Alixonov Sharifxon

Farzandlaringiz bilan suhbatlashish uchun munosib vaqtni tanlay bilish juda muhimdir. Har bir ota-ona bunga alohida ahamiyat qaratishi kerak. «Men beradigan tarbiyamni berdim, aytishim kerak bo‘lgan gapni gapirdim, bo‘ldi» qabilida ish tuta olmaymiz. Ba’zan gap yoqadigan, yoqmaydigan vaqtlar bo‘ladi. Ota-onalar ham, bolalar ham bir-birlarini eshitib tinglaydigan, paytini poylab, kayfiyatga qarab gapiradigan vaqtni belgilab olishlari kerak.

"Farzand tarbiyasida 700 saboq" kitobidan

O'zbekistonda 2024-yilda eng ko'p maosh qaysi sohalarda ekanligi natijalarni e'lon qilinibdi. Unga ko'ra eng yuqori maosh to‘lanadigan sohalar:

🔺 Moliya sohasi – 15,2 mln so‘m
🔺 Aloqa sohasi – 13,1 mln so‘m
🔺 Transport sohasi – 8,1 mln so‘m

O‘rtacha darajadagi maoshlar:

🔸 Sanoat – 6,4 mln so‘m
🔸 Savdo – 6,2 mln so‘m
🔸 Qurilish – 5,9 mln so‘m

Eng kam maosh oladigan sohalar:

🔻 Sog‘liqni saqlash – 3,4 mln so‘m
🔻 Ta’lim sohasi – 3,6 mln so‘m

Afsuski, doimgidek eng ko'p jonkuyar bo'lgan va ko'p zahmat chekadigan ta'lim va sog'liqni saqlash yana ohirgi o'rinlarda.

Xitoy Chatgptga raqobat qilish uchun Deepseek ilovasini ishlab chiqdi. Bu hozircha mutaxassislar fikricha Chatgptni ortda qoldiradi va uning pullik imkoniyatlaridan ko'ra kengroq foydalanish imkoniyatini beradi.

Ilovani yuklab ishlatib ko'rdim, Deepseekning o'zi yozishicha undagi ma'lumotlar 2021-yildan buyog'idagi ekan. Menimcha bu boshlanishi bo'lsa kerak.

Har doimgidek birinchi. Respekt!

Tarixiy kun🔥

Bugun barcha O'zbekiston futbol ishqibozlari o'yin ko'radigan kun. Chunki tarixda ilk bor O'zbekistonlik futbolchi kuchli 5 lik chempionatida eng kuchlisi bo'lgan Angliyada debyut (ilk o'yin) qiladi va asosiy tarkibda. Bo'libam 20 yoshlik bola, bosim kuchli chunki butun O'zbekiston va dunyo e'tibori hozir shu bolada shuni yengib olsa kifoya. Omad tilaymiz yuzi yorug' bo'lsin, xatosiz o'yin o'tkazsin.

Ha aytgancha o'yin 22:30 da boshlanadi.

Qishda bosh kiyim olib uni boshni isitish uchun foydalanadigan xalqning kosasi oqarmaydi.

©️Alisher Klichko

Tillaqatori milliardlab kub gazni uy isitish va ovqat pishirishga ishlatib yuboradigan xalqni kosasi oqarmaydi.


©️Alisher Qodirov

Tor joyda osh yeguncha,
Keng joyda musht ye.

Uzun postlar o'qiy olmaymiz, kitob o'qishga toqatimiz yo'q, youtubeda bir yoki ikki soatlik foydali podcastlar, suhbatlar, darslar ko'rmaymiz, negaki vaqtimizni oladi.

Lekin, instagramda soatlab reelslar ko'ramiz, youtubeda shortslarni ko'rib bir zumda bir soat yoki ikki soat vaqt o'tib ketganini bilmay qolamiz.

Aslida ikkalasi ham bir xil vaqtni oladi ammo biz kundan kunga yengil videolarga o'rganib qolmoqdamiz. Buning ortidan esa o'zimiz sezmagan holda sabrsiz bo'lib bormoqdamiz, diqqat bilan o'tirib bir ishni yarim soat ham qila olmaymiz.

Sizga qaysi biri muhim? Tanlov o'zingizda...!

Hozir olsang-bitta, sabr qilsang-ikkita...

Dadam rahmatli juda tadbirkor odam edilar. Bolalik paytlarimiz oldimizga bir idishda biror shirinlik yoki meva yo bo'lmasa hamyonlaridan bir nechta tanga pul chiqarib qo'yardilar. Keyin:" Kim hozir shundan olsa, faqat bitta oladi. Lekin nafsini tiyib bir soatdan keyin olsa, ikita oladi", derdilar. Biz ham dadamning gaplaridan kelib chiqib, ba'zida sabr qilib ikkita olsak, ba'zida meva yo shirinlik ko'zimizga chiroyli ko'rinib, o'sha zahoti bitta olib yeb qo'yardik. Mazaliligini bilgach esa: "Ex sabr qilsak bo'larkan, bir soargina sabr qilganimizda ikkita olgan bo'lardik, attang" deb afsuslanib qolardik.

Dadam bu odatlarini muntazam davom ettirdilar. Boshida bir soat bo‘lgan muddat keyin bir yarim soatga chiqdi. Bu muddatga hammamiz o'rganib, qo‘yilgan mukofotlardan ikkitadan oladigan bo‘lganimizda, muddat yana uzayib ikki soatga cho‘zildi. Keyin uch soat bo‘ldi. Ko‘p o‘tmay to‘rt soat, besh soatga cho‘zilib boraverdi. Har safar dadam biz yangi muddatga o‘rganib qolganimizni sezsalar muddatni orttiraverardilar.

Kunlar o‘tib muddatlar uzaygani sayin tajribamiz oshib, sabr qilishimiz osonlashdi. 4-5 soat biror narsani kutgan odamga yana bir soat ko‘proq kutish qiyinchilik tug‘dirmas ekan. Bora-bora 4-5 soatni pisand qilmay, yarim kun yoki bir kun o‘tgandan keyin ikkitadan oladigan bo‘ldik.

Zimmamizga Ramazon ro‘zasini tutish vaqti yetganda dadam bu ishni bizga Ramazonda sabr qilishni o‘rgatish uchun qilgan ekanliklarini anglab yetdik. Keyinchalik buni o‘zlari tasdiqlab: «Men Ramazonda qiynalmanglar, nafslaringizni bo‘ysundirishni o‘rganinglar, deb bosqichma-bosqich mana shu uslub bilan sizlarni tarbiyaladim. Mana, Allohning marhamati bilan bu tadbirim o‘z natijasini berdi», degan edilar.

Darhaqiqat, dadam qo‘llagan mana shu tadbir sabab Ramazonda ro‘za tutishimiz oson bo‘ldi. Nafaqat Ramazonda, balki boshqa ishlarda ham sabr qilishni o‘rgandik.

"Farzand tarbiyasida 700 saboq" kitobidan

Bolalik zo'r bo'lardi...
Sovuq suv ichsam onam urardi...

Chatgptga kitob haqida nima deysan ijobiy va salbiy tomonlarini keltirib ber deb savol berganimga uning javobi

"

Farzand tarbiyasida 700 saboq" kitobi tarbiya, ahloq va bolalarni ma’naviy rivojlantirishga bag‘ishlangan kitoblardan biri bo‘lib, o‘zbek oilalari orasida mashhur. Quyida uning ijobiy va salbiy tomonlarini tahlil qilamiz:

Ijobiy tomonlari

1. Amaliy maslahatlar: Kitob bolalar tarbiyasida kundalik hayotda qo‘llash mumkin bo‘lgan ko‘plab maslahatlarni taqdim etadi. Bu ota-onalarga aniq ko‘rsatmalar beradi.


2. Islomiy nuqtai nazar: Kitobning mazmuni ko‘p hollarda Islomiy qadriyatlar asosida yozilgan, bu esa musulmon oilalari uchun dolzarb va qimmatli hisoblanadi.


3. Boy tajriba: Ushbu kitobni yozgan muallif farzand tarbiyasi sohasida tajribali bo‘lib, real hayotdan olingan misollar keltiradi. Bu ota-onalarni hayotiy vaziyatlarda qanday yo‘l tutish kerakligi haqida o‘ylashga undaydi.


4. Oddiy va tushunarli uslub: Matn oddiy til va iboralar orqali tushuntirilgan, bu esa barcha yoshdagi o‘quvchilar uchun qulay.



Salbiy tomonlari

1. Hozirgi davrga mos kelmaslik: Ba’zi maslahatlar yoki usullar zamonaviy tarbiya prinsiplari bilan mos kelmasligi mumkin, ayniqsa, texnologiyalar davrida.


2. Qat’iylik: Kitobdagi ba’zi tavsiyalar ancha qat’iy bo‘lib, bolalar va ota-onalar o‘rtasida murosaga olib kelmasligi mumkin.


3. Tanqidiy fikrlash yetishmasligi: Kitobda barcha maslahatlar to‘g‘ri va yagona deb ko‘rsatiladi, lekin har bir oila o‘ziga xosdir va umumiy maslahatlar har doim ham ishlayvermaydi.


4. Qiyosiy yondashuv yo‘q: Zamonaviy psixologiya yoki boshqa ilmiy manbalar bilan solishtirma tahlil yetishmaydi, bu esa kitobni biroz bir tomonlama qiladi.



Xulosa

Agar oila Islomiy qadriyatlarga asoslangan hayot kechirsa, bu kitob ular uchun foydali bo‘lishi mumkin. Ammo zamonaviy tarbiya yondashuvlari bilan birga foydalanilganda, u yanada samarali natijalar beradi. Ota-onalarga maslahat: kitobdagi tavsiyalarni o‘z oilangiz sharoitlariga moslashtirishga harakat qiling.


Umuman olganda biron-bir kitob sotib olishdan avval u kitob haqida bilib olgan yaxshi bu ham vaqtingizni va naqtingizni tejaydi.

Boy olsa qullug' bo'lsin,
Kambag'al olsa qayerdan oldi.

#haqiqat #jumasuhbatidan

Uzatilayotgan qizga sarpo qilib beriladigan kerakli narsa bu toza ong, toza fikr. Bu qizning onasidan, otasidan oladigan eng katta meros. Bu chiroyli sarpo-suruq emas, bir dunyo kiyim emas, tilla brilliant emas.

#suhbatdan

Darvin taʼlimoti notoʻgʻri. Odam maymundan emas, maymun odamdan tarqagan. Oyogʻi yerdan uzilmaganlar odam boʻlib qolgan. Oyogʻi yerdan uzilganlar esa maymun boʻlib, daraxtga chiqib ketgan… Bu jarayon hamon davom etmoqda…

©️O'tkir Hoshimov

"Daftar hoshiyasidagi bitiklar" kitobidan