, шунингдек, халқаро молия институтлари кредит ва грантлари ҳисобидан давлат-хусусий шериклик асосида нодавлат боғчалар;

▪️ижтимоий соҳа муассасаларининг бўш биноларида қисқа муддатли гуруҳлар.

🗓 2025 йил якунигача камбағал оилалар фарзандларини мактабгача таълим билан қамраб олиш таъминланади.

Каналга уланиш👇👇👇
https://t.me/Bekobod_tuman_YXKM

61 0 0 1

Bekobod tuman Yuridik xizmat ko'rsatish markazi

12 Feb, 17:23

#Қонунчиликдаги_янгиликлар

❗️Россия Федерацияси билан биргаликда кино ишлаб чиқариш соҳасида ҳамкорлик қилинади

“Халқаро шартномани тасдиқлаш тўғрисида”ги Президент қарори (ПҚ-52-сон, 12.02.2025 й.) қабул қилинди

🔰 Қарорга кўра, Ўзбекистон ва Россия Федерацияси Ҳукуматлари ўртасида биргаликда кино ишлаб чиқариш соҳасидаги ҳамкорлик тўғрисидаги шартнома тасдиқланди.

🗓 Шартнома 2024 йил 27 май куни Тошкент шаҳрида имзоланган.

🏢 Маданият вазирлиги ушбу халқаро шартномани амалга ошириш учун масъул бўлган ваколатли орган этиб белгиланди.

✔️ Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминлайди.

Каналга уланиш👇👇👇
https://t.me/Bekobod_tuman_YXKM

60 0 0

Bekobod tuman Yuridik xizmat ko'rsatish markazi

11 Feb, 22:02

#Қонунчиликдаги_янгиликлар

❗️Энергия ресурсларидан ноқонуний фойдаланиш ҳолатларига қарши курашиш соҳасида самарали давлат назорати амалга оширилади

“Энергия ресурсларидан ноқонуний фойдаланиш ҳолатларига қарши курашиш соҳаси такомиллаштирилиши муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида”ги Президент Фармони (ПФ-20-сон, 10.02.2025 й.) қабул қилинди.

🔰Фармонга кўра, Президентининг айрим ҳужжатларига қуйидагиларни назарда тутувчи ўзгартириш ва қўшимчалар киритилди:

🔹ёқилғи-энергетика ресурсларини беҳуда сарфлаш ҳамда улардан ноқонуний ва самарасиз фойдаланиш ҳолатларини аниқлаш;

🔹сифатсиз ёқилғи маҳсулотлари реализациясига чек қўйиш борасида давлат назоратини амалга ошириш механизмларини соддалаштириш.

📝 Жумладан, Президентининг 2023 йил 24 майдаги Фармонига киритилган қўшимчага кўра:

✅ Электр энергияси, нефть маҳсулотлари ва газдан фойдаланишни назорат қилиш инспекцияси (Ўзэнергоинспекция) томонидан ёқилғи-энергетика ресурсларини қазиб олиш, ишлаб чиқариш, қайта ишлаш, ташиш, сақлаш, етказиб бериш (тақсимлаш, сотиш) ва истеъмол қилиш фаолияти билан шуғулланадиган хўжалик юритувчи субъектларда уларнинг фаолиятини тартибга солувчи қонунчилик ҳужжатларига риоя этилиши бўйича ўтказиладиган назорат тадбирлари доирасида сутканинг исталган вақтида ўтказиладиган текширувлар текширув бошлангандан сўнг 24 соат ичида “Ягона давлат назорати” ахборот тизимида рўйхатга олиш орқали ваколатли органни хабардор этиш тартибида амалга оширилади.

Каналга уланиш👇👇👇
https://t.me/Bekobod_tuman_YXKM

65 0 0

Bekobod tuman Yuridik xizmat ko'rsatish markazi

11 Feb, 21:44

#Қонунчиликдаги_янгиликлар

❗️Норматив-ҳуқуқий ҳужжатлар ижросини мониторингдан ўтказиш тартиби белгиланди

“Норматив-ҳуқуқий ҳужжатлар ижросини мониторингдан ўтказиш услубиёти” Адлия вазирлигида давлат рўйхатидан ўтказилди (рўйхат рақами 3605, 07.02.2025 й.)

⚡️ Услубиёт норматив-ҳуқуқий ҳужжатлар ижросини мониторингдан ўтказиш жараёнларини услубий жиҳатдан тартибга солинишини белгилайди.

🗓 Тадбиркорлик фаолиятига, фуқароларнинг ҳуқуқлари, эркинликлари ва қонуний манфаатларига ҳамда атроф-муҳитга таъсир кўрсатувчи қонун ҳужжатларининг ижроси улар кучга киргандан сўнг 5 йил давомида, қонуности ҳужжатларининг ижроси эса улар кучга киргандан сўнг 3 йил давомида мажбурий равишда ҳар йили мониторингдан ўтказилади.

🏢 Мониторинг норматив-ҳуқуқий ҳужжатда унинг мониторинги ўтказилишига бевосита масъул этиб белгиланган давлат органи томонидан, масъул орган белгиланмаган ҳолларда тегишли соҳада давлат сиёсатини амалга оширувчи вазирлик ва идоралар томонидан амалга оширилади.

✅ Норматив-ҳуқуқий ҳужжатни қабул қилиш мақсадларига эришилишини таҳлил қилиш, унинг ижроси ва натижаларини мунтазам ҳамда тизимли равишда кузатиб бориш мониторинг қилишнинг асосий вазифаларидан бири ҳисобланади.

🔍 Норматив-ҳуқуқий ҳужжатлар самарадорлигини баҳолаш учун индикаторлар қуйидаги тоифаларга бўлинади:

▪️ресурс кўрсаткичлари ;
▪️амалиёт кўрсаткичлари ;
▪️натижадорлик кўрсаткичлари.

🌐 Вазирлик ва идоралар ҳар йили 1 февралгача ўтказилган мониторинг натижалари тўғрисидаги маълумотларни мажбурий равишда ўзларининг расмий веб-сайтида эълон қилади ҳамда тегишлилигига қараб “Ijro.gov.uz” ва Адлия вазирлигига тақдим этади.

Каналга уланиш👇👇👇
https://t.me/Bekobod_tuman_YXKM

55 0 0

Bekobod tuman Yuridik xizmat ko'rsatish markazi

11 Feb, 21:33

#Қонунчиликдаги_янгиликлар

❗️Айрим касаба уюшмаларининг бўлинмаларини ҳисобга қўйиш тартиби белгиланди

Ҳукумат қарори (72-сон, 10.02.2025 й.) билан “Юридик шахс мақомига эга бўлмаган касаба уюшмаларининг бўлинмаларини ва бошланғич касаба уюшмалари ташкилотларини ҳисобга қўйиш тартиби тўғрисида”ги низом тасдиқланди

🔰Низом юридик шахс мақомига эга бўлмаган касаба уюшмаларининг бўлинмаларини ва бошланғич касаба уюшмалари ташкилотларини ҳисобга қўйиш тартибини белгилайди.

📝 Юридик шахс мақомига эга бўлган касаба уюшмаларининг бўлинмалари алоҳида қонунчилик ҳужжатларида белгиланган тартибда давлат рўйхатидан ўтказилади.

🖥 Бўлинма ва бошланғич ташкилотни ҳисобга қўйиш бўйича давлат хизмати Давлат хизматлари марказлари, Нодавлат нотижорат ташкилотларининг электрон платформаси ва Ягона интерактив давлат хизматлари портали (my.gov.uz) орқали кўрсатилади.

🚫 Бўлинмани ва бошланғич ташкилотни ҳисобга қўйиш учун йиғим ундирилмайди.

🗓 Бўлинма ёки бошланғич ташкилотни ҳисобга қўйиш тўғрисидаги сўровнома рўйхатдан ўтказувчи органга келиб тушган кундан бошлаб 10 иш кунида кўриб чиқилади.

📜 Сўровномани кўриб чиқиш натижалари бўйича рўйхатдан ўтказувчи орган томонидан бўлинмани ёхуд бошланғич ташкилотни ҳисобга қўйиш ёки ҳисобга қўйишни рад этиш тўғрисида қарор қабул қилинади.

📋 Рўйхатдан ўтказувчи орган томонидан ҳисобга қўйилган бўлинмалар ва бошланғич ташкилотлар реестри юритилади.

Каналга уланиш👇👇👇
https://t.me/Bekobod_tuman_YXKM

56 0 0

Bekobod tuman Yuridik xizmat ko'rsatish markazi

11 Feb, 20:58

#Қонунчиликдаги_янгиликлар

❗️Маърифий фаолиятни амалга ошириш тартиби белгиланди

Ҳукумат қарори (76-сон, 11.02.2025 й.) билан “Маърифий фаолиятни амалга ошириш тартиби тўғрисида”ги низом тасдиқланди

🔰 Маърифий фаолият – инсонни шахсий, интеллектуал ва маънавий ривожлантириш, ижтимоий ва иқтисодий фаоллигини ошириш, интеллектуал ва ижодий салоҳиятини намоён этиш, индивидуал салоҳияти, имкониятлари, коммуникатив қобилиятларини яхшилаш учун зарур кўникма ва малакани шакллантиришга қаратилган ҳамда давлат таълим стандартлари билан қамраб олинмайдиган фаолият тури ҳисобланди.

⚡️Низом маърифий фаолиятни амалга ошириш тартиби ва шаклларини белгилайди ҳамда қуйидагиларни назарда тутади:

🔹маърифий фаолиятни амалга оширишнинг ташкилий-ҳуқуқий шакллари ҳамда ушбу фаолиятни амалга оширувчиларга нисбатан қўйиладиган талаблар;

🔹маърифий фаолиятни амалга ошириш шакллари (маъруза, тақдимот, семинар, маҳорат дарси, курс, лекция, марафон, давра суҳбатлари ҳамда қонунчиликда тақиқланмаган бошқа шаклларда, бевосита ёки онлайн, якка тартибда ёки гуруҳларда, пулли ёки бепул);

🔹маърифий фаолиятни амалга ошириш тартиби, шу жумладан, ушбу фаолият тингловчилари орасида вояга етмаган шахс мавжуд бўлса, мажбурий тартибда маърифий фаолият дастурини ишлаб чиқиш талаби;

🔹маърифий фаолият иштирокчиларининг ҳуқуқлари, мажбуриятлари ва маърифий фаолиятни амалга оширишда тақиқланадиган хатти-ҳаракатлар.

✔️ Маърифий фаолият билан юридик шахс ташкил этиб ёки якка тартибдаги тадбиркор сифатида рўйхатдан ўтиб шуғулланиш мумкин.

🔍 Маърифий фаолият билан ёзма ёки электрон шаклда тузиладиган шартномага мувофиқ пулли асосда шуғулланилади.

📚 14 ёшдан кичик шахсларнинг маърифий фаолият тадбирларида тингловчи сифатида иштирок этишларига уларнинг ота-онаси (қонуний вакиллари) ёзма розилиги билан йўл қўйилади.

Каналга уланиш👇👇👇
https://t.me/Bekobod_tuman_YXKM

73 0 0

Bekobod tuman Yuridik xizmat ko'rsatish markazi

8 Feb, 11:34

БОШҚА МАКТАБГА ИШГА ЎТСАМ, УСТАМАМ САҚЛАНАДИМИ

Сақланмайди.

Фақат таълим даражаси юқори бўлмаган умумий ўрта таълим муассасаларига бошқа ҳудудлардан жалб этилган ходимларнингига устамаси сақланади.

Вазирлар маҳкамасининг 2019 йил 30 сентябрдаги “Умумий ўрта таълим муассасаларининг ўрнак кўрсатган ходимларини моддий рағбатлантириш тартибини такомиллаштириш тўғрисида”ги 823-сонли қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”ги низомга асосан фақатгина, Таълим даражаси юқори бўлмаган умумий ўрта таълим муассасаларига бошқа ҳудудлардан жалб этилган олий ва биринчи тоифага эга ўқитувчи-педагогларнинг амалда ишлаган умумтаълим муассасасининг директор жамғармасидан белгиланган устама ҳақ (фоиз)лари сақланиши белгиланган.

Каналга уланиш👇👇👇
https://t.me/Bekobod_tuman_YXKM

127 0 0

Bekobod tuman Yuridik xizmat ko'rsatish markazi

8 Feb, 11:31

#Қонунчиликдаги_янгиликлар

❗️Вояга етмаганлар ўртасида ҳуқуқбузарликлар профилактикаси тизими янада такомиллаштирилади

Қонун (ЎРҚ-1024-сон, 06.02.2025 й.) билан Маъмурий жавобгарлик тўғрисидаги кодексига ўзгартиришлар киритилди

🔰 Унга кўра, Миллий гвардиянинг Болалар билан ишлаш бошқармаси ҳамда унинг ҳудудий бўлинмалари ҳарбий хизматчилари ва ходимларининг маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо чораларини қўллашга доир ваколатлари белгиланишини назарда тутувчи ўзгартиришлар киритилмоқда.

📌Қонун расмий эълон қилинган кундан эътиборан кучга киради.

Каналга уланиш👇👇👇
https://t.me/Bekobod_tuman_YXKM

104 0 0

Bekobod tuman Yuridik xizmat ko'rsatish markazi

8 Feb, 11:31

#Қонунчиликдаги_янгиликлар

❗️Корпоратив муносабатларда бюрократиянинг олди олинади

Қонун (ЎРҚ-1025-сон, 07.02.2025 й.) билан айрим қонун ҳужжатларига ўзгартириш ва қўшимчалар киритилди.

⚡️Қонунга кўра, айрим қонун ҳужжатларига қуйидагиларни назарда тутувчи ўзгартириш ва қўшимчалар киритилмоқда:

🔹унитар корхона ва қўшимча масъулиятли жамият шаклларини тугатиш;

🔹юридик шахсларни қўшиб юбориш, қўшиб олиш ва ташкилий-ҳуқуқий шаклини ўзгартириш орқали қайта ташкил этишда корхоналарнинг ҳуқуқ ва мажбуриятлари топшириш ҳужжатида акс эттирилган ёки акс эттирилмаганлигидан қатъи назар қайта ташкил этилаётган юридик шахсга ўтказилиши;

🔹корпоратив шартнома, консорциум ва консорциум шартномаси каби институтларнинг ҳуқуқий мақомини белгилаш;

🔹масъулияти чекланган жамиятларнинг таъсис шартномасини давлат рўйхатидан ўтказиш ҳақидаги талабни бекор қилиш;

🔹хўжалик жамиятлари кузатув кенгашларининг акциялар, корпоратив облигациялар ва бошқа қимматли қоғозларни чиқариш тўғрисидаги қарорларини ҳуқуқий ҳужжатларга мувофиқ муҳим факт сифатида ошкор этиш;

🔹қимматли қоғозлар бозорини тартибга солиш бўйича ваколатли давлат органи томонидан қимматли қоғозлар чиқарилиши давлат рўйхатидан ўтказилганлиги, шунингдек қимматли қоғозлар бозорида профессионал фаолиятни амалга оширишга доир лицензия берилганлигига тааллуқли ахборотни эълон қилиш.

Каналга уланиш👇👇👇
https://t.me/Bekobod_tuman_YXKM

94 0 0

Bekobod tuman Yuridik xizmat ko'rsatish markazi

8 Feb, 11:29

#Амал_қилинг

🔖Қонунчиликка кўра, гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб кўп бўлмаган миқдорда қонунга хилоф равишда тайёрлаш, олиш, сақлаш, ташиш ёки жўнатиш, шунингдек уларни кўп бўлмаган миқдорда қонунга хилоф равишда ўтказиш 3 йилдан 5 йилгача озодликни чеклаш ёки 3 йилдан 5 йилгача озодликдан маҳрум қилиш билан жазоланади.

⚠️ Шунингдек, гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай, қонунга хилоф равишда тайёрлаш, сақлаш, эгаллаш, ташиш ёки жўнатиш БҲМнинг 50 бараваригача миқдордаги жаримадан тортиб 3 йилгача озодликдан маҳрум қилишгача бўлган жазо билан жазоланади.

‼️Қонунни билмаслик жавобгарликдан озод қилмайди...

Каналга уланиш👇👇👇
https://t.me/Bekobod_tuman_YXKM

79 0 0

Bekobod tuman Yuridik xizmat ko'rsatish markazi

7 Feb, 12:56

Репост из: Бекобод туман Адлия бўлими

⚔️ Бекобод туман адлия бўлими Ёш ҳуқуқшунослар таловига старт берилганлигини маълум қилади.

❗️ Танлов шартлари

🔹 Жамовий шакилда ўтказилади жамоа аъзолар сони 5 нафар ва захир сифатида 2 нафар иштирокчи бўлиши керак.

🔹 Бекобод туман умумтаълим мактаблари ўқувчилари бўлишлиги керак жамоалар аъзолари 1 мактабдан йиғилсин. Бир мактаб доирасида бир неча жамоалар тузилишига рухсат этилади.

🔹 Ҳакамлар ҳайати 4 кишидан иборат таркибда тузилиб 3 нафари Бекобод туман адлия бўлими ҳодимлари бўлса 1 нафари Бекобод туман мактабгача ва мактаб таълим бўлими масъул ҳодими бўлади.

🔹Жамоа аъзолари тузилиб белгиланган тартибда рўйхати Бекобод туман адлия бўлимига 2025-йил 15-февраль кунига қадар тақдим этилиши керак. Ўз вақтида жамолар тўғрисида маълумотларни тақдим этмаган жамолар танловда иштирок этиш ҳуқуқидан махрум этилади.

🔹 Танлов 2025-йил 17 февраль куни соат 14-00да Бекобод туман маданият бўлимида бўлади. Ўз вақтида келмаган жамолар танловда иштирок этишдан четлатилади.

🔹 Жамоларнинг ўз вақтида етиб келишини Бекобод туман мактабгача ва мактаб таълим бўлими масъул ҳодимлари ва Ёшлар етакчилари назорат қилади.

❗️ Танлов ўтказилиши тартиби:

🔹 Жамоалар аъзолари таништирув шарти. Унда иштирокчилар саҳна кўриниши шаклида аъзоларини танлов ҳакамлар хайатига таништиради. Ушбу шарт ҳам баҳоланади. Таништирув саҳна кўриниши ҳуқуқий кўринишда саҳналаштирилган тақдирда юқори баҳоланади. (баҳолар 1 балдан 5 балгача баҳоланади)

🔹Конституция билимдони. Бунда ҳакамлар томонидан жамонинг ҳар бири иштирокчисига биттадан конституция моддаларидан саволлар берилади, ҳар бир тўғри жавоб учун бир балдан жамога бал берилади.

🔹 Ҳуқуқий муаммога ечим. Ушбу шартда жамонинг сардори олдиндан мухирланган конвертларни танлаб ушбу конвертда мавжуд бўлган ҳуқуқий муамони барчага ўқиб эшитиради ва 1 дақиқадан сўнг жамо сардори ушбу саволни ўз жамоси билан мухокама қилганидан сўнг жавобини барча ўқиб эшитиради. Жавоб ҳуқуқий асослантирилганлиги тўлалиги ва аниқлигига қараб 1 балдан 5 балга қадар баҳоланади.

🔹Суд модели. Ушбу шартда жамоалар ҳар қандан процесуал харакатни саҳна кўриниши шаклида кўрсатиб бериши, саҳна кўриниши якунида ҳар қандай ҳуқуқбузарлик якуни салбий оқибатларга олиб келиши тўғрисида тушунча бериши керак. (Саҳна кўриниши муракаблиги, қонунчилик нормалари тўғри ишлатилганлиги ҳамда энг мухуми якунда ушбу салбий иллатларга қарши жамоанинг билдирга фикри 1 балдан 5 балга қадар баҳоланади.) Ушбу шартда захирадаги жамоа аъзолари ҳам бирга қатнашиши мумкун.

🔰 Тадбир якуни.

🔹 Хар бир шартда берилган бахолар қўшиб чиқилиши натижасида энг кўп бал жамғарган жамолар 1,2 ва 3 ўринларни қўлга киритишлари мумкун.

🔹Жамолар жамғарган баллар тенг бўлганда ҳакамлар томонидан ушбу жамо сардорларига 1 тадан савол берилади, қатнашувчи қайси жамоа сардори саволга жавоб бера олмагунга қадар давом этади. Хар бир тўғри жавоб учун жамога 1 балдан қўшиб борилади.

🔹Танлов ғолиб ва иштирокчиларини тақдирлаш Бекобод туман адлия бўлимининг I, II, III даражали дипломлари билан амалга оширилади.

☎️ Иштирок этмоқчи бўлганлар @YuristMusayev Телеграм аккаунтига мурожаат қилиб жамолар рўйхатларини беришлари мумкун.

☎️ Ишонч телефони 70-201-02-50 (ички рақам-2625)

Каналга уланиш👇👇👇
https://t.me/Bekobod_tuman_Adliya

48 0 2

Заработок с телеграм-канала

Доход с телеграм-канала

Деньги с телеграм-канала

Bekobod tuman Yuridik xizmat ko'rsatish markazi

Гео и язык канала

Категория

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

Bekobod tuman Yuridik xizmat ko'rsatish markazi

207

Популярное в канале

Язык сайта

Заработок с телеграм-канала

Доход с телеграм-канала

Деньги с телеграм-канала

Bekobod tuman Yuridik xizmat ko'rsatish markazi

Гео и язык канала

Категория

207

Популярное в канале