Azizulloh's Blog | Ey yigit,oʻqi!

Bu narsalar menga kerakmi?

Ko‘pchiligimiz shunchaki ko‘proq narsaga ega bo‘lishga intilamiz. Ko‘proq ma’lumot, ko‘proq qurilmalar, ko‘proq ilovalar, ko‘proq imkoniyatlar… Ammo bu ortiqcha yuk emasmi? Bugun Netflix’ning “Minimalism” hujjatli filmini ko'rib chiqdim va xulosalarim bilan bo'lishmoqchiman. Ushbu film hayotimizni soddalashtirish va haqiqatan ham muhim bo‘lgan narsalarga e’tibor qaratish haqida hikoya qiladi. Ayni bizni soha vakillari uchun ham foydali bo'ladi degan umiddaman.

Minimalizm faqat buyumlarni kamaytirish emas. Bu miyaning ortiqcha yuklardan ozod bo‘lishi, vaqt va energiyani eng muhim narsalarga yo‘naltirishdir.

Biz tezkor axborot asrida yashayapmiz. Ma’lumotlar oqimi juda katta, biz esa bu oqim ichida yo‘qolib qolyapmiz. Tadqiqotlarga ko‘ra, odamlar kuniga 150 martadan ko‘proq telefonlarini tekshirishar ekan. Ko‘chalarda, metroda yoki avtobusda buni aniq ko‘rish mumkin. Go'yoki matritsaga tushib qolganmiz.

O‘z ishimizga, hayotimizga va maqsadlarimizga minimalistik yondashish orqali biz ortiqcha tanlov, stress va chalg‘ituvchi omillardan xalos bo‘lamiz. Qancha kam bo‘lsa – shuncha aniqroq qaror, shuncha kam muammo, shuncha tinch hayot.

Minimalistik yondashuvni qanday qo‘llash mumkin?
🔹 Telefon va ilovalaringizni tartibga soling – Haqiqatan ham kerak bo‘lganlarini qoldiring, qolgani vaqtingizni o‘g‘irlaydi.
🔹 Ijtimoiy tarmoqlardagi shovqinni kamaytiring – Har xil kanallar, postlar, xabarlar miyani ortiqcha ma'lumotlarga ular esa keshga to'ldiradi.
🔹 Eng muhim narsalarga fokus qarating – Ko‘p narsani qilishga harakat qilish o‘rniga, asosiy 2-3 maqsadga diqqat qarating.
🔹 Ortib borayotgan shovqinga berilmang – Ko‘pchilik qayerga qarasa, siz ham o‘sha tomonga qarashingiz shart emas. O‘z yo‘lingizni toping.

Filmda Patrick Rhone'ning quyidagi fikri menga juda yoqdi(mohiyatni buzib qo'ymaslik uchun tarjima qilmadim):

Вы можете делать все, что хотите, вы потенциально можете делать все, что хотите. Hо чтобы делать все, что вы хотите, вы должны жертвовать вещами, которые действительно важны.

Haqiqiy erkinlik – bu hamma narsani olish emas, kerak bo‘lmaganidan voz kechishdir. 💡

Siz qanday minimalistik odatlarni hayotingizga tatbiq qilgansiz? Fikrlaringizni izohlarda kutib qolaman! 👇

@blogolimjanov