Alixonov Sharifxon

Bugun maktablarga ustozlar bilan birga bordik. Tarbiya masalasi yildan-yilga pastga qulamoqda deyish mumkin. Chunki, o'tkan yili ham borgan edim nisbatan yomon tomonga o'zgargan.


O'qituvchilarni o'g'il bolalar hurmat qilmaydi, gap tortishib ketish holati kuzatildi.

Qiz bolalar tarbiyasi esa biroz havotirga soldi, boisi birinchi qatorda bir qiz va bir yigit o'tiribdi bizku mayli hatto o'qituvchisi yonida turibdi bir-biriga ikkalasi qiliq qilib qo'lini ushlab o'tiribdi bu holatga bir necha marta guvoh bo'ldim.

Tarbiyaga e'tiborni yaxshiroq qaratmasak ahvolimiz achinarli holatga keladi. Chunki ertangi kungi farzandlarni aynan shular dunyoga keltiradi va tarbiya qiladi. Buning uchun esa har doim ta'kidlaydigan gapim har birimiz o'zimizdan boshlashimiz kerak.

Inson nazarini nima to'q qiladi?

Onlineking loyihasini anchadan buyon kuzatishim va har soni chiqishi bilan ko'rishim haqida yozgan edim. Kecha loyihaning yangi soni YouTube platformasiga joylandi. Suhbat @saidabror_umar domla bilan bo'lgan.

Har doimgidek ancha manfaatlik, kerakli mavzudagi dolzarb savollar asosida bo'libdi. Bu insonni ham o'zim anchadan buyon kuzatib boraman, kanalga ham fikrlaridan tashlab qo'yganman.

Qizig'i shundaki suhbat bo'ladi deb e'lon qo'yilganda men ham savol yo'llab qo'ygan edim va anashu savolim eng yaxshi savol deb topilibdi. Loyihada tashrif buyurgan insonga kitob sovg'a qilish an'anasi mavjud, shuningdek eng yaxshi savol egasiga ham ushbu kitob beriladi.

Ustozning dastxatlari tushirilgan va tilaklari yozilgan kitobni sovg'a tariqasida yaqin kunlarda qabul qilib olsam kerak. Men uchun kutilmagan va qadrli sovg'a bo'ladi, chunki loyihaga nisbatan ustozga hurmatim juda baland. Kutubxonamizga yana bir kitob tez orada qo'shiladi deb umid qilamiz.

Agar bironta mahallada mish-mish to'xtadi deyish - bugun quyosh chiqmadi deyish bilan barobar.

©️Ahmad Lutfiy Qozonchi ("O'gay ona" kitobidan)

Prezident farmoniga ko'ra endi sirtqi ta'lim bo'lmaydi. Bu degani Xususiy universitetlar faoliyatini to'xtatadi katta ehtimol. Chunki ulardagi o'qish asosan sirtqi shaklda edi, bundan buyog'iga maktab biznesiga o'tishmasa bo'ldida...)

Qayerga ketayotganingizni bilmasangiz, boradigan manzilingizni yoqtirmasligingiz ehtimoli katta.

©️Devis Bax "Latte omili"

Bugun qaysi she'r eng ko'p aytiladi deb o'ylaysizlar?

Albatta Muhammad Yusufning she'ri)

Agar kimgadur maslahat o'laroq biror gap aytkan bo'lsangiz, vaqtlar o'tib u sizni maslahatingizga teskari ish qilayotgan bo'lsa unga qayta o'sha maslahatni bermang. Chunki agar o'sha inson siz bergan maslahatni oladigan bo'lganda birinchisidayoq olgan bo'lar edi.

Qushlar o'zaro raqobat qiladigan narsalar ichida eng ko'pi joy uchun bo'lar ekan , ya'ni kasallik kelsa avval quyidagilarni so'ngra yuqoridagilarga ta'sir o'tkazishini inobatga olib qushlar yuqoriga ko'proq intilar ekan.

Insonlarda ham huddi shunday holat kuzatiladi ya'ni kambag'al, boshi tashvishdan chiqmaydiganlarga kasallik yuqish ehtimoli yuqori hisoblanar ekan .

P.s Bir jumla ham ishlatilar ekan: Kasallikdan-oqsuyak(boy) shamollasa, kambag'al vafot etadi.

Hayo ayolda go'zallik, erkakda esa fazilatdir.

Никоҳ — бу ҳиссиётга берилиб, ҳар жабҳада “бахтли интиҳо” билан тугаши кутиладиган романтик ҳикоя эмас.

Никоҳ — залворли лекин муқаддас бир аҳдлашувдир.
Аввало динда муқаддас, кейин эса жамиятда эътироф этилган бир масъулиятдир.
Бу йўлни фақат қалбида масъулият туйғуси бор инсонлар босиб ўта олади.

Аёл турмушга чиққанида аёллигини йўқотмайди.
Лекин “мен!” деган кибрни тарк қилиб, сукунат ва мулойимликни танлаши керак бўлади.
Чунки оила деган масканда ўжарлик, қайсарилик осойишталикни бузади, рахбарликни талашиш эса ҳамжиҳатликни яксон қилади.

Эркак эса оила қурганида куч билан эмас, ақл ва бағрикенглик билан бош бўлиши керак.
Оилага эътиборсизлик ва масъулиятдан қочиш эмас, балки посбонлик, ғамхўрлик ва етакчилик қилиши лозим.

Итоатли аёл — қадри паст хотин, дегани эмас.
Раҳбар эркак — зўравон эр, дегани эмас.
Ҳар бирининг мўтабар ўрни бор.
Ким ўзига тегишли чегарани бузса, аввало ўз ўрнини кейи эса ўзгаларни йўқотади.

Агар сен — аёл — бағрикенгликка, сабр-бардошга ва савобга умид билан яшай олишга ҳозир бўлмасанг, турмушга чиқишга шошилма!
Агар сен — эркак — ақл билан қарор чиқара олишга, уй ичини идора қилишга, муҳофаза қилишга ҳамда аҳдингга вафо қилиб яшашга тайёр бўлмасанг — турмуш қуришга шошилма!

Никоҳ — қучоқни ёки вақтни қарши жинс вакили билан тўлдириш эмас, балки бир миссияни — табиий инсоний вазифани — адо этишдир.

Ҳар ким Холиқ олдида ўз қилган ишлари учун жавоб беради — жуфти учун эмас.

Ҳа, никоҳ шартномаси ерда имзоланади, лекин унинг оқибати — икки абадий диёрнинг бири бўлади: ё мукофот, ёки жазо.

Шунинг учун, ўз қўлинг билан никоҳ шартномасини имзолашдан аввал, ўрнингни — масъулиятингни аниқ билиб ол.
Никоҳни муҳаббат сақламайди — никоҳни аҳдга вафо сақлайди.
Бу аҳд эса, йиллар билан эмас, ниятнинг софлиги ва холислиги билан ўлчанади.

Муҳаммад Азҳарий

@IkromSharif