Arnasoy.uz | Rasmiy kanal

Arnasoyda Jamoat parki harbiy texnika eksponatlari bilan boyitilmoqda

Arnasoy tumanida aholi madaniy hordiq chiqarishi uchun mo‘ljallangan zamonaviy Jamoat parki qurilishi qizg‘in sur’atlarda davom etmoqda. G‘afur G‘ulom mahalla fuqarolar yig‘ini hududida joylashgan, 4,5 gektar maydonni qamrab olgan ushbu parkda aholiga keng qamrovli qulayliklar yaratish ko‘zda tutilgan.

Jumladan, amfiteatr, basseyn va qayiqchalar, savdo do‘konlari, bolalar uchun batutlar, piyodalar yo‘lakchalari, mehmonxona hamda avtoturargoh kabi zamonaviy infratuzilmalar barpo etilmoqda.

Parkning yana bir muhim jihati shundaki, yoshlar o‘rtasida harbiy-vatanparvarlik ruhini oshirish maqsadida Arnasoy tumani hokimi Odil Musanov tashabbusi bilan jamoat bog‘iga eksponat sifatida tarixiy va zamonaviy harbiy texnikalar joylashtirilmoqda.

Xususan, bugungi kunda Jizzax viloyati harbiy okrugidan maxsus olib kelingan qator harbiy texnikalar jamoat bog‘iga o‘rnatilmoqda. Ular orasida diametri 100 millimetr bo‘lgan MT-100 pushka, havo-razvedka ishlari hamda harbiy desantlarni tashishga mo‘ljallangan MI-8 vertolyoti, shuningdek, T-64 rusumli tank kabi eksponatlar mavjud.

Ushbu texnikalar nafaqat yoshlarni vatanparvarlik ruhida tarbiyalash bilan bir qatorda ekspozitsiya vazifasini ham bajaradi. Ular orqali yosh avlodda yurt himoyasiga bo‘lgan mas’uliyat hissi, vatanparvarlik tuyg‘ulari va harbiy-tarixiy merosga nisbatan hurmat yanada oshishi shubhasiz.

Yaqin kunlarda qurilish ishlari to‘liq yakunlanib, Jamoat parki Arnasoy tumani aholisi hamda mehmonlari uchun sevimli dam olish va ma’rifiy hududga aylanishi kutilmoqda.

🌐 Ijtimoiy tarmoqdagi rasmiy sahifalarimiz⭕️
💬web-sayt.🚀Telegram. 📷Instagram. 🔵 Facebook.  🎬 You tube

Arnasoy tumanida 32 ta zamonaviy g‘alla o‘rish kombaynlari mavsumga shay

Arnasoy tumanida 2025-yilgi g‘alla o‘rim-yig‘imi mavsumiga qizg‘in tayyorgarlik ishlari olib borilmoqda. Tumandagi mehnatsevar, tajribali dehqonlar hosildorlikni oshirish, ekinlardan yuqori va sifatli natijalar olish maqsadida muntazam sa’y-harakat qilmoqdalar.
Joriy yilda Arnasoy tumanida 15 ta fermer xo‘jaliklari uyushmasi tarkibidagi 360 ta fermer xo‘jaliklari tomonidan 8800 gektar sug‘oriladigan yer maydonlariga boshoqli don ekinlari ekildi.
Mutasaddilar va mutaxassislar tomonidan olib borilgan ilmiy yondashuv, agrotexnika talablariga to‘liq amal qilish, zamonaviy qishloq xo‘jaligi texnikasidan samarali foydalanish orqali 23 ming tonnadan ortiq hosil yig‘ib olinishi kutilmoqda.
G‘alla yig‘im-terim mavsumini to‘liq va uzluksiz tashkil etish maqsadida “O‘zagroinspeksiya”ning Arnasoy tumanida mavjud 32 ta zamonaviy g‘alla o‘rish kombaynlari to‘liq texnik ko‘rikdan o‘tkazildi. Ularga maxsus sertifikatlar taqdim etildi va har bir texnika mavsum mobaynida xavfsiz hamda samarali ishlashi uchun barcha shart-sharoitlar yaratildi.
Kombaynlarni tayyorlash va ta’mirlash ishlariga 1,5 milliard so‘mdan ortiq mablag‘ yo‘naltirildi. Bu mablag‘ hisobiga eskirgan qismlar yangilanib, muhandislik va elektr tizimlari tekshirildi, yangi ehtiyot qismlar bilan ta’minlandi. Shu bilan birga, mavsumda texnik muammolar yuzaga kelmasligi uchun har bir kombayn 10 kilometr masofada amaliy sinovdan o‘tkazildi.
Mavsumni qisqa muddatda, samarali va betalofat o‘tkazish maqsadida tumanda 15 ta maxsus uyushma otryadlari tashkil etildi. Bular orasida haydovchilar, texnik xizmat ko‘rsatuvchilar, logistika mutaxassislari va boshqa yordamchi xizmat xodimlari mavjud. Ular "Mexanizatorlar uyi" qoshida tashkil etilgan ko‘chma texnik xizmat guruhlari bilan hamkorlikda faoliyat yuritadi. Ushbu guruhlar g‘alla o‘rish jarayonida kombaynlardan unumli foydalanish, tezkor ta’mirlash va xizmat ko‘rsatish vazifalarini bajaradi.
Yoqilg‘i-moylash materiallari bilan ta’minlash ham mavsumning muhim yo‘nalishlaridan biri sanaladi. Bu yo‘nalishda ham tegishli ishlar amalga oshirildi — zarur zaxira yaratilib, uskunalar uzluksiz ravishda yoqilg‘i va moy bilan ta’minlanadigan mexanizmga o‘tkazildi. Bu esa g‘alla o‘rim jarayonida birortamiz kombayn faoliyati to‘xtab qolmasligini kafolatlaydi.
Ayni paytda Arnasoy tumanida 1 ta don qabul qilish shoxobchasi ham to‘liq mavsumga tayyor holatga keltirildi. Ushbu qabul punktlarining saqlash sig‘imi 50 ming tonnaga yaqin bo‘lib, yig‘ilgan hosilni to‘g‘ri saqlash va qayta ishlash uchun barcha shart-sharoitlarga ega. Don qabul qilish, saralash va yuklash-tushirish ishlari mexanikalashtirilgan bo‘lib, har kuni minglab tonna hosilni qabul qilish imkoniyatiga ega.
Shu tariqa, Arnasoy tumanida 2025-yilgi g‘alla mavsumiga tayyorgarlik yuqori saviyada tashkil etildi. Barcha sohalarda tizimli ishlar olib borilib, mavsumda yuzaga kelishi mumkin bo‘lgan muammolarning oldi olindi.

🌐 Ijtimoiy tarmoqdagi rasmiy sahifalarimiz⭕️
💬web-sayt.🚀Telegram. 📷Instagram. 🔵 Facebook.  🎬 You tube

⚽️Arnasoy tumani mahalla yoshlari o‘rtasida  sportning MINI FUTBOL turi bo‘yicha, 🏆Davlat Xavfsizlik xizmati kubogi musobaqasining guruh bosqichlari qizg'in pallada.

♻️ "Chinobod" va "Bo'ston" mahallalari yoshlari o‘rtasida futbol musobaqasi jarayonlari.

Yakuniy natija bo‘yicha hisob 1-1  bilan Chinobod MFY jamoasi penaltilar seriyasida 3-2g'olib bo'ldilar etildi.

Musobaqaning keyingi yarim final va final bahslarida jamoalarga omad tilaymiz.

🔍Quyidagi havolani bosing va Arnasoy tumani hokimligi telegram kanaliga qo'shiling👇👇👇
❤️
👉https://t.me/Arnasoy_yoshlar_agentligi

🌐 Ijtimoiy tarmoqdagi rasmiy sahifalarimiz:⭕️
💬web-sayt.🚀Telegram. 📷Instagram. 🔵 Facebook.  🎬 You tube