Bismillahir rohmanir rohiym
"Tilla amal" 15/45 - kun
"37x" paradoksi!
- Koʻpchiligimiz "Atom odatlar" kitobida keltirilgan "Agar har kuni 1% dan yaxshilana borsangiz 1 yildan soʻng oldingidan (1+0.01)³⁶⁵ ≈ 37 barobar yaxshiroq boʻla olasiz", degan fikrni oʻqiganmiz, hech boʻlmasa eshitganmiz.
Buni qanday bajarishimiz mumkin?
1. Bugunni 16-avgust deb olaylik, unda bugun 15-avgust kuni qilmagan kichik bir yaxshi amalni bajarishimiz kerak;
2. 17-avgust kuni esa aynan oʻsha amalga yana bir boshqa yaxshi amal qoʻshishimiz yoki 16-avgustdagisini biroz yaxshilashimiz kerak;
3. 18-, 19-, 20-avgust, 5-noyabr, 12-aprel kuni ham...
Ya'ni, bir yildan soʻng, 16-avgustda qilgan amalimiz hali hanuz mavjud boʻlib, u har kuni yaxshilanib borgan, yangi yaxshi amal unga hamroh boʻlgan, u ham takomillashib borgan yoki uning yoniga ham umuman boshqa bir yaxshi amal qoʻshilgan boʻlishi kerak. 365 kun esa hazilakam muddat emas!
Bir ojiz banda uchun bu imkonsizdek goʻyo. Har kuni yaxshilana boraverish mumkin albatta. Lekin oʻylashimcha 37 barobar emas. Shuning-chun sarlavhaga "
37x paradoksi" deb nom qoʻydim.
Har kuni yaxshilana borish borasida esa "
10000 soat qoidasi" "realniy"roqdek, ishlaydigandek nazarimda.
Chunki bu muddat
10 yillik, har kuni oʻrtacha 3 soatlik, bir yoʻnalishdagi mehnat ta'riflanishi hisoblanadi.
Shunday ekan, moʻljalni joyiga uring. 10 ta kasbni 1 yildan emas, 1 ta kasbni 10 yil oʻrganing - mutaxassis boʻlasiz!
Harakat bizdan, natija esa Allohdan (* oʻylab qarasak oʻsha harakat bilan ta'minlovchi ham Alloh hisoblanadi).
Shunday ekan natijani oldindan hisoblab, kelajakni bashorat qilishga urinishga, "
Men unday qilaman, bunday qilaman" deb kibrlanishga ham hojat yoʻq deb oʻylayman.
Ilm, Navoiy senga maqsud bil,
Emdiki, ilm o’ldi, amal aylagil.
