#Хоразм_вилоят_Кенгаши

Бўлажак ҳуқуқшунос кўрик- танловнинг республика босқичига йўлланма олди

Ўзбекистон "Адолат" СДП ташаббуси билан ҳаётга татбиқ этилиб, ёшларнинг эътиборидан муносиб жой олиб келаётган "Конституция билимдони" республика кўрик - танловининг шаҳар, туман ва вилоят босқичлари кўтаринкилик билан ташкил этилмоқда.

Хусусан, Ал-Хоразмий номидаги Тошкент ахборот ва технологиялари университети Урганч филиалида ташкил этилган мазкур кўрик- танловнинг вилоят босқичи иштирокчиларнинг фаоллигида қизғин кечди.

Кўрик - танловнинг шартларини бажарилишини турли соҳа вакилларидан таркиб топган ҳакамлар ҳайъати ҳолисона баҳолаб боришди.

Биринчи ўринни Урганч тумани Юридик техникуми ўқувчиси Нозима Жуманиязова қўлга киритиб, танловнинг республика босқичига йўлланма олди.

Иккинчи ўринга Янгибозор туман 2-сон касб-хунар мактаби ўқувчиси Гулшода Рўзметова ва учинчи ўринга Янгиариқ туман 1-сон касб-хунар мактаби ўқувчиси Бехруз Ражаббоевлар лойиқ деб топилди.

Равшанбек Жуманиязов, ҳакамлар ҳайъати раиси.

- Танлов шартларини бажарилишини баҳолаш ва ғолибни аниқлаш жуда қийин кечди. Бир- биридан зукко, бир- биридан билимдон ғолиблик учун курашган ёшларни иқтидорини кўриб қойил қолдик. Кўрик- танловнинг келажаги порлоқ эканига яна бир бора амин бўлдик.

Нозима Жуманиязова, танлов ғолиби:

- Бугун ҳаётимда унутилмас кун бўлди. Ушбу кўрик-танловга иштирок этиш мақсадим амалга ошган бўлса, ғолиб бўлганим кўплаб орзуларимни ҳам амалга оширишимда ишонч бағишлади. Ўз устимда кўпроқ ишлаб, ўқиб ўрганиб, конституциявий билимларимни янада мустаҳкамлаб, танловнинг республика босқичида ҳам ғолибликни қўлга киритаман.

Бир сўз билан айтганда, партия томонидан ташкил этилаётган бу каби лойиҳа ва кўрик- танловлар юзлаб иқтидорли ёшларни кашф этиб, жамиятда муносиб ўринларни эгаллашларида хизмат қилади.

🌐 Adolat.uz |🔵 Facebook | 🚀Telegram |📷 Instagram |🐤  Twitter  | 🎬 YouTube