Банкир

Энди ўзига ўзи кредит беришни тақиқлаш мумкин

Сенат фуқароларга ўзлари учун кредит олишни тақиқлаб қўйиш бўйича қонунни қабул қилди.

Янги қонун орқали жисмоний шахсларга кредит битимларини тузишга тақиқ белгилаш ва уни олиб ташлаш ҳуқуқи тақдим этилади.

Бу эса уларнинг иштирокисиз ёки хабарисиз кредит битимини расмийлаштириш билан боғлиқ фирибгарлик ҳолатларининг олдини олишга ёрдам беради.

@bankir

❗️Олтин троя унцияси учун 2 950 долларлик чегарадан ўтиб, тарихий рекордни янгилади.

Goldman Sachs йил охирида нарх 3 100 доллар атрофида бўлишини прогноз қилмоқда.

@bankir

Доллар тушади

21 февраль куни амал қиладиган доллар курси 🔽19-20 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Poytaxtbank — 12 930
BRB — 12 920
Asakabank — 12 920
Mikrokreditbank — 12 920

Банклардан долларни сотиб олиш бўйича энг яхши курслар:

Anorbank — 12 955
Trastbank — 12 955
Poytaxtbank — 12 960
Davrbank — 12 960

@bankir

Омонат миқдори 200 млн сўмдан ошса, қандай кафолатланади?

Омонатларни кафолатлаш бўйича янги қонунга Марказий банк томонидан изоҳ берилди.

Кафолатланган омонат миқдори 200 млн сўмни ташкил этади дегани, банкка ундан кўпроқ пул қўйиш мумкин эмаслигини англатмайди. Аксинча пулларни банкда сақлаш, уларни уйда сақлашдан анча хавфсиз ва манфаатли

Омонатни бу миқдорда кафолатлаш эса фақатгина банк тугатилган тақдирдагина қўлланилади.

Бошқа ҳолларда банклар омонатлар бўйича ўз мажбуриятларини шартнома асосида бажаришда давом этади.

Омонатларни кафолатлаш учун 200 млн сўмлик лимит нима учун керак?

Бу саволга регулятор мазкур чегара банкларни юқори фоиз ставка билан эмас, балки барқарор фаолият билан рақобатлашишга ундай дея жавоб берди.

Эслатиб ўтамиз, февраль ойидан бошлаб узоқ вақтдан бери мавжуд бўлган 27 фоизлик омонатлар таклифи тўхтади.

@bankir

Энг кам фоизли автокредитлар

Банкир ҳозирги кунда банклар томонидан таклиф этилаётган автокредитлар шартларини ўрганиб чиқди. Унга кўра, қуйидаги банкларда камроқ фоизли автокредитлар ажратилмоқда:

🏦BRB
Фоиз ставкаси — 1-25 фоиз
Муддати — 5 йилгача
Кредит суммаси — келишув асосида
Бошланғич тўлов — 25-50 фоиз
Батафсил

🏦Tengebank
Фоиз ставкаси — 5 фоиз
Муддати — 2 йилгача
Кредит суммаси — 5 млн сўмдан бошлаб
Бошланғич тўлов — 50 фоиз
Батафсил

🏦Asia Alliance Bank
Фоиз ставкаси — 5,89 фоиздан бошлаб
Муддати — 4 йилгача
Кредит суммаси — 5 млн сўмдан бошлаб
Бошланғич тўлов — 15 фоиздан бошлаб
Батафсил

🏦BRB
Фоиз ставкаси — 5,99-20,5 фоиз
Муддати — 4 йилгача
Кредит суммаси — 85% миқдоргача
Бошланғич тўлов — 15 фоиз
Батафсил

🏦Aloqabank
Фоиз ставкаси — 14,99-24,99 фоиз
Муддати — 3-5 йил
Кредит суммаси — чекланмаган
Бошланғич тўлов — 25 фоиздан бошлаб
Батафсил

🏦Ipak Yo‘li Bank
Фоиз ставкаси — 16,9 фоиздан бошлаб
Муддати — 4 йилгача
Кредит суммаси — 1 млн сўмдан бошлаб чекланмаган
Бошланғич тўлов — 15 фоиздан бошлаб
Батафсил

@bankir

Омонатлар ҳақидаги янги қонун билан нималар ўзгарди?

“Банклардаги омонатларни ҳимоя қилиш кафолатлари тўғрисида”ги қонунга бир қанча ўзгартиришлар киритилди.

Эндиликда банкларда омонатларнинг 200 млн сўмгача бўлган қисми кафолатланади.

Бу чегара ҳар бир банк учун алоҳида амал қилади. Мисол учун омонатчи 10 та банкда 200 млн сўмдан жами 2 млрд сўм пулини кафолатлаши мумкин.

2026 йилдан эътиборан банклар омонатларни 15 кун ичида, 2027 йилдан эса 7 кун ичида мижозларга қайтариши мажбурий бўлади.

Бу муддат аввал 83 кун эди.

Бундан ташқари энди фақат жисмоний шахслар эмас, юридик шахслар омонатлари ҳам кафолатланади.

Маълумот учун, айни пайтда банкдаги омонатчиларнинг 99,7 фоизи 200 млн сўмдан камроқ омонатларга эга.

@bankir

Доллар тушади

20 февраль куни амал қиладиган доллар курси 🔽19-20 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Universalbank — 12 950
BRB — 12 940
Asakabank — 12 940
Ipotekabank — 12 935

Банклардан долларни сотиб олиш бўйича энг яхши курслар:

Poytaxtbank — 12 970
Trastbank — 12 975
Anorbank — 12 975
Davrbank — 12 980

@bankir

“Алоқабанк” ёшларга кредит беради

Президент қарори билан “Алоқабанк” таянч “ёшлар банки” этиб белгиланмоқда. Банк томонидан ёшларга кредит таклиф қилинади.

☯️18 ёшга тўлган ва 30 ёшдан ошмаган ўзини ўзи банд қилган ёшларга онлайн шаклда 100 млн сўмгача микроқарз ажратилади.

Микроқарз 7 йиллик имтиёзли давр билан берилади. Бунда ўзини ўзи банд қилган ёшлар ижтимоий солиқ (йиллик 375 000 сўм) тўлаган бўлиши керак.

☯️“Ёшлар учун иш ўринлари” лойиҳаси асосида ЯТТ сифатида фаолият юритувчи ёшларга ёки таъсисчилари ёш фуқаролар бўлган юридик шахсларга 5 млрд сўмгача кредит берилади.

Бу ҳам 7 йиллик имтиёзли давр билан ажратилади. Фақат кредит олувчиларда камида 20 та иш ўрни яратишни кўзда тутган лойиҳалар бўлиши керак.

2025 йил 1 апрелгача “Ёш тадбиркорлар” рақамли платформаси жорий этилади.

@bankir

Банклар раҳбариятига боғлиқ янгиликлар

🏦Ҳасанжон Аҳмедов “Халқ банки” Бошқарув раиси ўринбосари этиб тайинланди. У бунга қадар “СҚБ”, “Ипотекабанк” ва “Халқ банки”нинг ўзида турли раҳбарлик лавозимларида ишлаган.

🏦Бекзод Тангматов “Асакабанк” Бошқарув раиси ўринбосари лавозимидан кетди. У бу лавозимга 2024 йилнинг сентябрь ойида тайинланган эди.

🏦“Ҳаёт банк” асосий акциядори, “Ўзбекистон” меҳмонхонаси ва “Пахтакор” клубининг собиқ эгаси Ботир Раҳимов Ўзбекистон теннис федерацияси раисига айланди.

🏦“Миллий банк” Бошқарув раиси Алишер Мирсоатов Ўзбекистон қишки спорт турлари ассоциацияси раиси этиб сайланди.

💳Бундан ташқари, “Мароқанд” тўлов ташкилоти (UPay савдо белгиси) асосчиларидан бири Беҳзод Ботиров Payway тўлов ташкилоти директорига айланди.

@bankir

Доллар тушади

19 февраль куни амал қиладиган доллар курси 🔽11-12 сўм атрофидa пасайиши прогноз қилинмоқда

Банкларга долларни сотиш бўйича энг яхши курслар:

Universalbank — 12 960
Poytaxtbank — 12 950
Asakabank — 12 950
BRB — 12 950

Банклардан долларни сотиб олиш бўйича энг яхши курслар:

Anorbank — 12 985
Trastbank — 12 985
Poytaxtbank — 12 985
Asia Alliance Bank — 12 985

@bankir

2025 йилда Ўзбекистон иқтисодиётида қандай хатарлар бўлиши мумкин?

Марказий банк пул-кредит сиёсати шарҳида Ўзбекистон иқтисодиётига таъсир қилиши мумкин бўлган бир қанча хатарларни санади.

Ташқи ноаниқликлар

Дунёда протекционистик (божлар қўйиш) сиёсатни қўллаб-қувватловчи давлатлар кўпаймоқда. Айниқса АҚШнинг бир қанча маҳсулотларга бож жорий қилиш сиёсати жаҳон иқтисодиётига жиддий таъсир қилади.

Глобал савдодаги чекловлар натижасида халқаро таъминот занжирларида муаммолар юзага келиши мумкин. Бу эса нархлар ошишига босимни юзага келтиради.

Буларнинг барчаси Ўзбекистонга ҳам таъсир қилади.

Ички ноаниқликлар

2025 йилда энергия ислоҳотининг навбатдаги босқичи амалга оширилади. Бунда юридик шахслар учун ҳам энергия таърифлари оширилади.

Натижада ишлаб чиқариш харажатлари ошади. Бу эса инфляцияга сезиларли таъсир қилади.

Апрел ойида газ тўлдириш компрессор шаҳобчалари учун табиий газ улгуржи нархи оширилади.

Бу эса транспорт харажатларини қимматлашиши орқали маҳсулотлар нархи сезиларли кўтарилишига олиб келиши мумкин.

Иқлим ўзгариши бўйича хатарлар

Тадқиқотларга кўра, глобал ҳароратнинг 1C га ортиши, жаҳон иқтисодиётини 12 фоизга қисқаришига олиб келади.

Ўзбекистон учун иқлим ўзгариши асосий муаммолардан бири ҳисобланади.

Мамлакат иқтисодиётда ҳамон кўмирдан фойдаланишни қисқартираётгани йўқ. Кўмир иқлим ўзгаришининг асосий омилларидан бири ҳисобланади.

Бироқ, сўнгги йилларда кўмир ишлаб чиқариш ҳар йили юқори суръатларда ўсиб бормоқда.

Иқлим билан боғлиқ хатарлар банк тизимида ҳам молиявий хатарларни юзага келтиради.

Шундай қилиб 2025 йилда Ўзбекистон иқтисодиётига жиддий таъсир қилувчи бир қанча хатарлар мавжуд. Ҳукумат буларни ҳисобга олиб чоралар кўриши керак.

@bankir