ملكة الكتب || Sakiyna

Kitob orqali bu jumla umuman boshqa bir maʼnoni anglatishini tushundim. Sal chuqurroq tafakkur qiladigan boʻlsak, dengizdan ajragan ya'ni bugʻlangan bir tomchi suv, avvaliga bugʻ boʻladi keyin boshqa bir manzilga yomgʻir boʻlib yogʻadi. U yerlarda tuproqqa singib qandaydir gullar yoki oʻsimliklar tanasida yuz ochadi, soʻngra yana bugʻlanib shu asnoda uning umri davomiylashadi. Ammo baribir bir kun oʻsha ajragan dengiziga yana qoʻshilib oqadi. Bunga qancha vaqt ketadi deb oʻylaysiz? Naq ikki ming yilda u oʻzi ajragan dengizga yetib borar ekan.
Ha, toʻgʻri oʻqidingiz naq ikki ming yil! Ungacha qanchadan qancha begona joylarda begona dengiz - u begona oʻsimliklar tanasida yuz ochadi. Inson ham tugʻilgan chogʻi dengizdan ajragan bir tomchi singari boʻladi. Uning oʻlish chogʻi esa oʻsha oʻzi ajragan dengizga qaytib borishidir. Qanday ajoyib oʻxshatish. Unga qadar qanchadan qancha zaxmatlar, qiyinchiliklar, toʼgʻriyu-egri yoʻllarni bosib oʻtadi, ammo borar joyi oʻsha "Dengiz"
Bu haqida soatlab gapirish, hatto kitoblar qoralash mumkin. Bu kitobni oʻqish orqali bundan ham ajoyib jumlalarning tavsifi bilan tanishamiz degan umiddaman. Kitobdan koʻchirma emas, kitobdagi satrlar taʼsirida hayolimdan oʻtgan fikrlarim mazmunini qisqacha bayon etdim.
Sizlarga ham ilingandimda...)

U erta otasidan ayrilgan va uni bu holat hayoti davomida to shu kunga qadar mahzun holda yurishga majbur etgan edi. Uni oila aʼzolari har sohada majburan oʻqitishar , oʻzi istamasa ham turli xil toʻgaraklarga qatnar edi. Uni qachon koʻrsam ham mahzun holda, kulsa ham koʻzlari doim mahzun edi. Maktabni shu asnoda bitirdi. 9 sinf paytlari u bilan unchalik ham koʻrishmas, unga aytadigan gaplarimni aytolmagan edim. U judayam yaxshi va iymonli edi. Namoz oʻqishni, Qurʼonni, masjidga chiqishni juda hohlar, doim harakatlaridan islomga qizishi sezilib turar edi. Maktabni tamomlaydigan yili onasi va opasi uni musiqa kollejiga oʻqishga kiritish haqida qaror qilishgan, ammo u rozi boʻlmagan edi. Turli xil gaplar, siquvga olishlar, hayotidan zerikkan bu hikoyamiz qahramonini bunga rozi boʻlishga majbur etgan, ammo u qayta-qayta bu yoʻldan hech qachon ketmasligini va qoʻshiq aytish, sanʼatkorlik unga umuman yoqmasligini aytardi. Vaqt orasida u stomatologiya laboratoriyasiga shogirdlikka tushgan va u yerdagi havo holatiga yaʼni kimyoviy moddalarning reaksiyasi va hidiga allergiyasi borligi sababli tark etgan edi. Maktabni tamomladi, onasi va opasi oʻzlarini qarorlarini maʼqullab uni musiqa kollejiga oʻqishga kiritishdi, ammo hikoyamiz qahramoni norozi va u ularga buni tushuntira olmadi. Vaqtlar oʻtdi. U chiroyli ovozi va goʻzal xulqi orqali koʻpchilikni nazariga tushdi va uni koʻp tanlovlarga taklif qila boshlashdi. Kundan kunga unga nimadir yoqmas, tinmay oʻzida qandaydir noqulaylik his qilar va bu hol uni holdan toydirayotganga oʻxshar edi. Tinmay bosh ogʻrigʻi va holsizlik sabab shifokor qabuliga borishdi.
Shifokor uni nafas yoʻlida va miyyasida oʻsimta borligini, oʻsimta qoʼshiq kuylagan sayin kattalashib borishini, nafas yoʻlidagi oʻsimtani tezroq olib tashlash kerakligini va bunga 700/800$ miqdoridagi pul zarurligini aytdi. Vaholanki ular musiqa kollejiga kiritish uchun 200/300$ atrofida pul sarflashgan edi. Allohimning ishlarini qarangki, u oʻzi hohlamay, ammo majburan qilayotgan ishidan shu yoʻl bilan qaytarilyapti. Subhan Alloh Allohim oʻzi unga shifo bersin. Va oʻzi hayrli qilgan ishlari bilan band qilsin.
Yana bir bor tushunib yetdimki, ming chiranma Robbimning aytgani boʻladi)

Albatta oxirgacha oʻqing!

1. Halqa (Akrom Malik)
2. Jangchi (Akrom Malik)
3. Islomga bagʻishlangan umr( Muhammad amin Muhammad Yusuf)
4. Sohilsiz dengiz( Ahmad Muhammad Tursun)
5. Ey qizim ( Shayx Ali Tantoviy)
6. Peshonamdagi nur ( Mehmet Olaqosh)
7.