Havzalarni bahor mavsumiga tayyorlashning 4 bosqichi✔️ Sunʼiy suv havzalarini bahor mavsumiga tayyorlash baliqchilikda
muhim ahamiyat kasb etib, bir nechta bosqichlarda amalga oshiriladi.
1️⃣ Havzani suv bilan to‘ldirishdan oldin tubi
begona o‘tlardan, shox-shabbalardan va balchiq qatlamidan tozalanadi, suvni kalsiyga boyitish maqsadida
ohak solinadi.
Hovuzlarni ohaklashdan maqsad, suvning kislotaliligini pasaytirish, azot to‘plovchi foydali bakteriyalarning rivojlanishi va tuproqning tarkibini yaxshilashdir. Ohakning hovuzga solinish miqdori suvning sifatiga, tuproqning xususiyatiga hamda hovuzning holatiga bog‘liq. (gektariga 120-200 kg).2️⃣ Bahorda hovuzga suv quyishdan avval
organik o‘g‘it solish jarayoni amalga oshirilib, baliqlar uchun tabiiy ozuqa manbai (fitoplankton va zooplaktonlar) ko‘paytirish uchun sharoit yaratiladi.
Bu holatda baliqchi iqtisodiy jihatdan ozuqa tejashga erishadi. Planktonlarga boy o‘g‘itlangan suvlarni hovuzlardan oqib ketmasligi uchun suv almashinuvini kamaytirish, o‘tlarning o‘sib ketishiga yo‘l qo‘ymaslik, suv yuzasini o‘t qoplashi 30 % dan oshmasligiga eʼtibor qaratish lozim. 3️⃣ Mineral o‘g‘itlarni hovuzlarga
suv quyilgandan keyin xarorat +8 0S dan oshganda qo‘llash tavsiya etiladi.
4️⃣ Yuqoridagi tadbirlar amalga oshirilgandan so‘ng, suvning
harorati +18 S dan oshganda, o‘g‘itlash hisobiga hosil bo‘lgan tabiiy ozuqalar
(planktonlar, zooplanktonlar, fitoplanktonlar) rivojlangandan keyin hovuzlarni
baliqlantirish maqsadga muvofiq hisoblanadi.
❗️
Taʼkidlash kerakki, sunʼiy suv havzalarining suv kirish qismiga
kichik katakli to‘rlar o‘rnatish orqali havzaga turli xil
begona baliqlar kirib qolishining oldini olish mumkin.
↔️ Ushbu tadbirlarni o‘z vaqtida va belgilangan tartibda amalga oshirish nafaqat baliqlarni turli xil
zararkunanda va kasalliklardan saqlashga balki,
hosildorlikni bir muncha oshirish hamda baliq
tannarxini pasaytirishga erishish mumkin.
🌐 Websayt | 📱 Telegram | 📱
Facebook | 😍
Bot